دروس بالموسيقا و المقامات الموسيقية [الأرشيـــــف]

عرض كامل الموضوع : دروس بالموسيقا و المقامات الموسيقية

صفحات : [1] 2 3 4 5 6

marioma alghzayala

22/01/2006, 19:38

هاي شباب ..كيفكن؟؟....:سوريا: ما بعرف اذا هالموضوع انطرح من قبل او لا؟؟:? :shock:

يعني ماني عرفاني كيف بدي بلش :? ....بس اللي رح قولو انو :

لازم يكون عنا بالمنتدى اعضاء موهوبين وبيعزفوا ع الات موسيقية ..مو؟ :king: واذا بيعزفوا ! يعني لازم يكونوا بيعرفوا بالمقامات الموسيقية ..:king: ..انا عم احكي عن غير اللي بيعزفوا سماعي ..:king:

فشو رايكن نعمل هون بالمنتدى دروس بهالمقامات ؟ وهيك بنفيد و منستفيد .... ؟;-)

اذا بتحبوا و بدكن خبروني وانا بتكفل باعطاء هم... لانو شفت انو عن جد حرام منتدى كبير للموسيقى وما في ولو لمحة عن المقامات...واذا بتحبوا كمان فيني اكتب المقام و صولفيج لكم غناي من هالمقام المكتوب .... فشو رايكن؟؟؟:shock: :confo: :confo:

layla

22/01/2006, 21:14

:clap: :clap: :clap: ولك دخيل عينك انا
اي هه وينك من زمان
انا بعزف سماعي وكنت كتير حب اعرف عن المقامات وهيك قصص
يللا الله وايدك وهي انا اول طالبة عندك :gem:

marioma alghzayala

23/01/2006, 00:50

هللا اول شي رح نحكي شوي عن الموسيقا بعدين بنبلش باول مقام:8)

-من المعروف ان كافة الالحان الموسيقية هي عبارة عن جمل موسيقية اما كبيرة او صغيرة..
وهذه الجمل مؤلفة من العلامات الموسيقية السبعة التي وجدت في الطبيعة من الاخفض الى الاعلى وهي:

دو - ري - مي - فا - صل - لا - سي - دو .. والدو رقم 8 يعني اخر وحدة هي جواب الدو الاولى..

وكل علامة من هذه العلامات حتى جوابها نسميه ديوان او مقام ...او بالاجنبية اوكتاف octav

وقد درس علماء الموسيقا هذه العلامات دراسة تامة تبين فيها ان اخفض العلامات الطبيعية هي دو تليها بالتسلسل بقية العلامات حتى جوابها..

وعلى هذا الاساس كل ما ياتي من علامات مرتفعة الشدة بالصوت بعد العلامة الثامنة هي جواب للسلم الاول الذي اطلق عليه العلماء سلم دو ماجور اي سلم دو الكبير بسبب كثرة الابعاد المتساوية بين علاماته علما انهم اكتشفوا ان المسافة بين مي - فا تساوي نصف المسافات الاخرى وكذلك سي - دو ايضا مثل سابقاتها .. وبالتالي اصبحت المسافات الصوتية الفاصلة بين العلامات الثمانية دو ري ........دو جواب ..كما يلي :

دو - ري بعد
ري - مي بعد
مي - فا نصف بعد
فا - صل بعد
صل - لا بعد
لا - سي بعد
سي - دو نصف بعد

وهكذا تصبح ابعاد دو ماجور الصوتية كما يلي :

بعد - بعد - نصف بعد - بعد - بعد - بعد - نصف بعد
والمجموع الكامل ستة ابعاد لا تزيد ولا تنقص مهما تغيرت وضعيات العلامات ...

وهناك ايضا ثلاثة ارباع البعد و البعد والنص ...
علامات التحويل:
1-علامات الخفض:
1- علامة بيمول ورمزها b وهي تخفض العلامة المحولة نصف بعد
2- علامة النصف بيمول ورمزها b وسن من الاعلى ..وهي تخفض العلامة المحولة ربع بعد ..

