بخصوص استمراب حجب منتدى AKHAWIA

[محمد عزت رياض محمود]

الآن تم بحمد الله تعالى والذي لا يحمد على مكروه سواه حجب الدخول إلى منتدى أخوية على الاسم
AKHAWIA.COM .
وبالطبع سوف تتدخل المشيئة الإلهية لحجب باقي الأسماء التي نستطيع الدخول بها إلى الموقع .
ما العمل .
ألا نستطيع أن نتقدم بأي مطالبة رسمة سواء كإدارة لهذا المنتدى أو كأعضاء للجهات المعنية .
طبعاً لا أعلم الخطوات التي تقوم بها الإدارة الآن لرفع الحجب .
ما هو مستقبل المنتدى .؟
هل سنبقى ندخل إليه من الشبابيك بدلاً من الأبواب .
أتطلع إلى اقتراحاتكم بهذا الشأن .

دمتم

[ASH]

لحد الأن ما اعتقد في اي شي بديل للدخول لاخويه

و بالنسبه لمصير المنتدى ، فالمنتدى باقي يا غالي ، اكيد مالح يتسكر يعني

[MadMax]

كاتب النص الأصلي : محمد عزت رياض محمود

ألا نستطيع أن نتقدم بأي مطالبة رسمة سواء كإدارة لهذا المنتدى أو كأعضاء للجهات المعنية .

حلوة هي الجهات المعنية
و يا ترى يللي رح يروح يقدم الطلب ........ ممكن يرجع ..؟؟

[محمد عزت رياض محمود]

مثلا ألا نستطيع كتابة طلب لرفع الحجب عن الموقع مزيّل بتوقيع أعضاء المنتدى "أشعر بأن كلمة منتدى لا تحتوي ال akhawia " بحيث نخصص صفحة لوضع تواقيع الأعضاء "جملة معبّرة من كل عضو تكفي" ويرفع الطلب مع صورة عن هذه الصفحة إلى أي جهة كانت أمنية أو غير أمنية مع توضيح لهدف ال Akhawia وحدود مسؤوليتها عن موضوعات الأعضاء .
المهم أن نتحرك , ما بكم أين اقتراحاتكم .
"كنت قد كتبت المشاركة قبل قراءة رد الأخ Madmax "

بالنسبة للأخ Madmax يأخي طبعاً ممكن يرجع وأكيد رح يرجع ,
من المؤكد بأن " حالياً على الأقل إذا كان الحجب لأسباب سياسية " كل من يدخل الى الموقع يراقب دخوله وماذا يكتب
وهذا أمر سهل القيام به , إذاَ مجرد دخولك بحسب فحوا قولك يعرضك لأن تذهب ولا تعود .
أتصور بأن الموضوع مختلف ويجب أن نؤكد بأن الذي يريد الإساءة يستطيع أن يشترك بأي موقع ويضعها لن يستطيع منعه أحد ومبدأ الحجب بحد ذاته غير فعّال . المهم
ممكن أن نرفع الطلب لوزارة الإعلام – وزارة الثقافة إلى الشركات التي تزود الخدمة في سوريا إلى أي جهة .
المهم هو التحرك .
دمتم

[jouliana]

المنتدى بسوريا ما انحجب من سراب
اكيد كان في سبب
و سبب قوي كمان لحجبه
و بدون ما نضحك على بعض كلنا بنعرف السبب الحقيقي
لحجبه ^_^ و اذا ادارة الموقع غائبة او هي حاضره بس غاضة
النظر على الي بصير تحت شعار احنا شعب نعبر بديمقراطيه مطلقه
و كل واحد فينا فيه يكتب شو ما بدو من غير قيود و بتلاقي ما في حد يوقفه:::مع انه كتير مواضيع بتنحذف
مع انها تافهاا و كتار اعضاء بتوصلهم انذارات
مع انه غالبا بكون تصرفهم عفوي و بالمقابل المواضيع الحساسه عم بتبقى و ما حد مسترجي ياخد قرار اتجاها
معناه اكيد المنتدى بدو ينحجب ابوه كمان

ما لازم ننسى انه بتتوقف حريتنااااا وقت نمس حرية غيرناااا
و هاادا للاسف الي عم يصير بمنتدانا

[Ms. J.A]

لكل شي بالدنيا ضريبة
وهاي ضريبة انو تسمح لعربي يحكي اللي عندو
بتخيل انو اللي معني بأخوية بيفوتلها
من الشبابيك ولا من الأنفاق
وبتخيل انو هامش الحرية اللي فيها هو اللي خلاها مش منتدى عربي زيو زي غيرو
وع رأي مادماكس ممكن يرجع ؟

[ASH]

اي فيها وجهة نظر انو نقدم طلب للجهات المعنيه هاد كتير لح يكون ظريف ، بس قبل ما نعملو
يلي بدو يقدمو لازم نخلي يبوسنا كلنا ، وناخدلو صور تذكاريه لانو بشك انو يرجع ، بيجوز يرجع الطلب لحالو بس

[MadMax]

