خمس شغلات .. قبل الممات ( هع هع )

[Barleb]

مرحباً أخواتي


كيفكون .. أنشالله مبسوطين و مكيفين و مزهزهين و مدرمخين و مسطولين و محششين و مطفيين ؟

انا كذلك

يلا

كل واحد فيكون يكتبلنا خمس شغلات بيحب يعملون قبل ما يموت ..

أنا ببلش من عندي .. بما انو انا صاحب الموظوع

1- قابل فيديل كاسترو

2 سوق سيارة فيراري

3-نام ليلة عـ شاطئ هاواي

4- ألعب مبارة وحدي و حتى لو كانت تدريب مع فريق جوفينتوس الأيطالي

5 - أخترع جهاز الو علاقة بالكومبيوتر

.. هاتو لـ نشوف

[يمان Rooooonaldo]

1-حج
2-احفظ القران
3-اعملي زيارة عالسانتياغو برنابيو واحضر الكلاسيكو
4-اني يضل الحجي والحجة رضيانين علينا
5- اني موت وانا رضيان عن حالي وما اترك يذمتي شي

[Nirvana]

1. تأليف كتاب وترك أثر إلو قيمة في الحياة.
2. يكون عندي مسرح ولو كان صغير (مو شرط محترفين لو مسرح هواة حتى).
3. يصير عندي ولاد وعيلة وشوفن عم يكبرو .
4. أكون راضية عن نفسي دائما .. (وهالشي بدو متابعة على مدى الحياة).
5. بتركها مفتوحة .. لأنو كل يوم في شي جديد ..

[Barleb]

كاتب النص الأصلي : Nirvana

1. تأليف كتاب وترك أثر إلو قيمة في الحياة.
2. يكون عندي مسرح ولو كان صغير (مو شرط محترفين لو مسرح هواة حتى).
3. يصير عندي ولاد وعيلة وشوفن عم يكبرو .
4. أكون راضية عن نفسي دائما .. (وهالشي بدو متابعة على مدى الحياة).
5. بتركها مفتوحة .. لأنو كل يوم في شي جديد ..

welcome back Nirvana

[Nirvana]

كاتب النص الأصلي : Barleb

welcome back Nirvana

i'm glad to be here


كان عبالي أسألك ليش غيرت اسمك في الموقع ؟؟؟

هلا اذا ما بدك تحكي ما ضروري أعرف ..

[fofo besset syria]

بس خمس اشيا!!!!والله قليل!!!

اممممممممممممممم....

ما بعرف شو بدي ... ما بدي شي انا هيك مبسوطة وكلشي بدي اياه عم بعملو اول ما يخطر ببالي!!!


خلص انا جاهزة لموت لكن لأنه ساويت الي بدي اياه


لأ عنجد..

1.ارجع عسوريا وعيش فيها باقي حياتي وما اطلع منها ولا يوم

2.اعمل شغلة مهمة يضلو يتذكروني فيها الناس..

3.يكون الي صيدلية الي وسميهاwe care عقولة ريمي

4.اتشمت بهالواحد قبل ما موت و شوفو متبهدل حياتو وانا كمل حياتي مبسوطة مع الي ببالي..(ئولو امين)

5.شوف اخواني مبسوطين دايما

[MadMax]

بخجل قول شو الخمس شغلات
لما بترجع الشات ببقى بخبرك بيني و بينك

[Ashley]

أول الشي موضوع حلو يسلمو...

1-أعمل هيك شي شغلة يضلو الناس يتذكروني فيها..طبعا شغلة منيحة
2-انه ضل بالبلد يلي بحبه
3-أعمل شي مقلب هيك مرتب بكل الأشخاص يلي دايقوني
4-كون أحسن الناس
5-شوف شخص كتير غالي على قلبي طاقة على ما شوفه هيك شي يوم قبل ما موت أو حتى المحه (قولوا ان شاء الله)

[Remember Me]

1- كوني بحب الكمبيوتر وبعشقو : أخترعلي هيك شي برنامج فظيع يستعملو اناس كلون (يعني أفظع من الوندوز)
2- ترجع حبيبتي متل ما كانت ... وأرجع أحكي معها متل ما كنت ... لأنو عنجد أشتقتلها
3- راضي كل يلي زعلان مني ... لأنو موجاي على بالي موت وحدا زعلان مني
4- حج طبعا ... لأنو من زمان جاي على بالي أمسح كلشي تخبيصات خابصون بحياتي
5- ما بعرف بضيفها بكرا بس لكون صحيان منيح

[BL@CK]

أنا فكرت بالموضوع ما طلع معي خمس شغلات ,.

بس أهم شغلة أسويّا قبل ما موت ( مباشر ) ..

أدخن باكيت و أشرب دلة قهوة .. و بعدا أموت و أنا معبي راسي .. لإني إذا متت و أنا خرمان مشكلة . عويصة .

