احلى سنة دراسية

رائدة الفضاء · 12/09/2006

مرحباا

كيفكم شو اخباركم

حبيت اعرف من كل واحد شو احلى سنة دراسية مرت عليه

وكمان بدي اعرف هل كنتو تعملو فصول ناقصة بالمعلمين

بليز الكل بدو يكتب

وانا راح ابدا مشان شجعكن عالكتابة

احلى سنة دراسية مرت علي هي الصف التاسع

لاني كنت مسجلة بطالبات النظام ( شخصية )

وكنت ابهدل البنات واخالفهن على الاشياء اللي بيلبسوها ( شو جايين لعرس )

ومرة شافتني المديرة طالعة من الحصة وصرخت علي وانا ما سكتله رديت عليها بصوت عالي

شو عملت ياحزركن

سحبت مني بطاقة طالبات النظام

وهيك صرت بنت عادية حالي حال غيري

بس الوكياة الله يخليها لي ويطول عمرهل

رجعتني لطالبات النظام لانون ما فيهن يستغنو عن خدماتي

لا تخجلوني بدي ارجع والقى ردود كتيرة ok

ghazool · 12/09/2006

أحلى سـنة دراسـية هي الحـادي عشـر ،،
كنت كسـلانة

و مشاغبة و مشـاكسـةو عشـقانة

..

كل هدول ،، و مع هيك نجحـت ،،

بتذكر مرة هربنـا من المدرسـة من الحصـة الأولى و رحنـا فطرنـا انا و رفقاتي

،،
و بعدين رجعنـا ع المدرسة مع الفرصة الأولى ،،ولا كأنو صاير شي

،،

بسام2 · 12/09/2006

شو طالبة نظام ..

شي كتير بيخوف عقبال ما تصير مشرفه في هالمنتدى..

أسكتو لا يسمعني ابن الداغر بيشلحلي اليوزر تبعي ويطردني برات المنتدى أصلا هو بيغار كتير من البنات

msham · 12/09/2006

أحلى سنة دراسة كانت عندي الحادي عشر لأني ورفقاتي عملنا كتير شغلات بحياتي مابنساها وخاصة وقت عملنا حفلة من دون ما تعرف المديرة

رائدة الفضاء · 12/09/2006

يبدو انكم ما عندكم طالبات نظام متلي انا

مشان تمنعكم من الخوج من الحصص

وانت بسام ليش ما كتبت

رائدة الفضاء · 12/09/2006

ليش مافي تفاعل مع موضوعي

بسام2 · 12/09/2006

احلى لحظه في حياتي مرت في أخر سنه بالثانويه
لأني كنت مفكر انو خلص راح ارتاح من شي أسمه واجبات منزليه..

لكن للأسف أول محاضره لي بالكليه أدانا الدكتور واجب منزلي هههه..

لكن بكل أمانه الواحد فينا بعد مايتخرج ويفوت ع معترك الحياة "حلوه معترك ما؟؟"
بيتمنى انو ترجع اياما.. ياريت

شكرا ً رائده ..

رائدة الفضاء · 12/09/2006

يبدو انك كتييييير بتكره الواجبات المدرسية

بدي اسالك المدارس الثانوية بلشت دراسة والا لا

بسام2 · 12/09/2006

أسألي الطلاب ؟؟ لكن بظن

RAMoOoOoO · 13/09/2006

اي انو انا ورفيقي عم نقرا الموضوع يمكن نحنا هلق بلشنا بالحادي عشر يعني انا ورفيقي مامرت علينا سنة حلوة متل العاشر هي احلى سنة درسنا متل مابقولو (( العاشر داشر))
اول شي تعلمنا الدخان بالمدرسة والصف وحتى الأستاذ يكون موجود

وتاني شي نروح على مدرسة البنات

عاد ماكنا نعرف نطبق بنات هههههههه ودوريات الشرطة تلحقنا

والهريبة من المدرسة يااااااي ويمكن احلا شي صار معنا انارامو مع رفيقي يمانووو انو مرة باخر السنة اجا استاذ على الصف ام سئلنا انتو جديدن على الشعبة امنا انالو انو نحنا من اول السنة ام سال ليش ماكنت شوفكون اول السنة ياحيام طلع الأستاذ حصتو اخر حصة ونحنا هيك حصص مابنداوم بنوب هههههههههههههههه

المهم نحنا نجحنا حتى لو كان برشوة الموجه ههههههههههههههه
((على فكرة يا بنات انا مو مرتبط يعني جربو حظكن معي

))خخخخخخخخخخخخخخخخخخخخخخخخ خخخخخخ

رائدة الفضاء · 13/09/2006

انا مدرستي تبدأ السبت ان شاء الله
وانا هالسنة رايحة للصف العاشر ان شاء الله تكون سنة حلوة

فلسطينية الشتات · 13/09/2006

طبعا السنة الدراسية مش مقتصرة على المراحل الاعدادية او الثانوية او حتى الجامعية

عشان هيك بحكيلكم انه احلى سنتين بحياتي بجد كانوا بالكلية، كنت ايامها بالسكن الداخلي الخاص بالكلية.

