للاسف ــ ردود: 1 زيارات: 100

[ارسلان]

الحقيقة ان الامر حقا مزعج ومحبط انك تتعب وتجتهد وتبحث وتنسق وتكتب طول الليل سهران وما تنام عشان يخرج عملك بشكل يرضي الناس ويسعدهم وبعد هاد كلو تلاقي و للاسف ــ ردود: 1 زيارات: 100

انا عارف انتم راح تحكو الانسان يعمل خير ويكب في البحر , بس لازم احنا ما ننسي ان من لا يشكر الناس لا يشكر الله

وكمان المسئلة ذوقيا يعني وادبيا لازم نشكر او انشارك اي انسان حب يقدملنا اي شي من عندو تيشاركنا همو او فرحو او يشاركنا اغنية حلوة نستمتع فيها يعني ردودنا على موضوعو بتعطي امل وفرح وبتدفعوا كمان تيضع حجات تانية ويشعر بالاخوية عن جد , مش مجرد شعار او عنوان

وحتى لو ما عجبنا موضوعو ما نترك الموضوع بلا منحكي شو يلي ما عجبنا في الموضوع وشو يلي بينقص الموضوع

ونقدنا ما يكون شخصي وكمان لازم يكون نقد بناء تصويبي مش تهجمي او استصغار من شأن الشخص واضع الموضوع رحم الله عمر ابن الخطاب حينما قال رحم الله امرء اهدى الي عيوبي
( فمن اجتهد وأخطا فله اجر الاجتهاد )
ومتل ما حكو
مشوار الالف ميل خطوة بتبدا بطريق
حاول جرب وبتوصل شرف التجربة يكفيك



********

وهي اشوية عينات لمواضيع جميلة لكن تصدمك عدد الزائرين وعدد الردود
اتفضلو معي

[Roaa]

حبييت حييك ... معك حق بكل كلمه

انوو صحيح في مواضيع بعد ما تدخلها ما بتعجبك بتطلع وبتسكر الباب وراك

بس كمان في اشيا بتستحق انو تكتب اي رد فيها ..

[msalehh]

ولا تزعل والله ياحبيب البي انت غالي والله

بس الشكر الاول والاخير لله
مو هيك ولا انا غلطان

[ارسلان]

دلوعــة سوريا شكرا انسة واه حتى المسالة دوارا كمان يلي بيلاقي ردود على موضوعو ما لازم يتجاهل الردود يعني يقدم على اقل شي وردة

msalehh صحيح الشكر الاول والاخير لله بس احنا عايشين بمجتمع يعني تعاون يعني مساعدة يعني مشاركة وبعدين انا حكتلك من لا يشكر الناس لا يشكر الله والمسألة مش متعلقة بكاتب الموضوع المسألة متعلقة بالشخص يلي استفاد واخذ وضحك يعني مجرد كلمة لطيفة تعبر عن مدي اعجابك او اي شي اخر بيزرع الامل والله بيخلي فرحان طول اليوم

[MadMax]

طيب على سيرة الملاحظات عالموضوع
يا ريت اذا بدك ترفق صور تاني مرة ..... تحولهون لصيغة jpeg
لأنو مو معقول صورة أبعادها صغيرة هيك ..... يكون حجمها أكتر من 800 كيلو

[ارسلان]

شكرا لملاحظتك وبعتذر

[•• LEO ••]

يا اخي الردود مو معيار لغنى الموضوع .. اعطيك مثال بسيط .. فوتلي ع قسم المسابقات وشوف كم ألف رد ع كل موضوع
علما انها مواضيع لا تمت للفائدة والقيمة بصلة

وحتى لو ما عجبنا موضوعو ما نترك الموضوع بلا منحكي شو يلي ما عجبنا في الموضوع وشو يلي بينقص الموضوع

أنا معك .. واشي كتير منيح لو صار هالحكي كما يجب



النقد التصويبي مو كتير بنشوفو هون .. ولما بنشوفو الأغلب رح يكون لأسباب شخصية .. وحتى لو ما كان لأسباب شخصية رح يكون الطرف التاني ماخدها بشخصية .. خلص هيك تعوّد البعض


وميت هلا ..

[life4rent]

el 7amdella ana ma 3aneit min hal mishkila li2anou ba3d la hal yom ma katabet wala mawdou3... bas 3atoul biktob rad.. w sorry 3am ektob b 7arf latini li2anou ma ba3ref 3arabi

[ارسلان]

كاتب النص الأصلي : •• LEO ••

يا اخي الردود مو معيار لغنى الموضوع .. اعطيك مثال بسيط .. فوتلي ع قسم المسابقات وشوف كم ألف رد ع كل موضوع
علما انها مواضيع لا تمت للفائدة والقيمة بصلة



أنا معك .. واشي كتير منيح لو صار هالحكي كما يجب

انا معك لكن انا ما قلت ان اهمية الردود دوم بتكون للمواضيع الغنية انا حكيت انها ليها فايدة تانية للشخص كاتب الموضوع
اما بالنسبة لقسم المسابقات الردود هي المواضيع تاع القسم يعني بغض النظر عن اهميتو او لا

النقد التصويبي مو كتير بنشوفو هون .. ولما بنشوفو الأغلب رح يكون لأسباب شخصية .. وحتى لو ما كان لأسباب شخصية رح يكون الطرف التاني ماخدها بشخصية .. خلص هيك تعوّد البعض


وميت هلا ..

وزيدهن قد ما بدك لعيونك

كاتب النص الأصلي : life4rent

el 7amdella ana ma 3aneit min hal mishkila li2anou ba3d la hal yom ma katabet wala mawdou3... bas 3atoul biktob rad.. w sorry 3am ektob b 7arf latini li2anou ma ba3ref 3arabi

اتمني لك حياة سعيدة وانشالله بتتعلم العربي لاني صرة اتكلم زي الخوجات على قول ستي