|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
11/10/2007
|
#1 | ||||||
|
عضو
-- مستشــــــــــار --
 |
يــــــــــوميات مغتــــــــرب
مرحبا للجميع طبعا حطية هل موضوع لانو خربشات ، اي نعم خربشات من حياتنا كمغتربين ، كناس بعاد عن وطنهم ناس بدنا نخلي يلي جوات سوريا يحسو شو يعني غربه .... شو يعني تبعد عن اهلك ... شو يعني تترك حارتك يلي تربية فيها .... شو معنات انك ما تشوف وراق الخريف ... ولا ورود الربيع .... ولا غيوم الشتويه الرماديه .... ولا حتى صيفية كلها سيرين .... بدنا الكل يحس شو معناة الواحد ترك فنجان قهوتو و سيجارتو و فيروز الصبحيات ... شو يعني الواحد لما يهجر باب توما و القصاع و الشام القديمه ... حسو فينا ... نحنى يلي عم نكتب يوميات مغترب دعوه مني لكل مغترب لدون يومياتك هون بهل موضوع ، بركي بنواسي بعض و بتجمعنا هل صفحا ، و بتخلي الكل يلي بالوطن الغالي يعرفو شو قيمة ســــــــــــــــــــــــ ــــوريا و شو يعني تتغرب عن وطنك ...
卍»•ஐThere Is No SadnesS Without Joy,And There Is No Joy Without Pain ஐ•«卍
كيف اتوبك يا اطهر ذنوبي و اوقف عند حدي و انت ذنب لا غفره الله لي ولا لي عنه توبه كتب الله أن تكون دمشق بك يبدأ وينتهي التكوين أهي مجنونة بشوقي إليها هذه الشام أم أنا المجنون |
||||||
|
|
11/10/2007
|
#2 | ||||||
|
عضو
-- مستشــــــــــار --
 |
شو هالافتتاحية ابو عبيد......
 رح تخليني ابكي من اول دقيقة يا رجل
((((*(*(*(*(*(*(*عصابة الملوك *)*)*)*)*)*)*) ))))
بلا حب بلا تخريف بيع القلب واشتري رغيف ايامنا صارت صعبة والدنيا منها لعبــــة |
||||||
|
|
|
11/10/2007
|
#3 | |||||||
|
عضو
-- مستشــــــــــار --
|
اقتباس:
هيك لازم تكون مو هيك عم نحس كل يوم مو هاد يلي عم يحرق قلبك بالغربه مو مشاتق تمشي بشورع الشام ، تاكول منقوشه ولو مغشوشه لك وين ايام علبال و فيروز بالشتويه او ايام غزل ,, بعدين تتمشى تحت المطر مو هاد واقعنا يا اخي |
|||||||
|
|
|
11/10/2007
|
#4 | |||||||
|
عضو
-- مستشــــــــــار --
|
اقتباس:
 اااااخ يا رجل مع انو ما صرلي شهر و نص طالع برى سورية بس يا اخي وما الحب الا للحبيب الاول مو بس عم نحس فيه كل يوم....كل يوم و كل ساعة و كل دقيقة من اليوم مشتاق روح اتمشى بالزهرا عنا بحمص انا و اصدقائي و مر لعند سيدرا و اشتري كم منقوشة (بس مو مغشوشات) و نروح عالحديقة اللي حد مدرسة صفية....و ناكل و بعدين نرجع نتمشي بالزهراء و نروح ع مطعم القمة و ناكل شاورما....  و اقعد الصبح مع امي و اختي الكبيرة و اشرب فنجان قهوة من ايدين امي بالجنينة عنا بالبيت.... |
|||||||
|
|
|
11/10/2007
|
#5 | ||||||
|
عضو
-- مستشــــــــــار --
|
شريك انا صرلي ما نزلت سنه بالزبط ولوقت نزلتي لسى شهرين يعني بيصيرو سنه و شهرين
بتعرف شو مشتاق بس الصبحيات افتح شباك الغرفه بهل شتويه ، و حط مي على بلاطة الشباك و شم ريحة المي كيف بتصير ، ودخن هل سيجاره مع فنجان القهوه مع فيروز يا ررررررربي بدفع نص عمري و هلا ينزلوني ولله لك صاحبي سوريا كلها حلوه ولله انها جنه |
||||||
|
|
|
11/10/2007
|
#6 | ||||||
|
عضو
-- مستشــــــــــار --
|
قلتلي يوميات مغترب مو هيك......سماع هاللي عم يصير بصاحبك يا ابو عبيد سماع
قال مبارح محسوبك قضى كل الوقت و هو عم يدرس بهالكتاب ( histologi( بالعربي علم الانسجة بيجوز...المهم و بلا طول سيرة انو النظام هون انك وقت اللي بتفوت عالدرس بيقوم المعيد الحباب بيعملك هيك امتحان صغير قبل ما تبلش بشي باللي كان معك الدرس الماضي و الدرس اللي بدك تاخدو جديد...... و صاحبك ما كذب المتل اللي قال : خذ الصفر ولا تبالي ان الصفر من شيم الرجال راحت كل الدراسة و التعب عالفاضي الله و كيلك....... بربك هادا حكي خيو..... |
||||||
|
|
|
11/10/2007
|
#9 | ||||||
|
عضو
-- مستشــــــــــار --
|
صاحبي مصيرهم يفوتو سماع علي..
