سوري أجمل ملك جمال في العالم

الفتى المتمرد · 12/05/2006

سلام أصدقائي،

منذ ساعة فقط قرأت عن فوز سوري بلقب أجمل ملك جمال في العالم رغم أن الخبر يعود للأسبوع الماضي على ما أعتقد. على أي حال، كل التهاني لعبد الله الحاج ملك الجمال

وقد ذكرته أولا باسمه ومن ثم صفته ، لانه ملك جمال ولا أدري ما إذا كنت جميلا أم لا لكي يأمر علي هذا الملك أم لا

على أي حال، أنا سعيد أن ما أراه في كل ركن من شوارع الشام كل مساء من أناقة شبابية ملفتة قد تم استثماره في تحسين صورة البلد في الخارج مما قد لا تقوم به سفاراتنا نفسها (وقد هذه للتلطيف ولجبران الخاطر) لكني تمنيت بالتأكيد أن أرى صورة عبد الله الحاج ولا أعلم من أي نحصل عليهاـ وهل هي مسؤوليتنا نحنا الدراويش والا مسؤولية اعلامنا ؟
ختاما..لمن فاته قراءة الخبر أورد النص نقلا عن سيريا نيوز التي نقلته اليوم (12-5) عن جريدة الفرات الالكترونية التي نشرته في (2-5) والسلام عليكم.

سوري يفوز بلقب أجمل ملك جمال في العالم بلباس ملك تدمر

ووصيفاً اول لملك جمال لدول البحر المتوسط

فاز الشاب عبد الله الحاج (23 سنة) بلقب أجمل ملك جمال في العالم بلباس دولته (Best National Costume ) في مسابقة Manhunt International 2006 (ملك جمال العالم) التي أقيمت في الصين خلال شهر نيسان الماضي حيث كان يرتدي الزي الملكي لملك تدمر "أذينة".

كما توج الحاج وصيفاً أول لملك جمال دول البحر المتوسط (Manhunt Mediterranean 1st runner up – Syria – Abdula Haj) .

اقيمت المسابقة في مقاطعة "فوجيان" على الساحل الجنوبي للصين بتنظيم Galaxy Model Management (الوكالة العالمية لعروض الأزياء)، حيث قدم نخبة من منظمي مثل هذه المسابقات من أمريكا وانكلترا وايطاليا وفرنسا. شارك في هذه المسابقة أكثر من 60 دولة، وكانت المشاركة السورية بارزة جداً مع انها للمرة الاولى، حيث خصت الصحف الصينية عبد الله الحاج بتغطيتها الاعلامية للحدث لتتصدر صوره صفحاتها من بين أكثر من 60 ملك جمال عالمي.‏‏

كما تمت دعوة عبد الله لافتتاح اسبوع الموضة في بكين وللمشاركة في أسابيع الموضة الاوروبية.‏‏

يذكر أن عبد الله سبق وأن توّج Top Style Man2005 (أول ملك أناقة وجمال في سوريا)، كما حصل على المركز الثاني في العالم بمسابقة Model Awards 2003 في فرنسا بتنظيم Fashion TV.ويستعد عبدالله الآن بصفته أحد أفراد مجموعة أكوان لتنظيم مسابقة Super Style Syria 2006 لانتخاب ملك وملكة الجمال والأناقة في سوريا، ويأتي هذا الحدث برعاية مجموعة أكوان ووزارة السياحة السورية.‏‏

يذكر أن عبدالله الحاج من مواليد دير الزور، وهو طالب في قسم اللغة الانكليزية بكلية الآداب الثانية بدير الزور .‏‏ وهو أول عربي يفوز بهذا اللقب « أجمل ملك جمال».

ma7aba · 12/05/2006

يخرب بيتك مزور خبر مثل هذا كمان
هو فاز بس مو بأجمل ملك جمال في العالم لأنو اجمل ملك جمال بالعالم أكيدأنا واللي بيعرفني بالحقيقة بيعرف أني ماعم كش

الخبر الحقيقي نقلا عن سيريانيوز
سوري يحرز لقب وصيف اول لملك جمال العالم بلباس ملك تدمر
برجع بقلك ملك الجمال هو أنا
ووصيفاً اول لملك جمال لدول البحر المتوسط
فاز الشاب عبد الله الحاج (23 سنة) بلقب وصيفاً اول لملك جمال العالم عن فئة اللباس الوطني (Best National Costume ) في مسابقة Manhunt International 2006 (ملك جمال العالم) التي أقيمت في الصين خلال شهر نيسان الماضي حيث كان يرتدي الزي الملكي لملك تدمر "أذينة".

كما توج الحاج وصيفاً أول لملك جمال دول البحر المتوسط (Manhunt Mediterranean 1st runner up – Syria – Abdula Haj) .

