هل نحن بني البشر اوفياء لبعض ؟؟؟؟؟؟؟؟؟؟؟؟؟؟؟؟؟؟؟؟

[zen]

في محاولة رجل ياباني تجديد بيته قام بنزع جدران بيته... ومن المعروف أن البيت الياباني التقليدي مبني من الخشب، حيث يكون بين جدران البيت فراغ.
>
>عندما نزع أحد الجدران وجد سحلية عالقة بالخشب من إحدى أرجلها... انتابته رعشة الشفقة عليها ...لكن الفضول اخذ طريق التساؤل... عندما رأى المسمار المغروز في رجلها يعود إلى عشرة سنوات مضت... عندما انشأ بيته لأول مرة دار في عقله سؤال... ما الذي حدث؟
>
>كيف تعيش السحلية مدة عشرة سنوات في فجوة ما بين الجدران يلفها الظلام والرطوبة ودون حراك ؟
>
>توقف عن العمل واخذ يراقب السحلية... كيف تأكل؟
>
>وفجأة ظهرت سحلية أخرى حاملة الطعام في فمها دهش الرجل واعتملت في نفسه مشاعر رقة الحب الذي أثارها هذا المشهد... سحلية رجلها مسمرة بالجدار وأخرى تطعمها صابرة مدة عشرة سنوات!!

>
>
>
>ونحن نعيش عصر السرعه و التقدم التكنولوجي المطرد فهل المسافة بين الإنسان والإنسان تزداد اقتراباً ام تباعدآ؟
>
>سوأل لابد ان نفكر فيه...... هل نحن بني البشر اوفياء لبعض؟؟؟؟
>

[عاشق من فلسطين]

السؤال الذي يجب أن يطرح هو هل نحن البشر أوفياء لانسانيتنا ..

[zen]

السؤال الذي يجب أن يطرح هو هل نحن البشر أوفياء لانسانيتنا ..

هيدا سوال حلو
بس ما بظن انو نحنا اوفيا لانسانيتنا

[hanone]

كاتب النص الأصلي : zen

هيدا سوال حلو
بس ما بظن انو نحنا اوفيا لانسانيتنا

اي طبعا يعني انا اذا بحب شخص مستعدة ضحي مشانو لاخر العمر ...وبنفس الوقت اذا حدا بيزعجني وبدايئني مستحيل سامحو

[عاشق من فلسطين]

والله الموضوع ما بيكون جوابو بهالطريقة الموضوع بيكون جوابو أنو نفهم ما يعني أننا نملك انسانية .. وأن نعرف كي نصل الى أرقى درجة ممكنة فيها ..

[zen]

اي طبعا يعني انا اذا بحب شخص مستعدة ضحي مشانو لاخر العمر ...وبنفس الوقت اذا حدا بيزعجني وبدايئني مستحيل سامحو

ممكن اي انسان يضايق انسان تاني ولازم نسامح
هيك علمنا الدين تبعنا :P
[quote]
والله الموضوع ما بيكون جوابو بهالطريقة الموضوع بيكون جوابو أنو نفهم ما يعني أننا نملك انسانية .. وأن نعرف كي نصل الى أرقى درجة ممكنة فيها ..
[/quote
كلامك درر

[hanone]

كاتب النص الأصلي : عاشق من فلسطين

والله الموضوع ما بيكون جوابو بهالطريقة الموضوع بيكون جوابو أنو نفهم ما يعني أننا نملك انسانية .. وأن نعرف كي نصل الى أرقى درجة ممكنة فيها ..

[عاشق من فلسطين]

ليش مستغربة .. كلمة انسان كلمة كبيرة كتير واكبر من كلمة بني آدم او بشر.. لأنو الانسان هوي عبارة عن جسدي بشري مع تكوين انساني عظيم .. بالحب بالكراهية بالحزن بالألم .. يعني انا مافيني أعتبر في حدا بالوطن العربي يملك ذرة انسانية اذا ما عمل شي تجاه أخاونا الفلسطينية ( هاد مثال فقط) وممكن تسأليني شو ممكن يعمل . أضعف الايمان أنو يذكرهون بالخير لأنو 90% من الشعب السوري والعربي بيذركهن بالعاطل يعني ( شواية .. نجسين .. حرمية ... ) وبينسى أنو لاجئين ومغربين .. المشكلة أنو البشر في شغلات ما بيعرفو قيمتها ليفقدوها .. بس الانسان بيقدر قيمة الشيء قبل ما يخسرو ..
ونحنا للأسف كعرب صرنا بلا انسانية وأي واحد ممكن تحكيه أنو هدول عالم بلا أرض .. بيقلك اي شو يعني انا اذا بكرا بيصحلي أترك سوريا بتركها .. أي توف على هيك عالم .. لك الأرض كل شي بالحياة .. لك ممكن في عالم فيها تفرح وتحزن وتتألم وترتاح وكل شي من المشاعر الانانية خارج أرضها وهاد مو اسمو تكيف هادا اسمو خيانة للوطن والانسانية واذا أجينا معون أنو تكيف .. رح أسألون لهدول العالم سؤال .. لك ممكن فيك تفرح وتحزن وتتألم وترتاح وكل شي من المشاعر الانسانية .. بس لما تموت .. في أرض بتغطيك من برد الموت غير أرضك ...

