عزوبية ,عزوبية عزوبية

[Willi]

هاد كان يا مكان بقديم الزمان
كان في واحد شب هيك مرتب وعين الله عليه

هالزلمة مل من حيات العزوبية وقرر انو لازم يتزوج

حلو؟؟
لحد هون حلو

المهم
هاد صاحبنا احتار شلون بدو يدبر هالعروس
وبعد تفكير عميق
قرر انو لازم يراقب بنات الحارة والبنت اللي بشوفها خرج زواج بروح بيتقدم لاهلها
مر 10 ايام وهوي من شارع لشارع عم يراقب هالبنات
وبالاخير عجبتو وحدة
طويلة ,نحيفة ,شقرة , وفوق هاد كلو بتمشي بحشمة يعني فيها الصفات اللي هوي بحبها بالبنت

قرر يروح لعند اهلها
ضل متردد طول الطريق وهو عم يقول
"روح ولا ما روح
اذا رحت بلكي ما قبلو فيني
اي وليش لحتى ما يقبلو فيني شو ناقصني ليش؟
لالا اكيد بيقبلو فيني"
هالزلمة وصل لقدام بيت اهل البنت
البيت كان كبير
ولقى سيارات من افخم ما يكون
قال يا سلام على الجخ حلو كتير
دق الباب
فتحتلو وحدة سودة وقصيرة وكمان نحيفة
هاد الزلمة قال يا سلام كمان سرلنكية
العالم باينتهون اغنيا
قالتلو " how may ساعدك sir؟"
قلها دخلك هون بيت مين ؟
قالتلو"why you عم تسأل sir؟" طبعا سرلنكية ما بتعرف تحكي لا انكيلزي ولا عربي
قلها انا طالب ايد المحروسة بنت الباشا صاحب هالبيت
قالتلو "za daughter of السيد الوزير؟"
قلها نعاااااااااااااااااااام السيد الوزير؟؟
قالتلو yes sir
قلها بالروح بالدم نفديك يا وزير
انا يا ستي كلب ابن كلب ما خرجي ناسب لا وزرا ولا شي انسي الموضوع

ومن يومها شال فكرة الزواج من راسو
وحط شعار الو
عزوبية للابدا
والى الابد عزوبية
وما عاد فكر بموضوع الزواج نهائيا

ولا اله الا الله والشهيد حبيب الله

[hanny dagher]

ليك خيو نوع الحشيشة اللي عم تشرب منو بعتلي يا

يعني من حيث فكرة العزوبية انا مع الفكرة بس بدها كل هالقصة الرهيبة اللي منطرني الك ساعة
مشان اقراها

يعدمك حالك الهي

[Willi]

ليك خيو نوع الحشيشة اللي عم تشرب منو بعتلي يا

لا مافي
هاد نوع خاص الي
بجوز غيري ما يتحملو

يعني من حيث فكرة العزوبية انا مع الفكرة بس بدها كل هالقصة الرهيبة اللي منطرني الك ساعة
مشان اقراها

طبعا بدها
شلون بدها توصل الفكرة اذا ما كتبنا كل هالموضوع

يعدمك حالك الهي

امين انشالله

[محمد ابراهيم]

في حاجه في الموضوع غريبه .
انت عايز تقول ايه .
غير فكره العزوبيه.

[Willi]

ياسيدي انا عم قول شغلتين مو بس وحدة

[محمد ابراهيم]

طيب ساعدنا نفهم .
لان موضوعك مو واضح .
انا حاسس ان وراه فكره كبيره بس مو عارف شو هي.

[silin]

يخرب زوقك يا جدجوووود شو عليك افكار حلوة ومهضومي

[Willi]

طيب ساعدنا نفهم .
لان موضوعك مو واضح .
انا حاسس ان وراه فكره كبيره بس مو عارف شو هي.

الفكرة الكبيرة هيي انو اجا على بالي قفل على اعضاء المنتدى
قمت كتبت موضوع

يخرب زوقك يا جدجوووود شو عليك افكار حلوة ومهضومي

هيي افكاري عادية
بس انت الحلوة والمهضومة

[Kakabouda]

كاتب النص الأصلي : silin

يخرب زوقك يا جدجوووود شو عليك افكار حلوة ومهضومي

بحياة الله فهميني

[gabo]

إذا هيك يا محلا العزوبية

[Syrian__Angel]

اي 100 قولة عزابي .. ولا قولة اتزوج بنت وزير !!!

[Willi]

بحياة الله فهميني

ياسيدي المهم بالاخير انو الزلمة اكلها قتلة حشك ولبك لحتى ودّع

ولا اله الا الله والشهيد حبيب الله

وانبلعو مصرياتو

إذا هيك يا محلا العزوبية

اي 100 قولة عزابي .. ولا قولة اتزوج بنت وزير !!!

هون اللي بتفهم


احلا شباب وصبايا
خلونا نشوفكون دائما هاه
لا تخلونا نشتاق

[hanny dagher]

كاتب النص الأصلي : Willi

احلا شباب وصبايا
خلونا نشوفكون دائما هاه
لا تخلونا نشتاق

انشالله بليلة عرسك منرقصلك ومنزلغطلك
ووقتا بتشوفنا

[قلب المثنى]

والله يا عمّي الرجال ما فينوا يعيش بلا زوجة تنكد عليه

الزواج شر لابد منه

وبما إنو الإنسان بطبعوا مشرّاني بشوف الجازة حلوة

بس عن جد حلوة

[Willi]

انشالله بليلة عرسك منرقصلك ومنزلغطلك
ووقتا بتشوفنا

انت الوحيد اللي ما رح تكون معزوم

والله يا عمّي الرجال ما فينوا يعيش بلا زوجة تنكد عليه

الزواج شر لابد منه

وبما إنو الإنسان بطبعوا مشرّاني بشوف الجازة حلوة

بس عن جد حلوة

لا مين قلك انو ما بيقدر
بيقدر

[layla]

كاتب النص الأصلي : hanny dagher

ليك خيو نوع الحشيشة اللي عم تشرب منو بعتلي يا

يعني من حيث فكرة العزوبية انا مع الفكرة بس بدها كل هالقصة الرهيبة اللي منطرني الك ساعة
مشان اقراها

يعدمك حالك الهي

بتعرف عم تذكرني بحدا كان فاتح حزب اسمو تضربو انتو والجواز

بس تعرف مين هالحدا بتفهم شو قصدي

[sweetbaby]

كاتب النص الأصلي : layla

بتعرف عم تذكرني بحدا كان فاتح حزب اسمو تضربو انتو والجواز

بس تعرف مين هالحدا بتفهم شو قصدي

الله يرحم ايامو

[hanny dagher]

كاتب النص الأصلي : layla

بتعرف عم تذكرني بحدا كان فاتح حزب اسمو تضربو انتو والجواز

بس تعرف مين هالحدا بتفهم شو قصدي

اي مين هالحدا اللي الله يرحم ايامو