[hajoora]

خلص بختار اني ما اموت وبريح عمري وبعمل كل الشغلات شوي شوي

[Reemi]

كاتب النص الأصلي : fofo besset syria

3.يكون الي صيدلية الي وسميهاwe care عقولة ريمي

ولك يعدمني اياكي... حتى افكاري بتسرقيها ..مين قلك انو انا بسمحلك تاخدي الاسم تاع مشروعي للتخرج؟؟؟ حتى ولو انتي مساعدتني فيه

4.اتشمت بهالواحد قبل ما موت و شوفو متبهدل حياتو وانا كمل حياتي مبسوطة مع الي ببالي..(ئولو امين)

آآآآآآآآآآآآآآآآآآآآآآآآآ آآآمين....بس ما حاج شماتك اليوم ...؟ بس انا معك لازم نشمت ع المزبوط...

ما طلع معي خمس اشيا....

هوي شي واحد...بدي عيش بسلاااااااااااااااااااااا ااااااام ....!

[ما بعرف]

بصراحة اول ما شفت الموضوع انبسطت وقلت لحالي هيء بس خمس شغلات
بعدين جربت فكر ما ظبطت معي يعني وششش
تلخبطت الله وكيلكم
على كل اكتشفت انو الموضوع بدو شي خمس تيام لحالو
لهيك بردلكن خبر

[Barleb]

كاتب النص الأصلي : BL@CK

أنا فكرت بالموضوع ما طلع معي خمس شغلات ,.

بس أهم شغلة أسويّا قبل ما موت ( مباشر ) ..

أدخن باكيت و أشرب دلة قهوة .. و بعدا أموت و أنا معبي راسي .. لإني إذا متت و أنا خرمان مشكلة . عويصة .

يا سيدي يمكن انت اكتر واحد فهمت علي ..

أنا ما قصدت أنو يجي الواحد يكتب .. تكون امي رضيايني علي .. و كون أنا رضيان على حالي .. قصدي شغلة ما بتسمحلك الفرصةأو ما بتقدر تعملا أكتر من مرة بحياتك .. ..

وردة لـ أحلى عالم ..

عـ فكرة .. الفكرة .. مستمدة من كتاب ألف عمل سأقوم به قبل أن أموت *

[امير الاردن]

كاتب النص الأصلي : madmax

بخجل قول شو الخمس شغلات
لما بترجع الشات ببقى بخبرك بيني و بينك

بتستحي ليش عايش مو رجال انتا

[أسير التشرد]

ايــوه...
اول شي... يكون عندي قــوة بالفـرض...
تاني شي...الغي قانون الاعدام بكل البـلدان
تالت شي... ما اضل جـوعان ويكون عندي بــراد كبير فيو اكل كتير منشاني ومنشان كل واحد متشرد ...
رابع شي... التقي بالحبيبة بالرغم من كل الظروف..
خامس شي... أسـحق كل متطرف ووهـابي وتكفيري بكل مطرح بالعالم...

ويا هلا...

[The morning]

اول شغله اني انشر كتاب ( ادبــي ) يعني هي ضروري ضروري تصير قبل ما موت ..
بس يعني متل ما فهمت انو الموضوع ما شكلو معو وقت يعني هيك خمس شغلات عـالسريع لبين ما يوصـل عزرائيــل ..
بــحــجز عــاول طــياره نــازلــه عــالشام ..
بــحــرق تــيابي و كــل اغــراضــي و خــصيا الاشــيا الــعزيــزه كتــير ..
بـــتأكد انــو مــكانــي ( غرفــتي , بــيتي .. الخ) نضــيف و مــرتب .. و انــا نضــيفه و مــرتبه .. و بــصلي صــلاه اخــيره ..
يــمـكن !! انــتبـه انو يــمكن مــو اكــيد خــبر النــاس ( الــغالـين ) كــتير اشــيا مــا كــنت خــبرهــم يــاها ..
و اذا فــي وقــت فبــحاول اعــمل مــعظـم الــشغلات ( الخـطره ) الــي مــا سمــحتــلي الـظروف اعــملها (اركــب خيــل او الـقفز الـمظـلي -مــثلا- ) مــا حــلوه مــوت و لــسا فــي شغــلات عــبالي اعــملها مــا عمــلتها
.. فــيا ريــت يــكون فــي وقــت ..
امــا اذا مــافي وقـــت و خــصا اذا كــنت لــحالي فبنام شــنو اســهل ..
.. ..

[Barleb]

مورنينغ قلنالك خمسة .. رحتي فتحتي جريدة

__

و لهه أنا ولو بـ الأمكان .. في رئيس فرع مخابرات .. ما رح اذكر أسمو .. (( لا تفكرو خوف ))بس جاي على بالي ألزقوو طيارة فكللو رقبتو من محلها ..

بس قولكن .. أذا متنا .. منفلت مننون ؟؟ ولله انا ما كتير ضامنها