للمقبلين على ”ليلة الدخلة” فقط..!؟

[Ghiath]

عزيزتي المقبلة على الزواج

عزيزتي التي طالت بها العنوسة

لاشك انك سمعت الكثير من النصائح عن ليلة الدخلة لدرجة انك بت متشوقة لخوض تلك التجربة.

لا تصدقي الكثير مما قيل ويقال لانها تتضمن الكثير من الاكاذيب والادعاءات والفشخرات.. وكما تعرفين فان هذا الموضوع من الموضوعات المحببة للفتيات والنساء ويكثر الحديث واللغوصة فيه.

لهذا السبب او لغيره ارتاينا ان نقدم لك هذه النصائح.. من اجل ليلة دخلة بتجنن..!:

اذا كان العريس شايف حاله ودخل عليكي مثل الكلب او الاسد الغضنفر محاولا ايقاع الرعب في نفسك.. فقولي له: علينا يا مندلينا. واشمطيه كف على قد ما الله يعطيكي..

صدقيني ان هذا الكف سيحدد مسار حياتكم لانه لن يقو في تلك اللحظة وقد تملكته الشهوة على رده. فانتهزي الفرصة. اما اذا كان عنده غباء وهجم عليكي ليضربك فلاتسمحي له بلمسك الا بعد ان يجثو على قدميه ويقول لك حقك في رقبتي.

العبرة من ذلك ان عليك ان تعلمي ان داخل كل رجل اسد وفأر.. وان تتزوجي فارا خير لك من تتزوجي اسدا لامحالة سيفترسك في يوم من الايام. ويتزوج اخرى.

لا تسمحي له بالاقتراب منك فورا والبدء بحضنك وتمليس شعرك و.. و..رغم انك اكثر منه تشوقا لذلك. طولي بالك وبردي اعصابك على الاخر وانتظري حتى تسيل ريالته وتولع معاه عندها جرجريه بالكلام عن ماضيه وخليه يحكي لك تاريخه كله واذا ادعى ان ليس ماض. تحديه واستفزيه قولي له : ليش انت مش زلمة. ولما يحكيلك كل شيء بالاسماء سجليهم في ذاكرتك او على دفتر كقائمة سوداء وهدديه بها في المستقبل.

اثناء الحديث وكلما ادلى باعتراف صيحي به بلا مناسبة واظهري تاففك من امه وعمايلها اللي سكتي عليها في فترة الخطوبة واختبري ردة فعله تجاه صياحك وموقفك من امه واخته وخالته. واعلمي انك بهذا تؤسسين لعلاقتك المستقبلية معه ومع اهله فاذا اظهر خنوعا ذليه حتى يخنع تماما. عندهها تتاكدي انه سيخنع لك دائما.

طبعا.. لما يعترف لك بكل شيء راح تنسد نفسك عن الجنس. وتتحرك بك الغيرة. وهيك بتناموا اول ليلة انت ع التخت وهو ع الكنبة او في البانيو.. معلش اعطيه حرام بلاش يبرد.

عندما ياتي اهله في الصباحية عاميلهم بشكل عادي ولا تخليهم يفكروا ان ابنهم فارس الغبرا وراقبيهم دائما .. رجل لرجل. ولا تدعينهم ينفردون به.

اما عندما ياتي اهلك فاستقبليهم بترحاب.. اظهري سعادتك وتالقك ودلعك وغنجك علشان يعرف من الاول ان اهلك.. مش زي اهله.


منقول للفائدة... :P
© 2005 البوابة(

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

)

[Majood]

كلام فاضي.... حرام الواحد يضيع وقته و يقرا.. مع احترامي للناقل...

[أحمد العجي]

بالعكس كلام مفيد ومافي متله وعلمي مية المية بس شو المشكلة اللي صار داخل 100 ليلة ومرقو عليه اشكال والوان بس بدي طبق هل الليلة قريبا وبخبرك شو النتيجة

[Majood]

اي كلا و الف كلا... العلاقة الزوجية اسمى من هيك شغلات ... و الله ازا من اول يوم بدها تبلش المشاكل.. اي بالاها كل هل الجازة.. هذا رأيي كأمرأة متزوجة...

[krimbow]

شو يا

انو انا بعرف انو من زمان لما كان يتجوزوا كان الرجال هوي يللي يقطع راس القط بليلة الدخلة
شو الحكاية مقلوبة هاليومين

يا عمى الله سترني و دخلت جمعية "حفاظ كرامتك و خليك عزابي "

و هون بحب وجه تحياتي لأعضاء الجمعية و رئيسون yass

[Atramez_Zeton]

التفاهم هو سر نجاح العلاقة بين الرجل و المرأة
ازا ما في تفاهم مافي نجاح و مافي سعاد -من سعادة-

[yass]

يسقط الزواج ............. تحيا العزوبية
و أحلى كريمبو
و خمسمية محروقة لعيون الشباب العزابية

وهلا و الله

[عاشق من فلسطين]

يسقط الزواج ............. تحيا العزوبية
و أحلى كريمبو
و خمسمية محروقة لعيون الشباب العزابية

وهلا و الله

عزابي وحياة عيونيك يا حياة .. عزابي جكر بكل المعجبات .. عزابي وبلا صبايا وبلا بنات .. عزابي .. وأحلى كاس عرق لكل الشباب اللي بلا عجيات .. عزابي وبلا صوم وبلا صلاة .. عزابي وأحلى شباب على التشات ..

[Atramez_Zeton]

شباب انا بطفي النار و انتو بترجعو و بتشعلوا ؟؟؟

[yass]

عزابي وبلا صبايا وبلا بنات

عزابي يعني بدون زواج ............ شو بدك ياني أموت يعني؟؟؟

[عاشق من فلسطين]

عزابي يعني بدون زواج ............ شو بدك ياني أموت يعني؟؟؟

صحي نسيناك لا تواخذنا .. :P :P