$$ مصاري $$

[اسد_الشام]

$ $ مـصـاري $ $
لكل شخص قاموسه الخاص يضع فيه المفردات التي يستعملها والتي يسمعها بشكل متكرر
وصدقوني إذا قلت لكم بأن الكلمة المشتركة بين قواميس سكان الأرض جميعاً هي المصاري ((نقود)) ((فلوس))
ولكن أريد أن أطرح سؤالاً متمنياً بأن يجيبني أحد ما....لماذا ندخل المصاري في كل أحاديثنا ((يعني وحتى ونحن عم نحكي شي ما دخلوه بالمصاري فإننا نستعمل كلمات كلها مصاري)) يا جماعة وكأنو القاموس ما فيه غير هـ الكلمة هي .....
بلشنا عدوا لألكون........
حاكيني سلف , بيحكي بالتقسيط , بيربحك جميلة , خوذ وعطي , الغالي بيرخصلك , أنت غالي وطلبت رخيص , غالي على قلبي
ما بيسوى فرنك , راحوا فراطة أو راحوا بحق الفجل ((مع العلم بأنه يتكلم عن حدا ميت)) , دفع حياته ثمن لوطنه , شو بتخصر إذا قعدت , نكسب شوفتك , كلامك ذهب , ما في كلفة بيناتنا , كلفنا خاطرك , شو طالعلي منك , شو شاريهون للجماعة , طول بلا غلة ((شو دخل الطول بالغلة.....مصاااااري)) , مو قابضني جد . بيسوى تقله ذهب
· واحد مركب سنان عيرة والعيرة شو دين والدين شو مصاااااااااااااري
· مكسور عليه نوم ومكسور يعني مديون
· ما بيتعلم الواحد إلا من كيسه ......والكيس شو بيكون فيه يا حزركون مصاااااااااااري
· كيف صار أبنك ؟ فيجيب مثل الليرة ((في صبي مثل الليرة ))
· الولد ما بيتقدر بثمن ((من طلب منهم تقدير ثمن الولد يا أخي بدهن يبيعوه يبيعوه من ماسكهن ))
· عيونه 10/10 (( ليش كل هـ العشرات وهنن كلهن عينتين ))
· الفنانة هيفاء وهبي ثـــــروة فنـــــية
· إذا جماعة راحوا ليخطبوا شي بنت لأبنهم ((مدلل الماما)) شو بيقولوا لأهل العروس : والله حبيناكم من كل قلبنا ونحن بصراحة شارين بنتكون بالحلال ......شو البنت لعبة ليشتروها
· يشتري المشاكل شره.....((بقديش ومنين))

يعني عن جد شو بدكن بالحكي المصاري شي أساسي بحياتنا وهذا الذي يقول المصاري وسخ الدنيا على عيني وينك بس هات ارجيني ..... يعني معلش هدول شوية نماذج وكلمات وإلا ما شاء الله ما بتخلص
بعدين أبقوا تذكروا حكيي بعد كم سنة إذا مو كم شهر صباح الخير سوف تلغى من جميع القواميس سوف تستبدل
بـ صباح الليرات ....( يعني صباح الخيرات والليرات.... خلص موضة قديمة ) هذا عصر الليرات
وكما يقول المثل الدراهم مراهم .


فكرة المصاري من مسرحية لولا فسحة الأمل لـ زياد الرحباني

[jouliana]

انه صحيح كلامك كل هل مصطلحات بنستعملها
وكلها داخل فيها موضوع المصاري بشكل او بأخر
بس والله عجبوني كـأنه لفتت انتباهي لشي انا بستخدمه
و مش منتبها اله

بس يمكن صار همنا بهل دنيا هو المصاري لانه اديش معاك اديش بتسوى هيك
الدنيا صارت من هيك صار موضوع المصاري يشغل بالنا فصرنا نستخدمه بحكياتنا
واحنا مو منتبهبن

[اسد_الشام]

ممممممممممممم

معك حق يعني صاير هـ الأيام معك قرش بتسوى قرش

نورتي الموضوع

[إم العز]

لانو اذا معك قرش بتسوى قرش واذا ما معك ما بتسوى شي .." ضيفها عل قائمة "

[MadMax]

كاتب النص الأصلي : اسد_الشام

فكرة المصاري من مسرحية لولا فسحة الأمل لـ زياد الرحباني

جوعان ..؟؟
حاسس جوعان ما هيك ..؟؟

[سارة$$$]

شكرا للفت الانتباه ......وين كانت رايحة هاي عني
مشكوور

[اسد_الشام]

كاتب النص الأصلي : Madmax

جوعان ..؟؟
حاسس جوعان ما هيك ..؟؟

شو رأيك تفل من هون .........................

