لعبة حلوي كتير - فوتو كلكون حبابين

rashaqa · 24/04/2004

مرحبا انا عضوي جديدة بس لقيت انو المنتدى حلو وما كتير في ناس عم يكتبو مع انو في كتير ناس مسجلين
بقا فكرت انو نعمل لعبي نبعت رسايل خاصة للناس المسجلين بالموقع نمزح معون منشان يرجعو يدخلو على المنتدا
شو رايكون

انا فكرت ندخل على المكان الي فيه مكتوبة اسماء كل الاعضاء فوق بالصفحة و كل واحد بيعت رسالة خاصة ل عشر اعضاء او اكتر و منتفق كلنا على شو نكتب بالرسالة

منحط كتابة للرسالة مشتركة بيناتنا و منبعت والي بيبعت اكتر بيرح

شو رايكون انتو شو نكتب ؟

باي

rowaf · 24/04/2004

طيب شلون منعرف مين كتب اكتر رسائل و كيف منضمن ما تكرر الرسالة للعضو الواحد من أكتر من واحد منا

و بالنسبة لنص الرسالة برأي نكتب رسالة ندعو فيها الأعضاء للمساهمة بالمنتدى و المشاركة فيه

شو رأيك أخت رشاقة

abomoro · 24/04/2004

بس في مشكلة
انو كل العالم المسجلين بعرفهم وكلهم بطلو يفوتوا على الموقع من زمان

rowaf · 24/04/2004

طيب ليش ما عد دخولوا أنا بعرف أنو أغلب المشتركين من أخوية سيدة السلام عنا بحمص و من المفروض على المسؤلين عن الأخوية تشجيعهم على الدخول مو صح .....

abomoro · 24/04/2004

صح حكيك بالأول كل الأخوية سجلت بالموقع وتحمسو .....
بس بعدين ملو وتشجيعات المسؤوليين ماعاد تأثر بحدي

**Hus** · 25/04/2004

طيب اولا شي الفكرة رشيقة متل رشاقة هيك
بعد ..
انا بعتقد هاي المبادرة او هال العبة تبع الاخت رشاقة حتكون فرصة نرجع نلم شمل هال الشباب او نقدر نحدد الي بدهم يكونو معنا بالوقع والي خلص ما في امل منهم !!

اما منشان كيف نحصي كل واحد راسل كام شخص سهلة كتير .. اكيد ما حد حيكزب !! عشان هيك كل واحد بيقول انا راسلت فالان وفلان وفلان بيحط اسمائهم وهيك ... لحتا يخلص كل الاعضاء واما منشان انو ما يقوم تنيني يراسلو نفس الاعضاء ما في مشكلة انشاء الله الكل يراسلو عضو واحد ما في اي مشكلة :P بالعكس احسن

اما شو رح نكتب فبقترح انوحد كلامنا يكون نص واحد منبعتو نفسو للكل بالرسائل الخاصة والي هوي

العنوان :
سوسو بتقلك طولت الغيبة علينا

نص الرسالة :
هايييييييييييي كيفك ... اشتقتلتك كتير انا
كانو عم يسالو عليك بمنتدى الاخوية ,,, شو ليش ما عاد بينت

طب يا اخي " لما انتا ناوي اتغيب على طول .. مش كنت اخر مرة تقول !!!!!!!! "

يالله انا مشغول كتير هلق ببقا بحكيك بعدين

سوسو

طيب عموما بس تلميح عام الافضل انو نراسل كل الاعضاء يعني ممكن قائمة الاعضاء من اللينك الي بالاعلى ..
وتكبس بشكل عشوائي على احدى الرقام الصفحات الي بالصفر مثلا 5 و تقعد تراسل الي الاعضاء الي جواها مثلا وهيك
نقطة تانيي

بدنا عدد الي حيشتركو باللعبة !! ,,
كل شخص حابب يشترك باللعبة يرد على هال المقال ويقول انو هوي موافق يشترك .. وبعدها منحصي الاعضاء الي بدهم يلعبو ومنعين موعد نبدى فيه اللعبة .. ووقت لنهاية اللعبة وخلال هال الفترة الشخص الي بعت اكبر قدر هوي الفائذ باللعبة
بنهاية اللعبة وبس يتحدد الفائز .. منرسل اميل لكل الاعضاء منخبرهم انو كان في لعبة وهيك و اسم الي فاز بالعبة
ومنحط مقال بالصفحة الرئيسية akhawia.com عن اللعبة والفائذ .. حلو هال الحكي !!!
مستني رأي الاعضاء

**Hus** · 26/04/2004

تنويه : قسمنا المشاركات لموضوعين عشان يتم مناقشة كل على حدى .. هنا علشان اللعبة و تحت عنوان
" ملحق مناقشة وضع المنتدى .." اعشان مناقشة وضع المنتدى ..

طيب هلق المشرفين حيساعدو بالعبة بس ما حينحسبو من الفوز .. تمام .. يعني المشرفين حتى ولو كانو اكتر ناس بتبعت رسائل ما حيعتبرو فائزين ابدا الفائز لازم يكون عضو وليس مشرف !!

