الغادري عم يحلم

**zen** · 03/04/2005

وانا عم تابع هالاجد.... الي اسمو الغادري
سمعتوا عم يقول انو صارت المظاهرات بلبنان ومصر وقريبا في سوريا
والله كنت عم تابع البرنامج انا وابي فابي كل ما حكي كلمتين يقلوا فشرت ياحقير
وانا عم اضحك من كل قلبي علي ياحرام هاد بوكرة بيصير في متل ابن لادن بتربي اميركا وبعدين بتزتوا بسطل الزبالة

بس بحب قلوا متل ما قال ابي فشر انو نطلع هيك مظاهرات تافهة لانو مو هي الحرية الي بدنا ياها
والدليل واضح كتير
انو الشعب السوري اغلبوا طلع بمظاهرات طوعية يعني ما اجوا على المدرسة وقالولنا انو بوكرة في مظاهرة
يعني طلعنا لحالنا لنوقف مع بلدنا اولا
تانيا اي واحد رافض فكرة المظاهرة كان في يرجع على بيتوا وما يوجع راسوا
تالتا واهم شي منكتشف انو الشعب السوري كلو مع الحكومة تبعوا الي شوي شوي عم تعطي كل الحقوق الي نا قصتوا
وهون بحب حط ملاحظة
انو نحنا وحتى الحزب الحاكم عم نطالب بالحرية بس الحرية راح تجي شوي شوي مو دج لانو كلشي بيجي دج راح تكون نتائجوا سلبية على كل الاطراف
بس بوجهلو نصيحة لهدا الي اسمو غادري
انو من هلاء يجهز حالوا مشان يلاقيلوا شي جبل يلجاء الو بس تخلص من اميركا وتكبوااا
مع كل الحب

**zen** · 03/04/2005

مو كاتبين شي
شو مو عاجبكون الموضوع

**zen** · 03/04/2005

to live is to die · 03/04/2005

شو رأيك تحط الموضوع بالمنبر الحر

**zen** · 03/04/2005

منيحهون من شو بيشكي هلق حطلي رائيك

minime1967 · 03/04/2005

كل الحكي على راسي ... بس شغلة أنو الحكومة الموزمبيقية عم ترجع الحريات شوي شوي .. أنا شفتها تقيلة عالهضم ... لعدة أسباب :

اولا : مين سمح للحكومة تاخد بالأول ؟

تانيا لما هي اخدت الحريات , ااخدها شوي شوي ؟

تالتا : شو هل المنة ؟ لتكون الحكومة اخدت وكالة من الله والطبيعة ؟

رابعا : مين بيرجع الاولاد اللي ماتو ؟ المصاري اللي انهبت ؟ الكرامة اللي انفعست ؟ الأرض اللي راحت ؟ البترول اللي خلص ؟ والنفوس اللي خربت ؟ الأخلاق اللي ولت ؟

خامسا : يعني برأيك هل شوي شوي قديش عيارها ؟ يعني سنة سنتين ؟ منشان نروح ونرجع نلاقيها زلبوطة هبرة جاهزة للكبة ؟ هي استعارة من نبيه بري .. بست كتير حبيتها .

وبعدين شو هي طفل صغير عم يمشي ؟ شوي شوي ..

ARAM · 03/04/2005

اقتباس:

منيحهون من شو بيشكي هلق حطلي رائيك

عسى أن تكرهو شيئاً وهو خير لكم

**zen** · 03/04/2005

اي يعني
بالاول كان في شي من قمع الحريات
بس انا بظن انو بلشت مرحلة جديد وبدها وقت حتى تصير البلد متل ما بدو كل الشعب
بس المشكلة انو الي عم يعارضوا ما عم يرضوا انو الحكومة تاخد وقت يعني القصة مو برتية شدة ولا شربة حشيش
القصة قصة بلد بدو يعيش من جديد
وانا بظن لما راحت الحريات راحت للمصلحة العامة لانو الي عم يقولوا بدون حرية كانوا بدون يخربوا البلد بالطريقة الي عم يحكوا فيها عن الحرية
وعندك مثال واضح وهو السيد الغادري
يا صديقى الي راح ما لازم كتير نفتحوا لنرجع للحرية لازم نتناسا شوي وا قلتلك ننسى لانو ما حدا بيقدر الناس الغالية عليه
بس الازم نصبر شوي مشان يرجع كلشي لوضعوا الطبيعي وانا هاد رائي بكل صراحة
وبكل حب

to live is to die · 03/04/2005

اول شي مشكور زين على الموضوع الحلو

اقتباس:

