يعطيكم العافية ..وشكرا هاني

Nirvana · 22/08/2006

يعطيكم العافية وألف شكر للأعضاء اللي عم بحاولو ينقذو المنبر..

وألف شكر للمشرف الوحيد الموجود هلأ وهو هاني داغر .. وهو عم بسود اللي سودو المنبر ..

بس وبعدين يا شباب .. يعني بالنهاية كل واحد بدو يروح ينام أو يروح عدراستو أو على شغلو ..
ورح ترجع الوساخة تتسرب..

يعني خربت وصار بدها فعلا حل جذري ..

فلاش باك · 22/08/2006

الحل متل ما حكت كل الشباب والصبايا

ليش ما كان أخوية هيك من شهر ؟
شو يلي اتغير ؟
شو صار ؟

خلي الادارة تراجع حساباتا

handsome · 22/08/2006

هلق كريم اجا كمان بيساعد بالوضع شوي ..
بس هدول عالم ما في عندون دم.. ما في شي عما يمر بعروقون غير الحقد الطبقي وعقد النقص من ورا العيشي الوسخة الي عايشينا ببلادون ...

COSTA · 22/08/2006

اقتباس:

هلق كريم اجا كمان بيساعد بالوضع شوي ..

وينو كريم ؟؟

بعتلو رسالة ما رد عليها ولا فتحها

والحكيم اجى وبعتلو رسالة وكمان ما فتحها

انو ليش هيك الادارة عم تعمل ؟؟؟

hanny dagher · 22/08/2006

يا شباب انا بدي اعتزر منكن جميعا ومن نيرفانا خاصة لانو نزل ردا بيطالا وما قدرت اعمل شي بالرد يعني انا عنجد اسف

وبدي اعتزر منكن كلكن بس انا طلبت من الحكيم من شوي انو يعفيني من الاشراف وبتمنى انو الحكيم يلبيلي طلبي كمان
شكرا للكل واسف مرة تانية

adooooola · 22/08/2006

له يا زلمي شو متحكي خليك مشرف وشو بدك بالحكي

~YAFA~ · 22/08/2006

انا عشان ما انصدم ما بفوت المنبر الا صدف

Spector · 22/08/2006

ما بعرف كل هلقد القصة صعبة انو ما يلاقو هالمشرفين حل جزري ؟!!!

gabo · 23/08/2006

طول ما عم يتبو سياسة طنش تعش تنتعش ما في حل

Liu Kang · 23/08/2006

الحل وحيد وما في غير ....سكروا باب التسجيل بالمنتدى ...لانكن عم تقلعو حيوان عم يجي احيون منووو ...وهكذاا ...رجاء من المشرفين لاتطنشو عالوضع ..اساسا مافي غير هاني هو المشرف الوحيد اللي عم يتصرف والبائي كلو نايم

مشان الله يامشرفين سكرو ا باب التسجيل لانو ماصار هيك الا بعد فتح باب التسجيل ..لا وشفتو الفظاعة الصايرة بالمنبر الحر تحول الموضوع لسب وشتم على وحدة من بنات المنتدى ..وكلمات كتير وسخة
يعني اذا ما انسد حلق هدول اللي عم يفوتو بصرماية انا خايف يفلت لساني عليهن عالاخير

شكرا نيرفانا

عن جد شكراا هاني ........................Liu Kang

**butterfly** · 23/08/2006

اقتباس:

كاتب النص الأصلي : كوستا

وينو كريم ؟؟

بعتلو رسالة ما رد عليها ولا فتحها

والحكيم اجى وبعتلو رسالة وكمان ما فتحها

انو ليش هيك الادارة عم تعمل ؟؟؟

أنو دقيقة بس .. .على ما بعرف أنو بأخوية الأشراف تطوعي ما ؟؟؟؟

يعني ما بظن حدا مننا عم يدفع رواتب ؟
او عالقليلة أنا من جيبتي صراحة ما دفعت شي ... لهيك أي شي عم يعملو نحاول نكون متعاونين شوي ... شوي ها ... شوي بس أكتر ...
وكمان بعرف أنو الله مارضي يستلم الأشراف بأخوية لأنو مشغول بأشيا اهم ... لهيك المستلمينو بني أدمين بيمرضوا ... بينشغلو ... يمكن بيفوتو بس عندن عالنت شغلات تانية ...
أنو في وضع ما عاجبنا منحتج ... منحكي ... منعبر ... هادا كلو منيح بالنهاية نحنا بلد ديمقراطي وحرية التعبير والاعتقاد مقدسة