كاتب النص الأصلي : ASH

يلي بدو يقدمو لازم نخلي يبوسنا كلنا ، وناخدلو صور تذكاريه لانو بشك انو يرجع ، بيجوز يرجع الطلب لحالو بس

انو .... انت ايمتى راجع عالبلد قلتلي ..؟؟

[la-vierge]

كاتب النص الأصلي : Madmax

انو .... انت ايمتى راجع عالبلد قلتلي ..؟؟

اي و شو هالحشرية هي اللي فيك مادماكس يرجع وقت ما بدو يرجع
اولي على هالفضول كانك رح تفرشلو المطار ورود لما يرجع
جمع منخارك و خليه بوشك

[ASH]

كاتب النص الأصلي : Madmax

انو .... انت ايمتى راجع عالبلد قلتلي ..؟؟

انا اجلة رجعتي اكم من سنه شريك مافي داعي اجي هلا ما هيك ولا شو رايك انت

[محمد عزت رياض محمود]

يا أخي معلش أنا من جهتي سوف استشير محامي .
كمان ممكن نبعت الطلب "إذا خايفين كتير " بالفاكس أم ال EMail .
ودمتم.

[MadMax]

كاتب النص الأصلي : la-vierge

اي و شو هالحشرية هي اللي فيك مادماكس يرجع وقت ما بدو يرجع
اولي على هالفضول كانك رح تفرشلو المطار ورود لما يرجع

لا .. مو مشان شي ...
بس كنا بدنا نبعت الطلب معو

[MadMax]

كاتب النص الأصلي : ASH

انا اجلة رجعتي اكم من سنه شريك مافي داعي اجي هلا ما هيك ولا شو رايك انت

انشالله ما تضطر تلغيها بالمرة












عالهامش : شو قصة هالتاء المربوطة معك بكل ردودك ..؟؟

[MadMax]

كاتب النص الأصلي : محمد عزت رياض محمود

كمان ممكن نبعت الطلب "إذا خايفين كتير " بالفاكس أم ال EMail .
ودمتم.

اي مزبوط ..... بس بدك حدا يعرف ايميل الشعبة
أو الفرع 999

أو فاكس العقيد أبو الغضب بيمشي حالو

[Barleb]

خلص منبعت الدنجل لعندو ..

[ASH]

كاتب النص الأصلي : Madmax

انشالله ما تضطر تلغيها بالمرة












عالهامش : شو قصة هالتاء المربوطة معك بكل ردودك ..؟؟

لا لا شريك ما تخاف مالح الغيها نازل مايهمك انت ، بس انا ما دخلني لا بتوصيل طلبات ولا بتوصيل اكل


التاء المربوطه بيني وبينها حكاية عشق ولله يا صاحبي ، انا دائما بستسهلها علكيبورد لانها فوق السبيس ، لهيك بحطها دائما ، بعدين اخي شو فرقة يعني مو التنين تاء و خلصنا ، حتى بهي بدنا نعمل تميز عنصري

[ابو عمير السوري]

كاتب النص الأصلي : محمد عزت رياض محمود

مثلا ألا نستطيع كتابة طلب لرفع الحجب عن الموقع مزيّل بتوقيع أعضاء المنتدى "أشعر بأن كلمة منتدى لا تحتوي ال akhawia " بحيث نخصص صفحة لوضع تواقيع الأعضاء "جملة معبّرة من كل عضو تكفي" ويرفع الطلب مع صورة عن هذه الصفحة إلى أي جهة كانت أمنية أو غير أمنية مع توضيح لهدف ال Akhawia وحدود مسؤوليتها عن موضوعات الأعضاء .
المهم أن نتحرك , ما بكم أين اقتراحاتكم .
"كنت قد كتبت المشاركة قبل قراءة رد الأخ Madmax "

بالنسبة للأخ Madmax يأخي طبعاً ممكن يرجع وأكيد رح يرجع ,
من المؤكد بأن " حالياً على الأقل إذا كان الحجب لأسباب سياسية " كل من يدخل الى الموقع يراقب دخوله وماذا يكتب
وهذا أمر سهل القيام به , إذاَ مجرد دخولك بحسب فحوا قولك يعرضك لأن تذهب ولا تعود .
أتصور بأن الموضوع مختلف ويجب أن نؤكد بأن الذي يريد الإساءة يستطيع أن يشترك بأي موقع ويضعها لن يستطيع منعه أحد ومبدأ الحجب بحد ذاته غير فعّال . المهم
ممكن أن نرفع الطلب لوزارة الإعلام – وزارة الثقافة إلى الشركات التي تزود الخدمة في سوريا إلى أي جهة .
المهم هو التحرك .
دمتم

مابعرف ليش حاسك من فرع امن الدولة بدك تجرجر الناس من شان تبيض وش على حسابهم

[Syrian Gay]

انا مستعد روح وأسألهون عن سبب الحجب ..

ليش كان مفتوح قبل وما انحجب بفترة الانحجاب الكبرى ..

ليش هيك انحجب فجأة لحالو ..

وبهل المناسبة شفت بسيريا نيوز .. بقسم الشكاوي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مبين حدا من الشباب الفعّالين استفسر .. بس كالعادة مافي جواب ..