صوّت بـ"لا" في الاستفتاء الرئاسي فاعتقل واختفت آثاره منذ شهر!

[Zahi]

صوّت بـ"لا" في الاستفتاء الرئاسي فاعتقل واختفت آثاره منذ شهر!

اعتقلت المخابرات السورية مواطناً قبل نحو شهر؛ بسبب تصويته بـ"لا" في الاستفتاء على ولاية ثانية للرئيس السوري بشار الأسد!

وكان أحد فروع المخابرات الجوية في دمشق قد استدعى المواطن مصباح علاء الدين (من بسنادة في محافظة اللاذقية) منذ شهر تقريباً لكنه لم يعد حتى الآن، كما ترفض الاجهزة الأمنية إبلاغ والده بوجوده لديها.

ويعتقد أن المواطن علاء الدين استدعي للتحقيق ثم اعتقل لـ"تصويته سلبياً في الاستفتاء الرئاسي الأخير"، وفق ما أفادت به جمعية حقوق الإنسان في سورية التي أوضحت أن المواطن المذكور "اختفت أخباره منذ اعتقاله من الجهاز المعني، الذي يرفض الإفصاح عن وجوده لديه ويمنع زيارة ذويه له".

وتغيب غرف التصويت السري في مراكز الاستفتاء على الرئاسة، حيث يتمكن ممثلو الأمن في مراكز الاقتراع من معرفة المصوتين بـ"لا"، بل إنه في كثير من الأحيان يقوم الموظفون وعناصر الأمن في غرف التصويت بالاطلاع على أوراق الاقتراع قبل إلقائها في الصندوق، وهو ما يدفع المواطنين للتصويت بـ"نعم" خوفاً، في حين تتم "معاقبة" من يتجرأ ويصوت بـ"لا"، وقد تكرر ذلك في حالات سابقة.

اعتقال ناشط كردي:
اعتقل القيادي في حزب يكيتي الكردي في سورية معروف أحمد، عندما كان في طريقه إلى لبنان "في زيارة عادية" حسب تأكيد حزبه. وأوضح الحزب أن أحمد اعتقل يوم الأحد الماضي (12/8/2007). ولم تقدم السلطات أي تفسير لاعتقال القيادي الكردي، كما لم تكشف عن مصيره منذ اعتقاله.

دمشق - أخبار الشرق

[•• LEO ••]

وكان أحد فروع المخابرات الجوية في دمشق قد استدعى المواطن مصباح علاء الدين

انو يعني ليش المخابرات الجوية ؟؟

[اممي]

هدول اختصاصصن طيارااااااااااااات

[yass]

انو يعني ليش المخابرات الجوية ؟؟

فاضين أشغال

[samsoum]

كاتب النص الأصلي : اممي

هدول اختصاصصن طيارااااااااااااات

هههههههههه
طيارات من اللي بيحبها قلبك

[اممي]

كاتب النص الأصلي : samsoum

هههههههههه
طيارات من اللي بيحبها قلبك

والله الي بتحبها رقبتك

[samsoum]

كاتب النص الأصلي : اممي

والله الي بتحبها رقبتك

لك لا تفاول علينا، الله لايسمع منك

[بنفسجة]

كاتب النص الأصلي : اممي

هدول اختصاصصن طيارااااااااااااات

عجبتني هي كتير بس ليكون مصوت من الجو لهيك جماعة الجوية اخدوه لانو لو مصوت من البر كانو جماعة فرع الدبكة اخدوه مو الجوية
بس ييييييييييييييي هلا يلي صوتو ضد رسميا بيطلعو 19 الف مواطن
وانا بعرف بمدينة بانياس الساحلية عندي اصدقاء قالولي انو كتير ناس صوتو ب لا طلعت من بانياس معلومكون جماعة الاخوان هنيك مسيطيرين يعني بفهم من حكيكون كل هدول انشحطو عالدبكة خخخخخخخخخخخخخخخ منيح ارتاحو صحابي منون
قلتلي بسنادا ؟؟ اي منيح هههههههههه

[BL@CK]

يا سيدي الكريم فرع المخابرات الجويّة توّلا المشكلة .. لإني الزلمة رح يطير و ما يهّدي ..