.. بس مو بهالسلبية
نافسو عنوعية المواضيع ... خلونا نشوف مواضيع جديدة ... وشي بينقرا
صار في مواضيع ضد الأعضاء الجدد أكتر مما في مواضيع ضد أميركا وأسرائيل ...واحتجاجات وعراضات وبكل الأقسام .. سقيفة ...بريد .. صالون ...ناقص نلحن غنية وننزلا بالموسيقى
الموضوع المسيء ما تردو عليو ما بيطول .... وما بيكمل ...
بصراحة فورة دم العديد من الأعضاء هي اللي عم تشارك بالمهزلة

وتقبلو رأيي بكثير من الموضوعية ... وبتمنى ما حدا ينزعج ... انا عم ناقش الفكرة مع كامل احترامي وحبي حتى للكل

hanny dagher · 23/08/2006

اقتباس:

كاتب النص الأصلي : butterfly

أنو دقيقة بس .. .على ما بعرف أنو بأخوية الأشراف تطوعي ما ؟؟؟؟ يعني ما بظن حدا مننا عم يدفع رواتب ؟
او عالقليلة أنا من جيبتي صراحة ما دفعت شي ... لهيك أي شي عم يعملو نحاول نكون متعاونين شوي ... شوي ها ... شوي بس أكتر ...
وكمان بعرف أنو الله مارضي يستلم الأشراف بأخوية لأنو مشغول بأشيا اهم ... لهيك المستلمينو بني أدمين بيمرضوا ... بينشغلو ... يمكن بيفوتو بس عندن عالنت شغلات تانية ...
أنو في وضع ما عاجبنا منحتج ... منحكي ... منعبر ... هادا كلو منيح بالنهاية نحنا بلد ديمقراطي وحرية التعبير والاعتقاد مقدسة .. بس مو بهالسلبية
نافسو عنوعية المواضيع ... خلونا نشوف مواضيع جديدة ... وشي بينقرا
صار في مواضيع ضد الأعضاء الجدد أكتر مما في مواضيع ضد أميركا وأسرائيل ...واحتجاجات وعراضات وبكل الأقسام .. سقيفة ...بريد .. صالون ...ناقص نلحن غنية وننزلا بالموسيقى
الموضوع المسيء ما تردو عليو ما بيطول .... وما بيكمل ...
بصراحة فورة دم العديد من الأعضاء هي اللي عم تشارك بالمهزلة

وتقبلو رأيي بكثير من الموضوعية ... وبتمنى ما حدا ينزعج ... انا عم ناقش الفكرة مع كامل احترامي وحبي حتى للكل

احكي او ضل ساكت

او قلك بما اني تارك الاشراف ما رح احكي شي

leoprad · 23/08/2006

هلق اتخيلو حالكم شي مشارك جديد و مؤدب و وين مافات عميلاقي
(( سكرو التسجيل و قلعو الجداد و مدري شو))
يعني معها حق betterfly شوي ها
و بنفس الوقت كل ما يعفس شي واحد جديد حطو رجلكم بطي....بضهرو و قلعوووو
صعبة؟
و عمي هاني
هالعالم شايفها بتحبك و باينتك كويس خليك معنا حبيب و شكرا لجهودك يا غالي

handsome · 23/08/2006

اقتباس:

احكي او ضل ساكت

او قلك بما اني تارك الاشراف ما رح احكي شي

هاني انا ما دخلني فيك كتير بس انا فيني بس قلك او بتمنى بالاصح انك ما تترك الاشراف

هاني انا بعرف انو كان يصير نفس المشاكل من قبل . وهادا الحكي الي عما يصير هلق كلو منعاد اذا ما الف مرة اكيد اكتر من خمسين مرة .. وانا مع اني فترة كتير كنت ما فوت عالاخوية بشكل مستمر ... قصدي ابل ما سجل .. بس كنت بعرف شو عما يصير فيا .. وما بعرف حتى انو في احتمال تكون انتي شخصيا فترة عترضت عالاشراف وقلت انو الادارة ما كويسي وهيك شغلات ..

هلق انا عما احكي هيك بس مشان وصلك فكرة انو هاي الفترة مرت كتير عاخوية واسا رح تمر كمان . بس المشكلة انو وقت بيكون في بالاخوية 4000 مشترك ما رح تكون ردت فعل العالم متل وقت بيكون في تقيربا 20000 مشترك ...
وفي كتير عالم منهدول الي عما يحكو هالحكي جداد . او نسبيا جداد .. حتى انا لهلق بعتبر حالي من الجداد .. مع انو رح يصرلي سني تقريبا هون .. بس انو هدول العالم ما بيعرفو شو عما يصير هون .. يعني بيعرفو انو في موضوع ما كويس نزل وما لازم يضل .. وبعدين بيطلعوا على قائمة الاعضاء الموجودين وبيشوفك بوجهون .. وبيبلشو يحكوك على انك انتي مانك شايف المضوع وليش مانك عما تمحي وانك ما بتخجل وهدول الشغلات .. وانا كمان بنفسي من كام يوم وقت هاي المشكلة لصغيري الي صارت ما لقيت حدي غيرك بوشي مشان هيك قلتلك عن المشكلة . مع اني انا بعرف تماما انو انتي ما بيطلع بايدك تعمل شي غير بقسم المسابقات .. بس في كتير عالم ما بيعرفو هالشي ... ووقت انتي قلتلون هني عزروك .. بس بنفس الوقت اسا في كتير عالم ما عرفت بالموضوع وبيضل اخد عخاطرة ..

