|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
| عرض نتيجة التصويت: ايا نوع افضل و بيتحمل دعك اكتر ؟ | |||
| Toshiba |
  
|
7 | 50.00% |
| HP |
  
|
0 | 0% |
| asus |
  
|
0 | 0% |
| dell |
  
|
4 | 28.57% |
| acer |
  
|
3 | 21.43% |
| المشاركون بالتصويت: 14. لا .. مافيك اتصوت بهال الإستفتاء | |||
 |
|
|
أدوات الموضوع |
23/01/2009
|
#1 | ||||||
|
مشرف متقاعد
|
مساعدة يا شباب ... جماعة الكمبيوترجية ....
يا شباب انا عندي مشكلة كبيرة ... وقعان فيها ...
 هم ... مصيبة ... كارثة انسانية ..... ديزاستر ... فاجعة ....  لك صرلي كم يوم عم افتل بالسوق ... بدي اشتري لابتوب ... ماشالله التجار هون بيفوتو الله بالحيط ....  شي بيقعد يمدحلي بال hp وشي يمدحولي بالتوشيبا ... وشي يضربو بال asus وفي كتيرين خوفوني من انو في بعض اللابتوبات واكتر شي الاتش بي عم يجو معاد تصنيعهم ... هلق انا راصد مبلغ 40- 45 ألف ... انا اخر شي عجبني واحد dell مواصفاتو عجبتني ... في حدا بيقدر ينصحنا بشي معين ... لأنو عم فكر بكرا او بعد بكرا بالكتير كون مشتري واحد ... 
زياد رحباني بقلبنا كلنا... كانت حفلة العمر
---------------------- يا أخي انا عالسياسة ما بقرب ... الموسيقى احلى الشي ... روااااق .. ---------------------- منحبك يا دكتور بشار .. ---------------------- jesus I trust in you.. --------------------- akhawia where the fine syrian people used to meet اخر ايامك .. |
||||||
|
|
23/01/2009
|
#2 | ||||||
|
-- مستشــــــــــار --
 |
أول اختيار توشيبا..واذا ما بدك ديلل كويس كمان
عن تجربة شخصية ..التوشيبا..الاول موفق
اللي بيتو من قزاز .....يبيعو فوراً ...أريحلو
......... غيبة السبع ...خلّت للندل هيبة ..... يعني ان لم تكن زئباً....ضروري تكون خروف..!!!! |
||||||
|
|
|
23/01/2009
|
#3 | ||||||
|
عضو
-- زعيـــــــم --
|
التوشيبا خيو لاتتردد متل مابيقولو حمار شغل (الله يكرمك)
|
||||||
|
|
|
23/01/2009
|
#4 | ||||||
|
مشرف متقاعد
|
مواصفات ال dell studio اللي شفتو :
معالج core 2 dou cantiga 2.0 رامات 3 غيغا ... up to 4 هارد 250 كرت شاشة 256 up to 1 Gega نوعو intelgraphics media accelerator 4500 mhd with intel clear video شاشة 14.1 بوصة .. كاميرا 2.0 ميغا بيكسل. والباقي كامل ... بلوتوث كارد ريدر .. hdmi s-video في لونين اسود واحمر ... ويندوز فيستا ... سعرو 44 ألف ... |
||||||
|
|
|
23/01/2009
|
#5 | ||||||
|
عضو
-- زعيـــــــم --
|
بالنسبة للمواصفات حلوة كتير بس نصيحة ابعد عن الفيستا وغنيلو
خليك عالاكس بي اذا لقيت نفس هالمواصفات بس xp توكل على الله |
||||||
|
|
|
23/01/2009
|
#6 | ||||||
|
عضو
-- قبضاي --
 |
هلأ يعني شوف
إذا عمدور عالمتانة والقوة فمالك غير التوشيبا وإذا عمدور عالأداء فمالك غير الاسوس وإذا عمدور عالرخيص مالك غير الHP اتنشاله كون فدتك خخخخخ
سوف أعلن عليك الحب
وأختم على ذاكرتي بالشمع الأحمر........ ادخلو بصمت واخرجوا بصمت حتى تنطفئ تلك الشعلة الزرقاء . |
||||||
|
|
|
23/01/2009
|
#7 | |||||||
|
عضو
-- مستشــــــــــار --
|
اقتباس:
إذا كان حبي للاردن عنصرية... فليشهد العالم اني اكبر عنصري
------------------------------- N 1 H 1>>No One Have One ماحدا لحدا >>>يا حبيبي (: |