[اسد_الشام]

كاتب النص الأصلي : سارة$$$

شكرا للفت الانتباه ......وين كانت رايحة هاي عني
مشكوور

مو مشكلة بسيطة !!!!

[lobzi]

رايت الناس قد ذهبوا الى من عنده ذهب
رايت الناس قد انفضوا الى من عنده فضة
رايت الناس قد مالوا الى من عنده مال

تسلم اخي موضوع المصاري لاينتهي لان المصاري هي كل شيئ في عصرنا وهي شر لابد منه يا حسرة على ايام l'economie de troc

[تالين]

كاتب النص الأصلي : lobzi

رايت الناس قد ذهبوا الى من عنده ذهب
رايت الناس قد انفضوا الى من عنده فضة
رايت الناس قد مالوا الى من عنده مال

تسلم اخي موضوع المصاري لاينتهي لان المصاري هي كل شيئ في عصرنا وهي شر لابد منه يا حسرة على ايام l'economie de troc

هلا صايرة المصاري شر
اي خليكون شوي واقعيين
انا بحب المصاري

[lobzi]

كاتب النص الأصلي : تالين

هلا صايرة المصاري شر
اي خليكون شوي واقعيين
انا بحب المصاري

كلنا منحب المصاري اوكي!!! بس ماتنسى انو هي سبب المصايب في كل مكان ليش؟ لانها صارت غاية في عصرنا مو وسيلة عشان نتعايش. وعشان هيك هي شر ولكن وجودها ضروري لكل الناس للي بيعتبرها غاية كما للي بيعتبرها وسيلة.

[تالين]

كاتب النص الأصلي : lobzi

كلنا منحب المصاري اوكي!!! بس ماتنسى انو هي سبب المصايب في كل مكان ليش؟ لانها صارت غاية في عصرنا مو وسيلة عشان نتعايش. وعشان هيك هي شر ولكن وجودها ضروري لكل الناس للي بيعتبرها غاية كما للي بيعتبرها وسيلة.

انا صبية يعني فيك تقلي ما تنســـي


المصاري سبب المشاكل؟
اي معك حق الظاهر انت من جماعة اصحاب القناعة كنز لا يفنى

[LiOnHeArT.3LA2]

اي اكيد انو المصاري السبب اللي عايشي مشانو نص البشرية

ميرسي عالموضوع

[طفوله]

غيـــر هيكـ الحديث ما بيوفــي



لسه رسمالها اكـــتر



مااا النا عمــــر بيدرسونا بالجــامعه كيف نـــ ع ـــد ..مصـــاري..


ولسه..

[اسد_الشام]

كاتب النص الأصلي : طفوله

غيـــر هيكـ الحديث ما بيوفــي

لسه رسمالها اكـــتر

مااا النا عمــــر بيدرسونا بالجــامعه كيف نـــ ع ـــد ..مصـــاري..

ولسه..

خخخخخخخخخخخخ

إيه والله

[اسد_الشام]

كاتب النص الأصلي : تائه فـــ النور ــــي

اي اكيد انو المصاري السبب اللي عايشي مشانو نص البشرية

ميرسي عالموضوع

مو نص البشرية
البشرية كلها

[اسد_الشام]

كاتب النص الأصلي : lobzi

رايت الناس قد ذهبوا الى من عنده ذهب
رايت الناس قد انفضوا الى من عنده فضة
رايت الناس قد مالوا الى من عنده مال

تسلم اخي موضوع المصاري لاينتهي لان المصاري هي كل شيئ في عصرنا وهي شر لابد منه يا حسرة على ايام l'economie de troc

حبيبي نور الموضوع

[اسد_الشام]

كاتب النص الأصلي : تالين

هلا صايرة المصاري شر
اي خليكون شوي واقعيين
انا بحب المصاري

وأنا بحبها يس ما بخليها تستغلني
يعني خلي المصاري وسيلة مو غاية
وصل......؟؟؟