الطيبون للطيبات

hanny dagher · 20/02/2006

في إحدى الليالي الدامية كانت قوات الإحتلال تطارد شابا فلسطينيا وكانوا يطلقون النار عليه
بقصد قتله، فحار هذا الشاب إلى أين يذهب، فطرق أحد الأبواب، ففتح الأب الباب ، فأخبره هذا
الشاب بأنه ملاحق ، فقال الرجل: أدخل وإئتمن، فدخل الشاب ولكن بعد دقائق معدودة سمع طرقا
عنيفا على الباب وصوتا من الخارج يصيح " إفتح الباب " فحار الأب أين يخبئ الشاب
خوفا من أن يقتلوه، وكانت له إبنة صبية تأخذ حماما، فقال الرجل للشاب : أدخل الحمام ، فرفض
الشاب بقوة الدخول وقال: سأخرج إليهم ، فدفعه الرجل إلى داخل الحمام وأغلق الباب، ومن ثم
ذهب ليفتح الباب للجنود، فدخل المحتلون وقاموا بتفتيش البيت بكل غرفه، ولما يئسوا من أن يجدوا
ضالتهم جروا ذيولهم وخرجوا خائبين، فخرج الشاب من الحمام وقد عجز لسانه عن الشكر والنطق
إمتنانا لصنيع هذا الأب، وشكره بدموع عينيه التي فاضت عندما كان يقبل يد هذا الرجل وخرج.
وفي اليوم التالي جاء الشاب برفقة والديه طالبا يد هذه الفتاة، فكان جواب الأب أنه لا يريد أن
يربط مصير إبنته برجل لمجرد الشكر وشعوره بالإمتنان، فكان جواب الشاب مذهلا حيث قال:
" والله يا عم، لقد رأيت في منامي إبنتك محاطة بنساء بالثياب البيضاء، وهي تأتي إلي مسرعة
فوضعت يدي بيدها فخرج من بين أيدينا ورقة بيضاء مكتوب عليها ((الطيبون للطيبات)) "
فلما سمع الأب هذا الكلام دمعت عيناه وقال للشاب لبيك يا ولدي هذه إبنتي زوجا لك وكان مهرها ليرة ذهبية واحدة.
وها هما لغاية الآن يعيشون حياة جميلة ملؤها الحب عنوانها الإخلاص

عطونا رايكن

سنفورة · 20/02/2006

لك شو هاد ابو الهن بجد ولا احلى من هيك موضوع غطيت على كل مواضيعنا ابو الهن يسلموا بجد هي تحفة او لازم ما نفرط فيا انت عطيت العبرة والشفافية من الموضوع باجمل عباراتو بكل انسجام وتواضوع

Tony 124 · 20/02/2006

اقتباس:

كاتب النص الأصلي : hanny dagher

فخرج الشاب من الحمام وقد عجز لسانه عن الشكر والنطق
إمتنانا لصنيع هذا الأب،
عطونا رايكن

والله بين شكر انا لو محلو يا الاهي

adel · 20/02/2006

أحلى أبو الهن وأحلى مواضيع

فيروزة · 21/02/2006

موضوع كتير حلو ومعبر

((الطيبون للطيبات)) فعلا

toocoolfriend · 21/02/2006

نشالله يكون بعد بيتلاقى منن بهالزمن الرديء

toocoolfriend · 21/02/2006

بس مش ممكن الاب خبا بالحمام أحسن ما يروح هوي كمان فيها؟؟؟
ما حدا يستبعد شي

Mado0o0 · 21/02/2006

موضوع كتير حلو
بس شك توكول في محلو (بلكي)

Syrian__Angel · 21/02/2006

بتجنننننن القصة ابو الهن ... ميرسي كتييييييييير الك

...
لك ما قلتلك انت مافي منّك

اقتباس:

وها هما لغاية الآن يعيشون حياة جميلة ملؤها الحب عنوانها الإخلاص

يعني عنجد في هيك عالم

yamen_h · 21/02/2006

لعما ياريتني دخلت بدالو عالحمام ....

عم امزح ...بس والله قصة حلوة كتير ...بس لو ماكانو فلسطينية كان احسن ..
انا بتضرب على عصبي كلمة فلسطيني ...

بس يسلمو هالايدين هاني ...ومو مهم الشخصيات ..المهم المعنى ..

لؤلؤة الجنوب · 21/02/2006

...بس لو ماكانو فلسطينية كان احسن ..
انا بتضرب على عصبي كلمة فلسطيني ...

لمادا الا تحب الفلسطينين
ام ان دكرهم يحزنك

Syrian__Angel · 21/02/2006

اقتباس:

لعما ياريتني دخلت بدالو عالحمام ....

يخرب ...........!!!

بعدين انت مو هو ... انت لا يؤمن شرّك

اقتباس:

بس لو ماكانو فلسطينية كان احسن ..
انا بتضرب على عصبي كلمة فلسطيني ...

في بعض جماعة رح ياكلوها تنبيه او بهدلة

hanny dagher · 22/02/2006

اهلين بالشباب
اول الشي يا توكول فريند اكيد الاب ما كان خايف على حالو لانو لو خايف على حالو ما كان خبا كان سلمو لانو لو الجنود مفتشين شوي كان اكل هوا الاب بعدين اذا كان خايف على حالو بيخبي مع بنتو اللي عم تتحمم
مو هون القصة القصة انو الشب ما نسي يعني ضل وفي لهالزلمي وما حب يجيب البهدلة للبنت او لعيلتا وهادا الشي اللي ما منشوفو بشباب هالايام

ابو اليمن حبيب قلبي وانا كمان بقول يا ريتني محلو
بس شو قصتك مع الفلسطينين

وشكرا لبقية الشباب والصبايا نورتو الموضوع
لكن يبقى السؤال هل يوجد من نوعية هادا الشب بين شباب هالايام ؟؟؟؟؟؟؟؟؟؟؟؟؟

Syrian__Angel · 22/02/2006

اقتباس:

لكن يبقى السؤال هل يوجد من نوعية هادا الشب بين شباب هالايام ؟؟؟؟؟؟؟؟؟؟؟؟؟

انا برأيي ما بظن .... وبتمنى كون غلطانة

السورية المشتاقة · 22/02/2006

قصة بتجنن يا هاني الف شكر لالك .....والله بكتني .....

السورية المشتاقة · 22/02/2006

اقتباس:

لكن يبقى السؤال هل يوجد من نوعية هادا الشب بين شباب هالايام ؟؟؟؟؟؟؟؟؟؟؟؟؟

لايوجد .... لهالدرجة المزكورة بالقصة لايوجد .....

hanny dagher · 22/02/2006

انا برايي انو في بس مو كتار

لؤلؤة الجنوب · 22/02/2006

اظن ان كل الشباب سيفعلون مثله لان خوفه من الجنود سيبقي عينيه ملتصقتين بالباب.