تكون أو لا تـكون

[The morning]

To be or not to be أكون أو لا أكون (( نكون أو لا نكون )) .. مـقوله مـشهوره جـدّا مأخوده عن مـسرحيه هاملت لـشكسبير وقت بيقول بالمقطع التالت المشهد الأوّل :


To be or not to be, that is the question;
Whether 'tis nobler in the mind to suffer
The slings and arrows of outrageous fortune,
Or to take arms against a sea of troubles,
And by opposing, end them. To die--to sleep,
No more; and by a sleep to say we end
The heart-ache and the thousand natural shocks

و ترجمه المقطع بالعربي :

" أن نكون أو لا نـكون تلك هي المسأله ;
سواء أكان أنبل بالنسبه للعقل ان يعاني
الحظ الشائن و سهامه
أو أن يصارع بحرا ً من المشاكل
و ينهيها بمعارضتها أن نموت - أن ننام
و لا شيئ أكثر و لنقل بالنوم ننهي
وجع القلب و آلاف الصدمات الطبيعيه "

... همممم ,

هل تنـام أم تـكون ؟؟ و ما الفـرق بين أن تـكون فأر تجـارب أو لا تـكون ؟؟ و أيـهما تفـضل ؟؟ و لـماذا ؟؟

[وشم الجمال]

كاتب النص الأصلي : The morning

أو لا تـكون ؟؟ و أيـهما تفـضل ؟؟ و لـماذا ؟؟

انو ننام رح نعمل تخدير لحالنا مو اكتر والمشكل رح تضل قائمة ما لم نفكر فيها ونشوف اسبابها ونحلها

اكيد اي انسان بحب يكون بس بتفرق طريقة هالكينونة من شخص لاخر

انا بشوف انو كل حدا فينا هوي فأر تجارب ببعض الاحيان ومجرب باحيان اخرى بس يللي علينا انو ما نخلي التجارب اكتر من صقل للشخصية وما تكون القاضي يللي بيقتل كلشي حلو جواتنا

حلوة هالمقولة ولما قريتوو لشكسبير لفتت نظري

ان تكون او لا تكون تلك هي المسألة

[jovia]

الحياة مطل كل انسان والموت منبوذ لكنه حق بالنهاية انا بختار ان احارب لكن دون التطرق للعنف لان الحياة دون مقاومة ودون وجود الحواجز اصبحت مملة بالتالي تساوي الموت حياً حتى لو كانت النتيجة الفشل
شكرا عالموضوع morning

[The morning]

كاتب النص الأصلي : وشم الجمال

انو ننام رح نعمل تخدير لحالنا مو اكتر والمشكل رح تضل قائمة ما لم نفكر فيها ونشوف اسبابها ونحلها
اكيد اي انسان بحب يكون بس بتفرق طريقة هالكينونة من شخص لاخر
انا بشوف انو كل حدا فينا هوي فأر تجارب ببعض الاحيان ومجرب باحيان اخرى بس يللي علينا انو ما نخلي التجارب اكتر من صقل للشخصية وما تكون القاضي يللي بيقتل كلشي حلو جواتنا

فيما يخص فأر التـجارب فاللي قصـدته ما هو تجارب الحـياه لأنـّو هاد موضوع تاني .. و لـكن يعني اذا كان قدامنا خيارين يا نـكون و لـكن نـكون فيران .. تجارب .. أو ما نـكون .. أيّ منهم بتختاري انت كشـخص بمعزل عن تجارب الحياه و طبيعه التجارب ..
طبيعي كل بني ادم عنده طريقه يـأثبت لحاله أنـّو هو ّ " يـكون " منهم بممارسه العنف على الأضعـف منهم .. منهم بطرق تانيه و تالته و لـكن هل فـعلا نـكون ؟ بعيدا عن المثاليات ؟؟

كاتب النص الأصلي : jovia

الحياة مطل كل انسان والموت منبوذ لكنه حق بالنهاية انا بختار ان احارب لكن دون التطرق للعنف لان الحياة دون مقاومة ودون وجود الحواجز اصبحت مملة بالتالي تساوي الموت حياً حتى لو كانت النتيجة الفشل
شكرا عالموضوع morning

يا زلميـّه له له أنا ما قلتلهم للناس ينتحرو ! أنا عم قول هي المقوله دائما بتـخليني فـكّر هل أنا فعلا قادره اني أكـون ؟؟
هل أسـاسا هالخيار موجود بكل شي ؟؟ الحياه بدها مقاومه و بدها حواجز و لـكن أنا برأي في كتير كتير ناس ما موجود قدامهم خيار الكينونه أو مش قادرين يشوفوه أو يوصلوله.. يعني هو خيار ملغي فينا نقول فالخيارات الباقيه هيّ امـّا يكونو خاضـعين و منـيمين أو لا يـكونو ..