كان السكن اشبه بالسجن من ناحية القوانين، كنا نوصل الكلية يوم السبت الصبح الساعة 8 تكون المحاضرة الأولى، ونروح على بيوتنا اخر الاسبوع، الخميس الساعة 1.3 ظهرا.

المهم مع كل القوانين اللي كانت موجودة، الا انه البنات اللي كانوا معي بحياتي ما بنساهن، عشنا مع بعض احلى سنتين ممكن تتخيلوها، وفي مواقف خير الله ممكن احكي عنها، لكن اكثرها تميز الموقف التالي.

كنا بشتا سنة 2003 وكان في ثلج خير الله، المهم سكرت الطرق وانقطعنا، ما في ترويحة وما في دوام انحبسنا بالسكن. كنا نطلع ونلعب بالثلج لحتى ينهد حيلنا، اول يوم انبسطنا ثاني يوم انبسطنا ثالث يوم صرنا نفكر كيف بدنا نروح ؟؟؟

طولت الشغلة، المهم خلال اسبوع الحبسة كانت ادارة الكلية تجيبلنا الاكل على السكن، فكنا نتشرط عليهم يوم بدنا كنافة، يوم بدنا اكلة غير

هلا احلى موقف صار ايام الحبسة، كان ممنوع نغني بالسكن او نترك الضو مضوي لبعد الساعة 10.3 ليلا، واحنا ما شاء الله علينا شلتنا كانت مش طبيعية، اشغب ناس واكثرهم مشاكسة واكثرهم اخذا للإنذارات، بس مع كل ذلك كنا الافضل في تحمل المسؤوليات وقت الجد، وعددنا كان 16 بالغرفة (هيك النظام)

المهم ثاني يوم الحبسة قمنا الساعة 11 بالليل وصرنا نغني ونطبل وبأعلى صوت وفجأة كانت المشرفة على روسنا وهات كتابة انذارات وبهدلة، وبنص ما هي بتكتب في الانذارات اجت وحدة صاحبة النا من غرفة جنبنا ومش عارفة انه المشرفة عنا.

فاتت تغني شو ؟؟؟

بسمة كل دقيقة وبسمة عالترويقة ودقي يا موسيقى وقولوا عليه الله

الله الله الله

بسمة قبل النوم وبسمة بعد النوم زي فرض الصلاة

طبعا هي فاتت تحكي هيك واحنا ما مسكنا حالنا وصرنا نضحك

والمشرفة (بسمة) تصرخ علينا واحنا ولا هون

حظنا كان حلو لأنه ما في دوام ولا ما يحزنون بالتالي ما اخذنا انذارات رسمية بجد
ولا رحنا للعميد ومشيت الامور بسلام

فيروزة · 13/09/2006

احلى سنة دراسية كانت سنة اولى جامعة

إيه على هديك الأيام

ghazool · 13/09/2006

اقتباس:

كاتب النص الأصلي : فيروزة

احلى سنة دراسية كانت سنة اولى جامعة

إيه على هديك الأيام

لا كتيـر تحكو ع الماضي بلييييز ..

حيفاويه · 13/09/2006

احلا سنه هي سنة البكلوريا يلي انا هلا عم بمر فيا مو معقول شو حلوه

عيون جريئه · 13/09/2006

ههههههههههههههه

موضوع حلو كتير

انا احلا سنه دراسيه عندي هي الصف العاشر

ولو بدي احكي كل الفصول الناقصه الي عملتها بالمعلمين ما بخلص للصبح

بس احلا شي فيها انه كنا كل يوم نروح على مدرسة البنات نعجب عليهم كنا ندخل المدرسه والشنته مليانه هدايا نطلع موزعينهم

وكان استاذ النظام كل يوم الصبح يخليني ارجع على البيت ابدل ملابسي

(كنت اروحله بالبنطلون الابيض )

والله كانت احلا سنه

بس ما كانو كل المعلمين يعاقبوني لاني كنت ساطر

جبت معدل 91%