فيلم حين ميسرة $تصويت$

[betty_palestine]

مرحبااااااا اعضاء اخوية
اليوم وانا قاعدة بتفتل لئيت فيلم حين ميسرة منزل ف انا من الناس اللي ضد احضر هالفيلم لانو
سمعت عنو اشياء مو منيحة فقلت اختصري يا بيتي وما تحضريه بس يمكن في منكو ما عندو مشكلة
بيحضر هالافلام ف بدنا نشوف مين ممكن يحضرو ومين لأ واللي ممكن يحضروه ازا بدكو بنزلو وانتو بتشوفوه
وبتحكولو كيف وضعو

[hanny dagher]

كاتب النص الأصلي : betty_palestine

مرحبااااااا اعضاء اخوية
اليوم وانا قاعدة بتفتل لئيت فيلم حين ميسرة منزل ف انا من الناس اللي ضد احضر هالفيلم لانو
سمعت عنو اشياء مو منيحة فقلت اختصري يا بيتي وما تحضريه بس يمكن في منكو ما عندو مشكلة
بيحضر هالافلام ف بدنا نشوف مين ممكن يحضرو ومين لأ واللي ممكن يحضروه ازا بدكو بنزلو وانتو بتشوفوه
وبتحكولو كيف وضعو

اينو فلم ؟ هادا اللي ناقشو في قصة الليسبيان مهيك ؟

[betty_palestine]

ااااااه هاد هو
يعني انا عمري ما سمعت بفيلم فيو هيك شي

[secular]

كل مين بدو يسوق بضاعتو بدو يعمل فضيحة منشان المراهقين - ما بتسمعوا مطربة زحلت تنورتها بالغلط و من هالامور - معظمو منشان البيع و التسويق....لا اكثر و لا أقل ...

[betty_palestine]

اكيد مشان الشهرة
بس اللي بدور براسي ليه سمية خشاب بتنزل لهيك مستوى افلام
وفي وزير بمصر رفع قضية بمحاكمة كل اللي شاركوا بهالفيلم اللي ما بنتقبلو بمجتمع عربي
ومتل هيك افلام ما بيقبلها لا دين ولا اخلاقنا بتسمح

[hanny dagher]

كاتب النص الأصلي : betty_palestine

ااااااه هاد هو
يعني انا عمري ما سمعت بفيلم فيو هيك شي

على هامان يا فرعون

هلأ بداية الفلم ما تصنف انو فلم جنسي لحتى ياخد كل هالضجة وكل هالزيطة والزنبليطة ويصير علي كل هالاعتراضات ويصير في ضدو دعاوي ومحاكم

ثانيا : السحاق او الليسبيان موجود بكل مجتمع بدون استثناء وما في حدا ينكر هالشي او يتبرى من هالشي يعني ما فيكي تقولي المجتمع الكزا ما في سحاق وبعتقد هادا اللي عم يعالجو الفلم

ثالثا: السحاق حالة مرضية متلها متل الغاي (ما تثبتو حالة مرضية بس في امل كبير انن يأثبتوها وموعودين بنتائج خلال هالسنة ) يعني في جينات عم تسبب هالحالة هاي او بسبب تاني انو في بنات عم يتعرضو لكزا صدمة من كزا شب بحياتهن (عالاغلب صدمات جنسية يعني حالات اغتصاب او وعود كاذبة من الشباب وانا التقيت انا بكزا حالة من حالات الوعود الكاذبة وبهالحالتين هدول ممكن انو البنت ترجع طبيعية بس ترجعلها ثقتها بنفسها وبالشباب)

رابعا : نحنا عنا مشكلة انو اي شي بيتعلق بالجنس (ان كان جنس طبيعي او جنس "شاذ") منخاف منو منخاف نحكي في منخاف نقرب علي منخاف نحضر افلام بس طبعا كل هالخوف هادا بيكون "عالعام " بينما عالخاص نصمت لكي لا نسرح بهالموضوع (نحنا شباب وصبايا وكلنا منعرف بهالقصص هاي )


انا بحضرو واذا كان الفلم قصتو حلو والاخراج حلو بحضرو مرتين وتلاتة وممكن يكون من افلامي المفضلة

[hanny dagher]

كان لازم تضيفي بالاستبيان خيار
انا مع حين مسيرة لانه يعرض على العلن و يعالج قضية موجودة بمجتمعنا بشكل سري

[betty_palestine]

صح بنعرف السحاق منتشر بطريئة واسعة بس ما في ممثلة مشهورة متل سمية خشاب عملت متل هيك
لانو هيي متل ما سمعت عنها مثلتو بطريقة واقعية ولا كأنو تمثيل

