و أنت مشغول بقلوب يا تراب الجنوب

me2 · 27/05/2006

مرت بهدوء الخيانة و سكينة العملاء ذكرى تحرير جنوب لبنان ...

مرت بغياب عقولنا و لهوة مشاعرنا

مرت كالنسمة , كالعاصفة , كالريح الليلية

مرت بسلام عليك يا جنوب

فسلام لك يا جنوب ... وسلام علينا

me2 · 27/05/2006

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

كلمات: جوزيف حرب & ألحان: فيلمون وهبي

أسوارة العروس.. مشغولة بالدهب..

وأنت مشغول بقلوب.. يا تراب الجنوب..

رسايل الغيّاب.. مكتوبة بالسهر..

وإنت بالعز مكتوب.. يا تراب الجنوب..

وبتولع حروب.. وبتنطفي حروب..

وبتضلك حبيبي.. يا تراب الجنوب..

اللي حامل ع كتافو.. زيتون وسنابل..

قلعة بحر صور.. صخرة جبل عامل..

اللي حامل وراق.. شعرا وعشّاق..

القمر مخبيلن.. لعراسن خواتم..

ما بيقدر يحمل ظالم..

وشوا ما إجا شعوب.. وشو ماراح شعوب..

كلّن رح بيفلّوا.. وبيبقى الجنوب..

لمّا بغنّي اسمك.. بشوف صوتي غِلي..

إيدي صارت غيمة.. وجبيني علي..

الشمس بتطلع سودة.. وبيبس الموج.. إذا بفكّر إنو.. ترابك مش إلي..

ويا شعب الشعوب.. الأقوى من الحروب..

بتبقى إذا ببقى.. يا شعب الجنوب..

كسار الروس · 27/05/2006

الله يعطيك العافية أخ me2

لكن مستغرب ما حدا عاجبو الموضوع غيري

me2 · 27/05/2006

اقتباس:

كاتب النص الأصلي : كسار الروس

الله يعطيك العافية أخ me2

لكن مستغرب ما حدا عاجبو الموضوع غيري

لك روح الله يجبر خاطرك و ينولك مرادك .. خبرت خاطري ..

الكل عجبون . بس خجلانين لأنو نسيو ..

كسار الروس · 27/05/2006

اقتباس:

كاتب النص الأصلي : me2

لك روح الله يجبر خاطرك و ينولك مرادك .. خبرت خاطري ..

الكل عجبون . بس خجلانين لأنو نسيو ..

بظن إنو ما عاد حدا خجل ولا استحى

مني

ومنك وجررررررررر

لأنو لو بيستحو ع حالهم كانوا كتبولهم كلمتين

me2 · 27/05/2006

اقتباس:

كاتب النص الأصلي : كسار الروس

بظن إنو ما عاد حدا خجل ولا استحى

مني

ومنك وجررررررررر

لأنو لو بيستحو ع حالهم كانوا كتبولهم كلمتين

شو بالصرماية ...؟؟؟ يصطفلو ..

كسار الروس · 27/05/2006

اقتباس:

كاتب النص الأصلي : me2

شو بالصرماية ...؟؟؟ يصطفلو ..

شو بالظاهر موش فارآاا معاااك

me2 · 27/05/2006

اقتباس:

كاتب النص الأصلي : كسار الروس

شو بالظاهر موش فارآاا معاااك

والله فارأا كتير ... بس " لا رأي لمن لا يطاع "

ملك الهكرز · 27/05/2006

لك شو انتى النتين ماسكين المسلة ونازلين غز بهل البشر

اقتباس:

بالصرماية ...؟؟؟شو يصطفلو ..

هههههههه اولتك

الله يخلينا ناكول من شان نقرا موضيع لبنان .......

tiger · 27/05/2006

موضوع كبير من شخص كبير

me2 · 27/05/2006

اقتباس:

كاتب النص الأصلي : ملك الهكرز

لك شو انتى النتين ماسكين المسلة ونازلين غز بهل البشر

هههههههه اولتك

الله يخلينا ناكول من شان نقرا موضيع لبنان .......

استغلينا أني أضفت الى قائمة التجاهل كم اختراع...

يعني ما عم شوف ألا مواضيع أحبابي .. ههههههههههههههه

هههههههههههههههههههههههههههههه

MR.SAMO · 27/05/2006

شكرا على الموضوع بس للأسف ضاع الجنوب بين صراع اطفال انابيب السياسة الجديدة
تحياتي

كسار الروس · 27/05/2006

اقتباس:

كاتب النص الأصلي : MR.SAMO

شكرا على الموضوع بس للأسف ضاع الجنوب بين صراع اطفال انابيب السياسة الجديدة
تحياتي

تحية خاصة إلك عالتعبير المميز

MR.SAMO · 27/05/2006

اقتباس:

كاتب النص الأصلي : كسار الروس

تحية خاصة إلك عالتعبير المميز

على عيني

سرسورة · 27/05/2006

لك و الله اذا هني بالجنوب نسيانيين...نحنا لازم نتذكر؟...........والله لولا خطاب السيد نصر الله انا كنت نسيانة انو اسا في جنوب بالأساس...
بس اللي متلك يا علي..ما بينسى شي

Barleb · 27/05/2006

مادام في شخص متل حسن نصر الله عم يدافع عن الجنوب .. فـ الجنوب بـ ألف خير

chefadi · 28/05/2006

خلصو الاغاني هن و يعدوا ع الجنوب ,,, خلصوا القصايد هن و يصفوا ع الجنوب
ولا الشهدا قلوا ولا الشهدا زادو
و اذا واقف الجنوب واقف بولادو

تحياتي و شكرا ع الموضوع

me2 · 28/05/2006

شكرا للمرور المميز للكل ...
من زمان ما شفت مجموعة من الردود اللي بتنعش القلب و بترد الثقة ..

أبوس عيونكون واحد واحد ..