|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
26/02/2008
|
#1 | ||||||
|
مشرف متقاعد
|
دردشات مسرحيه ..
يعني هون ممكن ندردش عن المسرح لاشيا اللي بتدخل باعداد المسرحيه و المسرح
(( اضاءه , صوت , ملابس , افكار اخراجيه , طريقه الاخراج , الديكور , هيك شغلات ..)) هيك دردشه لا على التعين يعني .. بدايه .. حابه احكي عن انواع المسارح ... انو مو مسرح كوميدي و تراجيدي و هيك لا , انما عن مساحه العرض و اختلافاتها و كيفيه توضع الجمهور حول مكان العرض .. النوع الاول هو ما يسمى باطار الصوره frame picture او proscenium .. يعني المسرحيه بتكون عم تنعرض و الجمهور امامها مباشره .. ما يشبه الاطار بيفصل الجمهور عن الممثلين و خشبه المسرح .. او هالنوع ايضا كان يسمى بالحيط الرابع .. لانو لو اخدنا غرفه مربعه فهي عاده مكونه من اربع حيطان .. بهالنوع من المسارح الحيط الرابع فيها هو المسرح .. يعني ببساطه شلنا الحيط و حطينا محلو خشبه مسرح .. لما بتنزل الستاره بتصير الغرفه تماما فيها اربع حيطان و بس لهيك سمّي بالحيط الراابع .. ((يعني متل ما بدك تقول متل التلفزيون لبلازما اللي بغطي الحيط لرابع بالغرفه  )) اي شي بيشبه هيك ! طريقه توضع السنما اليوم هي اتباعا لهاد النوع من المسرح هي الصوره كيف الجمهور بشوف لمسرح  اكبس هون لتشوفها فول اوبشن .. و هي الصوره كيف لو وقفنا على خشبه المسرح رح بنشوف الجمهور ..  اكبس هون لتشوفها فول اوبشن .. مكان الجمهور بيرتفع شوي شوي عن خشبه المسرح , يعني بدال ما نوظف واحد يقعد لقصير من قدم و الطويل ورا بنرفع المقاعد تصاعديا هيك بصير حتى لما بيقعد القصير ورا بشوف متلو متل الطويل اللي قاعد قدام احيانا بكون في بلكون او تنين .. اللي هنن عباره عن طوابق اضفيه على الجوانب او مواجه خشبه المسرح .. هي الصوره لو كنا من على خشبه المسرح عم نطلع عالبلكون  اكبس هون لتشوفها فول اوبشن .. و هي الصوره اذا من البلكون عم نطلع على المسرح  اكبس هون لتشوف الصوره فول اوبشن .. في يتبع ..
من يومها صار القمر أكبر :)
______
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
27/02/2008
|
#2 | ||||||
|
مشرف متقاعد
|
احداث خلف الستاره
بشي اوائل القرن السابع عشر هالشكل من اشكال المسارح انتشر بشده و بكل مسرح في اوربا ..
و انتشر باميركا في القرن التاسع عشر و مطلع العشرين .. هالنوع من المسرح عاده بكون عميق لجوا , يعني معو مساحه داخليه لحركه المشاهد على الخشبه و لتغير المشاهد يعني ممكن يكون محضر الديكور تبع كل مشهد و فاصل بيناتهم ستائر بترتفع و بيترق المشهد و بصير جاهز .. يعني لمشهد الاول عم يتمثل عالمسرح و الشباب عم يمثلو و الديكور تبعو موجود و بدنا ننقل لمشهد تاني فبعد ما بتنزل الستاره رقم واحد اللي هي الستاره الرئيسيه بتغطي على المشهد الاول بحيث فينا نشيل الديكور تبعو و نحرك الشمهد التاني اللي بنكون مظبطين ديكورو من قبل لقدام بعد ما نرفع الستاره رقم 2 .. و نرجع نرفع الستاره الرئيسيه للناس تشوف مشهد جديد بديكور جديد .. و هالشي بساعد كتير بالنسبه للوقت و بكون الديكور المشهد جاهز بحيث انو ما بعذب .. فكل شي بكون جاهز .. ممكن كمان يكون المشهد بيفتل يعني بكون الو وجين .. و كل واحد منهم ديكور شكل فلنفرض