هل ممكن أنت تتزوج من صديقتك أو حبيبتك ؟؟؟

[أبو عقييد]

مسا الخير لكل الشباب و الصبايا الصراحة سؤال محيير و الجواب عنو يمكن أن يكون غير واضح أو محرج و يلي هو لو أنت اتعرفتلك على شي بنت و ضليت أنت وياها شي سنتين أو تلاتة ياترى هل ستتزوجها بالنهاية و كيف ممكن اتكون حياتكن بعد الزواج أنا برأيي لا يمكن و رح اتكون حياتهن مع بعض مليئة بالمشاكل و الشكوك مارأيكم ياترى.... ؟؟؟؟؟؟

[la-vierge]

على حسب العلاقة اللي كانت بيناتهون قبل الزواج اذا كانت هالسنتين اللي قلت عليها في بيناتون احترام
و البنت قدرت فيهون تحترم حالها و تخلي الشاب يحترمها و يخاف عليها من القال و القيل فاكيد رح تكون النهاية هي زواج و زواج سعيد
اما اذا كانت هي ما بتحترم حالها فمستحيل الشاب يحترمها او يفكر انها تكون مرتو
يعني رحج يتسلى بالاول و بالاخر

مشكور على موضوعك
و اكيد اللي بيحب الصراحة مستحيل يحس بالحراج
بالعكس رح يحس انك طرحت موضوع من زمان كان بدو يحكي رأيو فيه
ومشكور

[Placebo]

بالعكس من الأحسن أنو يكون في علاقة وصداقة بيناتهم مشان يعرفو بعض من البداية إذا فينهم يكملوا المشوار ولا لأ .. يعني مثال على ذلك بعرف كتير ناس تزوجت بعد تعارف لمدة 6 أشهر بس وبالنهاية تزوجو وشوفوهم هلأ .. صرلهم سنتين وما بظن أنهم رح يكملو السنة التالتة على خير!

[أبو عقييد]

كاتب النص الأصلي : la-vierge

على حسب العلاقة اللي كانت بيناتهون قبل الزواج اذا كانت هالسنتين اللي قلت عليها في بيناتون احترام
و البنت قدرت فيهون تحترم حالها و تخلي الشاب يحترمها و يخاف عليها من القال و القيل فاكيد رح تكون النهاية هي زواج و زواج سعيد
اما اذا كانت هي ما بتحترم حالها فمستحيل الشاب يحترمها او يفكر انها تكون مرتو
يعني رحج يتسلى بالاول و بالاخر

مشكور على موضوعك
و اكيد اللي بيحب الصراحة مستحيل يحس بالحراج
بالعكس رح يحس انك طرحت موضوع من زمان كان بدو يحكي رأيو فيه
ومشكور

شكرا على مرورك و الله مابعرف شو بدي قلك أول شي كلامك عجبني و غيرلي وجهة نظر بهالموضوع أنو متل ماقلتي على أن يكون الإحترام بينهم ضروري شكرا لكي

[was616im]

انا برايي انو رح يكون الزواج ناجح كتييييييييير لسبب بسيط لانو ببساطة بما انو صرلن مع بعض سنتين او تلاتة او اكتر معناها انو هنن متفاهمين كتير و لوما هيك ما كانو ضلو مع بعض كل هالمدة فاحتمال شبه مؤكد انو رح يحسنوا يقضوا مع بعض بقية حياتن احسن من اللي بيتزوجوا بدون ما يعرفوا بعض الا بليلة الدخلة

و شكرا عالموضوع

[أبو عقييد]

كاتب النص الأصلي : romanista

بالعكس من الأحسن أنو يكون في علاقة وصداقة بيناتهم مشان يعرفو بعض من البداية إذا فينهم يكملوا المشوار ولا لأ .. يعني مثال على ذلك بعرف كتير ناس تزوجت بعد تعارف لمدة 6 أشهر بس وبالنهاية تزوجو وشوفوهم هلأ .. صرلهم سنتين وما بظن أنهم رح يكملو السنة التالتة على خير!

