سأهدم وطني

[ظل جيفارا]

اسيادي الكرام ...قررت ان اهدم وطني ان أقتل الوطن ...ان اغتاله
اسيادي الكرام طبعا لا اقصد بالوطن ذلك الصرح الحضاري الشعبي المؤسساتي الذي لا يجرؤ احد على هدمه سوا الخونة وهو غير قابل للهدم اصلا نعم الوطن باق
اقصد بالوطن ذلك الكم المعرفي الثقافي المنتشر بين الأفراد اقصد بالوطن تلك الأفكار السائدة المنتشرة بين ابناء الوطن بكل ما تحويه من تهميش للأخر وتطنيش وتخوين وتكفير اقصد بالوطن النزعة المفرطة في اقصاء والإستقصاء السياسي المعرفي الثقافي الديني اقصد الإلغاء بكل ما تحويه الكلمة من معنى
سوف اهدم الوطن ..لأنه عندما يمتلئ الوطن بأفكار الإلغاء والتكفير الوطني والديني فلن يبنى الوطن من جديد إلا بهدمه واعادة خلقه
بمعنى اخر وللتوضيح عندما تريد ان تنشأ صرحا او بناء ما على ارض تملكها ويملؤها الركام وعليها ما يرتفع عن سطح الأرض بشكل عشوائي خاطئ فعليك قبل ان تبدأ بالبناء ان تهدم كل تلك العشوائيات
اشبه الأرض هنا بالأرضية او الخلفية الثقافية التي سينشأ عليها الوطن الحضاري الجديد واشبه الركام والبناء العشوائي السابق بالكم المعرفي المنتشر بين ابناء الوطن والقائم على التهميش والتخوين والتكفير والتي لا يمكن للوطن ان يبدا بها
على هذا تصبح التجربة اللبنانية على سبيل المثال والتي يراها الجميع رمزا لفشل الديمقراطية اراها انا أنموذجا متقدما لبناء الوطن فلبنان الأن في مرحلة ازالة الركام عن الأرض وبعد ازالته سنرى لبنان الحضاري الجديد سيعي الشعب اللبناني بعد هذه المحنة حلاوة العيش المشترك وسيثور على كل القادة الذين القوا به في جحيم الفتنة
نعم يا اسيادي إن لبنان تلك القطعة التي نعتبرها رمزا للضياع والتشتت علينا اليوم ان نعترف انها مرحلة تعيش مرحلة متقدمة من مراحل البناء الديمقراطي
يا سادتي سأهدم وطني كي يعيش



ظل جيفارا

[abosleman]

كاتب النص الأصلي : ظل جيفارا

اسيادي الكرام ...قررت ان اهدم وطني ان أقتل الوطن ...ان اغتاله
اسيادي الكرام طبعا لا اقصد بالوطن ذلك الصرح الحضاري الشعبي المؤسساتي الذي لا يجرؤ احد على هدمه سوا الخونة وهو غير قابل للهدم اصلا نعم الوطن باق
اقصد بالوطن ذلك الكم المعرفي الثقافي المنتشر بين الأفراد اقصد بالوطن تلك الأفكار السائدة المنتشرة بين ابناء الوطن بكل ما تحويه من تهميش للأخر وتطنيش وتخوين وتكفير اقصد بالوطن النزعة المفرطة في اقصاء والإستقصاء السياسي المعرفي الثقافي الديني اقصد الإلغاء بكل ما تحويه الكلمة من معنى
سوف اهدم الوطن ..لأنه عندما يمتلئ الوطن بأفكار الإلغاء والتكفير الوطني والديني فلن يبنى الوطن من جديد إلا بهدمه واعادة خلقه
بمعنى اخر وللتوضيح عندما تريد ان تنشأ صرحا او بناء ما على ارض تملكها ويملؤها الركام وعليها ما يرتفع عن سطح الأرض بشكل عشوائي خاطئ فعليك قبل ان تبدأ بالبناء ان تهدم كل تلك العشوائيات
اشبه الأرض هنا بالأرضية او الخلفية الثقافية التي سينشأ عليها الوطن الحضاري الجديد واشبه الركام والبناء العشوائي السابق بالكم المعرفي المنتشر بين ابناء الوطن والقائم على التهميش والتخوين والتكفير والتي لا يمكن للوطن ان يبدا بها
على هذا تصبح التجربة اللبنانية على سبيل المثال والتي يراها الجميع رمزا لفشل الديمقراطية اراها انا أنموذجا متقدما لبناء الوطن فلبنان الأن في مرحلة ازالة الركام عن الأرض وبعد ازالته سنرى لبنان الحضاري الجديد سيعي الشعب اللبناني بعد هذه المحنة حلاوة العيش المشترك وسيثور على كل القادة الذين القوا به في جحيم الفتنة
نعم يا اسيادي إن لبنان تلك القطعة التي نعتبرها رمزا للضياع والتشتت علينا اليوم ان نعترف انها مرحلة تعيش مرحلة متقدمة من مراحل البناء الديمقراطي
يا سادتي سأهدم وطني كي يعيش



