شوية حكي قبيــــــــــح

[امرأة من ورق]

في تصرفات بيعملوها شوية ناس وهي مرفوضة اجتماعية واخلاقيا ودينيا يعني مرفوضة بكل المقاييس وقبيحة.... وبس نسمع فيها بنحس بقرف..... بس ياترى كل مين قام بتصرف من هالنوع هوي انسان قبيح

يعني الرشوة مثلا قبيحة كتير...... في ناس بتاخد الرشوة لانو طماعة وبدها تكسب مصاري وتعمر قصور وتخزن بالبنوك..... هدول بدون شك ناس قبيحين..... بس في ناس عندها ولاد بدها تاكل وبدها تدرس والراتب يمكن مابيكفي مصاريف الحياة لاكتر من اسبوعين وبعدين بيقعدو اسبوعين بالشهر بلا ولا شي..... هلأ حتى بهالحالة الرشوة لسه قبيحة بس فينا نسمي الشخص اللي اخدها بهيك حالة انسان قبيح؟؟؟؟

القتل قبيح وجريمة يمكن من اكبر الجرائم...... بس اذا حدا قتل دفاعا عن النفس يعني كان بموقف ياقاتل يامقتول وقتل كمان بيكون قبيح شي؟؟ او اللي بيكون بحالة حرب وبيقتل عدو لبلدو هاد قاتل بس بطل

برأيي انو دايما في تصرفات بنسمعها وبنحكم على اللي عملها بقسوة بدون مانحاول نفهم شو ورا نفسية هالانسان..... يمكن لو نحاول نفهمو رح نحس انو نحنا مو احسن منو ابدا...... بس يمكن ظروفنا احسن من ظروفو..... وماحدا بيعرف لو كنا بمحلو شو كنا عملنا

[يائيل]

معك بكل حرف

أو بالأحرى الأفضل ما افرح بالعكس هالشي بيزعج وبزعل
ليكي بالنسبة للقتل بالحرب صحي هو بطل بس هالشي بنظر أهل بلده أما البلد التاني فبيعتبره قاتل يعني ما استفدنا شي

[امرأة من ورق]

اهلين يائيل نورت

[SIR RORO]

اذا ما رتشينا منموت من الجوع

[me2]

كاتب النص الأصلي : SIR RORO

اذا ما رتشينا منموت من الجوع

سلامتك من الجوع ..


مدري مين خبرني أنو البوطي فتاها . ما اسمها رشوة ... بس يفتي اللي بدو ياه .

من كدر الدهر علينا يا حبيب .

[SIR RORO]

لش شو فتاها البوطي

انا سمعت

أنو مو حرام ..لأنو بيجوز على موظفي الدولة الصدقة

[امرأة من ورق]

شباب الظاهر فهمتوني غلط
انا ماعم حلل الرشوة بالعكس عم قول انها ظاهرة قبيحة ومقرفة والى هنالك من صفات بشعة...... بس انو اللي بيرتشي لمجرد يطعمي ولادو هاد انسان قبيح او انو الظروف اللي جبرتو على هاد الشي هي القبيحة؟؟
يعني كتير ممكن لو هالشخص نفسو واصل لكفاية حاجياتو و حاجيات عيلتو وبس..... يعني عندو الضروري يمكن ماكان ابدا فكر بهيك شي كرمال الغنى الزايد
يعني انو حل المشاكل هي مو بانو نشوف الصغار اللي عم يضطرو يساووها ونحكم عليون بقسوة...... بس انو نحاول نفهم وضعون ونلاقيلون حلول جذرية لاصل المشكلة

[ابومزيد]

اول شي الاستاذ البوطي ما فتاها وما بيفتي هيك شغلات ابدا
ورجاء لا تدخلوا الدين بدون وجه حق لانو في ناس بتزعل
تاني شي وين القتل دفاعا على النفس او بالحرب ووين الرشوة لتامين متطلبات الحياة الكمالية
او شبه الاساسية في كتير فرق اعذريني امرآة من ورق هاد اسمو ضعف ومقارنتك غير مقبولة
ب اللي عم يتوظف وبيعرف مسبقا شو الراتب وانو الراتب ما بيكفي فهو من الاول ناوي على الرشوة
وتاني شي كل موظف بيرتشي ليسد حاجاتو الشبه اساسية معك معك بتلاقيه حامل الشيطان(موبايل جديد) وبعدين بيركبو الشيطان الحقيقي ركب وبيصير من جماعة اللي بيرتشوا وهن مو بحاجة ابدا

[me2]

كاتب النص الأصلي : SIR RORO

لش شو فتاها البوطي

انا سمعت

أنو مو حرام ..لأنو بيجوز على موظفي الدولة الصدقة

خيو أنا ما بدي انزعلها الموضوع .. لذلك خالص من عندي , خاصة كوني فهمت غلط .