|||||||
|
|
|
23/01/2009
|
#8 | |||||||
|
-- مستشــــــــــار --
|
اقتباس:
بس لسا أنا بنصحك بالتوشيبا |
|||||||
|
|
|
23/01/2009
|
#9 | ||||
|
عضو
-- زعيـــــــم --
|
ليك أخويي عندو acer
كتير حلو وبيستحمل دعك ( لأني أنا ألي كنت أشتغل عليه ) نصيحة كتير منيح وأي برامج بتحتاجها طلبها أنا جاهزة
مآذنُ الشّـامِ تبكـي إذ تعانقـني
و للمـآذنِ.. كالأشجارِ.. أرواحُ .... **************** ******************* ياشام اختَصرتي .. كلَّ بقاعِ الدُنيا .. بأطرافِ ياسَمينة .. أشرَقَتِ الشَمسُ .. لِتُنِيرَ بياضَها .. دِمَشقُ . suzaan.. |
||||
|
|
|
23/01/2009
|
#10 | ||||||
|
عضو
-- زعيـــــــم --
|
التوشيبا افضل شي هيك بيقولوا, أنا ما جربتو
الديل منيح بس مشكلتو موديلاتو ما بيغيروها كتير, أنا عندي ديل صرلوا 3 سنين شغال متل الفلة على كيف كيفك وعلى سيرة الويندوز حزاري من الفيستا حتى لو بدك تدفع زيادة لتحصل اكس بي فهو فرصة لا تعوض, الفيستا بيستهلك رامات قريب ال 1 غيغا حتقلي عندي 3 غيغا رح قلك بوكرة مع البرامج بيصير استهلاك كبير للرام بالقول ما حتحس بالبطء بس بعد فترة حتعاني كتير منو... والويندوز الي بدو ينزل بآخر ال 2009 قريب كتير للفيستا يعني كمان بياخد رامات كتير والإكس بي بدهون يوقفوا مبيعاتوا أو وقفوها ما بعرف بالضبط لهيك الي عندو اكس بي فهو كنز كبير أصلي عم حاكيك  وايسر أو اسوس لا تقرب عليهون بالمرة مالك مصلحة أبدا يعني مثلا الإيسر الكيباد تبعو بتحس حالك عم ادق على آلة كاتبة مو مريحة بالمرة خود من هالشوارب يا توشيبا يا ديل والإتش بي منيح بس الأفضل التوشيبا
أنا الدمَشقي لو جرحت جسدي .... لسال منه عناقيد وتفاح
|
||||||
|
|
|
24/01/2009
|
#11 | ||||
|
مشرف
|
اللابتوب عندي ياه توشيبا ... وفعلاً متين وبيحمل دعك ... لو تعرف شو مارر عليه .. منيح لساتو عايش
 وهاد بحد ذاتو كفيل أما كمبيوتر الشغل فهو dell (مش لابتوب) ... كمان منيح وما عملي مشاكل ... بس سمعت من أحدهم بأنو لابتوب الديل مش كتير منيح ولا يُنصح به الـ acer ما شفت حدا عندو ياه إلا وكان عم يعاني أما الـ HP فهيك شكلو بيعجبني أكتر من التوشيبا لأن التوشيبا هيك دبش بحسو بس متين  بالمختصر بعد كل هالحكي خود لابتوب توشيبا ... نصيحة مجرب أو HP
// وأنّ حضورك في دمي مسكُ الختام //
|
||||
|
|
|
24/01/2009
|
#12 | |||||||
|
عضو
-- أخ لهلوب --
|
اقتباس:
أديه 44 ألف ؟ بالدولار؟ انا عندي ديل مواصفاتو قريبة من هي و منتااز كتيررر جدن ,, انا بحب الديل باحسو ألطف و شغّيل ,, الحمد لله ما بيشكي من شي ما بحب التوشيبا كتير بس منيحة على حد م باسمع ! أهممم شي تقتنع فيه و تحبو 
تركني شوف الاشيا
. . وما تزكرني فيـك |
|||||||
|
|
|
24/01/2009
|
#14 | ||||||
|
مشرف متقاعد
|
شكرا للي مرو و اعطو رأيهم ...
بس انو في حدا بيقدر يعطيني مواصفات لتوشيبا ضمن هالمبلغ هاد ؟؟ شفت اقرب شي هوي Toshiba satellite a305-s6872 معالج كور 2 ديو ... 2.0 2 ميغا الكاش .. رامات 3 غيغا هارد 250 كرت شاشة intel 128 mb up to 1294 mb شاشة 15.4 بوصة .. كاميرا ... ما في بلوتوث مافي hdmi مافي s-video السعر 45 ألف |
||||||
|
|
|
24/01/2009
|
#15 | ||||||
|
مشرف متقاعد
|
وفي واحد اغلى شوي toshiba L305-s5909