2-علامات الرفع :
1-علامة الدييز يعني متل علامة الاوبازيت يعني يساوي وفوقه شطبتين ..وهي ترفع العلامة المحولة نصف بعد
2- علامة النصف دييز ..يساوي بس بشطبة وحدة فوقه...وهي ترفع العلامة المحولة ربع بعد..

3-علامة البيكار :
وهي تعيد العلامة المحولة الى وضعها الطبيعي اثناء سير العمل الموسيقي ولمرة واحدة ...

وتستخدم علامات التحويل من اجل الحصول على نغمات جديدة غير نغمة سلم دو ماجور الطبيعي الذي هو من نغمة العجم..

وكذلك بالطبع مع استخدام بدايات جديدة...وانتقاء النغمة للمقام الجديد يجب ان ينطبق عللى اللحن المختار وان تكون طبقته مساوية ومناسبة لطبقة صوت المغني ...

العلامات الزمنية:
المستديرة:4 ازمنة يعني دائرة
البيضاء: 2 زمن b
السوداء : 1 زمن b بس معمية
السوداء ذات السن : نصف زمن ... b وفي عليه سنة من فوق
السوداء ذات السنين : ربع زمن b وفي عليه سنين من فوق
السوداء ذات 3 اسنان : تمن بعد كمان 3 سنان من فوق
السوداء ذات ال 4 اسنان : 1/16 بعد كمان اربع سنان من فوق

وكلما صغرت العلامات الزمنية كلما اسرع اللحن ....

انشالله تكونوا استفدتوا باول درس.....:سوريا: :clap: :clap:
:gem: :gem: :gem: :gem: :gem: :gem:

ويا هلا باول طالبة ...

marioma alghzayala

23/01/2006, 00:51

بس سؤال ام اللول .... على شو بتعزفي ؟؟؟:? :? :shock: :shock:

layla

23/01/2006, 00:59

انا بعزف اورغ
هداك الفصل اخدت صف موسيقا Music theory بس مافهمت كتير منو بس هلأ وقت عم اقرا موضوعك تبع الابعاد تذكرتون
whole whole half, whole whole whloe half.
بس نحنا كنا نسميون C major scale
يسلم ايديكي عيوني ولاتقصري انا كتير بحب هيك شغلات

marioma alghzayala

23/01/2006, 15:42

مقام العجم (دو)::king:
هذا المقام نغمته عربية عجم صافي تنطبق علاماته وابعاده على علامات وابعاد سلم دو الكبير (اي دو ماجور) وله ايضا نفس نغمته ..

ونغمة العجم وجدانية الطابع فيها الكثير من العظمة فهي من القلب والى القلب والمستمع اليها يشعر بان هذه النغمة كنائسية وبالتالي فان مايتعلق بابعاده والتحويلات يكون كما يلي:
التحويلات: لا يوجد من درجة الدو
الابعاد:بعد - بعد - نص بعد - بعد - بعد - بعد - نص بعد

وبينعزف عليه مثلا:

فريروجاكو ...HAPPY BIRTHDAY MUSIC ...او ليلة عيد ...وفي طلعت ياملا نورها .. او ضوي بليالي سعيدة ...يعني كلن على سبيل المثال...;-)

وطبعا ما رح انسى النشيد العربي السوري ..:king:

واذا بتحبوا اكتبلكن شي صولفيج من هالاغاني ال حطيتن تكرم عيونكن ..بس اطلبوا...:سوريا:

ملاحظة:
رح اكتب تحويلات كم عجم ..:
عجم فا : سي b سي بيمول فقط
عجم لا : دو دييز + فا دييز + صل دييز
عجم سي : سي b + مي b
عجم ري : تحويلاته فا دييز + دو دييز
عجم مي:( مي بيمول + لا بيمول + سي بيمول ) يعني كلن بيمولات b

...ويا هلا ...

Godfather

23/01/2006, 16:28

بس سؤال ام اللول .... على شو بتعزفي ؟؟؟:? :? :shock: :shock:

ابتعزف عالمثلث ...

marioma alghzayala

23/01/2006, 19:00

ابتعزف عالمثلث ...