اقيمت المسابقة في مقاطعة "فوجيان" على الساحل الجنوبي للصين بتنظيم Galaxy Model Management (الوكالة العالمية لعروض الأزياء)، حيث قدم نخبة من منظمي مثل هذه المسابقات من أمريكا وانكلترا وايطاليا وفرنسا. شارك في هذه المسابقة أكثر من 60 دولة، وكانت المشاركة السورية بارزة جداً مع انها للمرة الاولى، حيث خصت الصحف الصينية عبد الله الحاج بتغطيتها الاعلامية للحدث لتتصدر صوره صفحاتها من بين أكثر من 60 ملك جمال عالمي.‏‏

كما تمت دعوة عبد الله لافتتاح اسبوع الموضة في بكين وللمشاركة في أسابيع الموضة الاوروبية.‏‏

يذكر أن عبد الله سبق وأن توّج Top Style Man2005 (أول ملك أناقة وجمال في سوريا)، كما حصل على المركز الثاني في العالم بمسابقة Model Awards 2003 في فرنسا بتنظيم Fashion TV.ويستعد عبدالله الآن بصفته أحد أفراد مجموعة أكوان لتنظيم مسابقة Super Style Syria 2006 لانتخاب ملك وملكة الجمال والأناقة في سوريا، ويأتي هذا الحدث برعاية مجموعة أكوان ووزارة السياحة السورية.‏‏

يذكر أن عبدالله الحاج من مواليد دير الزور، وهو طالب في قسم اللغة الانكليزية بكلية الآداب الثانية بدير الزور .‏‏‏‏

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

يلا ياشباب لباس تدمر صار آخر موضة

صياد الطيور · 12/05/2006

مزبوط لأنو في تناقض بالخبر الأول
أنو كيف ملك جمال العالم و التاني على البحر المتوسط ؟؟

hanny dagher · 12/05/2006

اكيد انو انا بالمنبر الحر او انا مخرف او الموقع مخرف

tiger · 12/05/2006

كريم بتقدر تتدخل????!!!

لانو هادا الموضوع مو للمنبرالحر على ما بظن ...

الفتى المتمرد · 12/05/2006

هلأ ليش أنا ذكرت المصادر ؟ مشان إذا كان فيه نقص أو عدم دقة ترجعولها مو تروحو تلزقوها بضهري شو هاد !؟ خصوصا وأني بعد ما اشتركت بالأخوية الساعة أربعة الصبح قلت لحالي لازم حط أول مشاركة عالسريع ، يعني منتسب جديد ودرويش وحابب يبدا التواصل معاكم ولو الساعة كانت 4 الصبح ، بتهجمو عليه وبتسطوطو حيطه عالسريع بدل ما تديرو بالكم عليه؟ أحرد هلأ؟ ولعلمكم أنا يللي عملته هوي نسخ ولصق الخبر بعد ما علقت عليه يعني ما كتبت شي من عندي ، وعلى فكرة من شوي دخلت على سيريانيوز ولقيت أنه عدلو العنوان وحطو صورة بعد ما فتقنا راسهم بضرورة هالشي. وبيني وبينك بعد ما شفت الصورة ابتديت صدقك أنت يللي قلت أنك أحلى منه حتى لو ما كنت أنت التاني حاطط صورتك كمان.
بعدين مين هاد يللي عم يحكي انه هاد موضوع ما بينحط بالمنبر الحر؟ يعني ما بقى تحلو عني بعد أول مساهمة إلي بالأخوية؟ شي بيطالعني مزور وشي بيعترض على المشاركة كلها؟ هاد عوض ما تعرضو المساعدة إذا فيه شي التبس علي وتجبرو بخاطري؟

بس لازم قول شغلة لا بد منها أنه كتير مبسوط أنه فيه مين قرأ وعلق، يعني بصراحة شي بيشجع عالكتابة والمشاركة كل يوم، عن جد تواصل ، وبإذن الله أخوية..أحلى أخوية

tiger · 12/05/2006

حبيبي اهلا وسهلا فيك ....
بس انت ما عرفت وين دخلت... يعني ضيعت ... لانو لازم تروح بالأول على الصالون
بعتقادي هذا منبر الوزن التقيل .. و أنت مبينتك عضمك طري بعدك....
بشان هيك عملك مرقة على قواعد الكتابة بالمنبر وتصفحلك شوية مواضيع بالمنبر بشان تعرف وين الله حاطك!!!
يالا شد حيلك وتمرن شوي وبعدين رجع كمان مرة...

الفتى المتمرد · 12/05/2006

شو قواعد كتابة بالمنبر ما قواعد ؟ ومو عرفان وين الله حاططني ؟ وقال أتمرن وعضمي طري ! وليييي هيئتك خطير مرسي حبي عالنصايح بمرق عالصالون برتحلي شوي وبحكي لي مع كم واحد عضمن طري متلي وبقرا لي هونيك كم مشاركة من المنبر يللي هوي (باعتقادك) من الوزن التقيل ومرة تانية يسلموووووووووووو حبي عالنصايح

marioma alghzayala · 12/05/2006

هللا هون المنبر مو ؟؟؟ ....

الفتى المتمرد · 12/05/2006

عن جد شي بيطقق !! خلص يبدو الموضوع يللي حطيته مو من مستوى مواضيع المنبر ، اعترفنا بهذا الخطأ من شوي وأكلنا تنبيهات من الحبايب لشبعنا ، ممكن تحلو عني شوي ؟؟ والا كل شوي بدو يطلعلي واحد يتفزلك وقال شو يستغرب من أني حطيت هالموضوع ؟ يللي بدو يعلق يرجع لفوق ويقرا أني قلت عن حالي أني جديد بالاخوية وخلص!!!!!!!!! ، شو كفرنا ؟؟؟ نبوس ايدكم ونبعت رسالة اعتذار رسمية حتى ترضو؟