أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > رياضة > الساحة الرياضيّة

إضافة موضوع جديد  إضافة رد
 
أدوات الموضوع
قديم 18/09/2009   #1
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي «الجزيرة الرياضية» تفتَتح الشوط الأوّل من... التطبيع؟


«الجزيرة الرياضية» تفتَتح الشوط الأوّل من... التطبيع؟






للمرة الأولى في تاريخ المحطات العربية، تنقل قناة رياضية مباراة لمنتخب إسرائيلي. غير أنّ الحدث لم يمرّ على خير، لا داخل القناة ولا خارجها

ليال حداد

يوم الثلاثاء الماضي، نقلت قناة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مباراة الفريقَين الألماني «بايرن ميونيخ» و... الإسرائيلي «مكابي حيفا»، ضمن إطار «دوري أبطال أوروبا لكرة القدم» champions league. كان يمكن هذا الحدث أن يمرّ على خير، لولا أنّه مثّل سابقة في تاريخ وسائل الإعلام العربية الرياضية. بهذه البساطة، لم تجد الفضائية القطرية مشكلة في تجاوز عرفٍ إعلامي وأخلاقي ووطني، اعتمدته مختلف المحطات الرياضية العربية. خلال السنوات السابقة، امتنعت كل الشاشات العربية ـــــ خلال تغطيتها لهذه البطولة ـــــ عن نقل مباريات الفرق الإسرائيلية.
لكن يبدو أنّ لـ«الجزيرة الرياضية» نظرة مختلفة إلى الموضوع. هكذا تغاضت المحطة عن كلّ البلبلة التي سبقت نقل المباراة، واحتجّ فيها قسمٌ من الموظّفين والمعلّقين، رافضين التعليق على أي مباراة للفريق الإسرائيلي، ما اضطرّ المحطة إلى الاستعانة بمعلّق إنكليزي.


وقد أكّد مصدر من داخل المحطة لـ«الأخبار» أن الاستياء تجاوز حدود مكتب قطر، ليطال مختلف العاملين في المحطة في الدول العربية. غير أنّ المصدر يعود ليوضح شروط العقد الذي وقّعته المحطة للحصول على الحقّ الحصري في نقل مباريات الدوري. ويلزم هذا العقد «الجزيرة الرياضية» بنقل كلّ المباريات من دون استثناء. وهو البند الذي لم يكن مدرجاً سابقاً.


وهو ما يفسِّر، بحسب المصدر، امتناع art ـــــ التي كانت تملك حقّ نقل الدوري في السنوات السابقة ـــــ عن نقل مباريات الفرق الإسرائيلية، «إذ كان يحقّ لها ذلك». ولعلّ سبب الاستياء العربي الكبير ـــــ بدا واضحاً في مختلف المواقع والمنتديات الرياضية العربية على الإنترنت ـــــ سببه الأوّل هذا التعارض بين موقف فضائية «الجزيرة» الداعمة للقضية الفلسطينية والمعادية لإسرائيل والقناة الرياضية التابعة لها. غير أنّه ربما فات متصفّحي هذه المواقع أنّ قناة «الجزيرة» كانت من أولى الفضائيات العربية التي فتحت الهواء أمام مسؤولين إسرائيليين، للإدلاء بآرائهم.


وكما كان متوقّعاً، لاقت الخطوة ترحيباً كبيراً من قبل الإعلام الإسرائيلي، وخصوصاً صحيفة «يديعوت أحرونوت»، إذ رأى أحد المعلّقين الرياضيين فيها أن قرار نقل المباريات على شاشة «الجزيرة الرياضية» دلالة مهمة على أنّ هناك «شرق أوسط جديداً» بدأ ظهوره. وعاد المحلّل الإسرائيلي إلى عام 2006، عندما رفضت «الجزيرة الرياضية» نفسها نقل مباراة لفريق «مكابي حيفا». يذكر أنّ المحطة القطرية تعدّ أولى القنوات العربية التي تنقل مباراة رياضية لفريق إسرائيلي، هذا إذا استثنينا ما حدث سابقاً، حين نقلت قناة «النيل الرياضية» مباراة لمنتخب مصر لكرة اليد ضدّ المنتخب الإسرائيلي. يومها انتهت المباراة بما يشبه الانتفاضة المصرية، بعدما قام حارس المرمى المصري أيمن صلاح بتمزيق العلم الإسرائيلي، إضافة إلى بعض أحداث الشغب التي رافقت المباراة. وكانت حجة «النيل الرياضية» أنّ الجمهور المصري يهتمّ بمتابعة مباريات منتخب بلاده.




