هل صحيح

[سامر خالد]

مرحبا شباب
كيفكم

هل هذا الموقع مركز اشرافو الرئيسي من حومص؟؟

سامر خالد /حومص/

[Joe]

أي لكن يا أخى شو مانك عرفااان

[سامر خالد]

كنت بدي اتاكد

على كل انا بعد نص ساعة نازل اتمشى بالحميدية
فاذا شفتو واحد ماشي فهو انا..

على فكرة جوو وعنجد
جاي على بالي فوت انا وواحد من رفقاتي احضر موعظة بحمص
قولك ممكن يكتشفوني اني مسلم
ام الطاسة ضايعة؟
خوش كنيسة الروم الكاثوليك عاجبني شكلها ومادخلت لها بحياتي

بس اوعك تقول لمحبة

[mhmary]

كاتب النص الأصلي : سامر خالد

كنت بدي اتاكد

على كل انا بعد نص ساعة نازل اتمشى بالحميدية
فاذا شفتو واحد ماشي فهو انا..

على فكرة جوو وعنجد
جاي على بالي فوت انا وواحد من رفقاتي احضر موعظة بحمص
قولك ممكن يكتشفوني اني مسلم
ام الطاسة ضايعة؟
خوش كنيسة الروم الكاثوليك عاجبني شكلها ومادخلت لها بحياتي

بس اوعك تقول لمحبة

ههههههههههه الله عليك والله مبينتك مهضوم وأبن حلال

[سامر خالد]

mhmary
-
شكرا لك

[Kakabouda]

يا أخ سامر الكنيسة ماحدا بيمنعك من دخولها لأنو هي بالأخير بيت الله و مذال الواحد محترم حالو شو المانع ..
بس فعلاً اللي تضايقت منو أنو بيوم من الأيام كنت بدي فوت على جامع لأنو كانت جنازة أبو لصاحبنا الله يرحمو آم شافني واحد كان على أساس صديق اللي ألي اذا بتفوت رح قول للشيخ يقلّعك فبس حابب اسأل سؤال .. الجامع بيت الله والله العباد والشي التاني هل في شي طقوس بتم بالجامع ( مع كل احترامي ) ما لازم يعرفها غير كل شخص مسلم ؟؟؟
تقبّل تحياتي

[NEDAL-S]

أي ((((حومص)))) :P
أون لاين يــــــــــــــــــــــــ ـــــــــــــــاخيو

[Kakabouda]

كاتب النص الأصلي : NEDAL-S

أي ((((حومص)))) :P
أون لاين يــــــــــــــــــــــــ ـــــــــــــــاخيو

يا الله حيّك يا خال

[NEDAL-S]

يا الله حيّك يا خال

حيك وحدك ولحالك وحي كلشي طلع من حارتك

[Kakabouda]

فريد بعيد خدلك زاوي لا تقول غدرتك .. إغيييييي

[NEDAL-S]

أنا لها جهز حالك وهات شو عندك أنا لها وعلى راسي الذكرتاوية

[Kakabouda]

حيّك يا أخي و حي كل مين سكن بحيك و حي حيك و حي كل مين قال حيّك

[Joe]

الله حيو كاكابودا و الله ملعوبة

[سامر خالد]

اهلين كاكابودا
طبعا اكيد فيك تفوت عالجامع
وحتى اذا واحد ما حب تدخل فهذا ضيق افق منه
وبالنسبة اذا كان فيه طقوس ما لازم يعرفها غير المسلم فاظنك تعرف انه لا يوجد في الاسلام طقوس باطنية مخفيه
كلو معلوم بمعلوم

[الأستاذ]

كاتب النص الأصلي : سامر خالد

على فكرة جوو وعنجد
جاي على بالي فوت انا وواحد من رفقاتي احضر موعظة بحمص
قولك ممكن يكتشفوني اني مسلم
ام الطاسة ضايعة؟
خوش كنيسة الروم الكاثوليك عاجبني شكلها ومادخلت لها بحياتي

بس اوعك تقول لمحبة

بالنسبة لضيعان الطاسة و إمكانية الإكتشاف إنك مسلم فهون في حالتين:
إذا كنت من الشوايا يلي بيندسو بين الناس بالكنيسة فما في أسهل من إنو تنكشف، يعني شو بدي قلك من القميص و تسريحة الشعر بينعرفو هالأشكال
أما إذا كنت شب مسلم من المرتبين (كما أتوقع) فالإحتمال ضعيف إنو تنكشف
خوش بتعرف ما في شي إسمو العرق المسيحي أو العرق المسلم و كلنا أبناء هالبلد
و لما بكون عندك رغبة جادة بالتعرف على الكنيسة و احترام لقدسيتا و عندك سبب بيدعيك تزور الكنيسة فأهلا و سهلا فيك و طلوب من أي حدا من المسيحيين يلي بتعرفون و ما رح يخيبك

[yass]

إذا كنت من الشوايا

و شوبهون الشوايا....و الله العظيم ناس طيبين

[عاشق من فلسطين]

و شوبهون الشوايا....و الله العظيم ناس طيبين

برياحة .. احلى عالم ..

أنا لها جهز حالك وهات شو عندك أنا لها وعلى راسي الذكرتاوية

أي أهلين بربك .. لك وينك يا عاطل .. لا حس ولا خبر على كلن .. احلى لتر عرق لعيونك ..

[سامر خالد]

اكيد عندي كثير من اصدقاء مسيحيين منهم من اتحدث معهم بالاديان ومنهم من لا اتحدث معهم بالاديان(حسب كل صديق)

انا عندي هيك اهتمام بالاديان والطوائف ووضعها في سوريا
كما انني ورغم انني صغير السن نسبيا على اتصال دائم
مع الباحث السوري نبيل فياض الذي اعتقل لمدة شهر بسبب تاسيسه التجمع الليبرالي
واتحدث معه بانتظام
تحياتي للجميع

سامر