سوريا بلد الأمان

[abo aljoud]

سوريا بلد الأمان

نسمع كثيرا عن بلد الأمن والأمان سوريا بلد الصمود والتصدي (وبصراحة راسنا صدى من هالتصدي المصدي) ، المهم يا سادتي الأمان ببلدنا شبهته بالأسرة الآمنة ؟؟؟؟؟؟؟التي يتحكم بها سي السيد بكل صغيرة وكبيرة فلا تسمع صوتا بالبيت لا مشاكل ولا يحزنون لأن سي السيد ممسك بمفاصل الحياة فهو الآمر الناهي المتسلط القادر المقتدر العالي المتعالي الذي لا يعلوه شيء ، لكنه لايعلم ان كل من في البيت يرجون الله ان يأخذه بليلة مظلمة ليرتاحوا من هذه الدكتاتورية وهذا الأمان المزيف وبالمناسبة قد يكون يعلم برجائهم من الله لكن الكبر والغرور والسادية اقنعته بأنه لايقهر .............هذا هو الأمان في بلدنا ........
لكن دعوني أناقض نفسي قليلا فأي أمان هذا الذي تتحدثون عنه ،بالرغم من كل التسلط والقهر والاذلال فأنه لايوجد أمان ولا يحزنون ، كل يوم جريمة قتل ونصب واحتيال وتشبيح وتشبييييييييييييييييييح ....وغيره الكثير.....لكن الى متى هذا القهر اما آن لليل أن ينجلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[رجل من ورق]

لايوجد أمان ولا يحزنون ، كل يوم جريمة قتل ونصب واحتيال وتشبيح وتشبييييييييييييييييييح

يلي بيسمعك بيقول معدل حدوث الجرائم بالبلد جريمة كل ثانية

[abo aljoud]

كاتب النص الأصلي : رجل من ورق

يلي بيسمعك بيقول معدل حدوث الجرائم بالبلد جريمة كل ثانية

يعني لازم كل ثانية جريمة حتى ندور ع الأمان الحقيقي .....تحياتي وشكرا لمرورك....

[nour333]

كاتب النص الأصلي : abo aljoud

سوريا بلد الأمان

لكن دعوني أناقض نفسي قليلا فأي أمان هذا الذي تتحدثون عنه ،بالرغم من كل التسلط والقهر والاذلال فأنه لايوجد أمان ولا يحزنون ، كل يوم جريمة قتل ونصب واحتيال وتشبيح وتشبييييييييييييييييييح ....وغيره الكثير.....لكن الى متى هذا القهر اما آن لليل أن ينجلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

اولا هدي اعصابك شوي
بعدين انت عم تقارن سوريا باليوتوبيا (المدينه الفاضلة اللي حلم فيها افلاطون)
او عم تقارنها بدول هالعالم
ازا بتقارنها بالاولى والله معك حق ما بنقعد بالبلد وازا بيصحلك تسافر ع المدينه الفاضلة وتحصل ع الجنسية بتكون امك داعيتلك
اما سوريا كبلد حقيقي هو كغيرو من البلدان عندو ايجابياتو وسلبياتو ومشكلتو اقتصادية كأي بلد عربي والخروج من هيك مشكلة مو مسؤولية الحكومات متل ما بنفكر كمان نحنا الشعوب علينا مسؤولية ولتعرف شو الشعوب عملت شوف المانيا واليابان اللي طلعو من الحرب العالمية الثانية
اما الجريمة شي رح يضل باقي ما دام الجنس البشري موجود والحياة قائمة على التوازن بين الخير والشر

[abo aljoud]

