مسجات حب بتجنن أهداء مني لكل شباب وصبايا الأخوية

[أبو النسيم]

لعيون شبابا الأخوية هي شوية مسجات حب وغرام مشان كل الشباب والصبايا يلي مغرومين ما يتعزبوا وهن يدوروا على مسجات حلوة
ولغير المغرومين بدعيلكون من كل قلبي أنو تحبوا
هدول المسجات في البعض منهون كتابتي بتمنا ينالوا أعجابكون



قمر وحقك تدلل وفيك البحر يتغزل
مشتاق يا غالي وغير شوفتك ما أقبل



مساء الشوق يا رايق يا بسمة كل متضايق
مساء الخير لعيونك يا أحلى وأغلى الخلايق



لا تلمس الورد من الورد عليك بغار
أنا أكتر مين بحبك ولو محبينك كتار


أنت الدلال و الدلع أنت الحيرة والولع
أنت القمر يوم لي طلع


بمسي عليك بوردتين
وردة تقلك يسعد مساكي
وردة تبوسك وتقلك مستحيل أنساكي



هي من تأليفي

جوات عيوني بخبيكي
ومن روحي وعمري وقلبي بسقيكي
ووبمشي لأخر الدنيا بس لأرضيكي
و أميرة حياتي بسميكي

وهي كمان

عيونك سحروني
رموشك قتلوني
خدودك دوبوني
شفايفك أسروني
حبيتك وعشقتك وناس ما لاموني

وهي كمان من تأليفي

بحبك وبحب أسمك
وبحب الأرض لمشيت عليها رجلك
وبحب المراية لبتشوف شكلك
وبعشق رسمك
وقديش حبوني ناس بس ما لح لاقي متل حبك




ترجيت قلبي وقلتلو يوقف معي ضدك
لقيت قلبي عم يعاندني وبيقلي أنو بموت فيكي وبحبك




بعتلك مع القمر بوسة مني
رجع القمر زعلان وقلي حبيبتك أحلى مني




هي أخر مسج بعتها ليوم

ب
دقة قلبي بحبك
برمشة عيوني بحبك
بهزة رموشي بحبك
بكل ما في الدنيا بحبك


بتمنا يعجبوكون ويلي عندو مسجات حلوة مشان الله يحطها

[rawad]

هز الشوك كلو آسى
وهز الورد ما بيتنسى
وضربي تهز بدنك عند هل مسا


هي مزحة ابو النسيم اوعى تزعل
بس ما بعرف مسج غيرها لأنو ما بيجيني غير من هدول
ويسلو ايديك خيو

[أبو النسيم]

كاتب النص الأصلي : rawad

هز الشوك كلو آسى
وهز الورد ما بيتنسى
وضربي تهز بدنك عند هل مسا


هي مزحة ابو النسيم اوعى تزعل
بس ما بعرف مسج غيرها لأنو ما بيجيني غير من هدول
ويسلو ايديك خيو

ولا يهمك أبو الرود على حسابك

أخ شو بدي أحكي لعيونك خيو لح تم نزل مسجات لينفلق الموضوع

[Syrian__Angel]

اي وهي 2 لعيونكن ..

ما رح ابعتلك رسالة
ولا رح قلك ألوو ..
رح ابعتلك قلبي
وتصطفل منّك إلوو ...

-------------------------------
لو نسيوك انا معاك
لو ظلموك انا معاك
لو جرحوك انا معاك
لو باسوك sorry
انا معاهم

[صياد الطيور]

شو أبو النسيم ....

مغير المصلحة .. كنت بالسياسة والمسخرة على الناس
صاير بالعشق والغرام والرسايل ...

يا عمي أيامك

[silin]

شكرا كتير على الرسايل مع انو اغلبيتن بعرفن

بليز اذا حدا عندو كم مسج حلوة اكيد غراميات يعطني هنيok

[hanny dagher]

شباب
اول الشي الله يعطيك العافي ابو النسيم كتير حلوات المسجات
بس انو هدول محل بموبايلات وحركات مو بالصالون
الله يرضى عليك

مشكور مرة تانية

[fady juventus]

ظراف هالرسايل مابهن شي
بس من حيث إني أناني ما رح حط شي من الرسايل اللي عندي مع إنهن بيطيروا ضبنات العقل
هي الندالة قصدي الشهامة العربية

[Majood]

ابو النسيم مغير الموجة.... فكرت حدا مهكر عليك ...
سلامة ...
-----------------------------------------------

صياد اشتقنالك .... طولت الغيبة ... ويين ايام الخناقات

[صياد الطيور]

كاتب النص الأصلي : majood76

صياد اشتقنالك .... طولت الغيبة ... ويين ايام الخناقات

على راسي وعيني .. وأنا بالأكتر
مو مشكلة بدنا شي موضوع مدسم لنرجع ونتخانق .. نحنا سريعين بالمشاكل

[caesar]

انه شباب مافي شي مسج على زيادة اسعار البنزين والاسمنت عنا بسوريا
ترى الشباب عنا راح يطقو وووووووووووووو

[fady juventus]

صحيح
مبروك الزيادة بالبنزين

[صياد الطيور]

بسيطة ... الي عندو سيارة وضعوا بيتحمل ...
30 ليرة ما بتكسر الضهر ... زادوا الرواتب شوي ..بدهم يعوضوها بالبنزين ( متل العادة )
الي بيشتغل بالقطاع الخاص بتروح عليه ..

دنيا ......

[caesar]

كاتب النص الأصلي : صياد الطيور

بسيطة ... الي عندو سيارة وضعوا بيتحمل ...
30 ليرة ما بتكسر الضهر ... زادوا الرواتب شوي ..بدهم يعوضوها بالبنزين ( متل العادة )
الي بيشتغل بالقطاع الخاص بتروح عليه ..

دنيا ......

الله يسترنا من زيادة المازوت لأنه حسب علمكن جميعا سوريا كلها بتشتغل على المازوت
ولحق ياشعب سوريا
من ميلس الى ميلس تاني

[صياد الطيور]

مابظ يقربوا على المازوت .. لأنو متل ما بتعرف .. مدعوم من قبل الأقتصاد الوطني لدعم المواطن السوري .. واذا ارتفع سعر المازوت ... يعني كل أسعار البلد رح ترتفع .. كل شي بدون استثناء ..
لأنو المازوت داخل بصلب كل الصناعات الوطنية الي منفتخر فيها متل العلكة والمحارم ..

[caesar]

كاتب النص الأصلي : صياد الطيور

مابظ يقربوا على المازوت .. لأنو متل ما بتعرف .. مدعوم من قبل الأقتصاد الوطني لدعم المواطن السوري .. واذا ارتفع سعر المازوت ... يعني كل أسعار البلد رح ترتفع .. كل شي بدون استثناء ..
لأنو المازوت داخل بصلب كل الصناعات الوطنية الي منفتخر فيها متل العلكة والمحارم ..

ا يه ولا تنسى بسكويت غراوي

[fady juventus]

كاتب النص الأصلي : صياد الطيور

لأنو المازوت داخل بصلب كل الصناعات الوطنية الي منفتخر فيها متل العلكة والمحارم ..

يحرق حريشك يا صياد حلوة هي العلكة والمحارم
بس ملاحظين انو الموضوع كان عن غير شي
رسايل ما رسايل

[caesar]

كاتب النص الأصلي : fady juventus

يحرق حريشك يا صياد حلوة هي العلكة والمحارم
بس ملاحظين انو الموضوع كان عن غير شي
رسايل ما رسايل

كل الدروب بتودي على الطاحون