ظل جيفارا

كلامك رائع ظل جيفارا وانا برأي انت اكتر من ظل
بس في شغلة صغيرة او راي صغير عندي بتمنى تتقبلو بصدر رحب متل ما بعرفك
الوطن اللي بنحكي عنو اي وطن بغض النظر أن كان سوريا او لبنان او..او
لحتى يكون بناء متماسك وقوي لازم تكوت اسسه قوية ومتينة
وبعتقد انو الحضارات اللي مرت وعملت هالوطن كانت متينة
وعملت اساس قوي ومتين لبناء الوطن
يعني خليني اعطيك مثال ممكن تشوف بناء قديم تقول هدا البناء رح ينهار
بس هو بالحقيقة صامد وماممكن ينهار رغم شكلو الخارجي بيوحيلك
انو هالبناء لازم ينهدم وينعاد بنائو من جديد ....بس لاء
هيك بناء عظيم برأي بكون بحاجة لترميم
كما الوطن بحاجة لاعادة تأهيل

تحياتي إلك ظل جيفارا

[MadMax]

كاتب النص الأصلي : ظل جيفارا

على هذا تصبح التجربة اللبنانية على سبيل المثال والتي يراها الجميع رمزا لفشل الديمقراطية اراها انا أنموذجا متقدما لبناء الوطن فلبنان الأن في مرحلة ازالة الركام عن الأرض وبعد ازالته سنرى لبنان الحضاري الجديد سيعي الشعب اللبناني بعد هذه المحنة حلاوة العيش المشترك وسيثور على كل القادة الذين القوا به في جحيم الفتنة
نعم يا اسيادي إن لبنان تلك القطعة التي نعتبرها رمزا للضياع والتشتت علينا اليوم ان نعترف انها مرحلة تعيش مرحلة متقدمة من مراحل البناء الديمقراطي
يا سادتي سأهدم وطني كي يعيش

هالكلام مو كتير دقيق .... بالعكس أثبت الشعب اللبناني من أكتر من 150عام أنو أكتر شعب بيتمسك بالركام يللي حكيت عنو
حتى أنو عندو هالركام أهم من الوطن نفسو
و ماني شايف أي أثر لهالديمقراطية يللي عمن تحكي عنها ... بالعكس الشعب اللبناني كتير متمسك بزعاماتو ( العائلية )

و عم يتبعها بشكل بيشبه القطيع أكتر من أي دولة تانية

[ظل جيفارا]

اول شي خليني علق على رد اخي مادماكس
انا ما حكيت هلأ انو في ديمقراطية بلبنان مخطئ من يظن ان هناك اي اثر لرواسب لبقايا ديمقراطية في منطقتنا بأكملها ولا ألوم الحكومات او السلطة ابدا ليس ذنبها هو ذنب المثقفين ورجال المجتمع لأن ثقافة الديمقراطية غير موجودة فلن يكون هناك ديمقراطية
انا قلت سيدي إن لبنان تسبقنا بمراحل كثيرة في العمل لأجل الديمقراطية فلن يكون بناء إلا بعد هدم وزعامات لبنان تجر لبنان بشدة نحو الهاوية التي اسميها انا هدم الركام
انا اعلم ان الزعامات تهدم الوطن واعلم ان هذا الهدم هو ما أريد
فرنسا مثلا لم تبني نفسها إلا بثورة الطلاب على الوضع المذري الذي وصلت إليه إبان حكم الأباطرة وهاهي هي فرنسا اليوم مثالا يحتذى به .....
لم تكن لتصل إليه لولا تسارع حركة التذمر الشعبي وهذا ما سيحصل في لبنان
نحن لم نصل إلى حالة التذمر وما زلنا نهوى واقعنا المتخلف ولا تبدو في الأفق ملامح تذمر من الواقع المتخلف لذا سنبقى فوق الركام نحيا