أبو الشباب الفكرة يلي طرحتها كتير من الشباب بيفكرو يعملوها أنو يتعرف عليها لحتا يعرفها و بعدين بيتجوزها بس أنا عندي أصدقاء رفاقي يعني بيقلك مابقدر أتجوز وحدة اتعرفت عليها لأنو متل ما اتعرفت عليي ممكن تتعرف على غيري و فكرة التعارف بدون علم الأهل هي بالأصل فكرة خطأ بمجتمعاتنا الشرقية و بالنسبة لفكرتك أنو يتعرف عليها مشان يدرس طباعها فممكن الشب لما يتجوز ياخد وقتو بفترة الخطبة ليدرس أطباع البنت بحيث اتكون حسب التقاليد الشرقية ولا شو رأيك

شكرا على مرورك

[la-vierge]

كاتب النص الأصلي : أبو عقييد

شكرا على مرورك و الله مابعرف شو بدي قلك أول شي كلامك عجبني و غيرلي وجهة نظر بهالموضوع أنو متل ماقلتي على أن يكون الإحترام بينهم ضروري شكرا لكي

انت المشكور على موضوعك
و انا ما بلومك على قرارك انك ما تتزوج بوحدة كانت صديقتك او حبيبتك
لانو احنا البنات مو كلنا طبعا
ما بنحترم حالنا
يعني انت شو بيضمنلك انو هالبنت بعمرا ما كانت على علاقة بشاب غيرك من قبل
او بالمعنى شو بيضمنلك انو هالبنت رغم انها كانت صديقة لشاب قبلك
و كانت بتحترم حالها
و في حدود بينها و بينو
بالأخر ما في شي بيضمنلك
غير التصرف اللي بتتصرف به معك
يعني يا احنرام يا وقاحة

[was616im]

كاتب النص الأصلي : أبو عقييد

أبو الشباب الفكرة يلي طرحتها كتير من الشباب بيفكرو يعملوها أنو يتعرف عليها لحتا يعرفها و بعدين بيتجوزها بس أنا عندي أصدقاء رفاقي يعني بيقلك مابقدر أتجوز وحدة اتعرفت عليها لأنو متل ما اتعرفت عليي ممكن تتعرف على غيري و فكرة التعارف بدون علم الأهل هي بالأصل فكرة خطأ بمجتمعاتنا الشرقية و بالنسبة لفكرتك أنو يتعرف عليها مشان يدرس طباعها فممكن الشب لما يتجوز ياخد وقتو بفترة الخطبة ليدرس أطباع البنت بحيث اتكون حسب التقاليد الشرقية ولا شو رأيك

شكرا على مرورك

هلق شيل العادات تبعيت مجتمعنا ع جنب لانو هيك رح نفوت بموضوع الو اول مالو اخر و انحكى فيه كتييييييييييييييييييير باخوية

[أبو عقييد]

كاتب النص الأصلي : was616im

انا برايي انو رح يكون الزواج ناجح كتييييييييير لسبب بسيط لانو ببساطة بما انو صرلن مع بعض سنتين او تلاتة او اكتر معناها انو هنن متفاهمين كتير و لوما هيك ما كانو ضلو مع بعض كل هالمدة فاحتمال شبه مؤكد انو رح يحسنوا يقضوا مع بعض بقية حياتن احسن من اللي بيتزوجوا بدون ما يعرفوا بعض الا بليلة الدخلة

و شكرا عالموضوع

حبيب وسيمو لا تنسى أنو فترة الخطبة ممكن يتعرف عليها أكتر للبنت بعدين أنا برأيي أنو الصداقة ممكن أنو يكونو الشخصين عم يبدو لبعض أحسن ما عندهم مشان هيك بيكونو متحابين خلال هالفترة لأنو لسا ماعرفو يلي بداخل بعض أنما كل شخص بيعطي للتاني أحسن ما عندو و بيخبي الباقي