انا اليوم رحت علشغل الساعه 9 كنت ، و بلش كان عندي 3 عندهم امتحان المهم يا معلم بلشنا هل امتحان و بلشت طلعه و نزله على هل درج الساعه 12 تقريبا خلصو اعدة بهل مكتب و عم احسب بمخي انو و اخرتها بهل شغل المعت هاد رجعنا على على البيت 1 و ظلية على اخويه هيك لنمت شي 3 غلا شوي فقت علفطور فطرت و اعدت حكية معك شوي و شفتلي كم موضوع رجعنا علشغل شي ساعه 8 ونص كمان في امتحنات لشي 13 واحد كان معمل و بلش من هاد لهاد و عي و اكل هوا ما خلصت للساعه 12 و شوي رجعت اكلت ادوشت و اعدت على هل نت ، لك حتى اخويه اليوم حاسسها نايمه ما بعرف ليش ... صاحبي صحيح سنه و شهرين كتيره بس شو اعمل هيك الحياة يا معلم ولله شي بيبكي |
||||||
|
|
|
11/10/2007
|
#10 | ||||||
|
عضو
-- زعيـــــــم --
|
الله يكون بعونكم انت و ياه و كل واحد مغترب عن بلاده ...لانه الغربه طعمتها مرة ...مهما كنت مبسوط و فرحان و مو ناقصك شي...الا يظل حنينك لبلادك يناديلك..و شوئك الها يزيد يوم بعد يوم...متل واحد تارك حبيبة البه...و ناطر كل لحظة ليرجع و يشوفها و يجتمع فيهاااا...بس صدقوني في كتير نااس عايشة ببلادهااا...بس بكونو كأنهم بغربه ... 
كـٍيـٍف أتـٍوبـــٍـٍك يـٍا أطـٍهـٍر ذنـٍوبـٍي و أوقـٍف عـٍنـٍد حـٍدي ..وانـٍت ذنـٍب لا غـٍفـٍره الـٍلـٍه لي و لا لـٍـٍي عـٍنـٍه تـٍوبـٍه
لا تـٍغـٍركـٍـٍ ضـٍحـكـٍتـٍي بــٍعـٍض الـٍوجـٍوه اهـٍيــنـهـٍـا بــٍأبــٍـٍتٍـٍـسـٍامـٍة |
||||||
|
|
|
11/10/2007
|
#11 | ||||||
|
عضو
-- مستشــــــــــار --
|
والله يا صاحبي مبارح صار معي فصل شوية حلو
طلعت انا و رفيقي بالليل عالمطعم بدنا نتعشى و نرجع و متل العادة لازم نترك مفاتيح الغرفة بالريسبشن تبع السكن الجامعي المهم رحنا و رجعنا و هالحكي شي الساعة 11 بالليل ببولندا يعني شي 12 بسورية...و اذ كان في صبية بولندية قاعدة بالريسبشن و عم تحكي هيي و الموظفة و من حسن حظي انو انا و الموظفة خوش بوش عالاخر و بتعرفني ماني مصاحب و مقلحم على شي بنت قامت والله قعدتني انا وياها و عرفتنا على بعض و صار الحديث ياخدنا و يجيبنا شي ساعة و نص زمان بالاخير اتفقنا بالمزح انو نتزوج قام محسوبك راح جاب حديدة تبعيت المفاتيح على اساس انو خاتم و لبستها ياه و اتفقنا على اللقاء باليوم التاني يعني اليوم مشان مراسيم العرس و هالامور (و نحنا كلو عم نحكي بالمزح ) المهم راحت الصبية و انا رحت على غرفتي قمت انا اليوم من ورا الصفر اللي اخدتو كنت كرهان حالي و قلتلها للصبية ما تجي لعندي اليوم على قد ماني غبي و خود بقى ايمتى لحتى نرجع نزبط موعد معاها و ندخل ليلة الدخلة......شيت بيني و بينك هيي كمان موافقة و بدها من الله.....ابوس رب البولونيات شو بحبهن يا رجل |
