يلعن حظي

[واحد_سوري]

يلعن حظي منيح هيك ؟؟ََ

[باشق مجروح]

شو صايرلك
فضفض

[ابو ريتا]

مهما لعنت حظك ، بضل حظي ألعن

[MadMax]

كاتب النص الأصلي : واحد_سوري

يلعن حظي منيح هيك ؟؟ََ

اي ...
كتير منيح

[واحد_سوري]

و الله يا أصدقائي يا شبيحة هذا المنتدى ...
انا بحبكون كتير بس.. أحياناً الانسان بمر بلحظات بقول خلص ماعاد فيني كمّل بالحياة..
كل شي تسكر إدامي.... و كل الناس انفضوا من حولي؟؟؟!! عم ندور على شو ؟؟ و بعدين؟؟
الله يرحمك يا عمي سعد الله (ونوس)
إننا محكومون بالأمل .....
لك يلعن حظي

[باشق مجروح]

شو هالاكتشاف الجديد الي مكتشفو
معروفة هالشغلة جدي الله يرحمو اكتشفا
يعني شو نععمل قلي ننتحر مشان ترضا ؟؟!!

[واحد_سوري]

ليش حاسك عم تستلمني يا يا باشق ؟؟؟
و الله بعزك يا شريك؟؟
عم احكي جد...

[واحد_سوري]

يعني حاسس أنو الحياة وقفت عند نقطة و احدة ....
وبلشت تدور تدور تدور .... نفس النقطة عم تدور تدور تدور
و الله عم احكي جد ....

[ابو عمير السوري]

له يازلمة والحياة مافيها تكمل بلاك وين رايح لاتاخدنا معك
الحياة يومان يوم يوم عليك ويوم عليك وبيجوز يوم معك لاتقنط من رحمة ربك فهو الغفور الرحيم
ومافي بعد الصبر الا الفرج طنش تنتعش اصنع من الألم السعادة ومن الخير الشر
واضربلك نفس اركيلة وحشش معنا حشيش

[واحد_سوري]

عراسي أبوعمير انت و الحشيش يللي بحبو قلبي بس وحياتك أنو حياتي موقفة عند حالة وحدة نقطة وحدة ... يعني فيني قلك سيرة حياتي من هووووون لموووووت اذا ما صار شي كارثة من زلازل و براكين و قنابل هيدروجينية أو غزو فضائي

[باشق مجروح]

هههههههههه
ما عم استلمك بس نحنا ما لازم نكون انهزاميين
الحياة فيها شغلات كتير بتستحق نعيشها
يعني الحياة ما بتتوقف عند نقطة ..
فينا نكمل ..
لولا لحظات هالاكتئاب الي عم بتمر فيها ما كنت بتحس بلحظات السعادة وطعمها.
كلنا عنا مشاكل.
فيك تتجاوزها وتحط ايدك بايد الي بيحبك وتعدو هالمشاكل الي هي بهارات الحياة
حاول تطلع من الحالة وتغير الجو الي خانئك

[واحد_سوري]

و الله عراسي بس ... المشكلة أنو بتحس حالك على طول لحالك و فايت بستميت حيط و عم تناطح تناطح متل التوار الهايشة ... بس ما عم يطلع معك شي... غير الكدر و النكد و الوحدة...و فوقها تجاهل بغيض
آسف شباب بس مقفعة معي و بدي فضفض يا بموت طقيق

[باشق مجروح]

فضفض عادي
أنا بشوف هالحالة كتير طبيعية جد...
يعني كلنا مندخل حالات قرف واكتئاب ويأس بس عادي يعني مارح تستمر كتير انشالله.
الواحد من الضغوط بيحس حالو مخنوء وبيحس انو السعادة أصلا مو موجودة والايام الحلوة ما رح ترجع بس بيرجع بيلاقيها من جديد.
انا بنصحك تحاول تطلع من الجو الي انت فيه.

[واحد_سوري]

شكراً لأنك عبرتني.... الله يلعن يللي ما بحبك شريك... بشرفي إنك أصيل

[ابو عمير السوري]

فضفض ولايهمك ونفخ سيكارة ولا تسأل عن حدا هيك هي الأيام وطنش كلو ضارب طناش بها الأيام

[واحد_سوري]

معلمنا أبو عمير لك عراسي و هاه .... وهي سيكارة ... لعيونك بس شريك

[واحد_سوري]

كاتب النص الأصلي : ابو ريتا

مهما لعنت حظك ، بضل حظي ألعن

أب ريتا عراسي بس والله ما حدا حظو متلي... حتى بالتسطيل مو زابطة معي ... شكراً على تضامنك الأخوي مع حضرتنا ... و عجبتني لأنك بتحب مارسيل

[باشق مجروح]

كاتب النص الأصلي : واحد_سوري

شكراً لأنك عبرتني.... الله يلعن يللي ما بحبك شريك... بشرفي إنك أصيل

ولو حبيب الناس لبعضها
بدي ياك قوي وأقوى من الظروف
حاول تسمع أغاني فرح تتصل بحدا تتمشى معو وتحكي وتفرغ شوي
بترتاح