الوطن اللي بنحكي عنو اي وطن بغض النظر أن كان سوريا او لبنان او..او
لحتى يكون بناء متماسك وقوي لازم تكوت اسسه قوية ومتينة
وبعتقد انو الحضارات اللي مرت وعملت هالوطن كانت متينة
وعملت اساس قوي ومتين لبناء الوطن
يعني خليني اعطيك مثال ممكن تشوف بناء قديم تقول هدا البناء رح ينهار
بس هو بالحقيقة صامد وماممكن ينهار رغم شكلو الخارجي بيوحيلك
انو هالبناء لازم ينهدم وينعاد بنائو من جديد ....بس لاء
هيك بناء عظيم برأي بكون بحاجة لترميم
كما الوطن بحاجة لاعادة تأهيل

تحياتي إلك ظل جيفارا

مية اهلين وسهلين فيك ابو سليمان طبعا حضرتك من الناس اللي بفتخر فيهن انا بأخوية
سيدي الكريم الوطن بناء حضاري مؤسساتي شعبي ثقافي
الثلاثة الأوائل لا تهدم كما قلت ولن تهدم ولكن الوطن بالفهوم الأخير هو ما علينا هدمه وكما أرى مشاكل المجتمع الثقافية لا يمكن ترميمها لربما حضرتك ترى من منظور اوسع ولكن ارى التكفير التهميش التطنيش التخوين لا ترمم بل تهدم وارى طريقة الحل الوحيدة هي الإنحدار المتسارع نحو الأسفل كي يعلم الخلق اين اخذهم الوضع في ظل عقائدهم الثقافية البالية التي نملكها الأن
وشكرا لمرورك سيدي الكريم

[Nirvana]

كاتب النص الأصلي : ظل جيفارا

على هذا تصبح التجربة اللبنانية على سبيل المثال والتي يراها الجميع رمزا لفشل الديمقراطية اراها انا أنموذجا متقدما لبناء الوطن فلبنان الأن في مرحلة ازالة الركام عن الأرض وبعد ازالته سنرى لبنان الحضاري الجديد سيعي الشعب اللبناني بعد هذه المحنة حلاوة العيش المشترك وسيثور على كل القادة الذين القوا به في جحيم الفتنة
نعم يا اسيادي إن لبنان تلك القطعة التي نعتبرها رمزا للضياع والتشتت علينا اليوم ان نعترف انها مرحلة تعيش مرحلة متقدمة من مراحل البناء الديمقراطي
يا سادتي سأهدم وطني كي يعيش

بل تعيش مرحلة متقدمة جداً من إلغاء الآخر ..

[ظل جيفارا]

بل تعيش مرحلة متقدمة جداً من إلغاء الآخر ..

ألم تفهموا قصدي هذا ما أقصده أن تلغي الأخر بشدة أن يصل بك إلغاء الأخر إلى درجة لا يطيق بها الشعب جنونك بعد أن فينقض هادما كل تلك الأفكار الهدامة
اتوقع ان الفكرة الأساسية لم تصل واضحة

[Nirvana]

كاتب النص الأصلي : ظل جيفارا

ألم تفهموا قصدي هذا ما أقصده أن تلغي الأخر بشدة أن يصل بك إلغاء الأخر إلى درجة لا يطيق بها الشعب جنونك بعد أن فينقض هادما كل تلك الأفكار الهدامة
اتوقع ان الفكرة الأساسية لم تصل واضحة

بس بحالة لبنان، الشعب عم يقبل لأنو هالجماعات اصلا من الشعب والشعب عم يتقسم حواليها .. والالغاء وصل للدم .. الدم .. يعني يمكن هاي اسوأ وأفشل طريقة للهدم والبناء ..
والمشكلة انو أساس كل شي مو تحرير لبنان ولا تقدم لبنان .. اساسو المصلحة الشخصية والسلطة .. والشعب بهمو اللي من جماعتو يوصل للسلطة مشان مصلحتو ..

واذا غلطانة فهمني لانو مو قادرة توصل لعقلي فكرة انو تجربة لبنان تجربة ناجحة بأي شي .. وإلا بعد تاريخ الحافل بالحروب كان قدر يوصل لاستقرار .

