خمس شغلات .. قبل الممات ( هع هع )
 

مرحباً أخواتي


كيفكون .. أنشالله مبسوطين و مكيفين و مزهزهين و مدرمخين و مسطولين و محششين و مطفيين ؟

انا كذلك

يلا

كل واحد فيكون يكتبلنا خمس شغلات بيحب يعملون قبل ما يموت ..

أنا ببلش من عندي .. بما انو انا صاحب الموظوع

1- قابل فيديل كاسترو

2 سوق سيارة فيراري

3-نام ليلة عـ شاطئ هاواي

4- ألعب مبارة وحدي و حتى لو كانت تدريب مع فريق جوفينتوس الأيطالي

5 - أخترع جهاز الو علاقة بالكومبيوتر

.. هاتو لـ نشوف

1-حج
2-احفظ القران
3-اعملي زيارة عالسانتياغو برنابيو واحضر الكلاسيكو
4-اني يضل الحجي والحجة رضيانين علينا
5- اني موت وانا رضيان عن حالي وما اترك يذمتي شي

1. تأليف كتاب وترك أثر إلو قيمة في الحياة.
2. يكون عندي مسرح ولو كان صغير (مو شرط محترفين لو مسرح هواة حتى).
3. يصير عندي ولاد وعيلة وشوفن عم يكبرو .
4. أكون راضية عن نفسي دائما .. (وهالشي بدو متابعة على مدى الحياة).
5. بتركها مفتوحة .. لأنو كل يوم في شي جديد .. ;-)

welcome back Nirvana:D

:D i'm glad to be here


كان عبالي أسألك ليش غيرت اسمك في الموقع ؟؟؟

هلا اذا ما بدك تحكي ما ضروري أعرف .. :lol:

بس خمس اشيا!!!!والله قليل!!!

اممممممممممممممم....

ما بعرف شو بدي ... ما بدي شي انا هيك مبسوطة وكلشي بدي اياه عم بعملو اول ما يخطر ببالي!!!


خلص انا جاهزة لموت لكن لأنه ساويت الي بدي اياه:p:p


لأ عنجد..

1.ارجع عسوريا وعيش فيها باقي حياتي وما اطلع منها ولا يوم

2.اعمل شغلة مهمة يضلو يتذكروني فيها الناس..

3.يكون الي صيدلية الي وسميهاwe care عقولة ريمي:p

4.اتشمت بهالواحد قبل ما موت و شوفو متبهدل حياتو وانا كمل حياتي مبسوطة مع الي ببالي..(ئولو امين:p)

5.شوف اخواني مبسوطين دايما

بخجل قول شو الخمس شغلات :oops:
لما بترجع الشات ببقى بخبرك بيني و بينك

أول الشي موضوع حلو يسلمو...:D

1-أعمل هيك شي شغلة يضلو الناس يتذكروني فيها..طبعا شغلة منيحة
2-انه ضل بالبلد يلي بحبه
3-أعمل شي مقلب هيك مرتب بكل الأشخاص يلي دايقوني
4-كون أحسن الناس
5-شوف شخص كتير غالي على قلبي طاقة على ما شوفه هيك شي يوم قبل ما موت أو حتى المحه (قولوا ان شاء الله)

خلص بختار اني ما اموت وبريح عمري وبعمل كل الشغلات شوي شوي

ما طلع معي خمس اشيا....:D

هوي شي واحد...بدي عيش بسلاااااااااااااااااااااا ااااااام .:cry:...!

فظيعة هالشغلة ما عاد طلع معي شي
 

بصراحة اول ما شفت الموضوع انبسطت وقلت لحالي هيء بس خمس شغلات
بعدين جربت فكر ما ظبطت معي يعني وششش :shock:
تلخبطت الله وكيلكم
على كل اكتشفت انو الموضوع بدو شي خمس تيام لحالو
لهيك بردلكن خبر :larg:

يا سيدي يمكن انت اكتر واحد فهمت علي ..

أنا ما قصدت أنو يجي الواحد يكتب .. تكون امي رضيايني علي .. و كون أنا رضيان على حالي .. قصدي شغلة ما بتسمحلك الفرصةأو ما بتقدر تعملا أكتر من مرة بحياتك .. ..

:D وردة لـ أحلى عالم ..

عـ فكرة .. الفكرة .. مستمدة من كتاب ألف عمل سأقوم به قبل أن أموت *

بتستحي ليش عايش مو رجال انتا :shock:

مورنينغ قلنالك خمسة .. رحتي فتحتي جريدة :lol:

__

و لهه أنا ولو بـ الأمكان .. في رئيس فرع مخابرات .. ما رح اذكر أسمو .. (( لا تفكرو خوف:p ))بس جاي على بالي ألزقوو طيارة فكللو رقبتو من محلها ..

بس قولكن .. أذا متنا .. منفلت مننون ؟؟ ولله انا ما كتير ضامنها