يا ترى حدا فيكم بيقدر يساعدني

[salma]

مرحبا
يمكن انا عندي أغرب طلب ممكن أطلبه بهالدنيا بس بدي اطلبه, أنا بنت مسلمه وما بعرف اذا انا مرغوب فيي هون ولا لأ.
المهم, أنا عندي مشكله صغيرة وكبيرة بالنسبة الي بنفس الوقت, وأنا بدي نصيحة شخص بقدر اني اثق فيه كتير, وبصراحة انا بدي نصيحة كاهن من الكنيسة بقدر اني احكي معه بهادا الموضوع, فاذا بتقدروا تساعدوني اني لاقي هادا الكاهن, رح تسألوني انه ليش ما تسألي شيخ من عندكم او شيخة, بصراحة انا ما بدي حدا يقللي انه رح تروحي لجهنم وبئس المصير, أنا بدي حدا يفهم عليي بقصتي , ففي حدا بيقدر انه يساعدني ويدلني على هادا الكاهن.

شكرا كتير الكم

[sezar]

أنا بنت مسلمه وما بعرف اذا انا مرغوب فيي هون ولا لأ.

هلا سلمى

هاد الموقع اسمو مسيحي و واجهتو بس هوي من جوا سوري و بس
بالمناسبة انا مو مسيحي

اما مشان موضوعك بدك تشوفي الشباب

موفّقة

[salma]

كاتب النص الأصلي : sezar

هلا سلمى

هاد الموقع اسمو مسيحي و واجهتو بس هوي من جوا سوري و بس
بالمناسبة انا مو مسيحي

اما مشان موضوعك بدك تشوفي الشباب

موفّقة

هاي سيزر شو هالرد السريع
انا ما بعرف بس هو من شكله مبين انه مسيحي بس انا مو مشان تفرقه ولا شي بالعكس, والا ما كنت اشتركت بهادا الموقع, شكرا على الرد

[أحمد العجي]

كاتب النص الأصلي : salma

مرحبا
يمكن انا عندي أغرب طلب ممكن أطلبه بهالدنيا بس بدي اطلبه, أنا بنت مسلمه وما بعرف اذا انا مرغوب فيي هون ولا لأ.
المهم, أنا عندي مشكله صغيرة وكبيرة بالنسبة الي بنفس الوقت, وأنا بدي نصيحة شخص بقدر اني اثق فيه كتير, وبصراحة انا بدي نصيحة كاهن من الكنيسة بقدر اني احكي معه بهادا الموضوع, فاذا بتقدروا تساعدوني اني لاقي هادا الكاهن, رح تسألوني انه ليش ما تسألي شيخ من عندكم او شيخة, بصراحة انا ما بدي حدا يقللي انه رح تروحي لجهنم وبئس المصير, أنا بدي حدا يفهم عليي بقصتي , ففي حدا بيقدر انه يساعدني ويدلني على هادا الكاهن.

شكرا كتير الكم

اهلين سلمى طلبك فيه نوع من الغرابة انه هلا من قلت الكهان او القساوقسة عنا بالشام او بسوريا كلها يعني جاي لهون ومتعبه حالك لتقولي انك بنت مسلمة وبدي اسال اهن وما بعرف شو من هل الخبط والزق اللي ماله ايداعي ليكي سلمى اذا انته بالشام او باي مكان بخبرك وين بتلاقي قس لتلاقي جواب على السؤال اللي بدك اياه اما انه عم تحي حكي ماله اي طعمه فبلاه قولي خير او اصمتي والله يعلم شو نيتك يا سلمى خليكي سالمة وياريت تفوتي بمشاركات طيبة .

[sezar]

شبك معلم أحمد روق عل بنت
لساها جديدة و بعدين على ما أعتقد هي حرّة تسأل مين ما بدا و تحكي شو ما بدا مو لأني انا عم قول لأنو هاد الواقع

و سلام


سلمى نصيحة:
لاتغلطي و تفكري حوار الأديان هوي المكان المناسب لموضوعك و أصلا بنصحك ما تفوتي

[أحمد العجي]

كاتب النص الأصلي : sezar

شبك معلم أحمد روق عل بنت
لساها جديدة و بعدين على ما أعتقد هي حرّة تسأل مين ما بدا و تحكي شو ما بدا مو لأني انا عم قول لأنو هاد الواقع

و سلام


سلمى نصيحة:
لاتغلطي و تفكري حوار الأديان هوي المكان المناسب لموضوعك و أصلا بنصحك ما تفوتي

حبيبي sezar على راسي بدي منك انه تقراء منيح اللي كتبته سلمى اوكيه انه هي عم تقول على حاله انها مسلمة وانه بتعرف الاجابة المسبقة لسؤاله اللي هي محتاره فيها ومو ملاقيه اله جواب وجوابه مسبقا معروف اذا طرح عند شيخ وبده تفتش ع كاهن او قس لتلاقي الجواب اللي بيريحها هيك حكي بيدخل العقل او بيتقبله اي شخص سليم انه حضرته اذا عنده مشكله وبتعرف جوابها عند الكاهن تريح حاله وتروح لعنده وما تفوت لهون لتثير الفتنة لانه مو ناقصين وبعدين مكان طلبها مو هون طالما فيه دين وكاهن وشيخ وقس وبابا ومفتي مكانه حوار الاديان بتمنى تصفي النية يا سلمى خاتون.