ودخلك من شو بيشكي المثلث؟؟؟؟:? :? :shock: :shock:

انا بضرب عليه ....:cry:

Maher 4x4

23/01/2006, 22:25

مشكورة ع الموضوع المفيد الله يقويكي :سوريا:

أنا ما بعزف ع شي بس متذوّق للموسيقا

يالله سمعونا تشوف ;-)

marioma alghzayala

23/01/2006, 22:55

مشكورة ع الموضوع المفيد الله يقويكي :سوريا:

أنا ما بعزف ع شي بس متذوّق للموسيقا

يالله سمعونا تشوف ;-)

هلا والله اخي ماهر :king: ..شكرا كتير لمرورك ....:سوريا:

مو شرط تكون بتعزف.....;-) بكفي انك انسان سمّيع ....:سوريا: :سوريا: :king:

marioma alghzayala

23/01/2006, 23:20

مقام الراست : هدا مقام السلطنة يا شباب ...انا كتير بحبو ..:7asheesh: :7asheesh:

هدا المقام هو سيد المقامات العربية وهو الاساس في الموسيقى العربية فهو يبدا ب دو قرار وينتهي دو جواب ...اذا هو هادىء في القرار وحاد في الجواب ...ويحتاج من مؤدي المقام الى القرار الدافىء والجيد والجواب الحاد المتقن ..ويستطيع المغني ان ينقل المستمع لهذا المقام باقصر وقت الى عالم السلطنة والطرب وقد قيل فيه :
اذا جن ليلك فارست له ...:gem:
منجي للتحويلات: مي نص بيمول + سي نص بيمول وعند العودة من الجواب تعزف سي بيمول ..
اما الابعاد: بعد - ثلاثة ارباع البعد - ثلاثة ارباع البعد - بعد - بعد - ثلاثة ارباع البعد - ثلاثة ارباع البعد ..

ونعزف عليه على سبيل المثال :
يامال الشام ...جاري يا حمودة ....يا شادي الالحان ..وفي مقدمة على الله تعود ...بترحلك مشوار ...

ويا هلا .. :سوريا:

Godfather

24/01/2006, 00:20

ودخلك من شو بيشكي المثلث؟؟؟؟:? :? :shock: :shock:

انا بضرب عليه ....:cry:

ما بيشكي من شي .. بالعكس .. بس حبيت خبركون انو ليلى بتعزف عالمثلث ...

Maher 4x4

24/01/2006, 00:28

هلا والله اخي ماهر :king: ..شكرا كتير لمرورك ....:سوريا:

مو شرط تكون بتعزف.....;-) بكفي انك انسان سمّيع ....:سوريا: :سوريا: :king:

شكراً كتير لزوقك و الله يوفقك و يقويكي :سوريا:

بس رجاءً ممنوع التدخين:7asheesh: :7asheesh: في قاعة الأوركسترا :pos:
بكره التدخين بليييز بطفش أنا بعدين هه :p ههههه عم بمزح

شكراً كتير :سوريا: :king:

layla

24/01/2006, 00:37

ابتعزف عالمثلث ...
:lol: :lol:
whetever you say Mr. firas :tomtom:

marioma alghzayala

24/01/2006, 00:42

شكراً كتير لزوقك و الله يوفقك و يقويكي :سوريا:

بس رجاءً ممنوع التدخين في قاعة الأوركسترا :pos:
بكره التدخين بليييز بطفش أنا بعدين هه :p ههههه عم بمزح

شكراً كتير :سوريا: :king:

لا يوه شو تطفش؟؟:cry:

خلص بطلت التدخين .....:clap: .... ... بس عن جد وقت اللي بعزف راست بزهزه..:o

marioma alghzayala

24/01/2006, 16:13

البياتي ري ::king:
ان نغمة هذا المقام من اكثر النغمات استعمالا حتى من قبل المستمع العادي وهو الاكثر شعبية و استخداما من قبل المطربين والملحنين والسبب يعود الى بساطة تركيبه وسهولة تحويلاته ...فهو شعبي الطابع وتلحن عليه معظم الاغاني الشعبية والفلكلورية القديمة ..