جريدة الأخبار

عدد الجمعة ١٨ أيلول ٢٠٠٩

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 18/09/2009   #2
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


الناس وصلت للقمر .. و نحنا ما زلنا بهي الامور

ذكرتني بمباراة الثالث و الرابع كأس العالم 2002 ... كان بالاعلانات ع الملعب علم اسرائيل
و كل ما تجي الكاميرا نص الملعب تنقطع الصورة علينا بالتلفزيون الحكومي

ما اتذكر اخر شي يمكن التلفزيون قطع بث اللمباراة ... او انا مليت و قمت


نرجع ع الموضوع ...

وين دعم اسرائيل بالموضوع ؟؟
فريق رياضي مشارك بالبطولة ... و الناس دافعة الاشتراكات حتى تشوف الفرق اللي تحبها ... مو حلوة هذاك اليوم ما تشوف بايرن ميونخ لان لعب مع حيفا !

بعدين آخر شغلة ... هل العرب المقيمين بالمهجر ... وقت تطلع هي المباراة يسكروا التلفزيون ؟!؟؟!

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...
  رد مع اقتباس
قديم 18/09/2009   #3
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


هلا انا كتبت
رد طويل وعريض .. بس المقلم .. ينعن ابو اللي سلفل ابوه .. نسفو

بس باختصار خيو ..

شيلو السياسة عجنب .. وخلو الرياضة رايقة بدون تعكير رجاء ..

معلشي ..


شاورما ©

كمّون ©

Calculater ©

" لو .. رجعت الشام .. لـ حضن الشام .."

2011
  رد مع اقتباس
قديم 18/09/2009   #4
شب و شيخ الشباب هدوء البحر
عضو
-- مستشــــــــــار --
 
الصورة الرمزية لـ هدوء البحر
هدوء البحر is offline
 
نورنا ب:
Jan 2008
المطرح:
UAE
مشاركات:
3,984

افتراضي


لك الخبر نشرو احد المواقع الصديقة ل art وبعنوان عريض

اول محطة عربية تنقل مبارة لفرق اسرائيلي بس الظاهر ال art م تبين جكرها

وحتى لو مو هيك الئصة

متل ما قال صديقي يمان خلو الرياضة بعيدة عن السياسية

دمي ولا دمعة أمي
  رد مع اقتباس
قديم 18/09/2009   #5
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


شباب مشان بس تكون وبالصورة
انا هلئ بغض النظر عن موقفي من التطبيع .

مافيكو تفصلو الرياضة والفن والاقتصاد ومدري شو (كل هاد هوي التطبيع ) اي الله وكيلكون هاد هو التطبيع

فيلم اسرائيلي يعرض بالدول العربية هاد تطبيع

منتجات اسرائيلية بالدول العربية هاد تطبيع

تبادل ثقافي هاد تطبيع

الكتب والروايات والادب الاسرائيلي بالدول العربية هاد تطبيع

مباراة كرة قدم لفريق اسرائيلي على شاشة عربية هاد تطبيع (لعلمكون مباراة كرة القدم منتج )

، الله وكيلكون ديرو بالكون من هالنقطة لانها احد اشكال التطبيع (واذا يعني بدكون تطبعو ف ياريت يكون في فايدة وعائد راجع عليكون ) مايكون تطبيع ساذج اي " مجاني "

اهلا وسهلا بالتطبيع اذا بدكون بس تكونو مستفيدين من هالتطبيع .
  رد مع اقتباس
قديم 18/09/2009   #6
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : suryoyo عرض المشاركة
الناس وصلت للقمر .. و نحنا ما زلنا بهي الامور
طيب شو بدّك تعمل؟

إي في ناس وصلت ع القمر.. ونحنا ما زلنا بهالأمور!!