intel core 2 duo 2.0/3Mb رامات 4غيغا هارد 320 كرت شاشة intel 128mb up to 1759mb شاشة 15.4 كاميرا .. مافي بلوتوث مافي s-video مافي hdmi السعر 47 ألف ... يعني لهلق الديل كسعر وحجم ... يمكن افضل شي ؟؟ والله فتت بالحيط .. |
||||||
|
|
|
24/01/2009
|
#16 | |||||||
|
عضو
-- زعيـــــــم --
|
اقتباس:
واذا شايف انو الديل انسب شي لاتتردد لانو باللابتوبات والموبايلات طول ماتفكر اكتر كل ما رح تاجل اكتر ويمكن تبطل تشتري |
|||||||
|
|
|
24/01/2009
|
#17 | ||||||
|
عضو
-- مستشــــــــــار --
|
خيو كمواطن حلبي سوري عانيت نفس مشكلتك قبل شي 4 شهور لبين ما استبينا على اللابتوب الافضل شوف شو طلع معي قبل ما اشتري :
التوشيبا : كتير منيح والعالم بتشكر منه .. بس مشكلته بالصيانة عما يعمل كتير مشاكل يعني بعد اكتر من 3 سنين صارت القطع توصل مستواها ضعيف .. يعني التوشيبا القديم ما حدا بيحكي عليه حرف بس الللي هلق عبيوصل للبلد مستواه جدا بهوي وهاد الحكي سمعته من اكتر من شخص عنده توشيبا وفضل النوع التاني بداله (( هلق بتعرف شو النوع التاني )) . الآيسر: تكنولوجيا رخيصة ، وهون رخيصة بتجي على منحيين السعر من جهة والعمر من جهة تانية فاذا بساطك قصير وبهمك تاخد لابتوب مواصفات عالية وما بهمك عمر اللابتوب خود الايسر اسوس : ما كتير ممدوح بلبلد بس العالم عبتشتريه لسبب واحد فقط انه كفالته جدا راقية ، يعني هية الكفالة الوجييييييد الفعلية اللي مش بس عقد على ورق ، فعلية تماما ، والوحيد لمدة سنتين فعلييتن وبيشمل كلشي (( طبعا باستثناء البطارية اللي كل الكفالات ما بتشملا )) بالمقارنة مع بقية الكفالات اللي هية حبر على ورق وفانسو بالمشرمحي .منجي على الاتش بي : فعليا احسن شي بالبلد من ناحية القطع والسعر .. يعني ببساطك هون على قد رجليك بكل معنى الكلمة .. بالاتش بي بتاخد لابتوب قطع متوفرة بالبلد للتصليح ، بتاخد لابتوب عمره منيح واداء عالي ـ العلة الوحيدة انك لازم تكون تعرف تمامااااا شو لازمك باللابتوب لأن بدك اتضيع بالمواصفات والاسعار اذا ما كنت عرفان بالضبط شو لازمك . منجي على الديل واللي انا بالاخير اشتريت منه لأن حسيته احسن شي ، من قبل ما كان حدا ينصح فيه لسبب وحيد فقط انه ما كان في اله كفالة بسوريا فالقطعة اذا انضربت للكب دغري يا اما كانوا يبعتوا على لبنان او سعودية للتصليح ، بس هلق صار في الها وكالة وانحلت المشكلة ، مشكلتا التانية انه غالي بالمقارنة مع بقية الاسعار يعني من ناحية الترتيب بيجيك سوني فايو بيحلقه الديل دغري . اضافة لهلشي كللللل اللابتوبات اللي بسوريا حاليا صينية الصنع (( بما فيها التوشيبا والسوني )) باستثناء ديل عبيجي ايرلندي او بولندي وهي لحالا بتخليك تريح بالك انك عبتاخد قطعة مرخصة من الاتحاد الاوروبي  بالاخير كل اللعي هاد للفاضي اذا ما كنت محدد شو هية مصرياتك وشو هوي الاستخدام اللي بدك اللابتوب يعملك ياه . هاموش : الله يرزق العالم اليوم لابتوب وامبارحة سيارة بتشيل اربعة من ورا  وبكرا جامعة خاصة .. تعا ولاااا شو سارق ؟!
رايحة تزور
كوخ مسحور |
||||||
|
|
|
24/01/2009
|
#18 | |||||||
|
عضو
-- مستشــــــــــار --
|
اقتباس:
وشبه الفيزتا مع الديل خيو !؟ ليكني منزله وكله تمام ليس عبتلعبلوا بعقله للصبي  |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 11:21 (بحسب عمك غرينتش الكبير +3)