كل الحكي على راسي ... بس شغلة أنو الحكومة الموزمبيقية عم ترجع الحريات شوي شوي .. أنا شفتها تقيلة عالهضم ... لعدة أسباب :

اولا : مين سمح للحكومة تاخد بالأول ؟

تانيا لما هي اخدت الحريات , ااخدها شوي شوي ؟

تالتا : شو هل المنة ؟ لتكون الحكومة اخدت وكالة من الله والطبيعة ؟

رابعا : مين بيرجع الاولاد اللي ماتو ؟ المصاري اللي انهبت ؟ الكرامة اللي انفعست ؟ الأرض اللي راحت ؟ البترول اللي خلص ؟ والنفوس اللي خربت ؟ الأخلاق اللي ولت ؟

خامسا : يعني برأيك هل شوي شوي قديش عيارها ؟ يعني سنة سنتين ؟ منشان نروح ونرجع نلاقيها زلبوطة هبرة جاهزة للكبة ؟ هي استعارة من نبيه بري .. بست كتير حبيتها .

وبعدين شو هي طفل صغير عم يمشي ؟ شوي شوي ..

يعني برأيك شو
زياد الرحباني ببرنامج العقل زينة قال وهو عم يتمسخر ويتحسر عالبنانيين
ذهب كل شيء ولم يتبقى لنا شيء

فشو رأيك لم يتبقى لنا شيء
يعني والله شعبنا غريب أو عفوا كمان متل ما قال زياد الرحباني بفيلم أميركي طويل (1980)
80 بالمية من اللبنانيين بدهون لبنان جديد وكما 80بالمية ما بدون لا لبنان جديد لاقديم بدهون الصرفة
ف80+80=160
فما تزبط هيدي هوده فرد 80
فيا ريت يا أخminime1967تحددوجهة نظرك ولا تحكي لمجرد الحكي
وحاول تعمل شي بدل من البكاء والنواح والله مين بدو يجع ومين بدو يحاسب وانت ليش موجود وانت ليش شب وليش سوري
ولاتقول مافيني لأنو فعلا اذا مافيك فالسيد الغادري أكيد رح يكون فيه اذا ضليت ما فيك اذا ضلليت خايف
السياسة صعبة بس اليوم انا مع النظام ضد أميركا بس بها الوقت بكون صرت مشارك بالسلطة بعدين بحاسبها
اذا بدنا بس نضل نحكي فالغادري مو بس عم يحكي عم يحكي ويعمل
فالحكي لوحدو مابجيب نتيجة
مع كل الحب والاحترام لجميع الاراء

مشكور كتير زين 1000000000000000000000000000000000000000000000000

**zen** · 03/04/2005

اقتباس:

يعني برأيك شو
زياد الرحباني ببرنامج العقل زينة قال وهو عم يتمسخر ويتحسر عالبنانيين
ذهب كل شيء ولم يتبقى لنا شيء