مشان نبعّد الرياضة عن السياسة متل ما بدهن الشبيبة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بتعرفوا رأي اللي متل الدكتور أسعد أبو خليل ومتلي (هيدول اللي بعدهن ع الأرض.. وما وصلوا للقمر لسا)
  رد مع اقتباس
قديم 18/09/2009   #7
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


اقتباس:
كاتب النص الأصلي : يمان Rooooonaldo عرض المشاركة
هلا انا كتبت
رد طويل وعريض .. بس المقلم .. ينعن ابو اللي سلفل ابوه .. نسفو

بس باختصار خيو ..

شيلو السياسة عجنب .. وخلو الرياضة رايقة بدون تعكير رجاء ..

معلشي ..

لما بكون المشكلة بين حكومة و حكومة هون تروك السياسة

و لكن يا أخي المشكلة هي قضية يا أخي قضية شعب

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 18/09/2009   #8
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
لما بكون المشكلة بين حكومة و حكومة هون تروك السياسة

و لكن يا أخي المشكلة هي قضية يا أخي قضية شعب


يبدو اني لازم ارجع اكتب الرد متل ما كتبتو اول شي ..

شبيبة .. انا لح حط حالي .. محل القناة اول شي ..

القناة موقعة .. على عقد شراء دوري الابطال من السنة الماضية اول ما انطرح الموضوع .. وكان لسا الفريق الاسرائيلي .. ما مبين ازا لح .. يشارك او ما لح يشارك ..

العقد كان بيلزم القناة على نقل ال 8 مباريات كاملة .. وهاد البند ما كان موجود .. بعقد ال اي ار تي القديم .. حسب مواقع الاخبار اللي انطرحت ..

هلا .. بالنسبة النا كمتفرجين .. شبيبة معلش .. عندي شوية افكار بتدور براسي فجاة ..

انو انا مثلا لو في لعبة لريال مدريد مع .. الفريق الاسرائيلي .. هلا مثلا لو الجزيرة ما نقلتها ..

واللي بدو يتفرج عليها .. لح يلاقي 100 قناة ناقلتا .. بس حتكون الجزيرة اول شي .. ما وفت بوعدا اتجاه مشتركيها .. بنقل كامل مباريات فريقهم المحبوب .. +

شغلة .. لو الاسرائيلي .. طلع عالنهائي .. مع فريقك لح تتفرج ولا لا ؟؟ ولح تطالب الجزيرة انو تنقل او لا ؟؟
.. ما تدققو .. كتير .. عالرياضة بهي القصة ..
ومتل ما زكر المقال .. انو الجزيرة وقت تجيب .. وزير اسرائيلي عم يحكي او عم يرد او او .. شو بيكون الموقف ما لازم الجزيرة .. ما تنقل هالشي؟؟

انو السؤال اللي بيهم انو ازا نحنا ما نقلناها .. او ما اتفرجنا .. عليها .. حنكون فدنا اسرائيل بشي .. عمليا ؟؟

ما بتوقع انو اسرائيل حتكون خسرانة .. او .. ايا شي ..

ما فينا نفصل .. الدنيا عن بعضا اكيد .. بس ما بدنا ندقق .. على شي .. ما بيعتبر هالاهمية الكبيرة من الناحية العملية ..

القناة .. مجبورة بالعقد .. ومجبورة قدام مشاهيدها .. انو تنقل المباريات كاملة ..

ومتل ما في قنوات .. بالاقمار اسرائيلية مليان .. الللي بدو يتفرج .. يتفرج واللي ما بدو ما يتفرج ..

بالنسبة انو هية .. قضية .. شعب مو قضية سياسة ..

حبيب .. بالنسبة لرايك بموضوع القضية ورايي .. فـ هوة شي .. ما حدا بيختلف عليه .. أبدا .. وبنوب وراينا من القضية .. الفلسطينية .. ما بيتغير ان اتفرجنا او لا .. او ان .. ما نقلنا او نقلنا ..

متل ما قلتلكم .. بتمنى انو ما تفوت .. القضايا السياسية كتير .. بالرياضة وتتشعب فيا ..