[امرأة من ورق]

كاتب النص الأصلي : ابومزيد

اول شي الاستاذ البوطي ما فتاها وما بيفتي هيك شغلات ابدا
ورجاء لا تدخلوا الدين بدون وجه حق لانو في ناس بتزعل
تاني شي وين القتل دفاعا على النفس او بالحرب ووين الرشوة لتامين متطلبات الحياة الكمالية
او شبه الاساسية في كتير فرق اعذريني امرآة من ورق هاد اسمو ضعف ومقارنتك غير مقبولة
ب اللي عم يتوظف وبيعرف مسبقا شو الراتب وانو الراتب ما بيكفي فهو من الاول ناوي على الرشوة
وتاني شي كل موظف بيرتشي ليسد حاجاتو الشبه اساسية معك معك بتلاقيه حامل الشيطان(موبايل جديد) وبعدين بيركبو الشيطان الحقيقي ركب وبيصير من جماعة اللي بيرتشوا وهن مو بحاجة ابدا

ياعمي والله انا ماعم دافع عن الرشوة او اي شي من هاد السلوك
بس اللي عم قولو انو لما بنشوف الغلط نحاول نلاقي الحلول الجذرية الو..... وانو نحاول نشوف الوجه الانساني للبشر اللي عملوه..... يعني مو انو بس اي انسان غلط نحولو لشيطان رجيم
بعدين عم تحكي عن الوظيفة ورفض الشخص للوظيفة..... كتير حلو بس لاقيلو البديل.... يعني يابدو يمشي بهالطريق يابدو يكب ولادو بالشارع ويقلون لقطو رزقكن لحالكن بالشحادة او السرقة او.... او .....
طيب حاول تتخيل حالك بمكان هيك شخص شو رح تساوي؟؟؟
بس اللي بدي اياه انو اول شي نحاول نفكر بالشخص اللي اخطأ كإنسان وبعدين نحاول نلاقيلو الحل مو نستشرف بالحكي عليه

[امرأة من ورق]

كاتب النص الأصلي : me2

خيو أنا ما بدي انزعلها الموضوع .. لذلك خالص من عندي , خاصة كوني فهمت غلط .

شكرا مي تو

[SIR RORO]

هذا من فضل ربي

اهلين ابو مزيد اعذرني ابو مزيد

اول شي خيو بلا فلسفة مجعلكة لانو البوطي فتاها

تاني شي اذا الواحد بدو يرتشي ماعم يلاقي شواغر

بعدين شو صار بالبطاطا لهلاء ما اجو فرطنا من الجوع

[ابومزيد]

اول شي الواحد بيلاقي الشغل بعدين بيزوج وبيجيب ولاد مو العكس

[me2]

كاتب النص الأصلي : SIR RORO

هذا من فضل ربي

اهلين ابو مزيد اعذرني ابو مزيد

اول شي خيو بلا فلسفة مجعلكة لانو البوطي فتاها

تاني شي اذا الواحد بدو يرتشي ماعم يلاقي شواغر

بعدين شو صار بالبطاطا لهلاء ما اجو فرطنا من الجوع

ليش أبو مزيد فاتح عرباية بطاطا ؟؟؟

[امرأة من ورق]

كاتب النص الأصلي : ابومزيد

اول شي الواحد بيلاقي الشغل بعدين بيزوج وبيجيب ولاد مو العكس

واللي كان عندو شغل والله ساترها عليه وبعدين جاب ولاد ونطت الاسعار ملا شوي وما عاد كافيه الدخل شو بيعمل برأيك..... بيرجع بالزمان لورا وبيلغي الولاد من الوجود؟؟؟

[SIR RORO]

واللي كان عندو شغل والله ساترها عليه وبعدين جاب ولاد ونطت الاسعار ملا شوي وما عاد كافيه الدخ شو بيعمل برأيك..... بيرجع بالزمان لورا وبيلغي الولاد من الوجود؟؟؟

بيرتشي

لك ابو مزيد معاد رد علينا عم يمسح جوخ

لك بدنا ناكول رجع تصل مع الجماعة انا عم موت من الجوع

[محمد ابراهيم]

كاتب النص الأصلي : امرأة من ورق

واللي كان عندو شغل والله ساترها عليه وبعدين جاب ولاد ونطت الاسعار ملا شوي وما عاد كافيه الدخل شو بيعمل برأيك..... بيرجع بالزمان لورا وبيلغي الولاد من الوجود؟؟؟

بيقتل الولاد
او
يرميهم بالشارع
او

يسرق (والسرقه حرام )

او

يرتشي (وهادي حلال للموظفين بس)

[امرأة من ورق]

كاتب النص الأصلي : محمد ابراهيم

بيقتل الولاد
او
يرميهم بالشارع
او

يسرق (والسرقه حرام )

او

يرتشي (وهادي حلال للموظفين بس)

هلأ كلو حرام ولاأخلاقي واضرب من بعضو.... ماختلفنا ..... والرشوة مانها احسن من باقي الشغلات..... بس انو لاقو حل معقول واخلاقي لهلانسان قبل ماتحكمو عليه انو انسان ساقط