[hacker]

انا الكاهن اشيخ القس المفتي المرشح الاول لوزارة الاسكان العسكري بيمشي الحال

[sezar]

هاكر مفكرك انا مفتي السطل او انا غلطان

[أحمد العجي]

كاتب النص الأصلي : sezar

هاكر مفكرك انا مفتي السطل او انا غلطان

[layla]

هاي سلمى اول شي اكيد نحنا منرحب فيكي هون شو ماكنت وكيف ماكنت
تاني شي اذا بدك تحكي مع كاهن فيكي تروحي على اي كنيسة و تحكي مع الكاهن اللي فيها
بس انت وين ساكنة ؟
واذا بدك اي سؤال فينا نحن هون نساعدك فيه نحن مستعدين واكيد انت شفتي انو هون نحن ما منهتم اذا كان الشخص مسيحي ولا لاء كلون متل اخواتنا
ونورت الفورم ( هي قبل مايجي الكينغ ويقللك ياها )

[أحمد العجي]

[quote="layla"]هاي سلمى اول شي اكيد نحنا منرحب فيكي هون شو ماكنت وكيف ماكنت
تاني شي اذا بدك تحكي مع كاهن فيكي تروحي على اي كنيسة و تحكي مع الكاهن اللي فيها
بس انت وين ساكنة ؟ [/quote

يسلم هل التم

[blue eyes]

اهلا وسهلا فيكي سلمى معنا وانا ما رح قولك اكتر من الي قالوا الاخوة بالردود فيكي تروحي لاي كاهن وهوي اكيد بيساعدك ...

[salma]

هاي
أول شي انا ما عم ثير فتنه او شي متل ما عم يحكوا كتير عالم بالعكس, أنا هون نيتي صافية, في كتير عالم مفكرين انه انا جايه عم اعمل فتنه او شي بس انا مو هاد هو هدفي ابد, بس انا مو موجوده بسوراي هلأ انا موجوده بجده, ورح كون بسوريا قريبا جدا, بس انا كنت حابه اطرح مشكلتي لشخص اقدر اني فعلا اثق فيه, لأني طرحته قبل هيك لكاير عالم حتى رفقاتي القراب كتير وما حدا عطاني الجواب الشافي.
انا للمرة المليون بقول انه انا ما فتت لهون لحتى اعمل فتنه او شي انا نيتي صافية والحمد لله, وبتشكر كل مين قبلني هون.
وبتشكر ردكم كمان لو شو ما كان رأيكم.

[Atramez_Zeton]

هلا بالغوالي
و ميت سهلا
ما في لزوم تحكي هيك نحنا كلنا منفهم عليكي و كلنا مستعدين نساعدك بايا طريقة ممكنة

[salma]

ميرسي كتير الكم

[hanone]

اهلا وسهلا فيكي سلمى ونحنا فهمنا ما بدك تثيري فتن بعرف هد ا الموقع للكل ما بدي زيد شي على لي حكوا الشباب وكمان اذا بدي اي رايي مننا او مساعدة نحنا جاهزين

[manawel]

مرحبا سلام
انا بحب ساعدك وانا اذا بتحبي اول ما بتجي على الشام باخدك لعند الكاهن الي هو بالكنيسة الي جنب بيتنا وانتي ما تعتلي هم
اوكي
على فكرة انا مسلم
وما بفرق بين اي دين وين
وبالنسبة لاحمد العجي
بتمنى من ادارة المنتدى تلاقيلوا حل لانو ما عاد ينطاق
يعني مو معقول متل سنجق عرض بيطلع لكل واحد

[أحمد العجي]

كاتب النص الأصلي : manawel

مرحبا سلام
انا بحب ساعدك وانا اذا بتحبي اول ما بتجي على الشام باخدك لعند الكاهن الي هو بالكنيسة الي جنب بيتنا وانتي ما تعتلي هم
اوكي
على فكرة انا مسلم
وما بفرق بين اي دين وين
وبالنسبة لاحمد العجي
بتمنى من ادارة المنتدى تلاقيلوا حل لانو ما عاد ينطاق
يعني مو معقول متل سنجق عرض بيطلع لكل واحد

خيو فيك تبعت الها ع الخاص لتعرض مساعدتك عليها ماشي الحال شوف ردود اليل فوق وبتلاحظ انه انته النكرة الوحيدة اللي بالموضوع استعراض عضلات منك مابدي الله يرضالي عليك فهمت ابعت لسلمى على الخاص وساعدها والله يسرلها يارب وتنحل مشكلتها اللي مالق الها حل بدينها وانشاء الله تلاقي حلها عند الكاهن وتنحل مشكلتك