هل من الممكن أن تحب شخصا لم تره في حياتك ؟؟

HITLER ALARAB · 27/02/2006

سؤال محير وشائع في هذه الايام !!

[هل من الممكن ان تحب شخص لم تره في حياتك؟]

هل ممكن ان تحب شخص تواجد في المنتدى اوالمسنجرمعك او تتحدث معه عبرالهاتف فقط !!!

طبعاً الكلام شامل معنى الحب في الله

هل محادثات المسنجر او التلفون تكفي كي نحب الشخص او تؤيد ان النت

عباره عن مقالب وصدمات في الاشخاص فهو عالم خفي لا نعرف طرقه ومتاهاته ؟

باب حوار جديد وحول ظاهره شائعه يمشي فيها الكثير الكثير هذا ما لفت نظري إليها

فتعالوا نتناقش ونحاول أن نصل إلى حل إلى هذه المشكله الشائعه ..

تحياتي بعطر الجوري

عاشقة علي · 27/02/2006

اي

في

حب

بدون

ما نشوف

الشخص

لنو

كمان

في حب مبني على النفاق اذا

شفنا حدا وحبيناه من كل قلبنا

المستحيل · 27/02/2006

ليش لأ كل شي بيصير الحب ما بيعرف لا كبير ولا صغير وكل شي بصير
الحب ليس قرارا تنتخذه بل هو ضربة القدر
مشكور على الموضوع

طنش تعش · 27/02/2006

اي بصير..صارت معي عالتلفون وكنت داقق الرقم غلط..........وسحبت معي الحالة كل يوم....

عاشقة علي · 28/02/2006

ههههههههههههههههه

جد

وهلاء شو

صار معك

(((الجنرال أبوجعفرالورد))) · 28/02/2006

الأذن تعشق قبل العين أحيانا ............. هتلر العرب شو قال عازمنا لعند أبو شاكر ...... شو المناسبة ..

HITLER ALARAB · 28/02/2006

حبيبي مو عزيمة أميركية يم الأربعاء مشان إذا حدا من الشباب حابب يجي منشوفو هنيك

(((الجنرال أبوجعفرالورد))) · 28/02/2006

أحلى شي وأنت عازم نص المنتدى إذا موكلو ...... بس نحنا ولا ..

sweetbaby · 28/02/2006

نقلتو من ع الطاير

اب حمرا · 28/02/2006

لألألأ يمكن يصير علاقة بس مو حب انا من ناحيتي لأ
بس ما بعرف غيري شو رأيو

فراولة · 28/02/2006

ما بظن ان الواحد يمكن يحب شخص ما شافو وما حكا معو شخصيا بس ممكن يحب الصورة المثالية الي رسمها خيالو عبر الكلمات اللي ممكن تكون زائفة وراح اعطيكون مثال
صبايا كلكم شفت مسلسل اشواك ناعمة وشفت شو صار مع خلود كانت بتحكي مع واحد من الصين وارسلها صورة مزيفة وكانت بتحبو وفي النهاية اكتشفت ان هو واحد متزوج وعند اولاد وعمر 50 سنة والصورة هي لواحد ممثل مشهور بالصين وقال ليها بنتي عمرك ما ...
نسيت النصيحة بس اعتقد هي مو لازم نعتمد على علاقات الانترنيت

odaytop · 28/02/2006

والله في بس على شروط :
1 - ان يكون مبني على الصدق والصراحة .
2 - ان لايكون فيه مصلحه .
3 - حب صادق نابع من القلب .
4 - حب من كلا الطرفين وليس من طرف واحد .
الله يكثر المحبين في كل بلدان العالم ويمحي الحقد من القلوب ..

فراولة · 28/02/2006

بس كيف بتعرف ان صادق وانت ما شفت عينيه

اعصار مدمر · 28/02/2006

الحب عن طريق الانترنت متل الحب في المجهول
مرة حبيت وحدة امريكيه عن طريق الانترنت و بعتتلي صورتها
وشلون شؤفة ياخيو بتاخد العئل بس شو الفايدة
المهم بضل متل هيك شغلات للتسالي و طق الحنك و بس

Gazita · 28/02/2006

اقتباس:

كاتب النص الأصلي : فراولة

ما بظن ان الواحد يمكن يحب شخص ما شافو وما حكا معو شخصيا بس ممكن يحب الصورة المثالية الي رسمها خيالو عبر الكلمات اللي ممكن تكون زائفة وراح اعطيكون مثال
صبايا كلكم شفت مسلسل اشواك ناعمة وشفت شو صار مع خلود كانت بتحكي مع واحد من الصين وارسلها صورة مزيفة وكانت بتحبو وفي النهاية اكتشفت ان هو واحد متزوج وعند اولاد وعمر 50 سنة والصورة هي لواحد ممثل مشهور بالصين وقال ليها بنتي عمرك ما ...
نسيت النصيحة بس اعتقد هي مو لازم نعتمد على علاقات الانترنيت

oui sah kalamek min hone nakhod il ibra
mabdon innou lhob nnatej an telaphonat aw internet sadik walaw hatta50 bilmia.yalla fil akhir bin2oul allah ylakina maa ashkhas ahssan minna wsadken fi hobhoum

merci ala lmawdou2

odaytop · 01/03/2006

كيف بدك تعرفي انه صادق ..
حبل الكذب قصير و.. والذي بده يراوغ في فتره لازم بيمل ويزهق ويبدأ بعدم ارسال الرسائل والتحجج بحجج واهية وكثير .. ويحاول سحب نفسه وعدم الرد عليك .. ويبدأ يراوغ ..
فاكيد هذا بيكذب ..

فراولة · 02/03/2006

لكن تصور انا حكيت معك وقلت لك يعني عبر الانترنيت وكدبت عليك وقلت انا في الباكالوريا وعندي 18 سنة عاملة ادب انكليزي وقلت كمان ماما تركية وبابا عربي وظليت احكي معك دايما وانا عم بكدب كيف راح تكتشف كدبي

odaytop · 02/03/2006

هذا الموضوع يعتمد على المتحدث اذا كان معتاد على الكذب او لا اذا كانت اخلاقه تسمح له بالضحك على الناس والكذب والمراوغه بالتاكيد هذا تافه وبمرور الايام اكيد ينكشف وتظهر الحقيقه ..
بس صدقيني انا كثير قابلت من هيك اشكال قسم بيدعي انه امراه وبالتالي يظهر انه رجل لكن في النهاية ينكشف .. هذا الموضوع يعتمد على التربيه والاخلاق .. ممكن تصادفي شخص في حياتك وتريه وتجلسي معه ويتحدث لك عن نفسه وبالتالي يطلع كذاب .. الكذب طبيعه في بعض الاشخاص ان كنت قابلتيه وجهاً لوجه او على الانترنيت الامر سيان ..
يعني الامر مابيفرق مع الكذاب اذا كان في الحقيقه او في الانترنيت .. صح ؟
ممكن الان ادعيك الى الغداء ونتقابل ودائماً نلتقي واقول لك انا كذا وانا كذا وانا املك ومهم .. وانا احبك ولااقدر بدونك وانت تصدقين وبالتالي تريني مع غيرك ؟ .. لم يفرق شيء بين الحقيقة والانترنيت اثناهما سواء .. الي متعلم على الكذب بيكذب في الحقيقة ويكذب في كل شي حتى على نفسه وبالنهاية سوف ينكششف .
ممكن اسالك سؤال مافي يوم في حياتك قابلتي شخص وبالتاالي ظهر انه بيكذب عليك ؟