شكرا على مرورك

[was616im]

كاتب النص الأصلي : أبو عقييد

حبيب وسيمو لا تنسى أنو فترة الخطبة ممكن يتعرف عليها أكتر للبنت بعدين أنا برأيي أنو الصداقة ممكن أنو يكونو الشخصين عم يبدو لبعض أحسن ما عندهم مشان هيك بيكونو متحابين خلال هالفترة لأنو لسا ماعرفو يلي بداخل بعض أنما كل شخص بيعطي للتاني أحسن ما عندو و بيخبي الباقي

شكرا على مرورك

معلم انت عن انو صداقة عم تحكي اذا الواحد بدو يقعد يرقع و يمسح جوخ قدام التاني؟؟؟؟؟؟

هي ما عاد اسمها صداقة

[أبو عقييد]

كاتب النص الأصلي : la-vierge

انت المشكور على موضوعك
و انا ما بلومك على قرارك انك ما تتزوج بوحدة كانت صديقتك او حبيبتك
لانو احنا البنات مو كلنا طبعا
ما بنحترم حالنا
يعني انت شو بيضمنلك انو هالبنت بعمرا ما كانت على علاقة بشاب غيرك من قبل
او بالمعنى شو بيضمنلك انو هالبنت رغم انها كانت صديقة لشاب قبلك
و كانت بتحترم حالها
و في حدود بينها و بينو
بالأخر ما في شي بيضمنلك
غير التصرف اللي بتتصرف به معك
يعني يا احنرام يا وقاحة

الصراحة أنا ما بلوم كل البنات لأنو البنت بالأول و الآخر هي عبارة عن كتلة من المشاعر و بعض الشباب بيعرفو كيف يتلاعبو فيها بقصد التسلية

[was616im]

كاتب النص الأصلي : la-vierge

انت المشكور على موضوعك
و انا ما بلومك على قرارك انك ما تتزوج بوحدة كانت صديقتك او حبيبتك
لانو احنا البنات مو كلنا طبعا
ما بنحترم حالنا
يعني انت شو بيضمنلك انو هالبنت بعمرا ما كانت على علاقة بشاب غيرك من قبل
او بالمعنى شو بيضمنلك انو هالبنت رغم انها كانت صديقة لشاب قبلك
و كانت بتحترم حالها
و في حدود بينها و بينو
بالأخر ما في شي بيضمنلك
غير التصرف اللي بتتصرف به معك
يعني يا احنرام يا وقاحة

هلق بلا مؤاخذة بس عندي سؤال صغير الك
انتي بعمرك ما حبيتي حدا؟؟؟؟و لنفترض انك حبيبي....هل هذا يعني انك تفرطي بحالك و باحترامك و كرامتك كرمال اللي بتحبيه؟؟واذا كان هو عن جد بيحبك بيرضى عن اي تصرف غلط بيشوفو منك او ما بينبهك عليه؟؟؟؟(لا سمح الله طبعا عم احكي على سبيل المثال)

[la-vierge]

كاتب النص الأصلي : was616im

هلق بلا مؤاخذة بس عندي سؤال صغير الك
انتي بعمرك ما حبيتي حدا؟؟؟؟و لنفترض انك حبيبي....هل هذا يعني انك تفرطي بحالك و باحترامك و كرامتك كرمال اللي بتحبيه؟؟واذا كان هو عن جد بيحبك بيرضى عن اي تصرف غلط بيشوفو منك او ما بينبهك عليه؟؟؟؟(لا سمح الله طبعا عم احكي على سبيل المثال)

اي انا حبيت
بس للأسف هو كان من الشباب اللي بيحبو يتسلو
لما طلب صداقتي رفضت
بتعرف ليه؟
لاني كنت بعرف عليه انو تبع تسالي رفضت رغم اني كنت بحبو
لاني عارفة اني لو قبلت رح انجرح بالاخر و رح يكون الجرح اصعب وقتها

