محكمة امن الدولة تصدر حكما بالسجن ثلاث سنوات بحق المدون السوري كريم عربجي
 

علم المرصد السوري لحقوق الإنسان أن محكمة امن الدولة العليا بدمشق سيئة الصيت أصدرت اليوم الأحد 13/09/2009 حكما بالسجن لمدة ثلاث سنوات بحق المدون الشاب كريم عربجي بتهمة نشر أنباء كاذبة من شأنها أن توهن نفسية الأمة وفقا للمادة 286 من قانون العقوبات السوري .

جدير بالذكر ان المدون الشاب كريم عربجي (31 سنة) اعتقل بتاريخ 7/6/2007 من قبل فرع المنطقة التابع لشعبة المخابرات العسكرية على خلفية مشاركته في إدارة منتديات أخوية على شبكة الانترنت.

أحدثت محكمة أمن الدولة العليا بموجب المرسوم التشريعي رقم 47 في الثامن والعشرين من آذار – مارس عام 1968لتحل مكان المحكمة العسكرية الاستثنائية وهذه المحكمة مشكلة لأغراض سياسية غير قانونية وأحكامها مخالفة للدستور لأنها أحدثت تحت مظلة قانون الطوارئ. والجدير ذكره ان رئيس محكمة أمن الدولة العليا القاضي فايز النوري أحيل الى التقاعد بقرار من وزير العدل السوري بتاريخ 19 يوليو- تموز سنة 2000 ورغم مرور 9 سنوات على أحالته للتقاعد بموجب القرار 1152 فانه ما يزال يمارس عمله ويصدر الاحكام .

لقد وقعت سورية على العهد الدولي الخاص بالحقوق المدنية والسياسية كما كانت من أوائل دول العالم التي صادقت على الإعلان العالمي لحقوق الإنسان وتنص المادة العاشرة منه لكل إنسان على قدم المساواة التامة مع الآخرين، الحق في أن تنظر قضيته محكمة مستقلة محايدة.

ان المرصد السوري لحقوق الإنسان يطالب بإلغاء محكمة امن الدولة سيئة التأثير والصيت لأنها تشكل لطخة عار في جبين العدالة السورية يجب محوها والشعب السوري يحلم مثل بقية الشعوب المتحضرة بنظام قضائي عادل ونزيه تختفي منه أمثال هذه الظواهر الشاذة.

وفي الوقت ذاته يطالب المرصد السوري لحقوق الإنسان الحكومة السورية بالإفراج الفوري والغير مشروط عن المدون الشاب كريم عربجي وعن أعضاء المجلس الوطني لإعلان دمشق وجميع معتقلي الرأي والضمير في السجون السورية وإنهاء سياسة الاعتقال التعسفي وإيقاف تدخل أجهزة الأمن في شؤون القضاء.
المصدر:المرصد السوري

3 سنين !!!!! 3 سنين مشان ادارة منتدى أخوية و نشر مقالات واراء بالمنتدى لكن اللي بيفكر يشكل حزب سياسي او يحكي علنا مع الناس بامور البلد شو رح يصير في

الله لا يوفقكن

أبوكن على ابو هيك اصلاح وهيك تطوير.

ياترى بيحسبولو المدة اللي كان قاضيها و لا المدّة رح تحتسب من وقت اصدار الحكم .....

الله يفك أسرو ..ويصبرو .:D

بتوقع بتنحسبلو مدة التوقيف .... بس ما بيشملو تلتين المدة

له له له له

مو خبرية والله

الله يصبرو و يفك اسرو

:D

شكلون طلعو الحكم هيك ليغطي مدة التوقيف، يعني المفروض باقيلو فترة كتير صغيرة إذا بيحسبو السنة 9 أشهر، يعني ما كان معقول يحكموه 3 أشهر، ويكونو حاسبينو زيادة.
المهم يطالعوه ويحسبوها متل ما بدّون.

طيب بس سؤال يا شباب

هلق هو ضل بالأسر سنتين تقريبا

و هلق حكموا عليه تلات سنين

طيب هلق بيقعد تلات سنين و بس سنة

---------------------------------------------------------

عادة بالقضايا العادية بتنحسب مدة التوقيف من أصل مدة الحكم، إلا إذا محكمة أمن الدولة عندا قوانينا الخاصة ما بعرف.

3 سنين من عمرو وعلى شو منشان منتدى وحكي فاضي
يعتبر هلأ ويعرف انو هاد الحكي كلو ما بينفعو

معلشي حبيب .. مافي داعي للتنظير على حدا ..

بتوقع .. ازا عندك كلمة حلوة .. قولا .. ما عندك .. معلشي .. ما كتير وقت التنظير لا .. بعد ازنك يعني ..

كلمة الله يفك بأسرو .. بتطلع احلا يعني ..

لو حسبولو السنة 9 أشهر متل باقي الاحكام ..


كان المفروض يطلع الاسبوع الماضي :sick:

هي المشكلة أنو في بالعادة بهيك قضايا أنو تخلص مدة الحكم وما يطلع المعتقل، بعتقد في كتير حالات هيك، الله يستر ما يكونو ناويين يعملو هيك هالمرة كمان

حكي فاضي!!..يعني مابعرف أشو بدي قول..عنجد ما بعرف!!؟

بس للتوضيح شباب.. مشان التساؤلات اللي انذكرت فوق..
المدة اللي قضاها كريم بتنحسب اعتبارا من تاريخ اعتقالو وحتى تاريخ انتهاء ال3 سنوات كاملة
مشان ال3/4 المدة القضائيين فقط هنن اللي بيستفيدو من هي الميزة اما السجناء السياسيين اللي بينحبسو بحكم من محكمة أمن الدولة ما سبق واستفاد أي شخص لحد اليوم من أي شكل من أشكال تخفيض فترة السجن.. لا 3/4 امدة ولا حسن سلوك ولا غيرو ..
يعني كريم بيخلص حكمو بتاريخ 7/6/2010 وممكن يضل بعد الحكم بأحد الفروع مدة بتتراوح بين ال 15 وال 30 يوم بعدين بيطلع..
أنا شخصيا كنت متوقعة يكون الحكم 4 سنين بالغالب لأنو هيك العادة.. ولما سمعت الحكم 3 سنين بصراحة ارتحت..
:D لكريم ولباقي الشباب

قربت ............