صور خاصة بموقعنا العزيز exclusive

[SIMON]

اليوم الإثنين 14-3-2005 قامت الفعاليات الإقتصادية و الأهلية في محافظة حمص بالتجمع
في ساحة الساعة الجديدة دعماً و تأييداً للمواقف الوطنية و القومية للسيد الرئيس:
بشار الأسد..و كانت الساحة ممتلئة بأكملها..و الأعلام السورية ترفرف في كل مكان مع
الشعارات الوطنية و صور الرئيس و القائد الخالد..و إليكم هذه الصور الخاصة بموقعنا
العزيز akhawia.net و التي التقطتها شخصياً...
تحياتي....

[zen]

يسلمو ايدك على الموضوع الطازة :P

[SIMON]

على راسي يا آسي

[حسون]

كاتب النص الأصلي : SIMON

دعماً و تأييداً للمواقف الوطنية و القومية للسيد الرئيس:
بشار الأسد

يعني لا شايف مواقف وطنيي
و لا شايف مواقف قوميي
شايف ناس عم بمسحو جوخ لديكتاتور
و بكرا رح يحطو تحت إجريهن متل ما صار بالعراق

[عاشق من فلسطين]

الله حيو سيمون الغالي .. وأحلى حمص وأحلى أخوية وأحلى ساعة قديمة وجديدة ..

[SIMON]

يعني لا شايف مواقف وطنيي
و لا شايف مواقف قوميي
شايف ناس عم بمسحو جوخ لديكتاتور
و بكرا رح يحطو تحت إجريهن متل ما صار بالعراق

حبيبي أولاً هادا رأيك تانياً مدري ليش انتا مصرّ على كلمة ديكتاتور...
و ياريت ما تتنبأ لأنو على الأغلب انتا ما بتضرب بالمندل..

[حسون]

كاتب النص الأصلي : عاشق من فلسطين

الله حيو سيمون الغالي .. وأحلى حمص وأحلى أخوية وأحلى ساعة قديمة وجديدة ..

أخي العاشق إنتا عن جد مع مظاهرة التأييد ولا عم تمزح

[حسون]

كاتب النص الأصلي : عاشق من فلسطين

الله حيو سيمون الغالي .. وأحلى حمص وأحلى أخوية وأحلى ساعة قديمة وجديدة ..

أخي العاشق إنتا عن جد مع مظاهرة التأييد ولا عم تمزح

[SIMON]

الله حيو سيمون الغالي .. وأحلى حمص وأحلى أخوية وأحلى ساعة قديمة وجديدة ..

على راسي أحلا عاشق ..مشكور يا باشا..

[zen]

يعني لا شايف مواقف وطنيي
و لا شايف مواقف قوميي
شايف ناس عم بمسحو جوخ لديكتاتور
و بكرا رح يحطو تحت إجريهن متل ما صار بالعراق


_________________

والله انت حكيك ما في شي من العقل
طبعا عفوا على التعبير :P
طيب هاد الي عم بيمسح جوخ شو طلعلو من تمسيح الجوخ اه
يعني اكيد ما راح يطلعلو شي ولا تجادلني بهالشغلة لانو كل هالعالم بالاخر بدو يطلعلها
وهو مانو مجبور يطلع ويبح صوتوا ليمسح جوخ ما نو حمار بعيد عنك
بعدين كل الي طلعو بالشام وحلب والادئية وحمص عم يمسحوا جوخ
بدها شوية عقل يا حسون ياحبيبي
وانا عم قللك اني بحبك بس انا عم اطرح وجهة نظر مو اكتر :P

[حسون]

كاتب النص الأصلي : zen

والله انت حكيك ما في شي من العقل
طبعا عفوا على التعبير :P
طيب هاد الي عم بيمسح جوخ شو طلعلو من تمسيح الجوخ اه
يعني اكيد ما راح يطلعلو شي ولا تجادلني بهالشغلة لانو كل هالعالم بالاخر بدو يطلعلها
وهو مانو مجبور يطلع ويبح صوتوا ليمسح جوخ ما نو حمار بعيد عنك
بعدين كل الي طلعو بالشام وحلب والادئية وحمص عم يمسحوا جوخ
بدها شوية عقل يا حسون ياحبيبي
وانا عم قللك اني بحبك بس انا عم اطرح وجهة نظر مو اكتر :P

أنا عم قول تمسيح جوخ عن سيمون ما عن المتظاهرين
أما المتظاهرين ففي منهم منتفعين وفي منهم رايحين تسالي و في منهم عن جد بأيدوا الديكتاتور بشار الأسد
و بعدين الموالين للحكم كل هالقد كتار لأنو المعلومات عم بياخدوها من مصدر واحد يعني المعارضة ممنوع تبيع جرايدها بالسوق
و أنا عايش بسوريا و بالتحديد بحمص و عرفان حالي شو عم إنقبر إحكي

[عاشق من فلسطين]

يا شباب خففوا من وتيرة الحكي شوي يعني طولو بالكن ... مافي داعي للتشهير والتجريح .. ومتل ماحكيت يا حسون انو عم ياخدوا حكيهون من مصدر واحد .. لذلك ماراح يردو عليك .. رح يردو عليك بس اذا جبتلهم دلائل ..
يعني خلي حكيك مع برهان .. ودليل قوي ..
وتحية رفاقية يا حسون .. وخففلي من تعصيبك .. ولو شوبنا ..

[حسون]

كاتب النص الأصلي : عاشق من فلسطين

يا شباب خففوا من وتيرة الحكي شوي يعني طولو بالكن ... مافي داعي للتشهير والتجريح .. ومتل ماحكيت يا حسون انو عم ياخدوا حكيهون من مصدر واحد .. لذلك ماراح يردو عليك .. رح يردو عليك بس اذا جبتلهم دلائل ..
يعني خلي حكيك مع برهان .. ودليل قوي ..
وتحية رفاقية يا حسون .. وخففلي من تعصيبك .. ولو شوبنا ..

يعني أنا كنت معصب لأني متفاجئ من ردك الأول على هالموضوع
يعني وضحلي رأيك لبطل معصب
و تحيي رفاقيي

[yass]

يعني وضحلي رأيك لبطل معصب
و تحيي رفاقيي

ليش ليوضحلك رأيو؟؟؟ مخابرات عسكرية انتى شي؟

[عاشق من فلسطين]

يعني أنا كنت معصب لأني متفاجئ من ردك الأول على هالموضوع
يعني وضحلي رأيك لبطل معصب
و تحيي رفاقيي

طول بالك حسون .. شوبنا ..

ليش ليوضحلك رأيو؟؟؟ مخابرات عسكرية انتى شي؟

وأعز

[mhmary]

حمص حمص الله محي أصلك يا سيمون يا هيك المواضيع يا بلا ولك حتى شباك مكتب ابي مبين من هون
دخلك ما فينك تجبلنا شي صورتين تلاتي للمغطوطة من عند الجلبجي

[حسون]

بعتزر من أخي العاشق و من أخي أبو مارل إذا فهموني غلط و إذا افهمتن غلط
و منضل رفاق نحنا شبنا ولو

[SABE]

شكراً كتير سيمون على الصور الحلوي ...
و بحب قول للشباب إنو هاد القسم مو لهاي المناقشات .. هاد قسم سفراء الأخوية