مطلوب هارد ديسك قديم (بص قديم)

**Hus** · 08/02/2005

عندي كمبيوتر كنت شتريتو من صاحبي من شي سنتين
الكمبيوتر قديم كتير بينتوم 2 تقريبا ..
المهم الهادر الي كان فيه 500 ميغا ..

وبعدين الهارد انضرب

بقا بدي هارد قديم مستعمل البص تبعو قديم
انا ما بعرف كتير فيهم بس متل مافهمت انو ما بيركب عليه غير هارد البص تبعو قديم ما بعرف شو رقمو او هيك
وانو هاي الهاردات القديمة الي بصها قديم الحد الاعلى فيها 20 جيجا

انا ما بيهمني سعة الهارد كل هال القد بس نسبيا بفضل ما يكون اقل من 3-4 جيجا

الي عندو او حواليه هيك هارد يخبرني شو وضوع وشو المطلوب فيه

philip · 08/02/2005

أنا عنديي واحد 20 غيغا ومستعمل بس مابعرف اذا بيركب عندك اذا بيمشي الحال دكتور بس تبعتلي مواصفات اللي عندك لنشوف اذا بيركب

**Hus** · 08/02/2005

اقتباس:

كاتب النص الأصلي : philip

أنا عنديي واحد 20 غيغا ومستعمل بس مابعرف اذا بيركب عندك اذا بيمشي الحال دكتور بس تبعتلي مواصفات اللي عندك لنشوف اذا بيركب

حلو ..
انا والله يا مان ما كتير بفهم بهال المواضيع (ما عصرت الكمبيوترات قبل بنتيوم 3 ..)
وحتى ما بعرف مواصفات جهازي الي عم بحكي عليه ..

بس الي بعرفو انو البص تبعو قديم وما بيركب عليه غير هارد قديم ..
عموما انا حشوف بركي بقدر بلقط صاحب الكبيوتر القديم بستفسر منه بالظبط وبردلك خبر

على عيني يا باشا

katoob · 10/02/2005

مرحبا
هلق مبدئيا اذا كان الجهاز بينتيوم 2 رح يركبلوا جميع الهاردات من 30 جيغا وما دون وانا مجربا على كل الاجهزة
حتى الهاردات الجديد 40 أو 80 جيغا بتركب بس بدك تعمل ابديت للبيوس عندك واذا ما قدرت تعملها ابديت
انا عندي الارقام تبعت الهارد 40 جيغا اللي بتحطهم بايدك بالبيوس منشان يشتغل
واذا بدك مساعدي نحنا جاهزين حكيم