محكمة امن الدولة تصدر حكما بالسجن ثلاث سنوات بحق المدون السوري كريم عربجي

[سوا ربينا]

كاتب النص الأصلي : ayhamm26

3 سنين !!!!! 3 سنين مشان ادارة منتدى أخوية و نشر مقالات واراء بالمنتدى لكن اللي بيفكر يشكل حزب سياسي او يحكي علنا مع الناس بامور البلد شو رح يصير في

الله لا يوفقكن

أبوكن على ابو هيك اصلاح وهيك تطوير.

اعدام شنقا بالرصاص ..

[مايسترو]

برفع القبعة لالك كريم..على كل شي بنحني احتراما الك

وناطرينك..كلنا ناطرينك

[حلبي]

كاتب النص الأصلي : محمد ابراهيم

في زمن الصمت ,,,,, مات الكلام
مع ان البصق ليس من ثقافتي ولكني الان لا اجد انسب منه للتعبير .

تفوو على كل رجل امن اعتقل انسان بيوم وهو عارف ومتيقن انه بريئ
تفوو على كل رجل امن عذب او اساء معاملة انسان بيوم وهو عارف ومتيقن انه بريئ
تفوو على كل رجل عدالة حكم بالحبس على انسان بيوم وهو عارف ومتيقن انه بريئ
تفو على كل رجل شارك بظلم انسان بريئ
تفو على على كل من اصبح سعيد بسبب اعتقال انسان بريئ وحبسه
تفوو على كل جبان متخازل ، خاف يقول كلمة حق بحق انسان بريئ
تفوو عليكم جميعا بلا استثناء .

و الله خسارة فيهون الريق الطاهر

أخي محمد و الله حتى حذاء الزيدي أغلى من هؤلاء المجرمين

ما بيستاهلو ألا القاذورات

[مملكة الورود]

كاتب النص الأصلي : Reemi

مملكة الورد :

ممكن تلاقي موضوع تاني تتسلي فيه براحتك.. موضوع كريم بالنسبة النا اكبر من انك تاخديه تسالي وطق حنك
وعلى فكرة فيكي تعتبري الاقسام يلي بدك ياها تنلغي ملغية وهالقسم واحد منها.. فخليكي بالاقسام يلي شايفتيها مناسبتك

يا هلا ريمي
أول شي أنا ما عمبتسلى
وهيك موضوع جدي كتير والكل زعلان على الأخ كريم ومنون أنا طبعا كيف راح نكون عمنتسلى ونطق حنك على قولتك بهيك وضع

تاني شي أنا ما بحب أنو تنلغى هالأقسام
بالعكس بحب أنو يكون في هيك منتديات كمتنفس للشعب وتعبيرا عن آرائو
بس الفكرة هون بالموضوع أنكن عبتطالبو بوقف حجب أخوية بسوريا
بوقت أنو الحكومة بتعتبر أنو موقع أخوية تهديد ألها وبتخاف يكون هالموقع منشأ لتجمعات وأحزاب معارضة من الشباب ..... والحكومة بتمنع هالشي طبعا والكل بيعرف يعني ما عبقول شي جديد عليكن
مشان هيك هنن قسو على الأخ كريم
مشان ما حدا يحذو حذوه
وبحب قول للكل هون أنو ديرو بالكن على حالكن منيح وخصوصي اذا كنتو بسوريا
تحياتي

[ayhamm26]

كاتب النص الأصلي : مملكة الورود

تاني شي أنا ما بحب أنو تنلغى هالأقسام
بالعكس بحب أنو يكون في هيك منتديات كمتنفس للشعب وتعبيرا عن آرائو
بس الفكرة هون بالموضوع أنكن عبتطالبو بوقف حجب أخوية بسوريا
بوقت أنو الحكومة بتعتبر أنو موقع أخوية تهديد ألها وبتخاف يكون هالموقع منشأ لتجمعات وأحزاب معارضة من الشباب ..... والحكومة بتمنع هالشي طبعا والكل بيعرف يعني ما عبقول شي جديد عليكن
مشان هيك هنن قسو على الأخ كريم
مشان ما حدا يحذو حذوه
وبحب قول للكل هون أنو ديرو بالكن على حالكن منيح وخصوصي اذا كنتو بسوريا
تحياتي

والله انا بصراحة ما عم اعرف لوين بدك توصلي؟؟ يعني بدك تقولي انو حكومتك الها كل الحق باللي عملتو بكريم و بغير كريم ؟؟ ولا بدك تحطي الحق على الضحية من المبدأ الانهزامي المشهور "مين ضربو على ايدو وقلو يحكي بالسياسة", هدا المبدأ اللي مخلينا باخر قائمة شعوب الارض المتحضرة.

كريم عمل شئ بطولي برايي مو بس لانو عم يساهم هو واللي متلو بكسر حاجز الترهيب اللي فرضوا النظام على الشعب, وانما لانو الزلمة كمان اتحمل مسؤولية كل اللي انكتب وانحكى بالمنتدى وواضح لو بدو يتبرأ من كل اللي صار كانو طالعوا بعد شهر وما كانت وصلت القصة لهون.

فمعلش انو أرجوك فوق رجاء ريمي, اذا خايفة من قسم السياسة و من الحكي بالسياسة خليكي بالملطوشات و المسابقات و غيرن ساعتها بتصيري مواطن صالح بنظر حكومتك العظيمة.

[marochka]

هلأ كأنو أنا فهمت أنو مملكة الورود قصدا أنو كريم أخد حكم تلات سنين لأنو العالم بأخوية ما اتعظت وسكتت، يعني لو كانو سكتو وسكرو المنبر والأقسام السياسية كان طلع كريم.
بس بعتقد أنو اللي ما عم تفهمو أنو هاد المنطق كتير مقلوب وفايت ببعضو وحتى اللي بيختلف مع كريم بالآراء أو حتى بطريقة التعبير عنها ما لازم يقبلو.
العالم اللي عم تكتب هون بعتقد أنو أغلبها على القليلة واعية وفاهمة وعارفة شو عم تكتب، وشو ممكن تكون مخاطر اللي عم تكتبو، بس هالشي ما في بالعادة أنو يسكت أي صاحب رأي حر عن التعبير عن رأيه.
بعتقد العكس اللي لازم يصير، يعني لازم يجي يوم وتقتنع الدولة أنو هالشباب اللي عم يحكو هني أكبر دعم للبلد وهني مستقبلا، مو اللي بيجبن أنو يعبر عن رأيه، لأنو الجبان جبان بكل المواقف مو بس بوش الحكومة.