[ظل جيفارا]

اختي نيرفانا رح اشرح اكتر يمكن طريقتي اصلا غامضة بتبع طريقة المعنى في قلب المقموع ..على كل يا ريت تسمعيني ..........
كل ما اشتدت العاصفة فتكا عليك ان تعلمي ان بعد العاصفة سيعرف الناس ان كل ما حضروه من عتاد للعاصفة كان مفلسا في وجهها فيعودون لبناء امكانيات جديدة تمكنهم من بناء عتاد جديد يواجهون به العاصفة .....
أما المفلسون الذين لا يملكون عتادا للعاصفة مفلسين ويأملون ألا تأتي العاصفة فلن يعرفوا ابدا إفلاسهم ....
لذا احلم بالعاصفة الهوجاء التي تدمر الوطن ليعلم ابناء الوطن كم كان عتادهم ضعيفا هذا في حالة وجود العتاد
اتوقع اصبحت الصورة واضحة الأن
لبنان الان يتحضر للعاصفة الفتاكة ...التي سيعرف بعدها الشعب كم كان مخطئا في بناء عتاد غير قادر على تحدي العواصف وسيبني بعدها العتاد القادر على ذلك
أقسم لك اني اعلم ان العاصفة لو وصلت إلى أي بلد ثاني غير لبنان بنصف مقدار ما هي الأن عليه هناك لكان استفحل الغباء وظهر على حقيقته وليس كما تظهره بعض الوسائل التي لها مصلحة في اظهار الأمن مستتب ...
شكرا

[ظل جيفارا]

اختي نيرفانا رح اشرح اكتر يمكن طريقتي اصلا غامضة بتبع طريقة المعنى في قلب المقموع ..على كل يا ريت تسمعيني ..........
كل ما اشتدت العاصفة فتكا عليك ان تعلمي ان بعد العاصفة سيعرف الناس ان كل ما حضروه من عتاد للعاصفة كان مفلسا في وجهها فيعودون لبناء امكانيات جديدة تمكنهم من بناء عتاد جديد يواجهون به العاصفة .....
أما المفلسون الذين لا يملكون عتادا للعاصفة مفلسين ويأملون ألا تأتي العاصفة فلن يعرفوا ابدا إفلاسهم ....
لذا احلم بالعاصفة الهوجاء التي تدمر الوطن ليعلم ابناء الوطن كم كان عتادهم ضعيفا هذا في حالة وجود العتاد
اتوقع اصبحت الصورة واضحة الأن
لبنان الان يتحضر للعاصفة الفتاكة ...التي سيعرف بعدها الشعب كم كان مخطئا في بناء عتاد غير قادر على تحدي العواصف وسيبني بعدها العتاد القادر على ذلك
أقسم لك اني اعلم ان العاصفة لو وصلت إلى أي بلد ثاني غير لبنان بنصف مقدار ما هي الأن عليه هناك لكان استفحل الغباء وظهر على حقيقته وليس كما تظهره بعض الوسائل التي لها مصلحة في اظهار الأمن مستتب ...
شكرا لمشاركتك
ظل جيفارا

[MadMax]

كاتب النص الأصلي : ظل جيفارا

انا قلت سيدي إن لبنان تسبقنا بمراحل كثيرة في العمل لأجل الديمقراطية فلن يكون بناء إلا بعد هدم وزعامات لبنان تجر لبنان بشدة نحو الهاوية التي اسميها انا هدم الركام

قصدك لبنان الكرامة و الشعب العنيد
و طبعا متل ما بقول زياد : الشعب العنيد بالتيسنة

يا سيدي لبنان بالفعل سابقنا بمراحل كتيرة بس مو بالديموقراطية بالعكس بالعبودية

لما وطن كامل بيختزلوه بشخص .... ما بظن أنو هاد دليل لا حضارة و لا ديموقراطية
و عنا نحنا اذا حاليا بتسمو هالمرحلة مرحلة قمع او دكتاتورية ...أو متل ما بدكون
فهالمرحلة كتير عمرها قصير بالنسبة للتراث اللبناني بالتيسنة
من أيام المير بشير و رفقاتو ....و الولاء بلبنان هو للعائلة ( الحاكمة للطائفة ) و مو للوطن
يعني لسا بدهون عشرات السنين ليصير ولاءهم للطائفة بشكل عام و مو لعيلة وحدة
و شوف بقى كم سنة بدهن ليوصلو لدستور علماني



صدقني .... الركام بلبنان أهم بكتير من الوطن ( يللي لحد الآن مختلفين على هويتو )

[abosleman]

