My Dirty Little Secrets

[*Marwa*]

My dirty little secrets

هاي..مرحبا..شالوم..
ما بعرف شو صايرلي اليوم ..بس كأنو عندي صفاء ذهني-روحاني-حفلة استحضار ارواح
وما بعرف من وين اجتني هالجرأة العظيمة اني احكي عن اسراري القذرة اللي البعض منهن يمكن امي ما بتعرفو
رح اعددهن

1. بصف تالت حطيت دبوس عا كرسي استاز روميو ..يومها نط نطة وصرخ صرخة الله لا يفرجيكو (بصراحة كان صوتو متل النسوان)..مع انو كنت احبو لهالاستاز وهو كان لطيف معي..بس الله يجزيه بالخير اللي كان السبب

2.بصف سادس او سابع مش متزكري شربت خمرة بعرس بحيفا ..ما تقولوا لحدا

3.بصف سادس قبعت ازرار لوحات المفاتيح اللي بغرفة الكومبيوتر بالمدرسة الابتدائية (انا والشلة) ويومها اعترفت للمدير بالفعل الشنيع
ويا حرام المدير صفن (يعني اندهش وانصدم) لما عرف انو انا ما كان متوقع

4.بصف تاسع كنت بحيفا ولعبت لعبة (سؤال او طلب) هاي اللعبة اللي يا اما بسالوك ومجبور تجاوب بصراحة يا اما بتلبيلهم طلب..وقال انا قلت بدي البي طلب!..قام قاللي ابن خالي بتروحي عالشارع اللي حد شارع بيت تيتا هناك في بيت مهجور ومعشب بروحوا عليه بالليل حشاشين بتروحي بتفوتي وبتقعدي فيه لا بين ما نيجي ناخدك..وبالفعل رحت (قال عشان اثبت اني قوية) والحيوان ابن خالي ما اجى الا بعد شي ساعة بوقتها كل الوقت كنت عم رجرج من الخوف

5.السنة اللي فاتت كان في تحدي بالصف انو مين الشاطر او الشاطرة اللي رح يسترجي يهرب من حصة استاز ابراهيم..وبالفعل انا متل الشاطرة هربت وتسجللي هروب عا ورقة الشهادة

6.بتزكر كان في معلمة تعلمني بصف تاني اسمها نوال كنت اكرهها وهي كانت تكرهني..قمت استنيت لليوم الرياضي وضربتها طابة جبت أجلها

7.مرة كنا قاعدين وانا بنات الصف عم نحكي عالمعلمات وشغلاتهن الخاصة وما كنت منتبهة انو يوسف بالصف قمت حكيت شغلي خاصة كتير عا معلمة زنخة يلعن حياتي بس..

وفي كام سيكريت ديرتي ديرتي ..يعني شغلات ما بتنحكى..عالعموم ازا تزكرت كام زكرى حلوة متل هالزكريات رح اكتبهن..لانو متل ما قلتلكو انا بمرحلة صفاء روحي

[Syrian Gay]

رهيبين مروى .. ما كنت فكرك هيك مشكلجية .. ييييي لكان ليش هيك انتي هون مسالمة .. لك نطي تقاتلي رفسي تصادمي وقوللي اخر شي انا اسفة

لك حلوين ذكرياتك .. ولك نيالك

[*Marwa*]

كاتب النص الأصلي : Syrian Gay

رهيبين مروى .. ما كنت فكرك هيك مشكلجية .. ييييي لكان ليش هيك انتي هون مسالمة .. لك نطي تقاتلي رفسي تصادمي وقوللي اخر شي انا اسفة

لك حلوين ذكرياتك .. ولك نيالك

ولساتني لليوم وحياتك..من اقل من سنة ضربت ولد شلوط..لك صرت بصف 12 يا جماعة وبعدني ما بستثني الولاد من الخناقات (اساسا ما بتخانق مع بنات)..خناقاتي كلها مع ولاد اكتشفت انها هواية

[*Marwa*]

العمى حاج تنزلولي بالصفحة لتحت
هاي فوق ما انا فاتحة قلبي وعقلي ونيعي (يعني تمي).. وعم احكي عن اشيا ما كنت بتخيل حالي يوما ما رح احكيها

[Syrian Gay]

كاتب النص الأصلي : *Marwa*

العمى حاج تنزلولي بالصفحة لتحت
هاي فوق ما انا فاتحة قلبي وعقلي ونيعي (يعني تمي).. وعم احكي عن اشيا ما كنت بتخيل حالي يوما ما رح احكيها

تطمني
الكل بيشوف المواضيع الجديدة .. بس مهليون وقت شوي

[black_iris]

له له يا مروه ... شو هالعمايل هي
بس والله ضحكتيني طلعتي مو قليله
قال يلي بشوفها بتوهم

[*Marwa*]

كاتب النص الأصلي : black_iris

له له يا مروه ... شو هالعمايل هي
بس والله ضحكتيني طلعتي مو قليله
قال يلي بشوفها بتوهم

هو صحيح انا مش قليلة بالحياة الواقعية
بس قلبي طيب

لك صحيح خدوا هاد لينك لبروفايل فرقة اسمها ALL AMERICAN REJECTS في عا جنب بالصفحة تبعتهن playlist فيو اغنية اسمها ديرتي ليتل سيكريت اسمعوها..حلوة كتير