مع كل احترامنا .. ووقوفنا الاكيد مع الشعب الفلسطيني والقضية .. بس

رجاء .. خلو الرياضة نضيفة من الالاعيب .. والدعايات والمصالح السياسية ..
  رد مع اقتباس
قديم 18/09/2009   #9
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


بعد 1991
صار الفريق الكويتي ما يلعب مع الفريق العراقي نهائيا ... باعتبار انو العراق بلد معتدي على سيادة الكويت

و بدورة الالعاب الاولمبية ببيروت ... منعوا العراق من المشاركة لان كانت الدورة برعاية الكويت


هذا وضع العرب دائما .. اللي لازم نطلع منو

لازم تبعدوا السياسة عن الرياضة ...
  رد مع اقتباس
قديم 18/09/2009   #10
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : محمد ابراهيم عرض المشاركة
شباب مشان بس تكون وبالصورة
انا هلئ بغض النظر عن موقفي من التطبيع .

مافيكو تفصلو الرياضة والفن والاقتصاد ومدري شو (كل هاد هوي التطبيع ) اي الله وكيلكون هاد هو التطبيع

فيلم اسرائيلي يعرض بالدول العربية هاد تطبيع

منتجات اسرائيلية بالدول العربية هاد تطبيع

تبادل ثقافي هاد تطبيع

الكتب والروايات والادب الاسرائيلي بالدول العربية هاد تطبيع

مباراة كرة قدم لفريق اسرائيلي على شاشة عربية هاد تطبيع (لعلمكون مباراة كرة القدم منتج )

، الله وكيلكون ديرو بالكون من هالنقطة لانها احد اشكال التطبيع (واذا يعني بدكون تطبعو ف ياريت يكون في فايدة وعائد راجع عليكون ) مايكون تطبيع ساذج اي " مجاني "

اهلا وسهلا بالتطبيع اذا بدكون بس تكونو مستفيدين من هالتطبيع .
على نفس المبدأ ...

وجود سفراء العرب بالامم المتحدة هو تطبيع مع اسرائيل
لان اسرائيل هي عضو بالامم المتحدة
و بأي اجتماع رح يقعد السفير الاسرائيلي بنفس القاعة اللي فيها السفراء العرب


يا مولانا .. نحنا و هني عايشين على نفس الكوكب ...


انا مع المقاطعة السياسية الشاملة ... بس ما تقدر تمنع التقاء المغنين مثلا !

تتذكر قضية عمرو واكد اللبي حصل فرصة تمثيل بال بي بي سي ...
و ما اعترضو نقاية الفنانين المصريية على فحوى البرنامج ... بس اعترضو على انه البطل اسرائيلي
  رد مع اقتباس
قديم 18/09/2009   #11
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : suryoyo عرض المشاركة
على نفس المبدأ ...

وجود سفراء العرب بالامم المتحدة هو تطبيع مع اسرائيل
لان اسرائيل هي عضو بالامم المتحدة
و بأي اجتماع رح يقعد السفير الاسرائيلي بنفس القاعة اللي فيها السفراء العرب


يا مولانا .. نحنا و هني عايشين على نفس الكوكب ...


انا مع المقاطعة السياسية الشاملة ... بس ما تقدر تمنع التقاء المغنين مثلا !

تتذكر قضية عمرو واكد اللبي حصل فرصة تمثيل بال بي بي سي ...
و ما اعترضو نقاية الفنانين المصريية على فحوى البرنامج ... بس اعترضو على انه البطل اسرائيلي
روح العب غيرها ، بتعرف ليش ؟ لاني قلت بغض النظر عن موقفي من التطبيع
الله وكيلك ما قلت رئيي بالتطبيع ، انا كنت بوضح الصورة .

معلومة للتاريخ احب اذكرها دول عربية كانت بعصبة الامم قبل ما تيجي عصابات الصهاينة لتنشئ دولة اسرائيل على الارض العربية . مثلا مصر كانت بعصبة الامم سنة 1937 . كيف بدك تترك مكانك اللي انت فيه قبل ما يسرقو هننى الارض اصلا !! طبعا عصبة الامم صارت الامم المتحدة وايضا الدول العربية كانت اعضاء قبل سرقة الارض وقيام اسرائيل . منطقك غير سليم تماما .
  رد مع اقتباس
قديم 18/09/2009   #12
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : محمد ابراهيم عرض المشاركة
روح العب غيرها ، بتعرف ليش ؟ لاني قلت بغض النظر عن موقفي من التطبيع
الله وكيلك ما قلت رئيي بالتطبيع ، انا كنت بوضح الصورة .
مولانا ... شو بك ... ما قلت انت مع او ضد .. و لا اريد اطلعك غلطان

انا حطيت وجهة نظر بناءا على مفهوم التطبيع اللي حطيتو ..


