موضوع يستحق النقاش

NEDAL-S · 08/08/2004

زمن العجايب
ليش وعلى شو وكيف معقول مابسدق بصير ممكن هيك لازم
الحب كلمة على كل لسان يسعى له كل أنسان على وجه الكرة الارضية لايتعب الانسان من قولها
تشغل العقل تحرك المشاعر تعيد للقلب نشاطه وحيويته تغير مجرى حيات المحب
الصدق الكذب الخيانة كامات تتبع الحب ما هو الحب ؟
وجدت الكذب في الحب..
وجدت الخيانة في الحب..
الصدق هه أنه بعيد ربما يوجد صدق ولاكن عندما يوجد لا يوجد الحب لأ شو بيقولو الحب
أساسه الصراحة والصدق شو هل الحكي مانظامي
لأيت أنو الحب عبارة عن كذبة صغيرة مبنية على مجموعة من الأكاذيب تجمع معاً ليصبح الحب
بلنسبة ألي قررت أترك الحب وهمومو وأتفرغ للعمل ..
فضيت رأسي من من هل الشغلات رتحت
بعد فترة عجبتني صبية حلوة مهضومة ألت شبدي فيا انا عهدت نفسي بعدم الحب
غضيت النظر عن الموضوع!
ما أدرت وأنا هلق كتير ضايع بهاد السبب عم حاول أني ما فكر فيا ماني عم بقدر..
أيه الحل....

dimozi · 08/08/2004

اقتباس:

فضيت رأسي من من هل الشغلات رتحت

اذا جد رتحت , فحاول تنسا .

انا حاولت انسا بس ما مشي الحال , لأن ذاكرتي قوية

صاير كتير عم احكي عن الحب , رح صدق حالي بعد شوي :P

yass · 08/08/2004

لك خيو هيك البني آدم طول عمرو ضايع, يوم بيقلك : الحب عمرو ما جرح!!!. و يوم بيقلك : يضرب الحب شو بيزل..
على كل تحمل خيو شو بدك تساوي؟؟؟!!!!!

NEDAL-S · 08/08/2004

الحياة صعبة

Geeny · 08/08/2004

فكرتك عن الحبّ مو غلط لأنك عم تحكي عن حبّ هالايام التافه بس الحبّ الحقيقي أبداً مانو هيك لأنو ما فيو كذب ولا غش و لا داعي للتهرب

sally · 08/08/2004

يا عمي الواحد اذا حب او ما حب ما نو مرتاح و برأيي انوانت بلا حب مو مرتاح بس مفكر حالك مرتاح(يعني اخر رواق و كيف و راحت بال)

و اذا كان رأيي غلط و انت عن جد هيك مرتاح فخليك هيك بلا حب وبلا هم

NEDAL-S · 09/08/2004

اقتباس:

فكرتك عن الحبّ مو غلط لأنك عم تحكي عن حبّ هالايام التافه بس الحبّ الحقيقي أبداً مانو هيك لأنو ما فيو كذب ولا غش و لا داعي للتهرب

ما عاد عرفان شو بدي أحكي

هل الايام كلشي جايز أولتك بيلتئ حب بمعنا الحب هل الايام

NEDAL-S · 09/08/2004

اقتباس:

يا عمي الواحد اذا حب او ما حب ما نو مرتاح و برأيي انوانت بلا حب مو مرتاح بس مفكر حالك مرتاح(يعني اخر رواق و كيف و راحت بال)
و اذا كان رأيي غلط و انت عن جد هيك مرتاح فخليك هيك بلا حب وبلا هم

هل الحكي سليم
ويمكن صرت شوي عصبي بعد هاد القرار ومحتار

وحاسس أنو قرار خطئ وبتراجع عنو
شو رأيكون أنتو

nana · 09/08/2004

بالحقيقة انا ما بأمن بشي اسمو حب و بحسون اغبياء للي بيحبو (عفون يعني ) قصدي هيدا الحب الأعمى
بس برأيي اذا عاجبتك البنت جرب ليش لا اعمل يلي بتحس انو لازم تعملو بس انا بشوفا تسلاية عم احكي عن هالفترة من العمر
لقدام ما بعرف بس اسا ما جربت هالشي يلي بيحكو العالم عليه و اكتريت الاوقات بستسخفو

NEDAL-S · 09/08/2004

اقتباس:

هالفترة من العمر

أينو عمر

HashtNasht · 09/08/2004

اي بلا حب بلا بطيخ
لولا المصالح ما حياك إنسان

architecturer · 10/08/2004

اقتباس:

كاتب النص الأصلي : hashtnasht

اي بلا حب بلا بطيخ
لولا المصالح ما حياك إنسان

درر يا أبو نهلة

وبشان الحب

بكرا حتدفعو التمن للدنيا و الأيام

dimozi · 10/08/2004

اقتباس:

بالحقيقة انا ما بأمن بشي اسمو حب و بحسون اغبياء للي بيحبو (عفون يعني ) قصدي هيدا الحب الأعمى
بس برأيي اذا عاجبتك البنت جرب ليش لا اعمل يلي بتحس انو لازم تعملو بس انا بشوفا تسلاية عم احكي عن هالفترة من العمر
لقدام ما بعرف بس اسا ما جربت هالشي يلي بيحكو العالم عليه و اكتريت الاوقات بستسخفو

عنجد صدمتيني , يعني اذا كان الوضع عندك تسلاي بس فيمكن انتي ما وصلتي لحالة الحب , يمكن اكتر شي وصلتيلو هو الاعجاب ..... و في فرق كبير .
الحب ما هو طلعة و فوتي مع شخص عاجبنا ...او شفتك بالحارة و رحت وقفت معك... او كلام ضحك ....... الحب هو انو تربطي مصيرك بمصير الانسان اللي بتحبيه ........ انو يكون هدفك تقضي بقية عمرك معو ...... تختيري معو.

