حب او لاء

[bratgirl1]

اصدقائي انا سمعت هالقصةمن جديد من احدى قريباتي وهالقصة حصلت معها شخصيا و الصراحة انا احترت معها يعني يلي صار معها حب او مو حب؟؟؟؟ انا رح خبركن القصة وبتمنى تعطوني رأيكن
القصة و ما فيها انو هي البنت عمرها هلق شي 22 و رح تتخرج من الجامعة قريبا و هي صرلها على علاقة اعجاب مع ابن خالها حوالي 4 سنين وهو اكبر منها بعشر سنين ( يعني الفرق عادي )
هي البنت كتير حبابة وما كان الها بهالشغلات كلها يعني الحب وما حب وهو الشب يلي دارس طب بلش يلمحلها عن اعجابو وهيك شغلات و ضل الموضوع هيك طول هالمدة بس من فترة الاخ ( الدكتور) خلص عسكرية قامت هالبنت حكت معو عالموبايل و باركتلو وكان هو فرحان كتير بتلفونها و صار هو كمان يحكي معها كل شي يومين و اذا ضلت فترة ما تحكي بدق و بقلها ليش ما عم اسمع صوتك و كانت هي كتير مبسوطة انو احوالهن عم تتحسن. بس من شي اسبوع اتصلت هالصبية مع الافندي ما رد قالتلي يمكن مشغول و ما قدر يرد كمان اتصلت بعد يومين كمان ما رد و كمان يومين ما رد . بعدين اتصلت من موبايلي( يلي هو ما بيعرف رقمو) رد الافندي ولما عرف انو هي قالها انو هو كتير مشغول هلق و انو بيحكوا بعدين. بعد فترة من الوقت ردت اتصلت من موبايلي ما عاد رد لانو عرف الرقم . يعني يلي مستغربتو انا سبب تغير هالشب مع العلم انو هو بكون ابن خالها بس امو مو هاضمة الموضوع كتير لانو قال شكلها حست عالطبخة.

بس سؤالي : يا ترى اذا كان الشب مقتنع بالبنت و حاببها بتقدر امو تأثر عليه و تخليه يتركها؟؟ مع العلم انو عمرو 32 سنة يعني مو صغير .
او معقول يكون كلو تسلاية؟؟ بس على اساس هو شب راكز
والله انا احترت مع هالبنت لانو متل ما قلتلكن هي قريبتي و رفيقتي ومتل اختي... شو اعمل معها.. او شو لازم هي تعمل؟؟؟

[عيون القمر]

شوفي الحب لو كان حقيقي مو ممكن انسان يوقفه
والرجال اللي بتتغير مشاعره اتجاه اللي بحبها بسبب امه او غيرها ما بكون رجال اله وزنه وبتكون شخصيته معدومة
تسلمي عيوني عالموضوع

[gabo]

ممكن الشب بحالة ما بيقدر يحكي فيها معها يعني هوي بحاجة لحتى يضل لحالو لفترة وما بدنا نلومو لانو حتى قصص الحب بتمر بمراحل ملل يمكن اجتيازها انشاالله

[المستحيل]

الحب هو الحب واللي بحب ما في شي بالعالم بسيطر عليه

[ري مي]

بعتقد هوي ما بيحبا
يعني الشباب احيانا بتكون عندون حركات وكلام حلو منقوم نحنا البنات بكل هبلنة منصدق انو حب بس هوي غير هيك تماما
حتى لو دام الاعجاب 4 سنين الحب والعلاقة الجدية شي والاعجاب شي تاني
ويمكن هالشب عم يفكر بقرايبتك بس عم يفكر بغيرا بنفس الوقت وعم يقارن انو منهم الافضل ليكمل معا
انشالله ما بيكون الوضع هيك بس احيانا بتصير هيك امور

[bratgirl1]

شكرا اصدقائي على مروركم بالموضوع بس ما حدا قلي شو ممكن البنت تتصرف؟؟؟؟

[gabo]

أحسن شي هلق تصبر شوي تفهم الموضوع بعدين تحكم لأنو صارت هالقصة مع رفيقتي كان الشب عندو ظرف مو طايق يشوف حدا

[suzy]

انا بعتقد انوو لو كان يحبا ماكان رح تاثر عليي اي قوووة بالعالم

وكمان بايد قوول الاخت الفلسطينية انووو الرجال الي بيتاثر بحكيي امو او بحكي الناس هاد مو الو وزن و شخصيتوو تكوون ضعيفة ..... بس نحنا مو هاد موضوعنا ... انو شو بدا تتصرف بعتقد تنسااا لأنو مابعتقد بالحب الحقيقي في شو اسموو ملل هي مو سامعا فيا ومابعتقد في هيك شي


انا بقوول تنسا وتشووف طريقا وما أدوور على حدا تحبوو ويحباا الحب بيجي لوحدوو


مشكوور اخي عالموضوع

وموفقة انشاء الله ومابيصيبر الا كل خير

[حيفاويه]

انا رأي انه هوه اكبر منها شوي
يعني شو صار عمر 32 سنه
وهي بعدها 22 يعني في فرق بالعمر
وبرأي انه طنشه زي ما هوه طنشها وازا بده اياها هوه بيجي وبيعتزر
بس