معاني أسماء السيارات....!!!!!

[SONAR]

معاني أسماء بعض السيارات



كاديلاك = اسم لمستكشف فرنسي وحاكم اداري


اسكاليد = تعني تسلق الأسوار أو الحصون


كابريس = النزوة أو الهوى


كورفيت = سفينة حربية سريعة.


يوكن = اسم مدينة في ولاية أوكلاهوما الأمريكية


تاهو = اسم بحيرة تقع على الحدود بين ولايتي كاليفورنيا ونيفادا


كامري = التاج بالياباني


متسوبيشي = ثلاث جواهر


جاكوار = الفهد


مرسيدس = الجميلة


فلكس واجن = سيارة الشعب


موستنق = الفرس الابيض


ثندربيرد = الطير الجارح


تورس = الثور < بالاسباني


الجمس = تعني الضاحية أو الحي السكني (ربما لكبر حجمه)


ميركوري = تعني عطارد


انفينيتي = تعني اللا نهاية


ليجند = الأسطورة


باثفيندر = مستكشف الدروب او الطرق لكن المستكشف تنطبق على اكسبلورر


رود ماستر = سيد الطريق


سني = متفائل


مكسيما = أقصى او القصوى


سيبل = حيوان يشبه الفهد


بولو = لعبة انجلزية للاغنياء و النبلاء تستخدم فيها الأحصنة و المضارب


افالون = أطلال في انجلترا يقال انها تحوي ضريح الملك آرثر


اسكورت = نقل









منقوووووووووووول......



شوبتحبوا تكون سيارة المستقبل(إذا الله رزقنا)؟؟؟؟؟

[سفينة البر]

ميرسي على الموضوع أكتر اسم عجبني الكابرس والميرسيدس يعني الهوى والجميلة

[souriana]

و نسيتي الدايو السحرية اللي مشهورة بتكاسي سورية

[souriana]

وبعد اذنك فيكي تجيبيلي معنى اسم الطرطيرة ؟؟

[المحارب العتيق]

امممممممممممم
شو يعني شام وايران خودرو

[هدوء البحر]

كاتب النص الأصلي : SONAR

معاني أسماء بعض السيارات

كاديلاك = اسم لمستكشف فرنسي وحاكم اداري

[SONAR]

كاتب النص الأصلي : سفينة البر

ميرسي على الموضوع أكتر اسم عجبني الكابرس والميرسيدس يعني الهوى والجميلة

شكرا لمرورك

[SONAR]

كاتب النص الأصلي : souriana

و نسيتي الدايو السحرية اللي مشهورة بتكاسي سورية

قلنا بعض السيارات مو الكل

بس ولايهمك رح نزل معنى اسم الدايوو بالجزء التاني

شكرا لمرورك

[souriana]

اي ولا تنسي ايران خودرو
والطرطيرة

[was616im]

ابوس رب المرسيدس انا
بس وين الـ بي ام دبليو؟؟

[SONAR]

كاتب النص الأصلي : souriana

وبعد اذنك فيكي تجيبيلي معنى اسم الطرطيرة ؟؟

بظن الطرطيرة من فعل : (طر, يطر) فبكون الاسم منو : طرطيرة على وزن فعليلةههههه

(والطرطيرة=الصئائية) يلي بتروح من حارة لحارة وبتزعج الناس بصوتا الرنان ههههه

شو رأيك بهالمعنى ؟؟؟؟؟

ميرسي لمرورك

[souriana]

كاتب النص الأصلي : was616im

ابوس رب المرسيدس انا
بس وين الـ بي ام دبليو؟؟

BMW
اتحاد 3 شركات
B نسيت انو شركة
M مرسيدس
W فولكس فاجن

[souriana]

الطرطيرة من طرطر اي هدير المحرك
طرطرطرطرطرررررررررررررررر

[khalkhool]

الجاغوار لا تعني الفهد, وإنما هي نوع من الفهود وهو الفهد الأمريكي
بي ام دبليوم BMW هي اختصار لـ Bavaria Motor Workshop وتعني معمل بافاريا للمحركات وليس لمرسيدس علاقة بها!!!
الجمس: لا تعني شيء, وإنما هي جي إم سي, أما موديل Suberban فهو الذي يعني الضاحية.

[khalkhool]

كاتب النص الأصلي : souriana

BMW
اتحاد 3 شركات
B نسيت انو شركة
M مرسيدس
W فولكس فاجن

الله يحميك, شو هالمعلومة!!!
طلعو مرسيدس وفولكس فاغن وبي إم شركة وحدة!!!

[a7la lolo]

كاتب النص الأصلي : khalkhool

الجاغوار لا تعني الفهد, وإنما هي نوع من الفهود وهو الفهد الأمريكي
بي ام دبليوم BMW هي اختصار لـ Bavaria Motor Workshop وتعني معمل بافاريا للمحركات وليس لمرسيدس علاقة بها!!!
الجمس: لا تعني شيء, وإنما هي جي إم سي, أما موديل Suberban فهو الذي يعني الضاحية.

انا مو هيك بعرف
انا بعرف متل ما قال اتحاد ل3 شركات بينهم المرسيدس

ونحنا مألفين عليها بيئة مصراوية واطية=BMW

[khalkhool]

كاتب النص الأصلي : a7la lolo

انا مو هيك بعرف
انا بعرف متل ما قال اتحاد ل3 شركات بينهم المرسيدس

ونحنا مألفين عليها بيئة مصراوية واطية=BMW

إذا بدكون تتأكدوا من المعلومة انو BMW = " bayerische Motoren Werke"
زوروا هاد اللينك:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بعدين يعني معئولة BMW تكون مملوكة لمرسيدس !!!!!

[SONAR]

يا هلا فيكن جميعا

ونورتو بمروركن وبمعلوماتكن الإضافية

thanks 4 all