أنا آسف تفلسفت كتير .. وممكن تستغربي ليش طرحت القضية الفلسطينية كمثال (هادا واحد من مليون ) بس هادا أكتر شيه في حيونة للأنسان وخروج عن انسانيتو ..

[hanone]

بالعكس يا اخ عاشق حكيك حلو كتيروم فيوا فلسفة بس انا وقت حكيت كان قصدي على صعيد شخصي تجاه الاشخاص القريبين مني ولي بيمسوني شخصيا ما عم بحكي على شي ابعد مني أنا بوفقك بلي حكيتوا وا لإنسانية قسم كبير من الناس فقدوا أصلا ما بيعرفوا شو معنات هيي الكلمة ما موجودة بقاموسون ..بتمنى ما تكون فهمتني غلط من شوي
وشغلة يا زين انا قصدت بعدم مسامحتوا يعني ما بئا احكي معو لهدا الشخص لانوا في عادي بيجوز بشعة بس اذا حدي دايئني خلاص باخد موقف منوا وبعدين بيصير هل شخص ما بيعنيلي شي ابدا...

[عاشق من فلسطين]

مشكورة كتير يا حنونة .. كلامك مظبوط وتم ازالة سوء الفهم ..

[zen]

وشغلة يا زين انا قصدت بعدم مسامحتوا يعني ما بئا احكي معو لهدا الشخص لانوا في عادي بيجوز بشعة بس اذا حدي دايئني خلاص باخد موقف منوا وبعدين بيصير هل شخص ما بيعنيلي شي ابدا...

بيجوز هالطبع يا حنان ما بيخلي العالم تكون معك صريحة يعني انو ممكن كتير من العالم تشوف منك غلط وما تقلك لانو خايفة انو انتي تضايقي منها وما ترجعي تحكي معهون
مع كل الحب زين ستار
zen6star.jeeran.com

[آخيل]

كاتب النص الأصلي : hanone

وشغلة يا زين انا قصدت بعدم مسامحتوا يعني ما بئا احكي معو لهدا الشخص لانوا في عادي بيجوز بشعة بس اذا حدي دايئني خلاص باخد موقف منوا وبعدين بيصير هل شخص ما بيعنيلي شي ابدا...

الله يستر صار الواحد لازم يحسب حكيوا كتير من هلئ و رايح !!!!!

[zen]

الله يستر صار الواحد لازم يحسب حكيوا كتير من هلئ و رايح !!!!!

اوعي تحكيليك شي كلمة طالعة نازلة مع حنونو بتروح فيها

[Kakabouda]

بالفعل قصة رائعة .. يل جماعة بيخطر على بالي كمان قصة :
كيف الجربوع بيسرق البيض .. أي البيض لا تستغربوا .. الطريقة هي أنو واحد بضم البيضة و بنام على ظهرو والتاني بيسحبو من دنبو ... يعني عن جد بشوف الواحد بقول الله ميز الانسان عن الحيوان بالعقل .. طيب ليش نحنا ما منستفيد من هالعقل الا بالضرر لبعض ؟؟؟؟
تحياتي

[عاشق من فلسطين]

يعني عن جد بشوف الواحد بقول الله ميز الانسان عن الحيوان بالعقل .. طيب ليش نحنا ما منستفيد من هالعقل الا بالضرر لبعض ؟؟؟؟

لأنا حيوانات ..

[Abo rafik]

كاتب النص الأصلي : عاشق من فلسطين

لأنا حيوانات ..

طول بالك أبو شريك .... مبارح ليلة خميس ... يظهر متقل الحشيشات !!!! دخلك مغير العرقات شي ... يظهر هالتلجات مغشوشين ... مو هيك ..

[آخيل]

كاتب النص الأصلي : Abo rafik

طول بالك أبو شريك .... مبارح ليلة خميس ... يظهر متقل الحشيشات !!!! دخلك مغير العرقات شي ... يظهر هالتلجات مغشوشين ... مو هيك ..

يا جماعة امانة لا تواخزوني طلعت انا اللي مكتر حشيش مبارح لأنو دخلت بدون قصد ع اسم رفيقي abu rafik و كتبت الرد و مفكر اني داخل ع اسمي ... اسمحولي ... بس صحصح ببقا برجع

[hanone]

كاتب النص الأصلي : zen

بيجوز هالطبع يا حنان ما بيخلي العالم تكون معك صريحة يعني انو ممكن كتير من العالم تشوف منك غلط وما تقلك لانو خايفة انو انتي تضايقي منها وما ترجعي تحكي معهون
مع كل الحب زين ستار
zen6star.jeeran.com

أول الشي يا إستاذ زين أنا اسمي هنوني والله يا جماعة ما حنان يعني كتير بعيد الإسم عنم اسمي تاني الشي رفقاتي بحياتون ما داروا بالون شو بيحكوا معي لا ني بتقبل المزح من الكل بس إذا الموضوع تخطى حدود المزح ووصلوا لمرحلة أذوني أو جرحوني فيها خلاص فعلا مابئا احكي معون