ومشان انو اجا هديك المرة كريم واجا الحكيم كمان وما ساوو شي .. يعني انا هاي الشغلة ما فيني احكي عا شي بنوب .. وبعتقد انو الشغلة واضحة متل عين الشمس ..
انو هدول كمان عالم .. وفي عندون شوية احساس وفي عندون كام شغلة خاصة فيون ..
انا مثلا رح حط حالي محل كريم .. بفوت عالاخوية .. بلاقي في عندي شي 50 رسالة خاصة وتنبيه عن موضوع سيء ومن هالحكي واللعي كلو .. طب نحنا ما فينا نقدر لحالنا انو هادا زلمي عما يشتغل . صاير معو مثلا شي مشكلة بالشغل .. او وقت موصل تعبان عالبت ملتعن ربو من نهار طويل .. وما عرفان ايمت بدو يفتح هالانترنت يفش خلقو شوي مع هالعباد ويتضحك شوي ويريح حالو .. يقوم يفوت ويشوف قسمو ملتعن ابو تقول مضروب بشي قنبلة نووية ...
اي انا لو كنت محلو يمكن كنت بطبش الكمبيوتر بالارض وعمرو ما تصير الاخوية متل الخلق والعالم ...

يعني بتمنا انا من كل العالم الي حاطين مواضيعون بكل محل . بس يحطو حالون محل المشرفين شوي .. يعني الله يعطيون العافي كلياتون ما عما يقصرو بشي .. بس انو كمان هلق الضغط عليون كبير كتير كتير . وخاصة هاي الفترة . يعني كل العالم ميفة .. وغير العالم الي ما عما تلاقي محل تشتغل منو متل الخلق والعالم .. يعني كمان المشرفين في عندون حياتون الخاصة وبيحبو يروحو عالمسبح ويتشمسو عالبحر .. ويشربو كاس بالشرفة .. او ياخدولون نفس اركيلة عرواق .. يعني انو حرام نحنا نلعن ربون بزيادة فوق كل هالضغط المحطوط فوقون ...
وانا بتمنا من كل الاعضاء الي عنجد بيحبو الاخوية وخايفانين عمصحلتة . انو يهدو حالون شوي .. وصلت الفكرة تبعيت تسكير التشجيل .. وبعتقد هي رح تكون هلق تحت النقاش اذا اصلا ما كانت تحت التنفيذ.. بس خلينا نطول بالنا عليون شوي .. يعني هني ما بعتقد انو رح ينسونا لانو نحنا كمان ما مننساهون ..

وهاني رح بس ارجع الك شغلة صغيرة خاصة فيك .. انتي بس اتطلع على قسم المسابقات من كام شهر واتطلع عليه هلق .. ابل كانو يفوتوا عليه عالم اكتر ومشاركات على ابو جنب .. بس كان قمة المياعة وما في الو لا فكاهة ولا مازية .. وهلق بلشو يجو المواضيع الي متل الخلق والعالم .. وشوي شوي بتصير كل العالم بتشارك بالمسابقات بس الشغلة بدا شوية وقت لبين ما يروح من بالنا شكل المسابقات القديمة .. وبعتقد انو اذا ما كل الاخوة في كتير نسبة منون عندا نفس وجهة التفكير تبعيتي ..
مشان هيك انتي خليك قوي ومرق هاي الفترة عخير .. واذا في عالم عما يقولولك انك انتي ما بتشرف الادارة .. وانتي ما حطيت رجلك بضهرون ودفشتون برات اخوية عطيني اسمائون وانا بنفز المهمة عنك .. والي ما مقدرك هوي الي بيكون ما بيستاهلك ...
مشان هيك انتي صليلي شوي على كمشة انبيا ولا تخلي الشيطان الكافر يلعب بعقلك ...