على كل حال انا ما بحضروا لهالفيلم لانو اللي سمعتو كفاية

[betty_palestine]

يا هاني اللي بدو يعالج متل هيك موضوع بفيلم ما بمثلو لازم يبين اثارو السلبية ما يعملو بطريقة واقعية
انا برأي هالفيلم شجّع على السحاق

[hanny dagher]

كاتب النص الأصلي : betty_palestine

صح بنعرف السحاق منتشر بطريئة واسعة بس ما في ممثلة مشهورة متل سمية خشاب عملت متل هيك
لانو هيي متل ما سمعت عنها مثلتو بطريقة واقعية ولا كأنو تمثيل

على كل حال انا ما بحضروا لهالفيلم لانو اللي سمعتو كفاية

بالعكس تحية كبيرة لسمية الخشاب لانها اكيد كانت بتعرف بالضجة اللي رح يساويها الفلم والمشاكل اللي رح تصير من ورا هالفلم ومع هيك اخدت الدور مشان تعرف العالم بهالموضوع هادا

هاي شجاعة كبيرة منها ومن كل شي مثلو بهالفلم

[betty_palestine]

يعني انت هاني لما حتصوت مع الفيلم هادا


طيب متلا ابنك او اخوك او اختك صغار وقع بين ايديهم هالفيلم شو بكون ردة فعلك لما تعرف انو صغار وشافو
هالاشيا اللي بصير الولد الصغير بدو يقلد باللي شافو بالفيلم؟؟؟؟؟

[hanny dagher]

كاتب النص الأصلي : betty_palestine

يا هاني اللي بدو يعالج متل هيك موضوع بفيلم ما بمثلو لازم يبين اثارو السلبية ما يعملو بطريقة واقعية
انا برأي هالفيلم شجّع على السحاق

حضرتي الفلم ؟ اكيد لاء

اكيد الراي مبني على اراء عالم تانية حضرت الفلم ونقدتو وبينتو بهالطريقة السلبية هاي (ولا استبعد انو يكون في مبالغة كبيرة بهالموضوع )

طبعا انا كمان اسا ما حضرت الفلم ورايي مبني على اراء عالم تانية بس رايي مبني على اراء عالم اشتغلت بالفلم ووضحت شو كان هدفها من ورا الفلم وحكت عن شو عملو بهالفلم

وحابب كتير اني احضرو بس مشان شوف شو اللي خلا بقية العالم ينقضو بهالطريقة

[hanny dagher]

كاتب النص الأصلي : betty_palestine

يعني انت هاني لما حتصوت مع الفيلم هادا


طيب متلا ابنك او اخوك او اختك صغار وقع بين ايديهم هالفيلم شو بكون ردة فعلك لما تعرف انو صغار وشافو
هالاشيا اللي بصير الولد الصغير بدو يقلد باللي شافو بالفيلم؟؟؟؟؟

ابني واخي واختي وقت اللي بيقطعو عمر ال 13 وال 14 بيكونو عم يشوفو اضرب من هيك افلام

بدنا نضحك على بعضنا

[betty_palestine]

اكيد ما حضرتو بس شفت اللقطات تبعتو كانت دعاية بميلودي وبصراحة اشي بقرف

[betty_palestine]

هههههههههه صح بشوفو لانو الولاد هلأ مو قلال بس منهم ما بكونو بيعرفو هالاشيا فأول ما بشوفو
بصير عندهم رغبة يعملو هيك ليشوفو شو هادا اللي شفتو بالفيلم
ف بصير عنا اختلاف بين ولد بيحضر الفيلم وعادي وفيلم بصير بيعمل متل اللي شافو

[Government]

طيب وين نازل هادا ؟
شلون ازا بدنا نشوفو ؟

[hanny dagher]

كاتب النص الأصلي : betty_palestine

هههههههههه صح بشوفو لانو الولاد هلأ مو قلال بس منهم ما بكونو بيعرفو هالاشيا فأول ما بشوفو
بصير عندهم رغبة يعملو هيك ليشوفو شو هادا اللي شفتو بالفيلم
ف بصير عنا اختلاف بين ولد بيحضر الفيلم وعادي وفيلم بصير بيعمل متل اللي شافو

مسموح نتقل بالحكي او لاء ؟

انا خايف ناكل مخالفة من ريمي على اخر هالزمن
ما بيكفي ملاحقتني بهادل بالمشرفين

[betty_palestine]

انا معي الروابط
لئيتو بمنتدى انا مسجلة فيو