يبدا هذا المقام من ري قرار وينتهي ري جواب ..

فهو من بدايته متوسط الشدة في القرار وحاد في الجواب ...يحتاج الى صوت دافىء وجميل عند الاداء لنغمته ...

التحويلات : مي نص بيمول + سي بيمول
الابعاد: ثلاثة ارباع البعد - ثلاثة ارباع البعد - بعد - بعد - نص بعد - بعد - بعد

ونعزف عليه مثلا:
جايبلي سلام .. للست فيروز ...:سوريا:
دقوا المزاهر ...لحبيب قلبي فريد الاطرش :sosweet:
يوما على يوم ...فهد بلان :سوريا:
يا فجرلما تطل ...للمطربة نهاوند:سوريا:
وعلى دلعونة .....ريدها ريدها كيف ما ريدها:سوريا:
هزي يا نواعم ...لعصام رجي :سوريا:
عالعين موليتين ...ومسعد يا تنور ....والميجانا:سوريا:
موشح كنت اهوى ...او جادك الغيث..:سوريا:

انشالله عم تستفيدوا..:shock: :shock: :? :? ؟؟

Reemi

24/01/2006, 16:39

مريوووومة انا ما بفهم شي بالموسيقىىىى
حتى اذنني الموسيقية مو منيحةةةةةةة
بس حبيت اشكرك و هنيكي على هالموضوع و اكيد حتفيدي كتير عاااااالم
شكـــــــــــــــــــــــ ــــــــرا

marioma alghzayala

24/01/2006, 19:27

مريوووومة انا ما بفهم شي بالموسيقىىىى
حتى اذنني الموسيقية مو منيحةةةةةةة
بس حبيت اشكرك و هنيكي على هالموضوع و اكيد حتفيدي كتير عاااااالم
شكـــــــــــــــــــــــ ــــــــرا

يا هلا ام الايف :king: ....وشكرا كتييير لمرورك وزوقك:سوريا: :سوريا:

krimbow

24/01/2006, 23:50

مرحبا مريومة

و بليز سجليني معكم بالصف لأنو كتييير حلو

الله يعطيكي العافية تابعي

لما حطيتي مقام الراست عديت الابعاد لقيتهم سبعة ... كنت بدي صححلك ياها بعدين اكتشفت اني عادد غلط

و بتمنى منك انو تحطي شوية صولفيج كمان بلكي منتزكر يللي نسيناه

و بتمنى تثبيت الموضوع للاهمية القصوى

krimbow

24/01/2006, 23:53

و يا ريت تخبرينا انتي ع شو بتعزفي غير المثلث

انا من جديد عم آخد دروس ع الغيتار ... بس مو حاببو و حابب اتعلم ع العود

krimbow

24/01/2006, 23:53

و يا ريت تخبرينا انتي ع شو بتعزفي غير المثلث

انا من جديد عم آخد دروس ع الغيتار ... بس مو حاببو و حابب اتعلم ع العود

يمكن لأنو صعب جيب الربع بالغيتار

marioma alghzayala

25/01/2006, 00:25

حلوة منك اخي ...krimbow ..:سوريا: ..والله بالحقيقة انا بعزف ع كتير شغلات :

بس التي الاساسية هيي العود لانو متل مابتعرف العود ابو الالات :king: ..وبنصحك تتعلم عليه لانو انت متلي انا كتير لقيت الغيتار صعب :cry: .وابعاده نار.. بس بعزف عليه سماعي لاني كتير بحب الكلاسيك .;-) . بس لا تجبلي سيرة الاكورات لانو بتفوتني بالحيط ...:shock:

يعني غير اني بعزف اورغ واوكورديون ...كمان سماعي بس ما تشد ايدك...لك حتى الربابة عزفت عليا ..:p
دربكة .. رق ..وشو ؟؟؟ يعني ..ماشي الحال ..;-)