كاتب النص الأصلي : ظل جيفارا

مية اهلين وسهلين فيك ابو سليمان طبعا حضرتك من الناس اللي بفتخر فيهن انا بأخوية
سيدي الكريم الوطن بناء حضاري مؤسساتي شعبي ثقافي
الثلاثة الأوائل لا تهدم كما قلت ولن تهدم ولكن الوطن بالفهوم الأخير هو ما علينا هدمه وكما أرى مشاكل المجتمع الثقافية لا يمكن ترميمها لربما حضرتك ترى من منظور اوسع ولكن ارى التكفير التهميش التطنيش التخوين لا ترمم بل تهدم وارى طريقة الحل الوحيدة هي الإنحدار المتسارع نحو الأسفل كي يعلم الخلق اين اخذهم الوضع في ظل عقائدهم الثقافية البالية التي نملكها الأن
وشكرا لمرورك سيدي الكريم

وانا فخور جدا بالتحاور معك
هلئ هون حصرنا موضوع الهدم بالناحية الثقافية وكمان انا هون بأيدك
بس مو ضد الوطن هي مو ثقافه الوطن _ التهميش التطنيش التكفير التخوين ..الخ _
خليني احكي ببساطة المشكلة عنا مو بالثقافة الموجودة بالوطن المشاكل متل ما قلت
انت تماما مشاكل المجتمع الثقافية يعني العلة بالمجتمع _عقائد ثقافية بالية _
اما لما بنحكي عن وطن هيك بنكون شملنا تاريخنا الثقافي كلو
يلي هو اهم إرث إلنا بهالوطن بس المشكلة تماما بالمجتمع
باشباه المثقفين المعتنقين اشباه الثقافات واشباه العقائد
اللي ذكرناهن سابقا بموضوعك الرائع هدر المثقفين
هدول اللي لازم نسئصلهم من الوطن ونرجع نزرع بذور الثقافة
اللي نشأ عليها واللي وصلتنابمراحل سابقة لوحدة وطنية ..او للمصطلح المنافي للمصطلحات اللي ذكرتها
وانشاالله تكون وجهة نظري_ طبعا مانها من منظور واسع لاني ما بمتلكو _ وجدت مكان عندك لنرجع اناقشها

مع كل المحبة
....

[Nirvana]

كاتب النص الأصلي : ظل جيفارا

اختي نيرفانا رح اشرح اكتر يمكن طريقتي اصلا غامضة بتبع طريقة المعنى في قلب المقموع ..على كل يا ريت تسمعيني ..........
كل ما اشتدت العاصفة فتكا عليك ان تعلمي ان بعد العاصفة سيعرف الناس ان كل ما حضروه من عتاد للعاصفة كان مفلسا في وجهها فيعودون لبناء امكانيات جديدة تمكنهم من بناء عتاد جديد يواجهون به العاصفة .....
أما المفلسون الذين لا يملكون عتادا للعاصفة مفلسين ويأملون ألا تأتي العاصفة فلن يعرفوا ابدا إفلاسهم ....
لذا احلم بالعاصفة الهوجاء التي تدمر الوطن ليعلم ابناء الوطن كم كان عتادهم ضعيفا هذا في حالة وجود العتاد
اتوقع اصبحت الصورة واضحة الأن
لبنان الان يتحضر للعاصفة الفتاكة ...التي سيعرف بعدها الشعب كم كان مخطئا في بناء عتاد غير قادر على تحدي العواصف وسيبني بعدها العتاد القادر على ذلك
أقسم لك اني اعلم ان العاصفة لو وصلت إلى أي بلد ثاني غير لبنان بنصف مقدار ما هي الأن عليه هناك لكان استفحل الغباء وظهر على حقيقته وليس كما تظهره بعض الوسائل التي لها مصلحة في اظهار الأمن مستتب ...
شكرا لمشاركتك
ظل جيفارا

بس ما تنسى انو لبنان مر بتجارب مشابهة وما استفاد شي من تجربته وهلا هالمشهد عم ينعاد .. يعني ما كان يتعلم من الحرب الاهلية والاجتياح الاسرائيلي وتبعاتو ولا من مشاكلو مع جيرانو .. كلو عم يتكرر بشكل مقرف ..