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[*Marwa*]

لك اليوم شهيتي مفتوحة على التعبير والفضفضة
تزكرت موقف محرج ومضحك صار معي.. انو مش ديرتي سيكريت..بس فضيحة

بصف 10 يعني قبل سنتين ..صار معي موقف مخجل جدا وتصّور بكاميرات المدرسة كمان
القصة وما فيها كان علينا حصة كومبيوتر بعد الفرصة..وانا متل "المجتهدات" شوية شوية رايحة عالحصة ومش هاممني التأخر فأجى حكالي ابن صفي انو استاز علاء مش رح يفّوت كل واحد بتأخر عن الحصة 5 دقايق..فأنا صرت اركض متل كأني بسباق ركض ...المهم عم بركض بالممر قام اجى استاز الدين بالجهة المعاكسة..وانو كنت مسرعة كتير وما قدرت اعمل بريك بس انو زحت عنو ..وانضربت بالحيط ..هيك كلي نزلت نزول وجهي وجسمي واجريي من الحيط للارض..متل لما توم بخبط بالحيط..شفتو مرة كيف بنطعج؟..انا هيك انطعجت ..ويومها اولاد صفي اللي بفرع الاليكترونيكا ضحكوا تا شبعوا..لك حتى المدير ضحك عليي يومها..لانو لما راح عندو بلال ابن صفي شاف المدير عم يطلّع عالمشهد تبعي ويضحك ..العمى

انو بوقتها تدايقت كتييييييير..بس اليوم عادي..مش بس عادي لا كمان انا open وما عندي مانع احكي عن هالفضيحة

[black_iris]

لك تخيلت المنظر

عالهامش : لك مروه شو مالك مرضانه ؟؟
الاحلى منظرك بكره لما تقولي ..شو هالفضايح يلي نشرتها .. لك صارت هلأ global

[Damask Rose]

هههههههههههههههههه
ولك شو ياشيخة؟؟؟؟؟؟؟؟؟؟؟؟؟؟؟؟
كل هاد بيطلع منك
والله ماتوقعت
طلعتي مانك قليلة

[Nabilove]

ههههه هوايتك هي المشاكل و لا شو؟؟

[*Marwa*]

كاتب النص الأصلي : black_iris

لك تخيلت المنظر

عالهامش : لك مروه شو مالك مرضانه ؟؟
الاحلى منظرك بكره لما تقولي ..شو هالفضايح يلي نشرتها .. لك صارت هلأ global

صح لك صرت عم فكر بالموضوع اسى بكل جدية
انو مبارح كنت محششة شي؟

[*Marwa*]

كاتب النص الأصلي : سميه

هههههههههههههههههه
ولك شو ياشيخة؟؟؟؟؟؟؟؟؟؟؟؟؟؟؟؟
كل هاد بيطلع منك
والله ماتوقعت
طلعتي مانك قليلة

الله وكيلك

[*Marwa*]

كاتب النص الأصلي : Nabilove

ههههه هوايتك هي المشاكل و لا شو؟؟

هي مش هواية بقدر ما هي موهبة..حتى بالايام اللي بكون فيها هادية ورايقة ما بعرف من وين بطلعلي جو المشاغبات والنهفات

[امرأة من ورق]

موضوع حلو كتير
شكرا مروى انو حكيتي عن مشاغباتك
ورح شاركك بفضيحة صارت معي لما كنت صف عاشر
هاد كانت المدرسة دوام صباحي بنات ودوام بعد الضهر للشباب.... يعني نداوم بس بنات... بس غرفة الصف مشتركة مع صبيان
بقى مرة فتنا عالصف وكان واحد من الصبيان كاتب عاللوح عبارة كتير وسخة من تبع من الزنار ونازل
وانا باعتبار كلنا بنات بالصف قريتها بصوت عالي وانا عم اضحك
بس لسوء حظي انو انا عم اقراها دخل استاز اللغة العربية وكان الاستاز نسونجي درجة اولى
قام سمعني وصار يضحك وبلش يحكي احاديث من نفس المستوى

[Abu Guzef]

تعرفو مرة شو صار معي

مرة رحنا برحلة مدرسية واحلى شي ع اساس انو بيت جيراني ولادون كبار وانو اي تمام انا معون

هالحكي من زمان

واحلى شي انو الرحلة ع حمص

المهم

جيراني مسيحية فاتو عالكنيسة فتت معون

كان في خوري ومعو صولجان مدري شو وفي جرة كبيرة فيها نبيد

رحت لعندو

قام حطلي على راصي شغلة مدورة وشربني نبيد ومدري شو صار يحكي

وانا دايخ وفاتلة معي اي شو كنت فصعون ايامها

قام شو بيقلي جاري بعد ما طلعنا فتت مسلم طلعت مسيحي

وانا فاتلة معي ماني عرفان شو عم يصير

[Willi]

ييييي لكان ليش هيك انتي هون مسالمة

قال مسالمة قال, ما الها شي شهر علقانة معي. ما عم تخليني اعرف اتنفس

[امرأة من ورق]

كاتب النص الأصلي : Willi

قال مسالمة قال, ما الها شي شهر علقانة معي. ما عم تخليني اعرف اتنفس

انت بتستاهل