ومشان الصولفيج تكرم عينك رح حط كم غنية للبابا وديع الصافي والسيدة فيروز ..:clap:

واماني اذا بتلاقي شي غلط قللي او صححلي ..واذا فيك تساعدني كمان ما في مانع ..:سوريا:

وميرسي لاهتمامك واهلا فيك بالصف ...:سوريا:

ويا ريت يتثبت الموضوع لانو عن جد حرام قسم الموسيقا ما يكون فيو مقامات موسيقية...وشكرا

T_maxx

25/01/2006, 02:41

T_maxx

25/01/2006, 02:45

و يا ريت تخبرينا انتي ع شو بتعزفي غير المثلث

انا من جديد عم آخد دروس ع الغيتار ... بس مو حاببو و حابب اتعلم ع العود

يمكن لأنو صعب جيب الربع بالغيتار

مرحبا krimbow........بس حاب قول انو العود (برأي) احلى من الكيتار بكتير....و أشمل لأنو بالجيتار مافيك تجيب الربع(نص بيمول).....فنصيحة اتعلم عود:clap:
واهلين وسهلين

Reemi

25/01/2006, 14:51

انا كمااااااااااااااان بطالبلكووووووون بتثبيت المووووووووووضووووووووووو وع
ما شاء الله مريوم مو تاركه آلة تفلك منك .....

marioma alghzayala

25/01/2006, 15:07

مقام البياتي نوا:
ان هذا المقام من نغمة البياتي ولكنه مصور على درجة صل جواب وينتهي صل جواب الجواب ..

وهو اعلى من بياتي ره ب 4 درجات اذا هو يحتاج الى صوت جبلي من البداية حاد الطابع في القرار والجواب ويحتاج الى عرب صوتية نظيفة وصوت مميز ..

التحويلات: صل - لا نص بيمول - سي بيمول - دو - ري - مي بيمول - فا - صل
الابعاد : ثلاثة ارباع البعد - ثلاثة ارباع البعد - بعد - بعد - نص بعد - بعد - بعد

نعزف عليه على سبيل المثال :
شفتك يا جفلي ..على دلعونة ...يا ميجانا ... الحاصودي ...حبيبي بحب التشّ

وفي القلب يعشق كل جميل والصولفيج تبعا:
(صل ج ج . صل. صول .صل ج ج .صل. صل . صل .صل .لا. فا .مي .ري. سي. لا .صل ..)

:hart:( سي. دو .ري. دو .سي .دو .سي. لا .صل. سي. دو. ري .دو ... صل صل ) مرتين

صل لا سي صل لا فا (مي فا صل ) لا سي دو لا سي صل ..ونعيدمن :hart: ونكمل :

فا مي ري دو سي لا دو صل
(صل .سي. لا .سي. صل. سي .لا .سي. صل ) مرتين

ومن مقام البياتي ري :
غنية جايبلي سلام للسيدة فيروز:

ري سي سي . لا لا . صل صل. فا.
فا .لا لا. صل صل .فا فا. مي.
مي .صل صل. فا فا .مي مي .ري.
ري صل. مي فا ري .مي ري.

(دو ري ري .مي فا فا .صل مي. فا صل. لا فا صل صل صل ) مرتين

دو ري ري مي فا فا صل مي . ري لا لا دو لا
(فافا صل لا فا فا دو ج ) مرتين
لا سي دو دو . سي نص بيمول .دو .سي نص بيمول . لا صل
ري دو سي لا صل . فا مي ري

ومن مقام الراست :
مقدمة على الله تعود للاستاذ وديع الصافي :
(دو دو . ري ري . مي مي . فا . فا صل فا صل فا . مي . مي فا مي . فا مي ري
مي فا صل فا فا مي ري دو سي لا صل دو ) ونعيد مرة ...ونكمل :

(لا لا . صل صل . فا فا مي . مي فا صل صل فا فا مي ري مي فا ري ) كمان مرتين

مي فا صل فا مي ري . صل فا مي ري
دو سي لا صل دو صل ...ويبدا مقطع على الله تعود على الله ..

marioma alghzayala

25/01/2006, 15:13

مرحباااا .....
اول شي انا جديد هون (مرحبا شباب كيفكون)......هلق اشتركت بعد ماشفت هاد الموضوع
فبركي منستفيد ويمكن منفيد كمان...