بتمنى لبنان يتقدم ويتطور نتيجة لهالتجربة بس انا بشك .. لانو معظم الأطراف هدفهم مو مصلحة الوطن بل مصلحتهم الشخصية ...
لانو الوطن يحتمل أكثر من رأي وموقف واتجاه .. اذا تفاعلو كما يجب في سبيل مصلحة الوطن .. والشعب يحاسب الجميع .. (هاي هيي الديمقراطية)

[ظل جيفارا]

قصدك لبنان الكرامة و الشعب العنيد
و طبعا متل ما بقول زياد : الشعب العنيد بالتيسنة

يا سيدي لبنان بالفعل سابقنا بمراحل كتيرة بس مو بالديموقراطية بالعكس بالعبودية

لما وطن كامل بيختزلوه بشخص .... ما بظن أنو هاد دليل لا حضارة و لا ديموقراطية
و عنا نحنا اذا حاليا بتسمو هالمرحلة مرحلة قمع او دكتاتورية ...أو متل ما بدكون
فهالمرحلة كتير عمرها قصير بالنسبة للتراث اللبناني بالتيسنة
من أيام المير بشير و رفقاتو ....و الولاء بلبنان هو للعائلة ( الحاكمة للطائفة ) و مو للوطن
يعني لسا بدهون عشرات السنين ليصير ولاءهم للطائفة بشكل عام و مو لعيلة وحدة
و شوف بقى كم سنة بدهن ليوصلو لدستور علماني



صدقني .... الركام بلبنان أهم بكتير من الوطن ( يللي لحد الآن مختلفين على هويتو )

سيدي سامر ارحب بالحوار الجاد البناء ........
يا صديقي عكس التجربة اللبنانية تجربة الدول اللي بتقلك الشعب ما خرجو ديمقراطية لهيك خلينا عايشين بنظام شمولي وهو عم يبني الوطن....
طيب انا معكن الشعب ما خرجو ديمقراطية صحيح ما خرجو بس هالشي مو معناه انو نعيش بنظام شمولي طولة العمر بدنا نعلم الشعب الثقافة الديمقراطية ولحتى نعلمو بدنا نلغي الأفكار السلبية الموجودة بوسط الشعب تمام
يعني مو ضروري اذا كان الشعب ما خرج ديمقراطية نروح نرضى نعيش بنظام شمولي طولة العمر ...........
الشغلة التانية انو بيطلع معي لبنان متقدم بكل بساطة لأنو هالشغلات " الحرتوكات : جمع حرتوكة وهي الحركات الهدامة ههه" هي الشغلات اللي عم تصير رح تخلي الناس تصحى شي يوم وتقلك ولك يا خيي لحنا ع ورين رايحين ما ولادنا ماتو وبيوتنا تهدموا بدنا نضل " ........" وبيصير تغيير بالوضع عرفت عليني كيف .....
شكرا إلك

أما انو نضل بنظام شمولي فحياة عمره ما رح يتغير شي بالوضع ورح نضل شعب "....."
لهيك انا برأيي لبنان سابقنا لأنو هنيك في حركات عم تصير يعني رح يصير تغيير اما لحنا فمتل ما لحنا أفضل مراحلنا كانت بالأربعينات يمكن ومن وقتا لهلأ متل ما لحنا ..

[ظل جيفارا]

وانا فخور جدا بالتحاور معك
هلئ هون حصرنا موضوع الهدم بالناحية الثقافية وكمان انا هون بأيدك
بس مو ضد الوطن هي مو ثقافه الوطن _ التهميش التطنيش التكفير التخوين ..الخ _
خليني احكي ببساطة المشكلة عنا مو بالثقافة الموجودة بالوطن المشاكل متل ما قلت
انت تماما مشاكل المجتمع الثقافية يعني العلة بالمجتمع _عقائد ثقافية بالية _
اما لما بنحكي عن وطن هيك بنكون شملنا تاريخنا الثقافي كلو
يلي هو اهم إرث إلنا بهالوطن بس المشكلة تماما بالمجتمع
باشباه المثقفين المعتنقين اشباه الثقافات واشباه العقائد
اللي ذكرناهن سابقا بموضوعك الرائع هدر المثقفين
هدول اللي لازم نسئصلهم من الوطن ونرجع نزرع بذور الثقافة
اللي نشأ عليها واللي وصلتنابمراحل سابقة لوحدة وطنية ..او للمصطلح المنافي للمصطلحات اللي ذكرتها
وانشاالله تكون وجهة نظري_ طبعا مانها من منظور واسع لاني ما بمتلكو _ وجدت مكان عندك لنرجع اناقشها

