رأيك بالاستفتاء..

[saba n]

في حال انك تملك الحق في التصويت في انتخابات نيابية..ولديك شك ان نتائج هذه الانتخابات معرضة للتزوير..
فهل :_
1/تصر على ان تذهب للادلاء بصوتك على اعتبار انك لاتود التفريط في حقك الانتخابي..ولا تريد منح الاخرين الفرصة لاستغلال صوتك...
2/تمتنع عن التصويت على اعتبار ان مشاركتك في هذا الاستفتاء يعطي شرعية له..وللتزوير الذي سيحصل على الاغلب..

[yass]

أوووه.. موضوع حلو


هو الحالة فعلا محيرة.. مفرق طرق يعني... فبعتقد حسب الحالة رح اتصرّف.. تفرق لما يكون انتخابات ببلد ديمقراطي عادة لكن ممكن يكون يصير شي بسبب ضعف أجهزة الدولة أو لسبب ما.. ساعتا بصوّت..

لكن اذا انتخابات مفروغ منها من طراز هداك المطرح اللي نعرفو .. أو انتخابات جمهوريات أفريقيا هدول المهزلة.. فطبعا هاي مهزلة.. و المشاركة فيها اضفاء شرعية لهالمهزلة..

كتجربة شخصية مع الانتخابات الحرة فيني قول انو دائما بشارك بكل انتخاب موجود.. صرلي 6 سنين عندي حق انتخاب و ما غبت عن انتخاب.. من مجلس الطلبة للهيئة التدريسية لعمادة الكلية لرئاسة الجامعة.. مرورا بالانتخابات المحلية و الاقليمية و النيابية العامة و لمجلس الشيوخ و انتهاءا بانتخابات البرلمان الأوربي.. و فيني عادة انو اللي بعرفو ما بيروح ينتخب ابهدلو.. انو عن جد أكتر من مرة أكلت رد من طراز (شو دخلك؟ أو عدم الانتخاب كمان ديمقراطية) لكن ما بقدر ما ابهدل.. جلدي يحكني.. لأنو دايما بحكيلهون انو تعرفو كم مية مليون نسمة بالعالم ما عندون هالحق؟ يعني بعتبر "كمثال مجازي" انو عدم الانتخاب بدولة ديمقراطية متل كب الأكل عالزبالة.. في جوعانين كتير بالعالم..

هلأ بأعراف الانتخاب في مفاهيم أو معاني لشو بتعمل... و هي التالية:

- انك ما تنتخب ... بيصير متل حالتنا اللي حكيتا فوق.. انو تعتبر لسبب ما هالانتخاب مهزلة, أو ما تؤمن بالديمقراطية .. لكن كمان في ناس من البطر ما تروح.. يا متكاسل, يا ما مهتم.. يا ما بيعنيه.. هالنوع بكرههون.. ليش؟ لأنو هنن ساعة يصير شي أو أي اجراء هنن أول الناس اللي يحتجو.. و بعتقد انو ازا ما كلفت حالك تروح تنتخب ما بيطلعلك تحكي كتير.

- انك تنتخب ..

- انو مثلا انت موافق عالديمقراطية و بتشارك بالعملية الانتخابية و تدعم هالشي... لكن مافي مرشحين معبين راسك.. أو ما حدا خارط مشطك.. ما بدك تنتخب حد لأنك ما مقتنع بحدا لكن انت زلمة ديمقراطي.. ساعتا الحل هو انو تنتخب بورقة بيضا.. أو صوت لاغي .. ترجمة هالتصرف انو انت كلفت نفسك و رحت عالمركز الانتخابي و شاركت بالعملية الديمقراطية.. لكن مانك مقتنع بحدا (صارت معي بانتخابات البرلمان الأوربي.. بالعادة بصوّت للاشتراكيين دايما لكن صدفت انو ترشح ع رأس القائمة جوزيف بورريل.. و ما كتير بقتنع فيه هاد.. فصوتت كرت فارغ)



آسف للاطالة

[مالي خايف]