المهم انا بحب العود كتير (والموسيقى العربية بشكل عام ) ....فبحب هيك مواضيع....(شكرا مريم على هلموضوع:clap: )

بس بدي اسئلك ليش هيك مصعبتيون الدروس شوي......يعني لو بتحطي سلم المقام يعني مثلا مقام البيات: ري-مي نص بيمول-فا-صول-لا-سي بيمول-دو-ري.....يمكن هيك بينفهمو اسهل.....مو؟
عالعموم باين انو عندك ثقافة موسيقية منيحة..:gem:
و الي رجعة8)

اهلا بالطالب الجديد t_maxx .:سوريا: .واهلا فيك بالصف:سوريا: بس بدي قلك انو انا لما بحط تحويلات المقام بضل المقام على حالو بس بيتغيرو العلامات المحطوطين ..وعلى كل حال انا نفذت فكرتك بالمقام الجديد ..:gem:

بس بدي قلك انو اذا انت كمان عندك شي تقدو فلا تبخل علينا يعني يا ريت تحطلنا لمساتك ..;-)

ومرة تانية اهلا فيك وبكل اللي صاروا بالصف ...:سوريا:

marioma alghzayala

25/01/2006, 15:16

انا كمااااااااااااااان بطالبلكووووووون بتثبيت المووووووووووضووووووووووو وع
ما شاء الله مريوم مو تاركه آلة تفلك منك .....

لك ما في منك انتي ...:سوريا: ..

Reemi

25/01/2006, 15:22

يا ربي يا ربي دايما بتحرجيني :sosweet:
:oops: :oops: :oops:

krimbow

25/01/2006, 21:25

ثبتت الموضوع:gem:

نسيت انو لسا ما تعين مشرف ع قسم الموسيقا:oops:

marioma alghzayala

25/01/2006, 22:28

ثبتت الموضوع:gem:

نسيت انو لسا ما تعين مشرف ع قسم الموسيقا:oops:

ميرسي ... ثانكيو ... شكرا ... يسلمو ... تودي غلبي ... للتثبيت ...:clap: :clap: :clap:

T_maxx

26/01/2006, 00:22

T_maxx

26/01/2006, 00:26

وصحي نسيت شغلة:o
.....مريومة قديش الك عمتتعلمي عود؟....واشتركتي بمعهد ولا عند استاز؟....ومين بتسمعي من العازفين؟.................وشو كمان؟!........بس حاجة..

marioma alghzayala

26/01/2006, 16:03

مقام البياتي حسيني لا:
هذا المقام نغمته بياتي صافي ولكنه اعلى من بيات النوا بدرجة واحدة ...اي انه يبدا ب لا جواب وينتهي لا جواب الجواب ...اذا هو حاد في القرار وحاد جدا في الجواب ويحتاج من المؤدي الى صوت قوي وجهوري ومتمكن في القرار والجواب ويصلح للمواويل والعتابا الجبلية والغاني الفلكلورية ذات الطابع الحاد عند الاداء ..

التحويلات : لا - سي نص بيمول - دو - ري - مي - فا - صل - لا

الابعاد : ثلاثة ارباع البعد - ثلاثة ارباع البعد - بعد - بعد - نص بعد - بعد - بعد

ونعزف عليه على سبيل المثال :

اه يا اسمر اللون ....يابو القضاضة بيضا ..يا ميجانا ..
بسّك تيجي حارتنا لسميرة توفيق ... والصولفيج تبعا:
ري ري . ري ري . دو. ري سي لا . لا سي دو
ري ري ري ري . دو . ري دو سي . ري دو سي لا ..

:سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا:

marioma alghzayala

26/01/2006, 16:08

وصحي نسيت شغلة:o
.....مريومة قديش الك عمتتعلمي عود؟....واشتركتي بمعهد ولا عند استاز؟....ومين بتسمعي من العازفين؟.................وشو كمان؟!........بس حاجة..

والله هاي السنة التالتة الي عالعود ... بس الي زمااااااااااااااااااان ما عزفت لاني مشغولة شوي بدراستي ;-) ...واخدت دروس عند استاذ خصوصي .... وبالحقيقة انا بسمع قديم كتير متل فريد الاطرش :sosweet: ومحمد القبنجي ..وغيرن :king: .. اما عالغيتار فبسمع اكتر شي اسبانش ..:king: .. وبحب اسمع كتير لمقطوعات موسيقية قديمة لبتهوفن و شوبان وباخ :king: وهيك شغلات يعني :p ...

وانت شو خبرنا شوي عن حالك !!:shock:

marioma alghzayala

26/01/2006, 16:14

اهلين مريومة.......
انا عمبستنى لتخلصي شرح باقي المقامات مشان ما خربلك التسلسل.....8)

على كلن رح اعطي فكرة عن المدرج الموسيقي...

المدرج الموسيقي عبارة عن خمس خطوط متوازية وبيناتون اربع فراغات.......
وكل خط او فراغ يحمل علامة موسيقية معينة......ويمكن وضع خطوط اضافية فوق الخطوط الاساسية او تحتون..

------------------------فا
مي
------------------------ري
دو
------------------------سي
لا
-----------------------صول
فا
-----------------------مي

ولتسهيل حفظون منتعتبر كف الايد متل هدول الخطوط...(عندي صورا كان بس ماعملاقيا!)
المهم هيك السلم الموسيقي بكون

ميرسي اخي لهلمعلومات بصراحة انا كنت متلبكة كيف بدي حطن .:shock: .بس الله يعطيك العافية ..كتير حلو شرحك :سوريا: ...واذا في عندك كمان صور متلا للمقامات اللي كتبتن فيك تنزلن هيك بصير اغناء بالموضوع ..:king: .. وشكرا مرة تانية ...:سوريا:

T_maxx

27/01/2006, 02:53

وانت شو خبرنا شوي عن حالك !!:shock:
انا صرلي سنة وشوي عمبدرب عالعود....وصار جزءمن حياتي تقريبا:sosweet:
وبحب اسمع للمدرسة العراقية متل منير بشير ونصير شما ....وعندك من سوريا الفنان حسين سبسبي......وفي كتير كمان....وووو ..هيك. :cool:

T_maxx

27/01/2006, 03:02

مريومة عندي اقتراح انو اشرحي المقامات الاساسية اول....بعدين حطي تفروعاتون...

وهي مقامين الرست والبيات مع صوت

marioma alghzayala

27/01/2006, 18:50

لك وينك انتي .:king: .اي هاااا من زمان ..:clap: :clap: الله حيك ... يعني هيك انا بكتب نظري وانت عملي :p ...اوكي مان ؟؟؟ 8) وشكرا ..كتير ..:سوريا: t_maxx

marioma alghzayala

28/01/2006, 12:09

مقام الحجاز ري :
تحمل نغمة هذا المقام الطابع الحزين واللوعة والاسى وكان المغني على هذا المقام يود ان يثبت اليك كل ما في نفسه من الم ولوعة وشجن فالنغمة حنونة وقريبة من قلب واذن المستمع في ان واحد...