اقتباس:
معلومة للتاريخ احب اذكرها دول عربية كانت بعصبة الامم قبل ما تيجي عصابات الصهاينة لتنشئ دولة اسرائيل على الارض العربية . مثلا مصر كانت بعصبة الامم سنة 1937 . كيف بدك تترك مكانك اللي انت فيه قبل ما يسرقو هننى الارض اصلا !! طبعا عصبة الامم صارت الامم المتحدة وايضا الدول العربية كانت اعضاء قبل سرقة الارض وقيام اسرائيل . منطقك غير سليم تماما .
عزيزي .. الامم المتحدة تأسست 1945 ...

و الكيان الصهويني سنة 1948 ... هي حقك فيها


بس انا حكيت مبدأ ...

انو اذا التطبيق الثقافي يشمل كرة القدم ... (منتج اسرائيلي)

معناها وجود السفير الاسرائيلي بنفس القاعة اللي فيها السفير العربي ... يعتبر تطبيع

وجود العرب بنفس المنظمة اللي اسرائيل فيها (بغض النظر عن التاريخ) ... شو يعني ؟

اقتباس:
منطقك غير سليم تماما .
خلينا نشوف شو هو المنطق ؟
  رد مع اقتباس
قديم 18/09/2009   #13
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : suryoyo عرض المشاركة
مولانا ... شو بك ... ما قلت انت مع او ضد .. و لا اريد اطلعك غلطان

انا حطيت وجهة نظر بناءا على مفهوم التطبيع اللي حطيتو ..
ارتفاع درجة الحرارة رشح احتقان بالزور "اعراض انفلونزا الحمير" هاذا ردا على شو بك

يا معلمي الرأي مافيه صح وغلط الرأي مو معلومة تحتمل الصدق والكذب وبناءا عليه انا متيقن انك ما كنت تريد تطلعني غلطان (انا بس كنت اقصد على المقارنة والمنطق الغير سليم ) روح العب غيرها يعني اعمل محاولة جديدة .


اقتباس:
عزيزي .. الامم المتحدة تأسست 1945 ...

و الكيان الصهويني سنة 1948 ... هي حقك فيها


بس انا حكيت مبدأ ...

انو اذا التطبيق الثقافي يشمل كرة القدم ... (منتج اسرائيلي)

معناها وجود السفير الاسرائيلي بنفس القاعة اللي فيها السفير العربي ... يعتبر تطبيع

وجود العرب بنفس المنظمة اللي اسرائيل فيها (بغض النظر عن التاريخ) ... شو يعني ؟


خلينا نشوف شو هو المنطق ؟
وحدة وحدة معايا
انا بدي قول ان اذا وجودك سبق وجود اسرائيل بمكان فهون مو من حقك تترك هالمكان (انا هيك بفكر وهاي فلسفتي ) يعني اذا كنت عايش بجزيرة واق الواق واجى واحد اسرائيلي بالبيت اللي جنبي يسكن جديد ، مارح اترك بيتي مشان هو اجى ، انما لو العكس بيكون الموقف مغاير .
هذه اول وحدة "اللي هي ان الدول العربية وجودها بالامم المتحدة ومن قبلها عصبة الامم سابق على وجود اسرائيل كدولة .
تاني وحدة بقا .
مو معنى ان تواجد السفير الاسرائيلي بنفس القاعة الموجود فيها سفير اي دولة عربية تطبيع ابدا ، لان كل سفير فيهم موجود كممثل لدولته لتحقيق مصالحها الخاصة وليس كنوع من التبادل الديبلوماسي او التعاون السياسي .