لي الفخر الكامل بالحوار معك اخي الكريم .........
سيدي الكريم طبعا الهدم محصور بالناحية الثقافية هيدا شي اكيد .
تقول ان هذه الثقافة -التخوين التهميش الإلغاء - ليست ثقافة الوطن أقول لا بل هي ثقافة الوطن لأنها ثقافة الأفراد المشكلين للوطن ثقافيا فهي بالتالي ثقافة الوطن ..... طبعا هذا لا يشمل تاريخ الوطن الثقافي لأن الوطن قد مر بمراحل مختلفة منها ما هو متقدم ومنها ما هو متخلف كما نحياه الأن لأننا نعاني من اشباه المثقفين ومن اشباه الثقافات كما تفضلت حضرتك ... انا اقصد الوطن حاليا واجهة الوطن هي الحاضر وليس الماضي الذي نفتخر به
ثقافة الإلغاء كما أراها تستفحل بين ابناء الشعب أرى لا سبيل لحلها إلا بحرب طاحنة تعلم الناس كيف تكون نهاية طريق الإلغاء ..لكي لا يلغى احد ...
لا يمكن ان يلغى احد من الخارطة الإجتماعية الثقافية السياسية للوطن ويفرح لهذا لا بد ان هناك حقدا دفينا على من ألغاه وسيفجر حقده يوما ما على من تجرأ عليه ..... والعاقبة وخيمة .....

[ظل جيفارا]

وانا فخور جدا بالتحاور معك
هلئ هون حصرنا موضوع الهدم بالناحية الثقافية وكمان انا هون بأيدك
بس مو ضد الوطن هي مو ثقافه الوطن _ التهميش التطنيش التكفير التخوين ..الخ _
خليني احكي ببساطة المشكلة عنا مو بالثقافة الموجودة بالوطن المشاكل متل ما قلت
انت تماما مشاكل المجتمع الثقافية يعني العلة بالمجتمع _عقائد ثقافية بالية _
اما لما بنحكي عن وطن هيك بنكون شملنا تاريخنا الثقافي كلو
يلي هو اهم إرث إلنا بهالوطن بس المشكلة تماما بالمجتمع
باشباه المثقفين المعتنقين اشباه الثقافات واشباه العقائد
اللي ذكرناهن سابقا بموضوعك الرائع هدر المثقفين
هدول اللي لازم نسئصلهم من الوطن ونرجع نزرع بذور الثقافة
اللي نشأ عليها واللي وصلتنابمراحل سابقة لوحدة وطنية ..او للمصطلح المنافي للمصطلحات اللي ذكرتها
وانشاالله تكون وجهة نظري_ طبعا مانها من منظور واسع لاني ما بمتلكو _ وجدت مكان عندك لنرجع اناقشها

لي الفخر الكامل بالحوار معك اخي الكريم .........
سيدي الكريم طبعا الهدم محصور بالناحية الثقافية هيدا شي اكيد .
تقول ان هذه الثقافة -التخوين التهميش الإلغاء - ليست ثقافة الوطن أقول لا بل هي ثقافة الوطن لأنها ثقافة الأفراد المشكلين للوطن ثقافيا فهي بالتالي ثقافة الوطن ..... طبعا هذا لا يشمل تاريخ الوطن الثقافي لأن الوطن قد مر بمراحل مختلفة منها ما هو متقدم ومنها ما هو متخلف كما نحياه الأن لأننا نعاني من اشباه المثقفين ومن اشباه الثقافات كما تفضلت حضرتك ... انا اقصد الوطن حاليا واجهة الوطن هي الحاضر وليس الماضي الذي نفتخر به
ثقافة الإلغاء كما أراها تستفحل بين ابناء الشعب أرى لا سبيل لحلها إلا بحرب طاحنة تعلم الناس كيف تكون نهاية طريق الإلغاء ..لكي لا يلغى احد ...
لا يمكن ان يلغى احد من الخارطة الإجتماعية الثقافية السياسية للوطن ويفرح لهذا لا بد ان هناك حقدا دفينا على من ألغاه وسيفجر حقده يوما ما على من تجرأ عليه ..... والعاقبة وخيمة .....
اتمنى متابعة الحوار معك سيدي الكريم .....أفتخر بالحوار معك سيدي

[ظل جيفارا]

بس ما تنسى انو لبنان مر بتجارب مشابهة وما استفاد شي من تجربته وهلا هالمشهد عم ينعاد .. يعني ما كان يتعلم من الحرب الاهلية والاجتياح الاسرائيلي وتبعاتو ولا من مشاكلو مع جيرانو .. كلو عم يتكرر بشكل مقرف ..

