ندى الأيام

[layal86]

في محاولة فاشلة لتقليد مسلسل أهل الغرام الذي لاقى نجاحا كبيرا جاء مسلسل ندى الأيام .
لكن مع الأسف كان المسلسل سخيفا جدا و لا يستحق الكم الهائل من الدعاية التي حظي بها ولا يستحق جهد الاساتذة الثلاثة الذين قامو ا باخراجه .
فقد جاءت الحلقات مفككة غير مترابطة رغم محاولة الكتّاب اليائسة ربط الأحداث المبعثرة عن طريق صورة فوتوغرافية للفتيات بطلات العمل في المدرسة ,و كانت القصص ضعيفة و غير مقنعة و القفزات الزمنية مزعجة و بعيدة عن المنطق .
و مع الأسف فقد أعطى هذا المسلسل صورة سلبية عن فتيات مجتمعنا ,فلم نرى قصة واحدة ممكن أن تتصف بالايجابية .
ربى المأمون :الفتاة اليتيمة التي لم تكمل دراستها و التي تصبح مسؤولة عن عائلتها تفقد زوجها في نهاية الحلقة .
أمل عرفة :الفتاة المتهورة التي تهرب من ذويها لترتبط بشاب ذو انتماءات سياسية يسجن في نهاية الحلقة .
ندين تحسين بيك :فتاة مسيحية (و لم أفهم السبب من تحديد الديانة ) يقوم والدها بتزويجها من رجل يكبرها ,لتكتشف أن هذا الرجل غير سوي و يستمتع بضربها عندما يرغب بمعاشرتها و في نهاية الحلقة يشل الزوج نتيجة حادث سيارة فتقوم بالاعتناء به .
سلاف فواخرجي :يبيعها والدها لرجل خليجي ثري و بعد أن يموت تعود لتقع في غرام زوج احدى صديقاتها في نهاية الحلقة ترتبط بهاذا الشاب و تكون سببا في طلاقه من زوجته.
كاريس بشار:مهندسة تتزوج عن حب ,لكن بعد الانجاب تتوقف عن الاهتمام بزوجها و يبدأ بخيانتها مع سلاف فواخرجي و تنتهي الحلقة بالانفصال .
ريم علي :تتعرف على ممثل مغمور و تساعده للوصول الى الشهرة فيتخلى عنها و يطلقها .
ديمة قندلفت :تعيش علاقة جنسية مع شاب قبل الزواج لمدة 4 سنين و لا يقبل أن يتزوجها اللا لعام واحد (لأنو مانو ندل )و بعد أن يطلقها تتزوج برجل بخيل و تطلقه و تنتهي الحلقة بزواجها برجل يكبرها ب 30 عاما .
جيهان عبد العظيم:فنانة تشكيلية تحلم بتحقيق الشهرة و تبدأ باقامة علاقات متعددة مع الكثير من الشبان و في نهاية الحلقة تبقى و حيدة مع لوحاتها المكدسة و لا أحد يعترف بموهبتها .
سلافة معمار هذه أكثر حلقة مخربطة و فايتة بالحيط ) تعاني من فقدان ذاكرة مؤقت مرتبط بماضيها (لأنو أمها قلعت القطة الصغيرة اللي كانت عم تربيها )و تقع في غرام رجل يكبرها بكثير و متزوج و في نهاية الحلقة تبقى وحيدة بعد أن يسافر حبيبها .
هذه بعض النماذج التي طرحها هذا المسلسل الفارغ.
يعني مافي نموذج بيرفع الرأس و كأن المجتمع كله فتيات فارغات منحرفات مطلقات باحثات عن الشهرة !!
حتى اني صرت أتساءل من أي مدرسة تخرجت صاحبة فكرة هذا العمل (المذيعة نور أتاسي ) حتى جاءت أفكارها بهذه السوداوية !
هذا رأيي ما رأيكم ؟؟

[zayzon]

[ramiZ]

ليش فاشله انا كتير حبيتة
ندى الايام كتير حلوى وومميز

[nanet]

[quote=layal86;465417[B]رأيي ما رأيكم ؟؟[/b][/quot
أنا بأيي أنو ما رح نستفاد شي من مسلسل عم يتغنى بإيجابياتنا صار لازم بئا ننتبه لهالأصص مشان نتجنبا

[القلب المنادي]

ليك هو المسلسل حلو

ما بو شي

بس متل ماقلتي عم يعرض كل الاشياء السلبية بمجتمعنا

يعني ولا شي ايجابي

ميرسي على الموضوع

[sezar]

من أعظم المخرجين السوريين
حاتم علي هيثم حقي المثنى الصبح


المسلسل ليس تقليد
انما اتجاه الدراما السورية بشكل واضح الى اللوحات الاجتماعية المرتبطة بالمجتمع السوري بشكل كبير
و هيك لوحات درامية ليس المطلوب منها استعراض ما هو ايجابي و انما تستعرض السلبيات لايجاد الحلول لها ..
يعني مثلا برجع لورا بالزمن لعند كركوز و عواظ .. بتتخيلي عم يحكو عن شي ايجابي بعهد السلطان .. لا .. لأنو شغلتن النقد لايجاد حلول و هون نفس القضية

[..Jimy]

أنا تابعت المسلسل ما بو شي
بس طبعا أهل الغرام كان أروع بس كمان بعض الحلقات وما كانت كل الحقات بنفس الروعة.