فشو رأيك لم يتبقى لنا شيء
يعني والله شعبنا غريب أو عفوا كمان متل ما قال زياد الرحباني بفيلم أميركي طويل (1980)
80 بالمية من اللبنانيين بدهون لبنان جديد وكما 80بالمية ما بدون لا لبنان جديد لاقديم بدهون الصرفة
ف80+80=160
فما تزبط هيدي هوده فرد 80
فيا ريت يا أخminime1967تحددوجهة نظرك ولا تحكي لمجرد الحكي
وحاول تعمل شي بدل من البكاء والنواح والله مين بدو يجع ومين بدو يحاسب وانت ليش موجود وانت ليش شب وليش سوري
ولاتقول مافيني لأنو فعلا اذا مافيك فالسيد الغادري أكيد رح يكون فيه اذا ضليت ما فيك اذا ضلليت خايف
السياسة صعبة بس اليوم انا مع النظام ضد أميركا بس بها الوقت بكون صرت مشارك بالسلطة بعدين بحاسبها
اذا بدنا بس نضل نحكي فالغادري مو بس عم يحكي عم يحكي ويعمل
فالحكي لوحدو مابجيب نتيجة
مع كل الحب والاحترام لجميع الاراء
مشكور كتير زين 1000000000000000000000000000000000000000000000000

على راسي كلامك يا حبيب

to live is to die · 03/04/2005

ما حكينا إلا الواجب ولو

اقتباس:

على راسي كلامك يا حبيب

minime1967 · 04/04/2005

يا أخ To live is to die :

برأيك وين كان السوريين الشرفاء لما بلشت أحداث الأخوان بالسبعينات ؟؟؟ اذا ما بتعرف,, الكل كانو مع السلطة ضد الرجعية والاستمار والتدخل الخارجي المتمثل بجماعة الأخوان بهداك الوقت وهدا حسب الرواية الحكومية القريبة من الصحة. بس .. شو اللي صار بعدين :

أولا : تضاعفت أجهزة الأمن شي مليون مرة .
تانيا : أخدت الحكومة الحق بقصف رقاب العباد بحجة الأخوان , شاهد حديث , هل تعلم تهمة المهندسين اللي انحبسوا من شي شهرين ؟ مناهضة الثورة ..

تالتا : اشتغلت تصفية الحسابات وقتل الناس المحترمين بالحزب والجيش والحكومة من قبل رفعت الأسد واتسجلت التهمة باسم الأخوان .

رابعا : قضي عللا الأخوان بالتمانينات وهلأ بعد عشرين سنة لسى البلد بحالة حرب داخلية غير معلنة بحجة الأمن.

خامسا : كل التدخلات الأمريكية اللي صارت بآخر أربعين سنة , وبغض النظر كيف كان شكلها , يعني سواء شفناها غليظة أو ضدنا أو معنا .. بالحقيقة كانت كلها مع الحكومة الموزمبيقية .وهالشي بينطبق على دعم ناس متل الأهبل الغادري.. ليش يا حزرك اختارت امريكا واحد متل الغادري ؟ لأنو أمريكا هبلة وشاطة ريالتها ؟

سابعا : "لايغير الله في قوم حتى يغيروا مافي أنفسهم"

تامنا : الحل ؟؟ شي تسونامي أو ماشابه.

minime1967 · 04/04/2005

يا أخ To live is to die :

برأيك وين كان السوريين الشرفاء لما بلشت أحداث الأخوان بالسبعينات ؟؟؟ اذا ما بتعرف,, الكل كانو مع السلطة ضد الرجعية والاستمار والتدخل الخارجي المتمثل بجماعة الأخوان بهداك الوقت وهدا حسب الرواية الحكومية القريبة من الصحة. بس .. شو اللي صار بعدين :

أولا : تضاعفت أجهزة الأمن شي مليون مرة .
تانيا : أخدت الحكومة الحق بقصف رقاب العباد بحجة الأخوان , شاهد حديث , هل تعلم تهمة المهندسين اللي انحبسوا من شي شهرين ؟ مناهضة الثورة ..

تالتا : اشتغلت تصفية الحسابات وقتل الناس المحترمين بالحزب والجيش والحكومة من قبل رفعت الأسد واتسجلت التهمة باسم الأخوان .

رابعا : قضي عللا الأخوان بالتمانينات وهلأ بعد عشرين سنة لسى البلد بحالة حرب داخلية غير معلنة بحجة الأمن.