لأ صديقتي إذا بتلاحظي منيح بتشوفي انو ما كلشي عم يتكرر بنفس الطريقة في شي انضاف يعني تماما مسار حلزوني ....
في شي انضاف هو رغبة واضحة عند القياديات ومن ورائها الشعب بعدم الإنجرار إلى حرب أهلية بل التركيز على الوسائل التي تعتبرها الدولة مشروعة ....التظاهر الإضراب ولملمة اي مظهر من مظاهر الإقتتال كما حصل في الثلاثاء الأسود
هي مسار حلزوني للتطور في نصفها العلوي حياة ديمقراطية في نصفها السفلي حياة غير مستقرة في أسفلها قمع مع حياة مستقرة سيئة جدا
شكرا لمرورك

[MadMax]

كاتب النص الأصلي : ظل جيفارا

سيدي سامر ارحب بالحوار الجاد البناء ........
يا صديقي عكس التجربة اللبنانية تجربة الدول اللي بتقلك الشعب ما خرجو ديمقراطية لهيك خلينا عايشين بنظام شمولي وهو عم يبني الوطن....
طيب انا معكن الشعب ما خرجو ديمقراطية صحيح ما خرجو بس هالشي مو معناه انو نعيش بنظام شمولي طولة العمر بدنا نعلم الشعب الثقافة الديمقراطية ولحتى نعلمو بدنا نلغي الأفكار السلبية الموجودة بوسط الشعب تمام
يعني مو ضروري اذا كان الشعب ما خرج ديمقراطية نروح نرضى نعيش بنظام شمولي طولة العمر ...........
الشغلة التانية انو بيطلع معي لبنان متقدم بكل بساطة لأنو هالشغلات " الحرتوكات : جمع حرتوكة وهي الحركات الهدامة ههه" هي الشغلات اللي عم تصير رح تخلي الناس تصحى شي يوم وتقلك ولك يا خيي لحنا ع ورين رايحين ما ولادنا ماتو وبيوتنا تهدموا بدنا نضل " ........" وبيصير تغيير بالوضع عرفت عليني كيف .....
شكرا إلك

أما انو نضل بنظام شمولي فحياة عمره ما رح يتغير شي بالوضع ورح نضل شعب "....."
لهيك انا برأيي لبنان سابقنا لأنو هنيك في حركات عم تصير يعني رح يصير تغيير اما لحنا فمتل ما لحنا أفضل مراحلنا كانت بالأربعينات يمكن ومن وقتا لهلأ متل ما لحنا ..

ما حدا قال أنو لازم نضل بنظام شمولي ( مع أنو بالفعل أكتر شعبنا ما بتلبقلو الديموقراطية )
بس انك تحكي عن التجربة اللبنانية على انها تجربة صحيحة ... فهالحكي فيه مغالطات كتير
و اذا بترجع للتاريخ شوي ... بتلاقي أنو ( الحرتوكات )اللبنانية مو جديدة
من عدة قرون و لبنان عم يتحرتك
يعني بالقرن العشرين كل الدول العربية هديت الا لبنان ( التحرتك ) فيه مستمر
و مع هيك ما شفت حدا بلبنان صحي ... لا بالعكس كل مانهون لورا

[ظل جيفارا]

ما حدا قال أنو لازم نضل بنظام شمولي ( مع أنو بالفعل أكتر شعبنا ما بتلبقلو الديموقراطية )
بس انك تحكي عن التجربة اللبنانية على انها تجربة صحيحة ... فهالحكي فيه مغالطات كتير
و اذا بترجع للتاريخ شوي ... بتلاقي أنو ( الحرتوكات )اللبنانية مو جديدة
من عدة قرون و لبنان عم يتحرتك
يعني بالقرن العشرين كل الدول العربية هديت الا لبنان ( التحرتك ) فيه مستمر
و مع هيك ما شفت حدا بلبنان صحي ... لا بالعكس كل مانهون لورا

انا ما بعرف شايف انو هالحرتوكات اخرها توصل لشي يعني ما رح تضل تحرتك عالفاضي لازم تغير بيوم من الإيام
بس بتضل احسن من السكوت التام على حالة غير دول .......
للحديث بقية