وإذا بدنا نحكي عن السلبية فمسلسل أهل الغرام كان كلو عبارة عن قصص حب مستحيلي .

ومسلسل ندى الأيام مليح ويلي تابعوه كتار
................

[layal86]

ك [quote=nanet;466729]

كاتب النص الأصلي : layal86;465417[B

رأيي ما رأيكم ؟؟[/b][/quot
أنا بأيي أنو ما رح نستفاد شي من مسلسل عم يتغنى بإيجابياتنا صار لازم بئا ننتبه لهالأصص مشان نتجنبا

كنت قلتلك أنو معك حق 100 % لو كان المسلسل عبارة عن حلقات منفصلة هدفها عرض حالات سلبية بالمجتمع .
بس ندى الأيام قائم على فكرة و هي متابعة حياة شلة من الصديقات بعد تخرجن من المدرسة يعني المفروض انو هي الشلة بترمز لحالات مختلفة و بيئات مختلفة بمجتمعنا لهيك كان اعتراضي انو ولا وحدة من هال 15 صبية عاشت حياة ايجابية بعد انهاءها المرحلة الثانوية , أنا ماقلت انو لازم تكون كل النهايات سعيدة لحتى ما يصير المسلسل هندي كمان ,بس عالأقل بنت وحدة تقدر تحقق شي ايجابي .
برأيي الشخصي مهما اشتد الظلام لازم نقدر نلاقي بصيص ضو ء صغير واللا بتكون الحياة بلا معنى .

[megar]

المسلسل كان عم يعرض وجهات نظر 3 مخرجين معروفين ما فيك تقول بكل بساطة انو مسلسل تافه بعدين النماذج اللي عالجها موجودة في الواقع السوري وبأي واقع تاني يعني اجا الوقت اللي لازم نعالج في المشكلات الموجودة بمجتمعنا عن طريق المسلسلات او المسرح او الافلام افضل ما تبقى محجوزة ضمن البيوت وبقلوب الناس تاني شي مقارنة المسلسل مع اهل الغرام مو مزبوط لانو كل مسلسل عم يناقش قضايا مختلفة عن الاخر مع انو الجانب المشترك هو العلاقات الانسانية بس كل واحد عم يعالجها من وجهة نظر مختلفة انا برأي لازم يكون نصيب الراما السورية من هيك مسلسلات كبير

[فيروزة]

مبو شي هاد المسلسل مو سيء

[ليالي الشوق]

مع انه مسلسل من واقع حياتنا بس احداثه وقصصة زي ما حكيتي
فقد جاءت الحلقات مفككة غير مترابطة رغم محاولة الكتّاب اليائسة ربط الأحداث المبعثرة عن طريق صورة فوتوغرافية للفتيات بطلات العمل في المدرسة ,و كانت القصص ضعيفة و غير مقنعة و القفزات الزمنية مزعجة و بعيدة عن المنطق

وانا معك ما حبيته المسلسل

سلاف فواخرجي :يبيعها والدها لرجل خليجي ثري و بعد أن يموت تعود لتقع في غرام زوج احدى صديقاتها في نهاية الحلقة ترتبط بهاذا الشاب و تكون سببا في طلاقه من زوجته

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

انا ما حبيها هاي القصة ؟؟؟ زي كأنوا بشجعوا البنات ازا حبيتي واحد مزوج خلي يطلق مرته ؟؟؟؟؟؟؟؟؟؟؟؟؟؟؟؟؟؟؟؟

[mai yusuf]

انا لم ارى مسلسل اهل الغرام و لكن تابعت بعض حلقات ندى الايام ووجدتها لا بأس بها بالمناسبة انتاج 2006 هذا المسلسل ام اي عام اذا سمحتى

[ياسمينة الشام]

انا لاقيت انو ندى الأيام حلو وقصصو موجودة بالواقع


بس متل كل النهايات ...........نهايتو لا تعتبر نهاية


............

[ghazool]

شكراً ع الموضوع ،،
بصراحة انا كتيييير حبيته و حسيتو واقعي (( لأنو ماحدا مبسوط بعيشتو ))

بس هدول ماعرفتهن ،، عندكن صورهن شي ؟؟؟؟؟

كاتب النص الأصلي : layal86

ربى المأمون
ريم علي

[هيا الجابري]

أنا ما بتخيل فيه مسلسل سوري فارغ
لازم من وراه هدف

[whiterose]

المسلسل كتير قوي و الأقوى منو هي الفكرة
فكرة الكاتبة نور أتاسي

المسلسل يا اخت ليلى درامي
ومارح يورجيكي غير قصص درامية
بعدين معلش هاد هو مجتمعنا
ماحدا بيعرف بكل بيت شوفي
قصص درامية مخباية بحيطان

المسلسل قوي مضمون وفكرة و اخراج
ممكن يكون فيه بعض الأخطاء بس السبب يعود لسرعة العمل
لأنو الحلقة كانت عم تتصور من هون وتنعرض من هون