ما بعرف بتمنى تعرفي ها الشعور لان انا بحس اكبر جريمة انو نتمسخر على مشاعر الناس مهما كانت بنظرنا سخيفة , الانسان بالاخر هو مجموع المشاعر اللي بيحسا كل حياتو ....... هاد هو الانسان.

Geeny · 10/08/2004

أنا معك لأنو ما لازم نستخف بمشاعر الناس
انت يا أستاذ استخفيت بمشاعري

قال يعني مشان الوطن

nana · 10/08/2004

اقتباس:

كاتب النص الأصلي : dimozi

اقتباس:

بالحقيقة انا ما بأمن بشي اسمو حب و بحسون اغبياء للي بيحبو (عفون يعني ) قصدي هيدا الحب الأعمى
بس برأيي اذا عاجبتك البنت جرب ليش لا اعمل يلي بتحس انو لازم تعملو بس انا بشوفا تسلاية عم احكي عن هالفترة من العمر
لقدام ما بعرف بس اسا ما جربت هالشي يلي بيحكو العالم عليه و اكتريت الاوقات بستسخفو

عنجد صدمتيني , يعني اذا كان الوضع عندك تسلاي بس فيمكن انتي ما وصلتي لحالة الحب , يمكن اكتر شي وصلتيلو هو الاعجاب ..... و في فرق كبير .
الحب ما هو طلعة و فوتي مع شخص عاجبنا ...او شفتك بالحارة و رحت وقفت معك... او كلام ضحك ....... الحب هو انو تربطي مصيرك بمصير الانسان اللي بتحبيه ........ انو يكون هدفك تقضي بقية عمرك معو ...... تختيري معو.

ما بعرف بتمنى تعرفي ها الشعور لان انا بحس اكبر جريمة انو نتمسخر على مشاعر الناس مهما كانت بنظرنا سخيفة , الانسان بالاخر هو مجموع المشاعر اللي بيحسا كل حياتو ....... هاد هو الانسان.

حلو هالحكي كتير انا بعرف و قلتا انو اسا ما جربت و انو ما وصلت لحالة الحب يلي عم تحكي عنا بس اذا ما بامن فيا كيف بدي اسمح لحالي انو وصل عليا ؟؟!!
انا كنت عم احكي عن هالفترة من العمر قصدي متل عمري 17 او 18و اصغرو اسا يعني فترة اول الشباب وهلئ ماني مستعدة اربط مصيري بولا مصير حدا تاني
و بعتقد انو قبل الحب لازم يكون في ثقة و انا ما بوثق بأي حدا حاليا فكيف بدي حب واحد! ما قادرة
و انا ما بتمسخر على حدا بس بيني و بين حالي بستخف ب هالوهم
واسلموا استاذ ديموزي

dimozi · 10/08/2004

اقتباس:

حلو هالحكي كتير انا بعرف و قلتا انو اسا ما جربت و انو ما وصلت لحالة الحب يلي عم تحكي عنا بس اذا ما بامن فيا كيف بدي اسمح لحالي انو وصل عليا ؟؟!!
انا كنت عم احكي عن هالفترة من العمر قصدي متل عمري 17 او 18و اصغرو اسا يعني فترة اول الشباب وهلئ ماني مستعدة اربط مصيري بولا مصير حدا تاني
و بعتقد انو قبل الحب لازم يكون في ثقة و انا ما بوثق بأي حدا حاليا فكيف بدي حب واحد! ما قادرة
و انا ما بتمسخر على حدا بس بيني و بين حالي بستخف ب هالوهم

يعني ما بعرف ..... اللي فهمتوا من حكيك انو انتي بتحبي بعقلك ما بقلبك .
بصراحة انتي بجوز من النوع من الناس اللي بتفكر كتير بعقلا بها الامور لهيك ممكن ما تستمتعي بالموضوع , او تشوفيه وهم , على فكرة هيك اريحلك بكتير , خصوصا مع الوقت ما بتتعذبي بالمرة , بس الله يساعد اللي بدوا يحبك , عنجد بدو يموت و ما رح تحسي فيه.

انشالله لا ........... يعني بكرا مع الايام تجي تقوليلي ..... ديموزي انا غرقاني لشوشتي و هو مانو حاسس

dimozi · 10/08/2004

اقتباس:

انت يا أستاذ استخفيت بمشاعري قال يعني مشان الوطن

اقتباس:

Why does a rose represent love, a rose always dies?

Roses do not represent Love , a beating heart does

و أسلمي دوموازيل نانا

nana · 10/08/2004

اقتباس:

كاتب النص الأصلي : dimozi

يعني ما بعرف ..... اللي فهمتوا من حكيك انو انتي بتحبي بعقلك ما بقلبك .
بصراحة انتي بجوز من النوع من الناس اللي بتفكر كتير بعقلا بها الامور لهيك ممكن ما تستمتعي بالموضوع , او تشوفيه وهم , على فكرة هيك اريحلك بكتير , خصوصا مع الوقت ما بتتعذبي بالمرة , بس الله يساعد اللي بدوا يحبك , عنجد بدو يموت و ما رح تحسي فيه.

انشالله لا ........... يعني بكرا مع الايام تجي تقوليلي ..... ديموزي انا غرقاني لشوشتي و هو مانو حاسس

قبل اخر جملة ما زبطت معك لانو ما بعتقد انّا صح بالمرة
و حاسة انو بس انت و انت عم نحكي هون منكملو عالمسنجر للموضوع اوكي؟
و اذا بدو يموت يلي بيحبني اييييي تلات ارباع العالم بيروحو فيا :P :P (بحب كون واثقة بنفسي)
عم امزح يا جماعة