يبدا هذا المقام من ري قرار وينتهي ري جواب فهو متوسط الشدة في القرار وحاد في الجواب ويحتاج الى صوت دافىء عند الاداء :

التحويلات : ري - مي بيمول - فا دييز - صول - لا - سي بيمول - دو - ري :cry:
الابعاد : نص بعد - بعد ونص - نص بعد - بعد - نص بعد - بعد - بعد

ونعزف عليه على سبيل المثال :

مريم مريمتين ...
البلبل ناغى غصن الفل ... حالي حالي حال ..قدك المياس. للفنان صباح فخري
شتي يادنيي تايزيد ...الحلوة دي للسيدة فيروز ..
هالاسمر اللون هالاسمراني ..
وانا بانتظارك للست ام كلثوم والصولفيج :

(لا سي دو سي لا صل . لا صل . فا صل . فا صل لا لا ري
صل . لا سي لا صل . فا صل. فا مي. فا مي فا صل صل ) مرتين

صل فا صل لا فا . مي فا صل مي . ري مي فا ري . دو ري . دو ري مي . ري مي فا . مي فا صل . فا . صل لا صل لا سي . لا سي دو . سي دو ري .

لا سي لا صل . فا صل . فا مي ري .
(لا لا فا . صل مي ري ) مرتين
ونعيد من الاول ب (لا لا سي دو سي لا صل )....

T_maxx

28/01/2006, 14:34

وهي سلم الحجاز.....

هو في تنين ...واحد حجاز نهاوند والتاني حجاز رست...الفرق بيناتون انو السي وحدة بيمول و وحدة نص بيمول.....وانا بعرف انو وقت نطلع بالمقام بتكون نص بيمول...و وقت بننزل بتصير بيمول..مو؟!

Reemi

28/01/2006, 16:39

ممتاااااااااااااااااااااا ااااز
تابعوا الى الاماااااااااااااااااام

Willi

29/01/2006, 06:57

krimbow

29/01/2006, 07:21

يا جماعة شو رأيكم نغير اسم الموضوع من "مبدئيا اقتراح" لـ " مقامات الموسيقا" ؟؟؟

Willi

29/01/2006, 07:29

اي نعم احسن الشي لان هيك مو مفهوم الموضوع شو

T_maxx

29/01/2006, 11:52

يا جماعة شو رأيكم نغير اسم الموضوع من "مبدئيا اقتراح" لـ " مقامات الموسيقا" ؟؟؟
يمكن لو حطينا "تعليم الموسيقى" بكون احسن لانو مو بس عن المقامات الموضوع...
:سوريا:

محمد ابراهيم

29/01/2006, 12:35

بس الله يقطعني اذا فهمت كلمة وحدة :cry:

بس هدول والله ما فهمت شي عليهون :(
انا حاسس بهالمشكله.:cry: :cry:
بس مشكوره مريوما عالموضوع .

marioma alghzayala

29/01/2006, 14:34

يا جماعة شو رأيكم نغير اسم الموضوع من "مبدئيا اقتراح" لـ " مقامات الموسيقا" ؟؟؟

شو مابدكن حطوا اسم الموضوع انا ماعندي مانع اخي :king: ...يعني على زوقك ..:سوريا:

marioma alghzayala

29/01/2006, 14:48

انو قال انا تركت الموضوع قلت شي نهار بقعد بقراه على رواق مشان افهمو
اجيت اليوم لاقراه
بس الله يقطعني اذا فهمت كلمة وحدة :cry:

انو انا عم اتعلم حاليا على الغيتار بس مبتدأ يعني
بس هدول والله ما فهمت شي عليهون :(

اي اخي بس بدي قلك كلمة.:king: . انو اقارا اول المدخل .. وشوف الابعاد والتحويلات ... وبعدين اطلع عالمقامات لانو اذا ما فهمت اول درس:shock: مارح تفهم شي من كل المقامات :shock: ..اوكي مان ؟؟؟:سوريا:

واذا بتلاحظ ..انا عم اكتب النظري واخي t_maxx عم يساعدني بالعملي يعني عم يعرض صورة المقام و تحويلاته عالسلم وعم يعطي النغمة كمان ...وانا بدوري كتيييير بشكره :سوريا: والله يعطيه العافية ...

marioma alghzayala

29/01/2006, 14:54

انا حاسس بهالمشكله.:cry: :cry:
بس مشكوره مريوما عالموضوع .

يا اللللللللللللله .... :( :( :cry: :cry:

هلا حمودة..:سوريا: