هام جداجدا :قاطعوا أيمن عبد النورونشره كلنا شركاء

[أبو النسيم]

الجبهة الديمقراطية لتحرير سورية نداء من الجبهة الديمقراطية لتحرير سورية إلى المثقفين و الصحفيين السوريين و العرب لمقاطعة الرائد أيمن عبد النور و مجلته كلنا شركاء
تهيب الجبهة الديمقراطية لتحرير سورية المثقفين و الصحفيين السوريين و العرب و احترما لمشاعر الشعب السوري القابع تحت أعتى دكتاتورية عرفها في تاريخه أن يبادروا إلى مقاطعة نشرة كلنا شركاء

التي يعدها الفرع 251 بإشراف الرائد أيمن عبد النور المقرب من رأس النظام السوري بشار الأسد المتورط في جرائم تعذيب و إغتصاب و الذي يدير تلك النشرة التي باتت تعتبر لسان حال النظام السوري بالعقلية البعثية المعهودة القائمة على ستر العورات و طقوس عبادة الفرد
و تستنكر الجبهة استمرار عدد من الفضائيات العربية في استضافة هذا الضابط المخابراتي السادي و من جهة أخرى تقدر الجبهة الجهات التي اكدت على بياناتها السابقة و على رأسها لجنة الدفاع عن المعتقلين الأردنين في السجون السورية و مركز نداء كرستان سورية
و تمتنى الجبهة على كافة القوى و الهيئات الانسانية تفعيل جهودها في وجه النظام الفاشي في سورية و أجهزته الرهيبة
الجبهة الديمقراطية لتحرير سورية
بيروت 17 ـ 6 ـ 2005

تعليقي :موكل مين نادى بديمقراطيه يعني وجه نظري ما غيرتها من هذا الشخص لئني حسيت من الأول أنو هدا بوق للعصابه البعثية

[Tarek007]

[أبو النسيم]

ليش حاسك مستنكر كتير ياطارق :P :P :P :P :P :P :P :P

[Hus]

التي يعدها الفرع 251 بإشراف الرائد أيمن عبد النور المقرب من رأس النظام السوري بشار الأسد المتورط في جرائم تعذيب و إغتصاب و الذي يدير تلك النشرة التي باتت تعتبر لسان حال النظام السوري بالعقلية البعثية المعهودة القائمة على ستر العورات و طقوس عبادة الفرد

نعم بس ممكن اولا المصدر وثانيا مدى دقة هذا المعلومات الواردة ؟؟

يعني على شو استندتو بقولكم انه قام بجرائم تعذيب وإغتصاب ؟؟

فلا يليق تراشق التهم جزافا دون وجه مصداقية او مرجعية او توثيق ولو جزئي!!

[s1_daoud]

نعم بس ممكن اولا المصدر وثانيا مدى دقة هذا المعلومات الواردة ؟؟

يعني على شو استندتو بقولكم انه قام بجرائم تعذيب وإغتصاب ؟؟

فلا يليق تراشق التهم جزافا دون وجه مصداقية او مرجعية او توثيق ولو جزئي!!

[أبو النسيم]

أنا يا دكتور كتبت مشاركه تانيه قلت أنو بيجوز الكلام المذكور هون مو صح100% بس مافي دخان بدون نار
يعني لو الزلمه شريف 100% ما كان حدى قرب صوبو


وتحياتي ألك

[Hus]

كاتب النص الأصلي : أبو النسيم

أنا يا دكتور كتبت مشاركه تانيه قلت أنو بيجوز الكلام المذكور هون مو صح100% بس مافي دخان بدون نار
يعني لو الزلمه شريف 100% ما كان حدى قرب صوبو


وتحياتي ألك

هلا .. بس المقولة ما في دخان من غير نار بتتطبق بالمخيمات .. بالغابات .. بالحدائق .. بغرفة القعدة جمب الصوبيا.. هيك يعني ..

بس بالسياسي كل الدخان من غير نار .. لا حتى صار العرف الجديد
"مافي نار من غير دخان"
الي بيعني انو اذا بك اتشعل نار سياسية .. عليك اولا انك اتبعتر شوية دخان .. ومنها ومن حالها بتشعل النار ..

انا ما عندي اي معلومات موثقة _ولو جزئية_ عن اخينا ايمن عبد النور.. بس بعد البيانات والخطابات من هذا النمط هي استخفاف مبالغ به بعقول الناس .. لا بل تتعداها للإستجحاش والإستضراط _إن طاوعتنا البلاغة في وصف الحالة_
وهذا الآن هو اسلوب ناجع نافع ..
فالفئة المستهدفة من هذا النوع من البيانات والخطابات هو بالفعل الشعب الي عقلو خفيف وفكرو ضحل ..
لكن بنظرة مستقبلية قريبة الأجل ..
هيك نوع من البيانات ستنقل على اصحابها ..!!
بمعنى ..
ان بالمستقبل القريب بشكل حتمي الشعب عامة والشريحة الغافلة خاصة حينمو وعيهم السياسي والإجتماعي بفضل اساليب التوعية التي لا مفر منها .. سواء الفضائيات او الإنترنت او الصحوات الشعبية من قبيل التيارات والأحزاب والحركات..
بالتالي حيصير هيك خطابات بتسيئ لأصحابها اكثر مما تسيئ لأعدائهم..
وتوخذ عليهم بلطخات سوداء وليس نقاط سوداء وحسب..

هذا يا عزيزي يندرج فقط تحت باب التشهير .. وهنا اقصد شباك التشهير بدون وجه حق .. واقصد بدقة لو ان هذي الإدعائات حقيقية وموثقة بأدلة وبراهين .. فمكانها المحاكم والقضاء وليس الخطابات العصماء هذي..

هلق عاد منوصل لنقطة لزيزة ..
ان صار وأعتقل اصحاب هذي البيانات الي هني هون الي بيسمو حالهم"الجبهة الديمقراطية لتحرير سورية"
بتنط الدنيا وما بتحط انو يابا بدنا انبطل اعتقالات سياسية
لاء والأنكى انو بيصيرو هذول ابطال وطنيين ويا عيني السلطة الطاغية بكل جبروت وبطش اعتقلتهم ..
لانو حكو ضدها ..
بس يا عمي هدول ما حكو ضدها هدول ارتكبو جناية يعاقب عليها القانون!!
هدول عم بيشهرو بشخص وبظل قانون طوارئ او بظل قانون مدني او بظل قانون الغاب هدول مرتكبين جرم بيعاقب عليه القانون ..
فالطبيعي جدا إعتقالهم ومحاكمتهم وغير الطبيعي وغير المفهوم ان ينتركو هيك يعيثو فساد بعقول البلهاء وخفاف العقول!
_الي طبعا القانون جاي لحمايتهم .. فحكمة القانون لا يحمي المغفلين منتهى الغلط .. لانو طبعا واضح وجلي انو غير المغلفين والفهمانين ما بحاجي لحدى يحميهم .. انما المغفلين والبلهاء هدول الي بينضحك عليهم وهدول الي القانون لازم يحميهم ومعمول منشان يحميهم !! _

وتوتي توتي خلصت الحتوتي

[أبو النسيم]

للإستجحاش والإستضراط _إن طاوعتنا البلاغة في وصف الحالة

ياسيدي تعبير بشهي والله شو ما عاد في كلام بلغه العربيه لحتى تتحفنا بهل كلام النير يا دكتور
بعدين ليش كل هل قد أنحمقت على الزلمه شو بس هو لتشهر فيه ما كل الشعب السوري مشهر فيه مو منهلق من أربعين سنه
بقى حاجه نبيض على بعضنا ونزاود

واقصد بدقة لو ان هذي الإدعائات حقيقية وموثقة بأدلة وبراهين .. فمكانها المحاكم والقضاء وليس الخطابات العصماء هذي..

انا ماشفت متلك قارىء سياسي محنك أي محاكم وأي قضاء عم تحكي عنه أيه شو عايشين بسويسرا يا دكتور يمكن بتعرف القانون عنا
مشاء الله نزيه ومستقل وما حدى بأثر عليه بنوب

يا حبيبي الطريقه يلي عم يتبعها هذا الرجل بتوافق مع تتطلعات النظام البعثي عنا بتلميع صورته المشوهة بره وحتى نضهر للغرب أنو نحنا عنا بلفعل رأى آخر ونحن عم نمشي بخطوات الديمقراطيه
بقى هذا الأسلوب السافل يلي بلمع صورت النظام بره أنا ما بحبه بنوب

بعدين يلي حابب يعرف أكتر عن الموضوع يراجع موقع صوت سوريا الحر على العنوان التالي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Tarek007]

لأول مرة أنا مع الدكتور حسام ...و مع البعثيين أيضاً

أول شغلة انا ما رح دافع عن أتهاماتك لأيمن عبد النور لأنها أتهامات باطلة و بضحك كمان :

المتورط في جرائم تعذيب و إغتصاب

طيب ..وين الدلائل ؟؟؟؟
لما هيك نرمي الناس جزافاً

الفرع 251 بإشراف الرائد أيمن عبد النور ا

يا سيدي أنا رح أعتبر أنوا رئيس المخابرات هو ..ماشي
كل يلي بدك ياه لتبعت مقالة و ينشروها ( طبعاً يكون لها مصداقية ) أنك تبعت المقالة على عنوانوا بأيميل ! يعني ع الانترنت..الشغلة كتير بسيطة و فيك تهرب من المراقبة ببساطة !...و تنشر حتى بأسم مستعار !
يعني ما رح تروح لعندو ع الفرع (251) يلي نسبتو ألو !

لسان حال النظام السوري بالعقلية البعثية المعهودة القائمة على ستر العورات و طقوس عبادة الفرد

أولاً حرية الاعلام ما بتعني أنها معارضة فقط ...
.الشيء المخزي لك أن النشرة يحتلها المعارضين أكثر من الموالين ...و ما فيها ستر عورات أبداً ( بالعكس كلها فضايح ) الشيء الاساسي أن أصحاب القرار بسوريا مطلعون ع النشرة و هذا شي جيد مو سيء ..لان المشكلة ستصل أعلامياً لهم !
طقوس عبادة الفرد ...والله يا حبيب ( حكم البابا ) ما خلا ستر مغطا على حدا و نزار نيوف و ميشيل كيلو و فايز السارة و فيصل القاسم و بهية مارديني و أكرم البني ووووووووو غير الكتاب الاجانب !!!!!!!و بتقلي طقوس عبادة فرد ...أنا خاسس أنك مازوشي
وين عبادة الفرد ....يا أخي خود كلام يلي بيعجبك وكب الباقي ....ما حدا كامشك

كلام الدكتور ما رح زيد عليه بخصوص التشهير أنا معو مية بالمية
هدول أشخاص عم يسيئوا للمعارضة أما بسؤء نية أو ربما ( أحتمال أضعف )حسن نية !
وجود معارضة بأي مكان هو دليل صحة و عافية ...لازم الدولة تفهم هالحكي ...بيجوا أمثال أصدقائك ..و بينزعوا كلشي ( ع الصالح و الطالح )


مين قال أذا كان شخص بعثي فهو من المرتزقة أو الوصوليين أو أو
لما خلص هاد الزلمة بعثي - أيمن عبد النور يجاهر بأنوا من البعث- يعني لازم يكون جزء من جهاز قمعي !
ليش هل العقدة ؟؟؟ليش بدك تتخيلوا ماسك سوط دائماً !!!!
و البعث حتى ( بشكل مجرد ) نظام روعة .....بس كانت المشكلة بيلي عم يطبقوا !
هلء لما بيجي بعثي و بيعمل حرية ( على قدو و على قد ما بيقدر ) بتهجم عليه ...! أمرك غريب!
يا أخي رح قلك : كل بعثي متهم لحتى تثبت برائتو ....أيمن عبد النور أثبت البراءة ( من الشغلات يلي بتهمني كمواطن حر )










و على كل الاحوال رح أرفق ملف بنشرة من نشرات " كلنا شركاء بالوطن " - كعينة -....بتمنى نكون شركاء بالوطن
ب ه النشرة نشروا لي موضوع بأسمي الصريح و ليكني أنا أدامكن ما حد عملي شي ..





كلمة أخيرة المعارضة غايتها وطن حر و شفاف و كلوا مصداقية ....

[Hus]

بعدين ليش كل هل قد أنحمقت على الزلمه شو بس هو لتشهر فيه ما كل الشعب السوري مشهر فيه مو منهلق من أربعين سنه
بقى حاجه نبيض على بعضنا ونزاود

ما موضوعنا هون انحمقت او ما انحمقت .. ولا موضوعنا هو التشهير بالشعب السوري ..
احنا عم نحكي بموضوع "دعوة لمقاطعة شخص ما بتهم الإغتصاب والتعزيب بدون وجه حق .." هذا ان لم يخني الفهم موضوعنا
اما موضوع البيض يا حبيب
فأيضا ما موضوعنا .. _وهون بتمنا عليك ما تخرج عن خط الموضوع ان كان تود المتابعة في الحوار به _

انا ماشفت متلك قارىء سياسي محنك أي محاكم وأي قضاء عم تحكي عنه أيه شو عايشين بسويسرا يا دكتور يمكن بتعرف القانون عنا
مشاء الله نزيه ومستقل وما حدى بأثر عليه بنوب

ايضا وأيضا اخي ابو نسيم ما الموضوع هو "هل الحكيم قارئ سياسي محنك او لا"!!
اقصد بهذا إسقاط المحاكمات والتهم الشخصية لا يليق بالحوار الجيد الموضوعي .. يعني احنا ما عم انحاكم شخصيات بعضنا البعض بالمواضيع وإنما المحاكمة والمقارعة في السطور وللأفكار المطروحة في المواضيع ...

اما عن نقطة عايشين بسويسرا..
ليش هل ينبغي ان اكون بسويسرا عشان ما اطلق تهم جزافا ؟؟
هل يجب ان اكون بسويسرا كرمال ارفع دعوى على واحد (لما يكون عندي أدلة) بتهمة التعزيب والإغتصاب ؟؟
هذا من جانب
اما من جانب اخر .. فالحقيقة ان الوضع ليس بالصورة التي تصف
فالقضاء على حد جيد من المصداقية
وإن لم يكن القضاء وإن كنتم تشكون في مصداقيته فلكم بالصحافة
ولا يخفى على احد ان هناك طائفة كبيييييرة من التيارات المعارضة في سوريا وما تاركين حدى غير مغسلينو على حد تعبير طارق
وعلى رأسهم الي حكم البابا و نزار نيوف و ميشيل كيلو و أكرم البني وغيرون وغيراتون .. وكلون بخير وعم يحكو وما عليهم شي ..
بمعنى الي عندو شي حقيقى وموضوعي بيقدر يحكيه وما بيعجز عن سبل الإفصاح عنه ..

بعدين يلي حابب يعرف أكتر عن الموضوع يراجع موقع صوت سوريا الحر على العنوان التالي
www.radiofreesyria.net

اي بس حبيب هاي حاططها بالرد بعد ما اخدنا وعطينا .. هاي محلها يا مان بالموضوع بتزييله ..

اما عن رد طارق فما عندي تعقيب عليه غير ان هذا اسلوب معالجة موضوعية منطقية للموضوع
ناهيك عن اني كتيييييييير بأيد النقطة الي طرحها طارق في ان هذي الأنماط هي من تشوه وجه المعارضة ..
هدول دخلاء
دخلاء على كلشي على المعارضة وعلى السياسة وعلى الشرعية وعلى الموضوعية وعلى الحرية وعلى الفهم وعلى الديمقراطية ...
(برجع لأشير اني لا اتهم ولا اوجه كلامي هذا لجهة بعينها موجودة على ارض الواقع وإنما لأي جهة بتطلق هيك نوع من الخطابات)

[Tarek007]

شكراً دكتور .....لاول مرة ! :P

بما أنها صايرة و صايرة هي آخر نشرة وصلتني 19-6-2005


بتمنى من الكل ينبهني على أماكن طقوس عبادة الفرد و ستر العورات بالنشرة !!!!!!!!!؟؟؟؟؟؟؟؟؟؟؟؟؟؟؟؟؟؟؟

[أبو النسيم]

يا أخي الغالي طارق وسياده الدكتور حسام

بغض النظر عن هدول الجماعة وعلى مصداقيتهون وعلى صحة الأتهامات الموجودة في البيان

أنا لح أحكي وجهة نظري بعيد عن هل بيان

بدي ذكركون ببرنامج كان يطلع على قناة العربية أيام المؤتمر القطري في أحد الحلقات أستضافوا أيمن عبد النور وكاتب معارض سوري
وكان النقاش عن قرارات المؤتمر السيد أيمن أستمات في الدفاع عن القرارات وقال أنو هل القرات بتلبي طموح الشارع السوري وأنو هل القرارات لح تعمل نقلة تاريخيه بل بلد ووو....الخ
ومتل ماذكرت المذيعة وقتها أنو السيد أيمن بيمثل التيار الأصلاحي بلحزب ومتل ما بنعرف أنو القرارات أو التوصيات أو حتى التكتلات
ضمن الحزب أذا الأمن مو موافق عليهون ما بنسمع عنهون ولا منشوفهون بنوب

بقى يا صديقي طارق ويا دكتور الأمن ثم الأمن ثم الأمن بهل البلد المسكين
يعني بشكل أخر ما عندنا شي متروك لصدفه أو لأجتهاد شخصي أو مافي مفاجئة عنا يعني كلو ضمن منظومة الأمن
بقى كيف أذا كان هل الشخص بعثي معقول مايكون الأمن راضي عنو يعني لو الزلمه عم يكتب أو عم ينشر شي مو رضيان الأمن عنه ماكنا شفنا للأسف

وبرجع وبكرر هشخص هذا عم يحاول يلمع صوره النضام البعثي بره وبتوجيهات من الأمن

أخي بصراحه أنا كاشي بعثي مابثق فيه 100%
لأنو بحس لللأمن صله من قريب أو بعيد في

قبل ما أنسى راجعوا موقع العربيه لتشوفوا النقاش كامل مشان ما تقولوي عم تتهم من عندك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وتحياتي

[Tarek007]

[size=6]شو عم تضحك علينا !!!!
لما على مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
أنا كنت عم أتفرج يوميتها على البرنامج و قال أيمن عبد النور بما معناه أنو لازم السوريين ما يعولوا كتير على المؤتمر ....
لانوا بالنهاية لا قانون الطوارىء ولا أحزاب رح تشكل ألا قبل 2007 بكم شهر يعني قبل الانتخابات الرئاسية بأشهر ....و تحدث أنوا رح يضل حزب البعث مسيطر على نسبة كبيرة من الاصوات 80%...و أنو عملياً ما رح يصير شي غير مسودات لقرارات


بعدين يا أستاذ أبو النسيم لما بدك تحط رابط حطوا عن الموضوع ....مو رابط لموقع ....لما منشان نضيع ..و ما نقدر نلاقي الحلقة !
وقتها رح نسدء كلامك ....أذا هيك فكرك غلطان كتير


حطلنا رابط لكلامك :

بدي ذكركون ببرنامج كان يطلع على قناة العربية أيام المؤتمر القطري في أحد الحلقات أستضافوا أيمن عبد النور وكاتب معارض سوري
وكان النقاش عن قرارات المؤتمر السيد أيمن أستمات في الدفاع عن القرارات وقال أنو هل القرات بتلبي طموح الشارع السوري وأنو هل القرارات لح تعمل نقلة تاريخيه بل بلد ووو....الخ

و أنا بالانتظار




عيب عيب ....تزور كلام الشرفاء ....عيب



ما زلت بالانتظار



بعرف أنوا مافي رد


يا عيب الشوم .... :evil: :evil

[sezar]

شو معلم طارق روء خفف

[Tarek007]

شو معلم طارق روء خفف

بتحس أحيانا أنهم فكرينا جدبان .....و الله شغلة هل أبو النسيم و واثق كتير ....
و رووووووووووحوا و هي رابط العربية .......

ما شاءالله شو ها الذكا ..و شو هل اللعبة المتينة .... بنقول حكي شروي غروي ...بعدين هي رابط و فوتوا بالحيط .....لبين ما تلاقوا الحلقة بيكون يلي ضرب ضرب و يلي هرب هرب


أحلى سيزار

[Hus]

أنا لح أحكي وجهة نظري بعيد عن هل بيان ........ وبرجع وبكرر هشخص هذا عم يحاول يلمع صوره النضام البعثي بره وبتوجيهات من الأمن

نعم رح بتفق معك على النقطة الي طرحتها .. ولنفرض جدلا ان ايمن عبد النور عم بيلمع النظام !! _جدلا جدلا_
طيب وين المشكلة ..
هذا رأيو الشخصي بالنظام وهيك عم بيعبر عنو
هل هذا بيبر نتهمه بأنه كان عم بيعزب المعتقلين وانه قام بعمليات اختصاب ..

صلب موضوعنا هو البيان الي يتناول بالتشهير ايمن عبد النور بتهم التعزيب والإغتصاب
قد يكون ايمن هذا ملاك وقد يكون شيطان رجيم بقرون ..
انا ما بيهمني ..(ما بيهمني بسياق هذا الموضوع لكن قد يكون نقطة محورية جدا عندي بموضوع اخر) .. احنا موضوعنا هون عن التشهير به بدون وجه حق
اما عن شخصيته ومدى مصداقيتها او مدى شفافية الطروحات الي بيطرحها فيك تحكي او فينا نحكي بالموضوع في مووضع جديدي
_هذا من باب يضل الموضوع في خط واحد ليس هذا الموضوع وانما كل موضوع .._

وعلى هذا بعتذر عن الرد على الردود الثلاث الأخيرة
الي بتشمل طارق , سيزار , طارق
فليست من صلب الموضوع اولا غير ان الإسلوب الي استخدمه اخي طارق بالرد الأخير نقل الموضوع من خط النقاش الموضوعي المنطقي للجانب الشخصي او بمعنى... اسقاط افكار النقاش التي لا تتفق وهوانا على شخصيات المحاورين وترجمتها لصفات شخصية سلبية "كالبلاهة او عدم الفهم او المواراة او .. " .. (وهذا شيئ مرفوض او غير مستحب في النقاشات .. )

على عيني الشباب

[Tarek007]

صديقي d.hus ....وقت واحد بيكذب بدك ترد بأعنف من هيك ...أنا مازلت بأنتظار رد أبو النسيم ل اللنيك الصيح بموقع العربية
وقتها رح نشوف و تشوفوا !!!!!!1


موضوع التعذيب و الاغتصاب ...مردود لعدم وجود أي دليل !

يبقى شخصية أيمن عبد النور يلي ما بتهمني أبداً ....
بيهمني ... النشرة يلي بيصدرها أولاً و أخيراً

و ثانياً بتهمني الحقيقة .... لما واحد بشهر بشخص أو يدعي كلام على لسانو .... وقتها أنا بدي قول كلمتي
و ما بعتبر هاد خروج عن النقاش .... لان الموضوع الاساسي بنظرك ( الاغتصاب و التعذيب ) سقط



مثال صغير ...لو شخص قال أنوا الدكتور حسام ( مثلاً ) عم يهاجم أيمن عبد النور !!!!!!
و أذا مالك مسدء روح ع الاخوية ...( بيعطيك رابط للمنتديات فقط )

المشكلة أنك كنت عم تقرأ رد الحكيم على الاتهامات !!!!!!!!
ما بدك تدايق و تعتبر انوا الموضوع لعبة سخيفة ؟؟؟.... و ترد بتوتر ! ......اللعب بأقوال الناس مو شغلة !

شكراً على المتابعة

[أبو النسيم]

بعدين يا أستاذ أبو النسيم لما بدك تحط رابط حطوا عن الموضوع ....مو رابط لموقع ....لما منشان نضيع

يا صديقي الغالي طارق أذا أنت غشيم وما بتعرف تتصفح أنترنت هي مشكلتك ومارح دلك وين الحلقه موجوده بس يلي حلبب يقرئها رح أرسلو الرابط برساله خاصه جكاره فيك ياغشيم (بعدين شو نسيان دافنينو سوا يا حبيبي)
على كل حال ليش معصب كتير مو مستاهله ولا لأنو نشرلك مقال بنشرتو صرت دافع عنو
عيب عليك كون حيادي وموضوعي شوي ولا تتحدى متبيض عنتريات أذا كنت غشيم وما بتعرف دور منيح بعدين شو قاعدين بلحارة حسيتك لح تطلع من الشاشه وتضربني
بعدين وين الديمقراطيه بردك شويا كلام خلص مارح رد عليك أكتر من هيك للأنو لعيتلي نفسي بكلامك وبعصبيتك لما تكون رايق حاكيني تليفون أو رساله على المنبر
بنسبله لدكتور حسام

نعم رح بتفق معك على النقطة الي طرحتها .. ولنفرض جدلا ان ايمن عبد النور عم بيلمع النظام !! _جدلا جدلا_

ما هي المشكله يا حكيم كيف بدك ياني حس بمصداقيه هلشخص أذا كان عم يتزلف لنظام
بشكل آخر هلزلمه بعثي يعني النشئه مشبوها ومتل ما قلت برد السابق أنو عنا كلو مخططلوا بأجهزت الأمن يعني هزلمه بشك أو بآخر عم يتعامل مع المخابرات وأنا متأكد أنو هي لعبه زكيه من المخابرات مع أنو مو متعودين على زكاء الأمن عنا
يعني بينشر لكتاب معارضين مشان يضلو تحت السيطره الأمنيه أو بشكل أخر مشان ما يطلعوا بمقالتون لبره بنشرها بنشره من سوريا منو بيكون الكاتب مراقب ومنو بقول الغرب أنو عنا حريت تعبير

بقى شو رئي الأستاذ الفهمان طارق

وتحياتي لدكتور حسام للأنو ما طلع برات الموضوع وعصب وأنفعل متل صديقي الغالي طارق


صح قبل ما أنسى يا فهمان يا طارق بتقدر تجاوبني ليش الأشتراك بهنشره ب25000 ل.س ليش بالله :confo