منستنا شوية ردود كمان لنحدد موعد لبداية اللعبة ..
سلااااااام

rowaf · 26/04/2004

أنا اعتبروني من المشاركين في اللعبة بس أنا بدي طلب قبل تحديد موعد لبداية اللعبة أنو يتم وضع القوانين و نص الرسالة بشكل واضح
ok
مشكورين

king · 28/04/2004

مرحبا شباب أنا صرلي زمان مادخلت المنتدى و حابب شارك باللعبة بس يا ريت تشرحو أكتر

**Hus** · 28/04/2004

ميت السلامي .. العبة كما اقترحتها الاخت رشاقة وعدلوها الشباب
بدنا نبعت رسائل خاصة لاعضاء الموقع < نص الرسالة بالاحمر فوق .>
قال منشان نرجع نشجع الناس الي نسيانين المنتدى والموقع على انو يرجعو يفوتو وهيك ..هاي باختصار
والي بيبعت اكبر رسائل هوي الرابح وهيك
تحياتي

rowaf · 28/04/2004

طيب أيمت بتبلش اللعبة

architecturer · 28/04/2004

يلا و انا معكون كمان

rashaqa · 01/05/2004

اي وين انسيتوني وانا كمان موافقة على الشروط ومعكون باللعبة

king · 02/05/2004

طيب ايمت منبدا؟؟؟[/u]

**Hus** · 02/05/2004

بتبتدي اللعبة مني ويوم التنين الساعة 12 الضهر الي يوم الخميس الساعة 12 بالليل .. يعني كل الاعضاء الي بدون يشتركو معهون وقت يعرفو التوقيت ووقت عشان ينفزو خططهم الهجومية هي هي
سلامات

rashaqa · 04/05/2004

طب ليش ما قلتولي انو بلشتو ؟؟
ما مشكلي انا سامحتكون .. انا بلشت ابعت وانا رح اربح بعرف حالي :P

بعتت اليوم ل 25 واحد اخر 25 بالقائمة .. بس شو كلو شي اشكال شي من اميركا وشي من كندا وشي من استراليا ..
هي هي هي .. في كام واحد حتى حطتلون قلوب بالرسالة

:P

اي انا بعتت لهدول هاي اسمائون

علاء
Fouad
Zero Cool
akram
fadijejo673
joe
rashaqa
samo
riam
katoob
kotyaba
احمد حسن
Mr.yosef
alaa_akel
Eng.Mohammad
fahmi ibrahim
alaa3
majd1988
Marygold
basdoub
majd88
mano_2221
syrianking
fadi
Wasim

يالله اتعبت هلق بكرا برجع بشوفكون

Fouad · 04/05/2004

يا شباب و يا صبايا
انا بهنيكم على غيرتكم على المنتدى و بتمنالكم من كل قلبي ان يلتم شمل اكبر عدد ممكن من الأعضاء اللذين يغارون على اخوية سيدة السلام و يطرحوا المواضيع و النقاشات البنائة بما يخص الأخوية و بطريكية الروم الكاثوليك و المسيحية بشكل عام و باعتباري من صاب موق فويس تشات منذ فترة طويلة و عندي المام بأدارة غرف المحادثة و بسبب وجودي خارج سورية فالتسلية الوحيدة هي الأنترنيت .
لا تستغربوا قلة دخول الناس من سورية و المشاركة فكما اعلم ان تكلفة الأنترنيت عالية نسبيا و الخط ضعيف بشكل عام و انا حسب ملاحظتي انه في اغلب المواقع صار عدد الداخلين من سورية قليل جدا .
اتمنى ان لا تقصروا بطلب اي مساعة دون احراج فجذوري الحمصية شدتني للكتابة معكم صحيح اني عشت قرابة الخمسين سنة في دمشق قبا هجرتي و لكني احن الى حمص اكثر من دمشق .
اتمنى لكم التوفيق و سأطل عليكم من فترة الى اخرى عللنابتكاتف الأيدي نبني معا .
Fouad

**Hus** · 04/05/2004

يا هلا فواد .. والله هوي الموقع akhawia .. بتعريفو : موقع اجتماعي سوري مسيحي كملتقلى للشباب الاخويات والشبيبة المسحية على الانترنت .. هيك تقريبا يعني موقع سوري مسحي اجتماعي عام ,, بس يعني في قسم كبير من اعضاؤ من اخوية سيدة السلام بحمص الاخوية الي اسست الموقع .. و هوي يعني متل ما تقول ما كتير موجه للروم الكاثوليك او غيرون تقريبا بسوريا صار المسيحي بكل طوائفهم واحد .. يعني هيك تقريبا ..
معك حق بخصوص الدخول على الموقع نعم من سوريا النت بطيئة شوي ..من ناحية ومن ناحية تانيي اكتر المتهمين او المعجبين بصيغة الموقع ( اجتماعي مسيحي سوري) هني من السوريين المقيم بالخارج تقريبا عشان هني اكتر ناس حاسسين بالحاجة لهيك موقع او هيك تجمع على النت ..

اخيرا والله منرحب احنا باي مساعدات من خبراء او اشخاص عاديين .. لو بتحب او عندك وقت وبتحب اتساعدنا باي قسم من اقسام اخوية يا ميت هلا ..
سلامات ..

شو شباب شو منشان اللعبة .. انا لسا ما بديت ابعت بس ترا ما بلش ححرق الاخضر واليابس وابعت للك

.. بس ماشي انا ما قبلتوني معكون باللعبة هههههههههه لا عم امزح ما بيصير المشرفين يلعبو لانو عندون فرص بالنجاح اكتر لكتير اسباب ,,
عموما لهلق الراي مع "رشاقة " والله يعني مع احترامي بس صعبي شوي انو كيف سامحين للبنات يربحوكون ما بعرف ..

سلااااااام