[quote=nour333;1265360]اولا هدي اعصابك شوي
بعدين انت عم تقارن سوريا باليوتوبيا (المدينه الفاضلة اللي حلم فيها افلاطون)
تحياتي وشكرا لأهتمامك انا ما عم دور ع المدينة الفاضلة بس بدي بلدي بدون واسطة ومحسوبيات يعني المجرم لازم يتعاقب مين ما كان ما بدنا ناس فوق القانون وبدنا التشبيح يوقف لأنو ملينا بدنا بلدنا تصير بلد
ومثال بسيط روحو ع موقع عكس السير شوفو اللي عم يصير شوفو الشباب اللي اعتدوا ع طفلة وبعدن أحرار لأنن ولاد مسؤلين وبالنهاية هادي بلدي ما في أحلى منا بس لازم نحاول نحكي ع المشاكل اللي عم تصير بركي ما بتتكرر تحياتي

[رجل من ورق]

اشرحلي شو يعني الامان الحقيقي؟

[abo aljoud]

كاتب النص الأصلي : رجل من ورق

اشرحلي شو يعني الامان الحقيقي؟

الأمان انك تشعر حالك ببلد القانون فوق الكل ما يطبق ع الفقير بس .
الأمان انو اذا شي مسؤول أو ابن المسؤول أوشوفير المسؤول غلط يحقلي انا انت نحاسبو ..........وكمل من عندك.
تحياتي......

[zen]

انو كانو انت مختلط عليك الأمر بقصة الأمان
هلق انا معك انو كلنا منتمنى نعيش بدولة القانون
انت حكيت عن قصة وعنوان موضوعك شي تاني
المهم مشان الامان
معليش يعني ما بقدر قول الا انو جد بمشي باي وقت وانا مطمن
يعني اسمحلي ومع انو ما بتجوز المقارنة فينا نقول انو لبنان
الجواب أكيد لاء
يعني اللي بدي قولوا
انو الامان هوي انو نحنا عنا الحكومة ماسكة زمام الامور بشكل رهيب أمنيا لدرجة انو قليل ليصير اختراق
انو يجيلك واحد من القاعد ويفجر حالو باسم الاسلام بكام واحد من المواطنين الكفار هي ما بتصير عنا كتير
ومتل ما قلتلك انو انت عنوان موضوع شي واللي المضمون شي تاني متل ما انا شايف

[Abu ToNi]

كاتب النص الأصلي : abo aljoud

الأمان انك تشعر حالك ببلد القانون فوق الكل ما يطبق ع الفقير بس .
الأمان انو اذا شي مسؤول أو ابن المسؤول أوشوفير المسؤول غلط يحقلي انا انت نحاسبو ..........وكمل من عندك.
تحياتي......

على علمي هي اسمها مساواة واحترام سيادة القانون

[wile]

لك والله سوريااااااااااااااااااااا اااااااا الحبيبة هي بلد الأمان
لك أن قاعد بالسعودية وعم شوف وإسمع قصص يندى لها الجبين

يعني أبي صار مسروق منوه 3 جوالات وعمارتنا نط عليها حرامية لتقول بس ولكن دائما عم بنكشفو ويهربو قبل ما يصير شي ولله الحمد وسيارتنا صارت مسروقة شي 5 مرات بيفحطوا فيها لتنتزع وبيتركوها وبيمشو وسرقو مسجلة أالسيارة شي 100 مرة-الرقم مبالغ فيه-هي عدا عن حرامي نط على بيت عنا بالحارة مافي غير مرأة ورجالها الي كان بالشغل ولكنها نفدت وهربت من البيت وعدا عن حرامي مسكو كان متخبي بالسطح وعم يستنى اللحظة المناسبة و .. و .... إلخ

الله وكيلك سوريا مافي أحلى منها

[abo aljoud]

يا جماعة حاولوا تميزوا بين الأمن والأمان..............

[Abu ToNi]

كاتب النص الأصلي : abo aljoud

يا جماعة حاولوا تميزوا بين الأمن والأمان..............

بسوريا مافي تمييز للأسف
الأمن هوي المصدر الوحيد للأمان .. برجع بقول للأسف
اذا عم نحكي على مستوى التشنجات الطائفية والعرقية والسلطة العشائرية والانتماءات الاثنية بيبقى الأمان العايشين فيه باللحظة هي سببه وجود الأمن بالمرتبة ، غياب الأمن بالوضع الحالي رح يجرنا لأحداث مأساوية ومشاكل ما بقدر اتخيلها .

