ليبرمان: هل ننسحب من الجولان لنحتله

[رجل من ورق]

جدد وزير الخارجية الإسرائيلي أفيغدور ليبرمان رفضه الانسحاب من هضبة الجولان المحتلة في مقابل التوصل إلى اتفاق سلام مع سوريا.
وقال ليبرمان إنه «لزام علينا ترجيح الرأي بصورة معقولة، فأنا أؤيد السلام مع سوريا لكن شرط أن يكون هذا مقابل السلام وليس مقابل هضبة الجولان».
وأضاف أن مساحة «هضبة الجولان كلها هي 1200 كيلومتر مربع ويوجد هناك 20 ألف درزي وهذا ليس بالأمر المصيري بالنسبة لســوريا». وتابع أن الرئيــس الســوري بشار «الأسد يقول إنه لن يوقف العلاقة مع إيران ولن يغــلق مكـاتب حــماس والجهاد (الإسـلامي) في أعــقاب اتفاق ســلام، فإذا كانوا يريدون أن ننسحب من الجولان فقـط، ولنفترض أننا سنعــطي الجولان لسوريا وهم يستــمرون في تزويد السلاح، هل نحتل الجولان ثانية؟».
(يو بي أي)
السفير

[jovia]

بدي افهم ليش سوريا عم تطالب بالجولان شو هالبساطة والاريحية يلي حترجع فيها الجولان بكل سهولة الهون...
انا مني وعليي بقول ما حترجع والسما زرقا ...حاجة يعزبو حناجرون ويضحكو العالم علينا

[Nihal Atsiz]

بكلام آخر:
يعني اذا الجولان صاير منتجع سياحي للجنود الاسرائيليين وجماعتنا خزيت العين ما عم يخلو حمامة تمر من الحدود , اذااا لماذا لينسحبوا منه؟

[jovia]

وع قولة نتنياهو لن تنالو ايها السوريون الجولان على طبق من فضة ؟؟

[marochka]

بس إذا اسرائيل مو ملاقية حالا مضطرة ترد الجولان، فليش كل يوم والتاني بيرجعو بيحكو بسيرتو؟ يعني كترة النفي تبعون غريبة شوي

[jovia]

لا مروشكة سمحيلي قلك انو مو هني للي عم يفتحو سيرة الجولان عالطالعة والنازلة بل السوريين كلما قامو ايدون عن اجرون بيقولو الجولان طيب ازا انتو ما حتعطون شي بالمقابل يعني ليش لتفتحو سيرة الجولان من الاساس مافي شي مقابل ما لح تاخدوها ع اريحية بال

[marochka]

كيف ما في مقابل؟ شو حزب الله عم يتسلح لحالو؟ ولا خالد مشعل عم يصيف بالشام، ما المفاوضات بتشمل الشباب كلن أشّة لفة

[jovia]

اي اي صح بس سورياة مستحيل انو تتنازل عن هالشباب اشة لفة لذلك كل حكيها ومفاوضاتها بالهوى وبدها بالمقابل تاخد الجولان بلا ولا مقابل

[marochka]

ما عم قول رح تتنازل عنن، بس هي الجبهات المفتوحة اللي عم تضغط فيها على اسرائيل ومشان هيك السوريين بيصرو على تلازم المسارات، يعني حل شامل بيشمل الأزمة كلا

[عياش]

كاتب النص الأصلي : jovia

اي اي صح بس سورياة مستحيل انو تتنازل عن هالشباب اشة لفة لذلك كل حكيها ومفاوضاتها بالهوى وبدها بالمقابل تاخد الجولان بلا ولا مقابل

لا أبدا هي مانا قراءة صحيحة للسياسة السورية، لو بترجعي للتاريخ القريب جدا بتشوفي إنو سياسة حافة الهاوية هي الغالبة مو سياسة الهاوية. ومفهوم الانحناء للعاصفة بدل التعنت المتهور موجود بالسياسة السورية.

[memo dark death]

انشاء الله ترجع يارب بس مابدنا حكي بدنا شي اكيد بس انا بتوقع ان اسرائيل مش راح ترجع الجولان هيك دون مقابل

[achelious]

عم يحكي منطق الزلمة .. اسمعولو !

[jovia]

كاتب النص الأصلي : عياش

لا أبدا هي مانا قراءة صحيحة للسياسة السورية، لو بترجعي للتاريخ القريب جدا بتشوفي إنو سياسة حافة الهاوية هي الغالبة مو سياسة الهاوية. ومفهوم الانحناء للعاصفة بدل التعنت المتهور موجود بالسياسة السورية.

يعني انسى هالقراءة ان كانت صحيحة ولا لا ... ازا شفت الموقف السوري ع لسان الافندي المعلم بعدما سمعو كلام نتنياهو لما قلون ما حتاخدوها ع طبق من فضة رجع رد عليه بوقاحة انو مبلى لح ناخدها ع طبق من فضى وطالما في اسرائل ما حيكون في سلام انا هيك سمعت وشفت يعني مبينة سياسة نافخة حالها بالمنفاخ عالفاضي وبدون الجولان بلا مقابل لانو ما في مجال يألعو لا حزب الله ولا يقطعو علاقتون بايران ولا حتى يعملو اي شي ضد مصالحون الاقليمية ف شو الحل قلي لشوف ؟؟

[DARKNESS]

انو شو هالحلم الكبير

مستحيل يرجع الجولان

انسى يا شيخ

اللي برجع الجولان هوي الصواريخ و الدبابات و الكيماوي مو المفاوضات

[SelavI]

الي بستغني عن حديقة بيتو

ما عندو مشكلة يستغني عن بيتو كلو بعدين ...