معلش شو صار سوريــا متل النار...!

[Reemi]

خلص الشوط الاول لصالح المنتخب العراقي....

2-0...

اول جول من ضربة جزاء..... اخدوها من خطأ غبي ...!

وتاني جول .. بجدارة .....

ضيعو الشباب .. كم فرصة ممتازة ...

ع كل حال...مستوى جيد لمنتخبنا... بس الجيد اكتر من هيك...هوي صوت الجماهير..لك طاغي ع صوت العراقيين...مع انو الحضور العراقي اكتر بكتتتتتير من الحضور السوري.....

ضايل معنا شوط...رح تشعلل المباراة...ونعوض باذن الله...!

كانت معكن ريم ... من قلب الحدث....

[fofo besset syria]

يلا الشوط التاني النا انشاله

[butterfly]

معليش شو صااااااااار
سوريا متل الناااااااااار

[Reemi]

كاتب النص الأصلي : butterfly

معليش شو صااااااااار
سوريا متل الناااااااااار

شايفه شايفه .... قليلو قليلو... رحح نشوفهن اليوم مع ايران.... وانا اكيييييييييييد مع ايران....


لك صوت السوريين معبي الملعب... شوي بقلك...عندك بحريه يا ريييييس ...وبكمل واخر شي بقول.. وصلني سوريا ..يا ريييس

وبعدين بقولو.... الله سوريا وبشار وبس...

وبيرجع بقول ... من سوريا الاسد جينا..ومن حلب الشهباء جيينا..ومن الشاغور جيينا...وبعد هدول ما عاد فهمت عليه...!

بلش الشوط التاني....

بااااااااااااااااااااااااي ...يا رب

[butterfly]

وأنا مع أيران


والله ايران موقفا معنا زلومي ..

[يمان Rooooonaldo]

الي رجعة للتحليل

وهارد لك شباب

[dot]

لا تعليـــق على اداء منتخبا

[Reemi]

اصلا اخر جول للعراق تسلل...

منتخبنا لعب باستبسال بالشوط التاني وخصوصا ببدايتو...

ضاعت علينا ضربة جزاء..من هالحكم الغبي... لما وقع ماهر السيد ....

بسيطة بسيطة...المهم لعبنا حلووو كتتتتتير ....!

[Willi]

انو معلم لا تنسى انو من يومين مسحنا فيكون الارض بارضكون وبين جمهوركون وبمنتخب مهتري عايف التنكو. مو لعبان ولا مباراة قبل البطولة.
فرجاء بلا اللعي الفاضي.
بس تلعبو معنا وتخسرونا انتو 3-0 تعا وقتها احكي

ولو اني بعرف انو اداء المنتخب زفت بس ما توقعت يخسر 3-0 وخصوصي انو نص لعيبة العراق الاساسيين ما لعبو. (هيك حسب ما فهمت)
بكل الاحوال انشالله البطولة الجاي يكون صار عنا منتخب.
وما حدا يحط الحق عالحكم. لانو فريق دخل عليه 3 غوال اكيد اكيد ما خسر من الحكم

[Reemi]

كاتب النص الأصلي : Willi

وما حدا يحط الحق عالحكم. لانو فريق دخل عليه 3 غوال اكيد اكيد ما خسر من الحكم

لك اول جول اجى من ضربة جزاء ... يعني ابدا مو شطاره... الحق ع لاعبنا ...ضروري يرفع ايدوووووو

الجول التاني..كان حلو.... اجى بجدارة...حلال عليهون...!

الجول التالت .... كان فيو تسلل...حسب ما شفت....حتى المعلق قال تسلل!!!!!

ضاعت علينا ضربة جزاء...وقت ما فركشوه لماهر السيد..بس الحاكم... انعمى ع حظنا....!

بس اكيد اكيد ... كان ادائهن منيح...

رح تبلش مباراة الاردن وايران...لنقوم انشجع ايران

[Fares]

المنتخب السوري خسر اليوم، هذا أمر واقع...
المنتخب السوري يستحق الخسارة اليوم، كمان هذا أمر واقع...
النتيجة كبيرة بخسارتنا بثلاثة أهداف، كمان هالشي صح...

بس أنا بعتبر أنو الخسارة الأكبر كانت لأخوية!!!!
أنا ما كنت بتصور أنو يوصل مستوى الحديث لهون.... (أخص بحديثي نسيم بالدرجة الأولى والباقي بالدرجة الثانية)...

ما بدي احكي كتير بس عندي طلب صغير:
أرجو من الجميع عدم الرد على هذا الموضوع وعدم فسح المجال أمام مهاترات من هذا النوع... ريثما يتدخل المعني على هذا القسم ويطهر أخوية من هذه الألفاظ التي لم أعتد على سماعها لا بأخوية ولا بغير أخوية!!!!!