اما على مشاكل أحداث السرقة المسلحة والاغتصاب والتحرشات فهي مافينك تمحيها من عقلية المجتمع بشكل كامل لو شو ما عملت وشو ماكانت المرحلة المتقدمة اللي واصلها سكان الشعب بيبقى في للأحداث المناسبة وجود من الفترة والتانية .

[abo aljoud]

كاتب النص الأصلي : Abu ToNi

بسوريا مافي تمييز للأسف
الأمن هوي المصدر الوحيد للأمان .. برجع بقول للأسف
اذا عم نحكي على مستوى التشنجات الطائفية والعرقية والسلطة العشائرية والانتماءات الاثنية

االأخ أبو طوني :ليش حتى يكون عنا ما في تمييز .
تانيا ما بعتقد الأمن مصدر للأمان قد يكون خطوة نحو الأمان
تالتا بعتقد بلدنا والحمد لله من أقل البلدان التي تحوي تشنجات طائفية وعرقية
أما وجهة نظري المتواضعة فان الأمن ينقسم الى أمن الدول(هون ببصم انو ماشي الحال ) وأمن الأفراد (وهون نص نص )أما الأمان فانه يتضمن أمن الأفراد والعدالة الإجتماعية والمساواة وعدم الخوف ع لقمة الغد وتطبيق القانون يعلو ولا يعلى عليه
و أمور كثيرة لاأجد مجال لذكرها الآن لكن انشاء الله ساكتب مقالا مفصلا قريبا
وبالنهاية تلك عبارة عن وجهات نظر قد نتفق أو نختلف المهم ان مصلحتنا الأولى هي سوريا
تحياتي

[wile]

والله يا جماعة بما إني ما بشوف سوريا غير 3 أشهر بالسنة فبعتقد إنكن بتعرفو ها أكتر مني..مو هيك؟؟؟

[Nihal Atsiz]

سوريا بلد لا يوجد فيه أمان على الاطلاق, والأمان الذي اقصده هو شعور النفس بالطمأنينة والراحة وليس موضوع الانفجارات والسرقات وغيرها من الجنايات الموجودة في كل المجتمعات دون استثناء.
كيف ندعي الامان اذا كنا لا نستطيع ان نتصفح مواقع المعارضة على الانترنت من داخل البيت بل نضطر للذهاب الى المقاهي, كيف نشعر بالامان اذا كان كل من ينتقد النظام السياسي السوري يحاكم بتهمة اضعاف الشعور القومي, كيف نشعر بالامان اذا كانت البلد مليئة بكتاب التقارير من بائع الورود والبشار وبويجي الاحذية وشفير التكسي وحتى زميلك بالجامعة.
لا أمان الا بالتخلص من جراثيم البعث الأسدي الى الابد.

[ابو نجبو]

القانون بدون توعية و اصلاح نفسية وعقلية الانسان بيصير حقو .....فرنك

[zen]

كاتب النص الأصلي : abo aljoud

ا
تالتا بعتقد بلدنا والحمد لله من أقل البلدان التي تحوي تشنجات طائفية وعرقية

برأيك ليش ؟؟
هلاء انا بقلك انو معك حق من ناحية الأمان
بس يعني لما راح نوصل لقصة تطبيق الأمان ما راح يطبق معنا
لأسباب كتيرة
منها انو البني أدمين عنا تعودوااا ع الضهر اللي ساند ألهون والواسطة والرشوة
الموضوع اللي عم تحكي عنو بدوو شغل كتير أكبر من تخيلاتنا
بس بتمنى انو نبدا بهالشي

[abo aljoud]

[quote=Nihal Atsiz;1266502]لا أمان الا بالتخلص من جراثيم البعث الأسدي الى الابد.[

أخ نهال بدك تطول بالك شوي يعني العراقية عملوا هيك وشايفين شو عم يصير نحنا لازم نكون أوعى منن ونشتغل بطريقة حضارية ، اذا الحكام عنا ما متحضرين ما بصير نكون متلن......