غرائب كولومبوس

**krimbow** · 14/04/2005

كريستوف كولومبوس إيطالي من جنوى اكتشف قارة أميركا.... هادا الحكي الكل بيعرفو بس يلي ما بيعرفو هو التالي:

ولد كولومبوس يوم الجمعة و وصل على اسبانيا يوم الجمعة وقابل ملكة اسبانيا يوم الجمعة و انطلق برحلتو الشهيرة يوم الجمعة و تمرد عليه بحارتو يوم الجمعة و أطفأ التمرد يوم الجمعة و وصل ع العالم الجديد (مو تبع الأحذية) يوم الجمعة ورجع ع اسبانيا يوم الجمعة، و مات يوم الجمعة....حشيش

قرر السكان الأصليين لجزر الهند الغربية (يلي اكتشفا المذكور) أنو يقتلوا هوي و بحارتو، كولومبوس عرف هالشي ويومها كان بدو يصير خسوف (على فكرة.........كمان كان يوم جمعة) قام قلون للسكان الأصليين أنو الآلهة عرفت هالشي وقررت تخفي القمر كعقاب أولي، قام لما صار الخسوف خافوا السكان الأصليين كتير و ترجو لكولومبوس أنو يتواسطلون عند الآلهة لحتى يرجعوا القمر يلي ما عندون غيرو و باسوا التوبة قام هوي شفق عليون و حكى مع الآلهة و مشي الحال (حنون)

مات كولومبوس و هوي مفكر حالو أنو وصل ع الطرف الغربي لآسيا و ما عرف أنو اكتشف بلوة مصبرة، و بعد ما مات أجا واحد تاني كمان إيطالي اسمو أمريكو هو يلي عرف أنو يلي اكتشفو كولومبوس هو عالم جديد و سما على اسمو

بالرغم من طمعو الشديد وبالرغم من مئات الأطنان من الذهب يلي جابو كولومبوس من العالم الجديد إلا أنو كولومبوس مات و هوي يملك مايقدر ب10 دولارات أمريكية فقط لا غير

و بالنهاية بحب اقتبس من الماغوط المقولة التالية:
"حتى لو خرج كريستوفر كولومبوس من قبرة و اكتشف دواءا شعبيا يشفي جميع الأمراض.....فإنه لن يكفر عن ذنبه باكتشاف أميريكا"

عاشق من فلسطين · 14/04/2005

اقتباس:

بالنهاية بحب اقتبس من الماغوط المقولة التالية:
"حتى لو خرج كريستوفر كولومبوس من قبرة و اكتشف دواءا شعبيا يشفي جميع الأمراض.....فإنه لن يكفر عن ذنبه باكتشاف أميريكا"

yass · 14/04/2005

اقتباس:

كريستوف كولومبوس إيطالي من جنوى اكتشف قارة أميركا

الله لا يقيمو على هالاكتشاف

:P

Bad_Dude · 14/04/2005

معلومات لذيذة

عاشق من فلسطين · 14/04/2005

اقتباس:

الله لا يقيمو على هالاكتشاف

طول بالك ..

يلعن شرفو على هالاكتشاف ..

بس طول بالك شوي

يعني كل شي بالرواق بينحل .. بس الله لا يسلم أيديه على هالاكتشاف

يا زلمة طول بالك ..
بس فعلا" الله يكسر أيديه على هالاكتشاف

مهلا" ...

مين أنا ..

**zen** · 14/04/2005

ينيشنوا من ببو عينو العمى شو احوال

العمى ما عرف يكتشف الا هالمقصوفة الرقبة

اوووووووووووووف من لو هلاء عايش شو بيدي اعمل في

والاله كنت بعفوا عيشتوا

اوعى يطقلي شي عرق شباب
واوعى تتطرشوا

to live is to die · 15/04/2005

يا شباب في جنب بيتي هون تمثال لكولمبوس شو رأيكون بشي فكرة

عاشق من فلسطين · 15/04/2005

اقتباس:

شباب في جنب بيتي هون تمثال لكولمبوس شو رأيكون بشي فكرة

روح شايفلك ..

to live is to die · 15/04/2005

اقتباس:

روح شايفلك ..

ولتحيى أمتنا العربية

بس شو أعمل

عاشق من فلسطين · 15/04/2005

اقتباس:

ولتحيى أمتنا العربية
بس شو أعمل

عميل تحتك .. شو شو تعمل حسن صورة العرب باسبانيا ..
وخفف شوي من السرعة في سقسقة الكلام ..

yass · 15/04/2005

اقتباس:

حسن صورة العرب باسبانيا ..

و الله صعب, شو بدو يلحق ليلحق

**krimbow** · 15/04/2005

اقتباس:

الله صعب, شو بدو يلحق ليلحق

على رأيك
أي لا بيكاسو و لا مايكل انجلو و لا سلفادور دالي و لا 700 واحد متلون بيطلع بأيدون يحسنوا صورة العرب

HashtNasht · 16/04/2005

أخواتي ممكن حدا منكن يفهمني أنو شو الشي اللي زاعجكن بأنو كولومبوس مكتشف القارة الأمريكية ؟؟؟

لا تكونو متدايقين من أميركا مثلاً ؟؟؟؟

هع ...هع ...هع .....

على فكرة عيب عليكن أخواتي .....لأنو على قولة أم كلثوم ..انت فين و الحب فين ...يعني ما لأنو اميركا هلق كاسحة الدنيا و اطلى الأخضر و البرتقاني منصير نقول اميركا ما منيحة....اميركا أحسن مننا

...يعني حتى لو كانت ما منيحة ....مشان هيك خلونا ساكتين ..لأنو الشكوى لغير الله مذلة ...و اذا لقيتو الله تبقوا اشتكولو ..و ما عدا ذلك ....

سكوت

Bad_Dude · 16/04/2005

اقتباس:

هع ...هع ...هع .....

حصت ولصت قدصي هشت نشت انا ما بنصحك تضحك هالضحكة !! لأنو اكيد ما بتعرف شو معناها

على كل حال انا بمر لعندك و بعطيك درس خصوصي عن انواع الضحكات

ها ها ها