[Government]

كاتب النص الأصلي : fares

المنتخب السوري خسر اليوم، هذا أمر واقع...
المنتخب السوري يستحق الخسارة اليوم، كمان هذا أمر واقع...
النتيجة كبيرة بخسارتنا بثلاثة أهداف، كمان هالشي صح...

بس أنا بعتبر أنو الخسارة الأكبر كانت لأخوية!!!!
أنا ما كنت بتصور أنو يوصل مستوى الحديث لهون.... (أخص بحديثي نسيم بالدرجة الأولى والباقي بالدرجة الثانية)...

ما بدي احكي كتير بس عندي طلب صغير:
أرجو من الجميع عدم الرد على هذا الموضوع وعدم فسح المجال أمام مهاترات من هذا النوع... ريثما يتدخل المعني على هذا القسم ويطهر أخوية من هذه الألفاظ التي لم أعتد على سماعها لا بأخوية ولا بغير أخوية!!!!!

حبيبنا فارس نحن مابدينا معو هو اللي بدي وشغال كلام واكل هوا وبدو يمسح الكرامة واكل هوا
انا اذا انمسحت الردود مامشكلة مافارقة بس دير بالك انو هو اللي بدي ..

[صياد الطيور]

بلا نار بلا بطيخ

كل بطولة منقول نفس الكلام ... و قبل كل بطولة نفس التفاؤل .. و بعد خروجنا من كل بطولة نفس الحجج

يا جماعة كان منتخبنا متل الهبلان بالملعب .. تمريرات غلط .. تسديدات بعيدة وبلا معنى ..

ما في ولا لاعب بمستواه ...

و اسخف شي بهالمنتخب كلو ... هالمدرب ...

يا أخي دول العالم صارت ترصد لمدرب المنتخب مبلغ مادي كبير .. ونحن معندين على المدرب الوطني .. على اساس نحنا عباقرة بكرة القدم و عنا خبرات عظيمة ..
طيب ما شي أنا أجيت معهم على المدرب الوطني
بس يحطو مدرب فهمان .. مو ( فجر ابراهيم ) إي حاج ولووووو ... والله قرفنا الرياضة السورية ..
أحسن شي تابع بطولة العالم للكريكيت

[Willi]

هو صراحة المدربين السوريين مو سيئين.
بس فجر ابراهيم بحياتو ما درب فريق.
حسب ما بعرف انو طول عمرو كان مساعد مدرب.
يقوم هيك يحطوه مدرب للمنتخب

مع هيك الحق مو كلو عليه.
المشكلة باللي ما عم يأمن للمنتخب اللازم.
واللي هو الاتحاد الرياضي

[Government]

انا من اول البطولة ومع الفوين اللي فزناهن عبقول عن فجر ابراهيم بياع بطاطا وماخرجوا يدرب بالمرة
وانا استغربت من الاول انو كيف لهلأ حاطينو مدرب للمنتخب

يعني اقسم بالله احترق قلبي على الخسارة اللي خسرناها بعد ماانبسطنا اخر الشي اكلنا هوا
يعني والله هي مي حالة
يعني الله كاتب علينا انو مانفرح بيوم من الايام وتكمل فرحتنا


ااااااااااااااااااااااااا خ بس

[Willi]

والله صراحة انا كنت معتزل متابعة الرياضة السورية.
بس بعد ما شفت فريق الشباب شو عمل بكأس العالم.
وفريق الكرامة شو عمل باسيا.
قلت والله كرتنا عم تتطور معناها.
قام ليك وين وصلنا بالتطور.
هديك السنة. مدري من سنتين.
خسرنا ببطولة العرب قدام العراق بضربات الجزاء بالمبارات النهائية.
هلق خسرنا قدام العراق بغرب اسيا 3-0 بالربع مدري نصف نهائي

[Government]

كاتب النص الأصلي : Willi

والله صراحة انا كنت معتزل متابعة الرياضة السورية.
بس بعد ما شفت فريق الشباب شو عمل بكأس العالم.
وفريق الكرامة شو عمل باسيا.
قلت والله كرتنا عم تتطور معناها.
قام ليك وين وصلنا بالتطور.
هديك السنة. مدري من سنتين.
خسرنا ببطولة العرب قدام العراق بضربات الجزاء بالمبارات النهائية.
هلق خسرنا قدام العراق بغرب اسيا 3-0 بالربع مدري نصف نهائي

وبغرب اسيا بقطر عدلناهن بالدقيقة 91 بالوقت بدل الضيع وضلينا مصمدين معن الشوطين الاضافيين وفازو علينا بضربات الجزاء على مااعتقد


بعني بالعربي كل بطولة مستوانا عبتراجع معن


يعني ياهنن عبتقدموا وبيطوروا يا اما نحن عمنرجع كل مالنا لورا

[Fares]

أنا قلبي قابضني من هلأ ع المنتخب الأولمبي!!!
حاسس أنو رح نتبهدل كمان!!
الله يستر...

لا كرامة بدون فريق الكرامة