[الآلهة]

المرة الماضية قلتلو لزاهي بيك انو علاك
فأجت ادارة المنتدى الموقرة وسلختني مخالفة قال شو انا اهنت عضو
طيب هل المرة تحسبا واستحياطا مشان ما يجيني شي انذار شنو بتعرفو لهلق ما حدى جاوبني
من الادارة شو يعني انذار مع العلم اذا بكلخو لزاهي افندي شي مسبة دغري بتلاقي الادارة طلعتلي
المهم راح جاوب السيد زاهي جواب مبتذل
شكرا للموضوع القيم لقد اتعبت نفسك والله يعطيك العافية
بس بماعيتك حط موضوع وخليك مبين مشان نقول انو كلامك منطقي مو صف حكي
يعني ناقشنا الله يرضى عليك

[COSTA]

كاتب النص الأصلي : بنفسجة

بيطلعو 19 الف مواطن

هدول بيعملو اكبر دبكة
:d abeek:

[بنفسجة]

كاتب النص الأصلي : الآلهة

المرة الماضية قلتلو لزاهي بيك انو علاك
فأجت ادارة المنتدى الموقرة وسلختني مخالفة قال شو انا اهنت عضو
طيب هل المرة تحسبا واستحياطا مشان ما يجيني شي انذار شنو بتعرفو لهلق ما حدى جاوبني
من الادارة شو يعني انذار مع العلم اذا بكلخو لزاهي افندي شي مسبة دغري بتلاقي الادارة طلعتلي
المهم راح جاوب السيد زاهي جواب مبتذل
شكرا للموضوع القيم لقد اتعبت نفسك والله يعطيك العافية
بس بماعيتك حط موضوع وخليك مبين مشان نقول انو كلامك منطقي مو صف حكي
يعني ناقشنا الله يرضى عليك

وانا طرقوني مخالفة ليش قال شو واحد من الاعضاء اعتبر انو سبيت عليه وانا ماسبيت على حدا قلت كلمة وهو فسرها متل مابدو واشتكى عليي مع انو الشكوى لغير الله مذلة

[بنفسجة]

كاتب النص الأصلي : COSTA

هدول بيعملو اكبر دبكة
:d abeek:

ههههههههههههههههههههههههه هههههههههههههه
والله كتير عجبتني اي والله ومش مسرح واحد 10 مسارح
يعني الشباب رح ينبسطو منيح منيح

[صياد الطيور]

كاتب النص الأصلي : الآلهة

المرة الماضية قلتلو لزاهي بيك انو علاك

حتى ما تسلخك الإدارة تنبيه .. قول الموضوع كلو على بعضو .. علاك بعلاك

[M@hmoud]

وكان أحد فروع المخابرات الجوية في دمشق قد استدعى المواطن مصباح علاء الدين (من بسنادة في محافظة اللاذقية

هللق بكل اللاذقية مافي فروع مخابرات لا جوية ولا مدفعية ولا صواريخ ....لحتى يجي احد فروع الشام (عجب في كم فرع للمخابرات الجوية بالشام ...كنني كل حي بالشام الو فرع) يستدعي مواطن مصباح علاء الدين...ليش حاسس الاسم مقتبس من قصة علاء الدين والمصباح السحري

قالولو للكداب لا تكدب.....

قللون كيف عرفتو ..

قالولو لانها كانت كبيرة كتييير

[MadMax]

كاتب النص الأصلي : Zahi

صوّت بـ"لا" في الاستفتاء الرئاسي فاعتقل واختفت آثاره منذ شهر!

يا ريتك يا زاهي ....... صوتت ب " لا "

[only sasoky]

السيد زاهي كي تكون مشاركاتك موضوعيه وكي تكون سوري فعلا كن مع بلدك وكن مع الملايين من بلدك ولا تنجر لكذب اشباه الرجال--- انت في سوريا اترك من يحاول جرك للدعايه الكاذبه ----لا تصدق ان من جاء على ضهور الدبابات الامريكيه في العراق يملك ذرة من وطنيه هؤلاء خونه مهما حاولوا تجميل صورتهم القبيحه -- لا تصدق ما تبث من سموم حول بلدي ---والاهم من كل هذا لا تصدق من يقول ---خالف تعرف --انا سوري اه يا نيالي وسوريا الرب حاميها اتمنى ان تكون قد فهمت الرساله ---ما اطلبه منك فقط كن سوريا وطنيا فقط---- انا عاشق الاسد سوري حتى النخاع

[Zahi]

الشكر الجزيل لجميع الشباب والصبايا وعلى كل المشاركات

بس يا جماعة يا ريت نتذكر أنو نحنا هون عم نحكي عن مواطن سوري أو انسان أو بشري أو بني آدم... أختفى قصريا - أو أخفي من قبل جلادي النظام - لأنه أبدى رأيه فقط!!!!

والانسان المتحضر لا يتشفّى بمصائب الآخرين حتى لو كانوا لا يعجبونه ، ولا نريد أن تلتصق فينا احدى صفات المنافين الذين قال لنا عنهم رسولنا الكريم : ( اذا خاصم فجر )!