و بما انو ما بيحترم حالو فانا ما احترمتو
و شلتو من قلبي

و ما فيك تقول مثلا
لاني انا واخذة على قلبي اني ما حب و ما رح حب الا اللي بيجي يدخل من الباب مو من الشباك

[la-vierge]

كاتب النص الأصلي : أبو عقييد

الصراحة أنا ما بلوم كل البنات لأنو البنت بالأول و الآخر هي عبارة عن كتلة من المشاعر و بعض الشباب بيعرفو كيف يتلاعبو فيها بقصد التسلية

و انا كمان ما بلوم الشباب لانو بهالوقت ما بيعرف الشخص مين رح يصدق
او مين رح يلوم

مرة بتلاقي البنت بتقلك عم اتسلى بالشاب
و مرة الشاب بيقول عم بتسلى بالبنت

و اذا طلبت منون تفسير لتصرفون رح يقولو ما في ثقة
فليش ما بيحاولو يعيدو هالثقة

[ASH]

بحياة الله شو هل سؤال هاد
يعني لما بدي حبها و تحبي 3 مدري 4 سنين و ما اتزوجها او ارتبط فيها لشو حبيتها لكن بس مشان قضي وقت بدل ما كش دبان يعني او بدل ما اتسلا بكيلو بزر

اكيد لما بدي حب وحده بدي اتزوجها و ارتبط فيها لو بدها تصير حياتي سلطا قصدي جحيم ،بس المهم بتحبني و بحبها و فهمانه طبعي و فهمان طبعها و كل شي تمام شو بعد 4 سنين بحكيلها يلا الله معك و خلصنا ؟؟؟

يعني ما بعرف لازم نكون منطقين شوي كمان

[أبو عقييد]

كاتب النص الأصلي : ASH

بحياة الله شو هل سؤال هاد
يعني لما بدي حبها و تحبي 3 مدري 4 سنين و ما اتزوجها او ارتبط فيها لشو حبيتها لكن بس مشان قضي وقت بدل ما كش دبان يعني او بدل ما اتسلا بكيلو بزر

اكيد لما بدي حب وحده بدي اتزوجها و ارتبط فيها لو بدها تصير حياتي سلطا قصدي جحيم ،بس المهم بتحبني و بحبها و فهمانه طبعي و فهمان طبعها و كل شي تمام شو بعد 4 سنين بحكيلها يلا الله معك و خلصنا ؟؟؟

يعني ما بعرف لازم نكون منطقين شوي كمان

ملعم أنت لأنك شهم هيك بتعمل بس في غيرك لأ و بعرف قصص كتير هيك و سمعان و إلا ما كنت فتحت الموضوع بتاتا و حياتك ....

شكرا حبيب القلب ASH و هي وردة لعيونك

[la-vierge]

كاتب النص الأصلي : أبو عقييد

ملعم أنت لأنك شهم هيك بتعمل بس في غيرك لأ و بعرف قصص كتير هيك و سمعان و إلا ما كنت فتحت الموضوع بتاتا و حياتك ....

شكرا حبيب القلب ASH و هي وردة لعيونك

اي معو حق اش
يعني انت ما بتشوف وين صرنا بهالزمن

[أبو عقييد]

صدقوني ياجماعة أنو بنت جيرانا كانت اتحب واحد بقيت معو شي 5 سنين و هي بتعرفو خطبها من أهلها بالآخر و جن جنانو لحتا اتجوزها و بعد ما تاجوزها و الله العظيم هلأ مجننها جنان مابيرجع لوش الصبح طول اليوم تاركها بالبيت و زابلها زبل مع أنو كان حبهن لا يمكن يتهدم أيام الصداقة و الصراحة ياجماعة مابعرف أنا شو السبب