واخواتي كلاياتكون الي عما تقرو هالحكي .. بعتزر منكون لاني طولت كتير بالحكي .
ومتل مافي قسم منكون بيعرف ان ما كتير شاطر بالتعبير .. بس انشالله ما كون قتلت الفكرة تبعيتي هالمرة كمان

والسلام لجميعكم

hanny dagher · 23/08/2006

اقتباس:

كاتب النص الأصلي : handsome

مشان هيك انتي خليك قوي ومرق هاي الفترة عخير .. واذا في عالم عما يقولولك انك انتي ما بتشرف الادارة .. وانتي ما حطيت رجلك بضهرون ودفشتون برات اخوية عطيني اسمائون وانا بنفز المهمة عنك .. والي ما مقدرك هوي الي بيكون ما بيستاهلك ...
مشان هيك انتي صليلي شوي على كمشة انبيا ولا تخلي الشيطان الكافر يلعب بعقلك ...

والله يا خيي وسيم انا مطول بالي كل هالفترة وما خليت نبي وشيطان وما صليت علي

بس اللي صار مبارح كان كبير كتير وما بعتقد حدا بيرضى بسهولة

طنش تعش · 23/08/2006

اقتباس:

كاتب النص الأصلي : gabo

طول ما عم يتبو سياسة طنش تعش تنتعش ما في حل

انا مادخلني لاتشكلوني بالموضوع.......
بس عنجد انا زلمة مطنش عالمنبر وحوار الاديان وهالشغلات ومابعرف شو عم يصير فيون لانو الواحد بيتربا من كيسو...
ودق المي وهي مي يعني عالم بدا تضل تتفهمن واذا اجا شي حدا وتفهمن شوي بتعلق.....
بقا بلا هالوجع الراس ...وفخار يطبش بعضو..........

handsome · 23/08/2006

اقتباس:

كاتب النص الأصلي : hanny dagher

والله يا خيي وسيم انا مطول بالي كل هالفترة وما خليت نبي وشيطان وما صليت علي

بس اللي صار مبارح كان كبير كتير وما بعتقد حدا بيرضى بسهولة

هاني صدقني بعرف انا شو عما تحس..
لانو كل واحد بالاخوية وبيحب الاخوية بيحس نفس الاحساس الي بيحسو المشرفين
وانتي ما كان دخلك بالموضوع .. انتي ساويت الي عليك . والباقي ما كان حدي فينو يغير شي فيه ..
ولا تفكر لانك انتي ما قدرت تعمل شي معناتا صار الحق عليك ... انا واياك واياه واياها كلنا منعرف مين هدول العالم الي عما يحكو هالحكي ولو كان شي انسان طبيعي ما كان بيساوي هيك .. بس هادا ما يعني لانو هوي ادر يخبص شوي بالحكي ونزع المنبر كلو وهز الاخوية انو منستسلملو ... هوي وهيك شكيلات هدفون انو ينزعو الاخوية ويخلوونا نتقاتل مع بعضنا ونصير نحس انو المشرفين ما كويسين .. بس ما هادا هو الواقع وهاي ما الا علاقة بالحقيقة بنوب ..
مشان هيك محن بدال ما دغري نتخلى عن الاخوية .. لازم كلنا نضل واقفين وقفي وحدي بوجه هدول العالم ...مشان نرجع اخوية الحلوي الي هي هلق صارت البيت التاني لكل واحد فينا ...
وبتمنى منك مرة تاني انك ترجع تفكر بالمضوع شوي ..
وشكرا لالك

hanny dagher · 23/08/2006

اقتباس:

كاتب النص الأصلي : handsome

هاني صدقني بعرف انا شو عما تحس..
لانو كل واحد بالاخوية وبيحب الاخوية بيحس نفس الاحساس الي بيحسو المشرفين
وانتي ما كان دخلك بالموضوع .. انتي ساويت الي عليك . والباقي ما كان حدي فينو يغير شي فيه ..
ولا تفكر لانك انتي ما قدرت تعمل شي معناتا صار الحق عليك ... انا واياك واياه واياها كلنا منعرف مين هدول العالم الي عما يحكو هالحكي ولو كان شي انسان طبيعي ما كان بيساوي هيك .. بس هادا ما يعني لانو هوي ادر يخبص شوي بالحكي ونزع المنبر كلو وهز الاخوية انو منستسلملو ... هوي وهيك شكيلات هدفون انو ينزعو الاخوية ويخلوونا نتقاتل مع بعضنا ونصير نحس انو المشرفين ما كويسين .. بس ما هادا هو الواقع وهاي ما الا علاقة بالحقيقة بنوب ..
مشان هيك محن بدال ما دغري نتخلى عن الاخوية .. لازم كلنا نضل واقفين وقفي وحدي بوجه هدول العالم ...مشان نرجع اخوية الحلوي الي هي هلق صارت البيت التاني لكل واحد فينا ...
وبتمنى منك مرة تاني انك ترجع تفكر بالمضوع شوي ..
وشكرا لالك

انتي ما رح تفهم عليي هلأ بعتلك على الخاص القصة شوفا