واحد غرفه اعده و التاني شارع فانو كل ما هنالك نعملو انو ننزل الستاره و نبرم الارضيه لنبدل المشهدين و بصير عنا مشهد جديد اللي هو الشارع بدل غرفه القعده او بالمقلوب .. و بايطاليا و بعصر النهضه خصيصا .. اوجدو طرق بانو يتم تبديل المشاهد بالرفع و الخفض .. يعني اما بيرفعو المشهد لفوق بشكل بتم معلق ليستخدم مره تانيه(( بنفس العرض  )) او لتخلص المسرحيه ... او برفعو بحيث انو بكون تحت خشبه المسرح و بيرتفع ليصير ظاهر للجمهور و كمان ممكن يتم انزال المشاهد اللي مانها عم تستخدم لتحت خشبه المسرح لحين يتم استخدامها مره ثانيه بيتم رفعها ثانيه او لتخلص المسرحيه .. طبعا هالحكرتين عكس بعض يعني مثلا مشهدغرفه القعده بيرتفع ليتعلق بالوقت اللي مشهد الشارع بيطلع .. طبعا هالنوع من المسارح اسهل التعامل مع ديكورو و عملو كتير واقعي لانو الجمهور ما عم يشوف غير لوحه او اطار داخلو كل الاحداث عم تصير .. |
||||||
|
|
|
20/03/2008
|
#3 | ||||||
|
مشرف متقاعد
|
Thrust stage
النـوع التـاني من المـسارح .. هـو مايـسمى بـThrust stage
او المـسرح المنـفتح ! the open stage فيـه الناس بيشكلو نص دويره حولين بالمسرح من تلات جهات .. يعني هو صاير شبه جزيره .. و لناس هنن المي المحيطه بهالشبه الجزيره .. من تلات جهات .. يعني نص دائره بتحيط بالمسرح اللي بيقرب باتجاه الجمـهور نـوعا ما (( على عكس الـ proscenium - السابق - اللي بكون فايت لجوا اكتر )) كـأمثله على thrust stage فينك تاخد على سبيل المثال .. مـسرح بـصرى .. ا  الاوركـسترا بتقعد بالنص ** نص الدائره الصغيره اللي مبينه بالصوره فوق ** اليوم صار في تقنيه انو ترتفع هالمساحه هي و تصير جزء من خشبه المـسرح اثناء العروض الي ما بيلزملها اوركستـرا .. يعني لما ما بكون في لزوم للاوركسترا بترتفع الارض و بتندمج مع خشبه المسرح الاساسيه و بتصير جزء منها .. تاريخيا هالـنوع من المـسارح بيرجع لليـونان - اليـونان كـتير اولو الموضوع اهميـه و حـسبو ميلان الانـحدار و ارتفاع المقاعد بشكل دائري و الخ الخ .. بيـنما اجو الـرومان قالو لشو كل هاللبكه ليـش الانـحدار (( مع العلم انو الانـحدار كـرمال يوصل لـصوت لابـعد نـقطه )) بس الرومان قررو انو ما ضروري تـكون منحـدر و لبـكه و قصص هيك بتقدر بس تكون مقاعد ملتفه حول خـشبه المـسرح و خلـصنا .. عند الـيونان كان عدد الـمقاعد حـواليـ 15000 مقـعد او اكـتر بـينما هلـئ اخـتلفت الـقصه و صـارت بتتنـاسب مع المـيزانيه المـستخدمه و مـساحه البنـاء و ما الى ذلك اضافه الى انو بيـومنا هـاد المـهتمين بالـمسرح عددون اقـل(( يمـكن كلون عنا بـسوريا ما بـيطلعو 15000 بنـي ادم )) + انو كتره الـمسارح المـوجوده و هـيك يعني كم سـبب فيهم وجـهه نـظر .. و يتـبع .. |
||||||
|
|
|
21/03/2008
|
#5 | |||||||
|
مشرف متقاعد
|
اقتباس:
 |
|||||||
|
|
|
25/06/2008
|
#6 | ||||||
|
عضو
-- مستشــــــــــار --
|
معلوووووومات مفيدة يسلمو the morning
احلى شي المسرح والله
لا تحمل هم الغد فقد لا يأتي الغَدُ**فتكون قد ضيّعت سرور اليوم
**ToDaY Is A NeW DaY **☠♥ believe in your dreams so they believe in you too |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 08:29 (بحسب عمك غرينتش الكبير +3)