||||||
|
|
|
11/10/2007
|
#12 | |||||||
|
عضو
-- مستشــــــــــار --
|
اقتباس:
تاني شي بدي قلك انو معك حق عن جد قد ما كان الواحد مبسوط و مكيف بالغربة بيضل بيحن لبلدو اللي عاش فيها و تربى فيها و للغتو اللي كانت اول لغة بيقول فيها امي و ابي..... |
|||||||
|
|
|
11/10/2007
|
#13 | ||||||
|
عضو
-- مستشــــــــــار --
|
هلا هاد يلي هامك بالغربه انت يا رجل
حكيلي علم حكيلي دراسه حكيلي شغل ، عم تحكيلي هل حكي لا لا انا ما بقبل يا اخي خليك متلي شغلي ماعم يخليني لا فكر بشي غير امتى نام  و تسلمي على هل كلام الحلو يا جولي ولله كلك ذوق |
||||||
|
|
|
11/10/2007
|
#14 | ||||||
|
عضو
-- مستشــــــــــار --
|
قلتلي انت بقطر مو هيك......هممممم..........اي حكي هيك من الال يا رجل قول انك غيران و كرهان حالك هنيك
لك الله وكيلك واحدنا ما بيعمل هيك و بيشرب و بيحشش الا لينبسط شوية و يخفف عن حالو هالهموم اللي فوق راسو و لو بشي بسيط و مؤقت |
||||||
|
|
|
11/10/2007
|
#16 | ||||||
|
عضو
-- قبضاي --
|
والله معك حق عنجد يالى عايش ببلدوا يحمد ربوا بس شو متمنيه انزل اعيش هونيك بس واهلى..
يالى متغربين ..اتركن واعيش لحالى ما بصير.. ااااااااااه شو بدنا نعمل .. شو مشتائه بعمرى كلوا اشوف التلج بسوريا ما شفتوا ..بحياتى كلها عنجد شى بيئهرلك حتى الشوارع بضيع هونيك ما بعرف فيها شى بس شو نئول غير الحمد اللهتسلم ايدينك يا اش على هيدى الكلام الحلو..
كل شي الى الزوال..كل شي الى الفناء...فلماذا ابكى..!!
ولكن هل هي دموعي ام قطرات الماء..المتسربة من بين خصلات شعري..!! !!...لا ادري..لا ادري...!! http://s1.ae.bitefight.org/c.php?uid=87670 |
||||||
|
|
|
11/10/2007
|
#18 | ||||||
|
عضو
-- مستشــــــــــار --
|
اااااااااخ و هي بلش يوم جديد متل اللي قبلو عالضبط بس مع فرق صغير انو اليوم استثنائي شيت انا بالعادة الخميس ما عندي دوام ....يعني ندي بس رياضة
 بس اليوم استثنائي و لازم اداوم عالكيمياء اللي بتضل اربع ساعاتهالمادة ما بتخاف اللهلاء و يا ريت اني عم ادرس كيمياء هلق الا تشريح شيت الاسماء اللاتينية طلعتلي روحي بالطول و بالعرض و ما كانو ينحفظو معي.........و صباح الخير للجميع |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 05:49 (بحسب عمك غرينتش الكبير +3)