[jovia]

كاتب النص الأصلي : The morning

يا زلميـّه له له أنا ما قلتلهم للناس ينتحرو ! أنا عم قول هي المقوله دائما بتـخليني فـكّر هل أنا فعلا قادره اني أكـون ؟؟
هل أسـاسا هالخيار موجود بكل شي ؟؟ الحياه بدها مقاومه و بدها حواجز و لـكن أنا برأي في كتير كتير ناس ما موجود قدامهم خيار الكينونه أو مش قادرين يشوفوه أو يوصلوله.. يعني هو خيار ملغي فينا نقول فالخيارات الباقيه هيّ امـّا يكونو خاضـعين و منـيمين أو لا يـكونو ..

قصدك متلما صاير بالدول العربية بس المصيبة انو بدولنا العربية في مفكرين وفي مبدعين وفنانين لكنون حكما خاضعين للتنييم غصبن عنون حتى لو كان كل واحد منون بايدو قوة متل قوة القلم بيد المفكر لكن متلا ازا كتب هالمفكر كتاب عن التمرد عالحكومة مو بس بيمنعو النشر يمكن يخفوه عن الوجود او ينفوه علهونولولو
شكرا عالتعقيب

[The morning]

كاتب النص الأصلي : jovia

قصدك متلما صاير بالدول العربية بس المصيبة انو بدولنا العربية في مفكرين وفي مبدعين وفنانين لكنون حكما خاضعين للتنييم غصبن عنون حتى لو كان كل واحد منون بايدو قوة متل قوة القلم بيد المفكر لكن متلا ازا كتب هالمفكر كتاب عن التمرد عالحكومة مو بس بيمنعو النشر يمكن يخفوه عن الوجود او ينفوه علهونولولو
شكرا عالتعقيب

لا مش بـس البلان العربيه و مش بس الفكر العربي و هالقصص (( هاشي مابستثني البلدان العربيه انما انا مش عم اتطرق لوضع معين )) .. لكن حاسه أنـّو عم لاقي صـعوبه وصـّل الفكره متل ما هيّ براسي لنـنطر نشـوف اذا حـدا وصلـته ..

[bacteria]

لا نكون

[The morning]

كاتب النص الأصلي : bacteria

لا نكون

اظبط شي

[jankasanova]

بعد المخمخة بهالموضوع اللي يسطل سطل..

ما بعرف اذا فهمت قصدك مزبوط بس رح حط الشي اللي خطرلي لما قريت الموضوع:

ان "تكون" فأر تجارب يعني انت مسير بحسب قوانين او ضغوطات او ظروف محيطة بهالشخص اللي ممكن تكون شخصية, اجتماعية, سياسة او حتى مفروضة من قبل الدولة بشكل مباشر او غير مباشر واللي بالنتيجة بتسيرو وفق نظام معين متوافق لها.و اللي بالنتيجة ممكن تحور افكاروه معتقداته اهدافه او حتى تلغيها. بما يعنيه ان هالشخص نام او نوم.

فطلع معي :

ان "تكون" فأر تجارب = ان لا "تكون"

فالخيارين متعادلين و بهالحالة ما بقدر اختار

و لا تواخذينا عالتخبيص يمكن الموضوع بوادي و اللي انا حكيتو بوادي

[leonardo_dicabreo]

أنا بصراحه بحب الفيلي ستيك , بس مرّات باكول سوشي . .

ما بعرف عن باقي الشباب , بس في بعضهم ذكروا أنهم بحبوا الشريم . . ! !

هوه عن أيش الموضوع بالضبط , لأني فتت بالحيط ودخلت عالجيران , ولقيتهم نايمين , وأطاوشنا مع بعض , وحكالي أن تكون أو لا تكون , بس حكيتلو أهلين أنا الي بكون . . ! !

معلش شوش , أنا حاسس اني بحكي بواد وأنتي بواد , ولا كيف . . ! !