خامسا : كل التدخلات الأمريكية اللي صارت بآخر أربعين سنة , وبغض النظر كيف كان شكلها , يعني سواء شفناها غليظة أو ضدنا أو معنا .. بالحقيقة كانت كلها مع الحكومة الموزمبيقية .وهالشي بينطبق على دعم ناس متل الأهبل الغادري.. ليش يا حزرك اختارت امريكا واحد متل الغادري ؟ لأنو أمريكا هبلة وشاطة ريالتها ؟

سابعا : "لايغير الله في قوم حتى يغيروا مافي أنفسهم"

تامنا : الحل ؟؟ شي تسونامي أو ماشابه.

HashtNasht · 05/04/2005

يا جماعة يمكن أنا أجدب و ما بفهم ...بس شو يعني حرية ؟؟

أنو يعني كل واحد بيجي بقول انو بدنا حرية و انو كان في قمع للحريات و اميركا و مظاهرات و قصص
انتو متفقين شي شو يعني حرية...لأنو اذا مانكن متفقين بتكون مصيبة ..يعني تخيلو هيك نوصل للحرية وكل واحد حر بحريتو ....ايـــــــــــــــــــــ ــــه

حرحر زماني
يا زماني حرحر
حرحرتني لا بد ما
تتحرحر :P

to live is to die · 05/04/2005

اقتباس:

يا جماعة يمكن أنا أجدب و ما بفهم ...بس شو يعني حرية ؟؟

أنو يعني كل واحد بيجي بقول انو بدنا حرية و انو كان في قمع للحريات و اميركا و مظاهرات و قصص
انتو متفقين شي شو يعني حرية...لأنو اذا مانكن متفقين بتكون مصيبة ..يعني تخيلو هيك نوصل للحرية وكل واحد حر بحريتو ....ايـــــــــــــــــــــ ــــه

حرحر زماني
يا زماني حرحر
حرحرتني لا بد ما
تتحرحر

أنا بأيدك أنو شو تعريف الحرية
الحرية مسؤولية
الحرية حب الوطن
الحية مبدأ
الحرية تقبل وتفهم والتعاون مع الجميع في الوطن
الحرية بناء
الحرية منطق
وبالنسبة للرد أخ مينيمي1967
يعني أنا يا ما عم أفهم عليك يا أنت ما عم توضح
الشي يللي بدنا ياه معك تسونامي صح
اذا هيك قظدك فأنا معك
بس أنو ننام فكلا ماني معك

**zen** · 06/04/2005

اقتباس:

أنا بأيدك أنو شو تعريف الحرية
الحرية مسؤولية
الحرية حب الوطن
الحية مبدأ
الحرية تقبل وتفهم والتعاون مع الجميع في الوطن
الحرية بناء
الحرية منطق
وبالنسبة للرد أخ مينيمي1967
يعني أنا يا ما عم أفهم عليك يا أنت ما عم توضح
الشي يللي بدنا ياه معك تسونامي صح
اذا هيك قظدك فأنا معك
بس أنو ننام فكلا ماني معك

كلام رائع ومنطقي
بس السوال الي عم يطرح نفسوا هل نحن جاهزن لكي نكون احرار

minime1967 · 06/04/2005

لو الحرية بتتعرف ما كانت صارت مهمة كتير ..

الحرية

ياحرية .. يا دمعتي المسجية

ياحرية .. يا حسرتي الأزلية

ياحرية .. يا غصة بحلق الأنسانية

يا حرية.. يا زهرة برية

يا حرية يا طفلة وحشية ..... عفوا فيروز

عاشق من فلسطين · 06/04/2005

الحرية بكل اختصار أنو تكون مطالبك هيي واجباتك وحقوقك في نفس الوقت .. يعني تأتي حقوقك انطلاقا"( او بناء") من واجباتك .. أو واجباتك انطلاقا"(أو بناء") من حقوقك .. أما عنا نحن هون بسوريا .. فواجباتك انطلاقا" من واجباتك .. وحقوقك انطلاقا" من البصطار العسكري المبجل ..