والا أصبح تواجد اليهود "الاسرائيليين " بمؤتمر حوار الاديان باسبانيا تطبيع لانهم تواجدو مع العرب "المسلمين والمسيحيين" هناك !!
انك تتواجد بقاعة او تحت مظلة نظام او كيان هذا ليس تطبيعا.
هل التفاوض السوري الاسرائيلي للوصول الى سلام عبر وسيط تركي تطبيع ؟ السلام بحد ذاته ليس تطبيع لعلمك .
هذا هو المنطق السليم .

على كل حال القول الفاصل ، اين مصلحة العربي؟ لماذا يظل العربي اغبى مخلوقات الارض ؟
اذا ارادت اسرائيل التطبيع فعليها ان تدفع التكلفة ( لتكن التكلفة ارضا او موارد طبيعية او مال او اي شيئ) المهم لايجب ان تحصل على التطبيع مجانا (انشالله حتى لو كانت مباراة كرة قدم ) لازم يكون مقابلها تكلفة على اسرائيل ومكسب للعربي . والا ظل حمار العربي وناقته اكثر فهما منه . اخي هذا ما تعلمته بادارة الاعمال والاقتصاد الذي قام على اسهامات الغربيين وليست مشكلتي ان العرب لا يفقهون ولا يعترفون بعلوم الغرب .
  رد مع اقتباس
قديم 18/09/2009   #14
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


هلق انا ضد نقل مباراة للفريق الاسرائيلي
بس بلكي بشروط العقد لازم تنقل كل المباريات
انا ماقدرت قريت كل التعليقات بس حدا يوضحلي هالنقطة بالمختصر المفيد

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 18/09/2009   #15
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : بنفسجة عرض المشاركة
هلق انا ضد نقل مباراة للفريق الاسرائيلي
بس بلكي بشروط العقد لازم تنقل كل المباريات
انا ماقدرت قريت كل التعليقات بس حدا يوضحلي هالنقطة بالمختصر المفيد
اي بشروط العقد ... لازم ينقلوا كل المباريات ..

و احتمال اذا ما قبلو ... تروح عليهم ...
  رد مع اقتباس
قديم 19/09/2009   #16
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


يللي تابع المباريات عالجزيرة .. بيعرف أنو الجزيرة كانت مجبرة تنقل المباراة
حتى بتقديم المباريات .. قالو رح نتابع مباراة بايرن ميونخ عالجزيرة الرياضية 8+


بالنسبة للتعليق .. هني ما استعانو بمعلق انكليزي لأنو التعليق الانكليزي موجود على جميع المباريات ( بخيارات اللغة )..
بس بهالمباراة غاب التعليق العربي


بالنهاية .. أنا لو اني من مشجعي الفريق الالماني كنت رح تابع المباراة إذا مو عالجزيرة .. فـ على غيرها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 19/09/2009   #17
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


اقتباس:
كاتب النص الأصلي : suryoyo عرض المشاركة
اي بشروط العقد ... لازم ينقلوا كل المباريات ..

و احتمال اذا ما قبلو ... تروح عليهم ...
اي هيك اختلف الوضع تماما يعني ما بيقدرو يخالفو القانون تبع الفيفا
ويبقى يلي مقاطع لايحضر المباراة
  رد مع اقتباس
قديم 19/09/2009   #18
شب و شيخ الشباب توم و جيري
عضو
-- زعيـــــــم --
 
الصورة الرمزية لـ توم و جيري
توم و جيري is offline
 
نورنا ب:
Nov 2008
المطرح:
syria
مشاركات:
1,309

إرسال خطاب MSN إلى توم و جيري
افتراضي


ايمن جادة قال مباراة البايرن ميونخ عالقناة بلس 8 وما جاب سيرة الفريق الاسرائيلي ..
والتعليق مانو عربي مع انو التخصص الوحيد للغة الانكليزية هوي ال بلس 3 ..
وبشروط العقد لازم تنقل جميع المباريات لهيك وصلت القنوات من الواحد ل 8 مشفرة ..
اول دعاية شفنا بلس عشرة بس اكتفو بال 8 ..

أحتاج إلى عاصفة...
تنسيني آثار السكون...
وأنتِ يا سمراءُ عاصفتي
...معذبتي .. قاتلتي..
يا جميلة العيون
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 14:34 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16407 seconds with 11 queries