هلأ موضوع التصويت بالإنتخابات موضوع جدا مهم لحتى يحس الواحد انو في حدا بيسمع صوتو بس طبعا حسب المكان الي عم يدلي فيه بصوتو متل ما قال ياس يعني إذا نتيجة الإنتخابات مفروغ منها ومعروف مين بدو ينجح من قبل ما نصوت فليش لعزب حالي وإنتخب وكلو رايح عالفاضي يعني محدا شايل صوتي من أرضو الأفضل ضل قاعد ببيتي بما انو عطلة بهداك اليوم وبلا وجعة هالراس كلها

[phoenixbird]

من مجلس الطلبة للهيئة التدريسية لعمادة الكلية لرئاسة الجامعة..

ليش هدول بيتم انتخابون ؟

طيب متل حالاتنا هون يعني من انتخابات الهيئة الطلابية بالجامعة لاي انتخابات نقابية والادارة المحلية ومجلس الشعب
ما بتشوفوا انها ديمقراطية كاذبة
انو مثلا والله يابا الناس عم تنتخب شوفوا كيف عنا ديمقراطية
بس ياترى بقديه انشرت الاصوات وكيف انفرض عالناس انو تروح تنتخب اجباري
او اللي مجبور ينتخب لانو ابن العم وابن العشيرة واحيانا ابن الطائفة

طبعا الاستفتاء الكبير اله حكي تاني بنحكيه المسا الي رجعة

[saba n]

كاتب النص الأصلي : yass

أوووه.. موضوع حلو


هو الحالة فعلا محيرة.. مفرق طرق يعني... فبعتقد حسب الحالة رح اتصرّف.. تفرق لما يكون انتخابات ببلد ديمقراطي عادة لكن ممكن يكون يصير شي بسبب ضعف أجهزة الدولة أو لسبب ما.. ساعتا بصوّت..
لكن اذا انتخابات مفروغ منها من طراز هداك المطرح اللي نعرفو .. أو انتخابات جمهوريات أفريقيا هدول المهزلة.. فطبعا هاي مهزلة.. و المشاركة فيها اضفاء شرعية لهالمهزلة..
كتجربة شخصية مع الانتخابات الحرة فيني قول انو دائما بشارك بكل انتخاب موجود.. صرلي 6 سنين عندي حق انتخاب و ما غبت عن انتخاب.. من مجلس الطلبة للهيئة التدريسية لعمادة الكلية لرئاسة الجامعة.. مرورا بالانتخابات المحلية و الاقليمية و النيابية العامة و لمجلس الشيوخ و انتهاءا بانتخابات البرلمان الأوربي.. و فيني عادة انو اللي بعرفو ما بيروح ينتخب ابهدلو.. انو عن جد أكتر من مرة أكلت رد من طراز (شو دخلك؟ أو عدم الانتخاب كمان ديمقراطية) لكن ما بقدر ما ابهدل.. جلدي يحكني.. لأنو دايما بحكيلهون انو تعرفو كم مية مليون نسمة بالعالم ما عندون هالحق؟ يعني بعتبر "كمثال مجازي" انو عدم الانتخاب بدولة ديمقراطية متل كب الأكل عالزبالة.. في جوعانين كتير بالعالم..
هلأ بأعراف الانتخاب في مفاهيم أو معاني لشو بتعمل... و هي التالية:
- انك ما تنتخب ... بيصير متل حالتنا اللي حكيتا فوق.. انو تعتبر لسبب ما هالانتخاب مهزلة, أو ما تؤمن بالديمقراطية .. لكن كمان في ناس من البطر ما تروح.. يا متكاسل, يا ما مهتم.. يا ما بيعنيه.. هالنوع بكرههون.. ليش؟ لأنو هنن ساعة يصير شي أو أي اجراء هنن أول الناس اللي يحتجو.. و بعتقد انو ازا ما كلفت حالك تروح تنتخب ما بيطلعلك تحكي كتير.
- انك تنتخب ..
- انو مثلا انت موافق عالديمقراطية و بتشارك بالعملية الانتخابية و تدعم هالشي... لكن مافي مرشحين معبين راسك.. أو ما حدا خارط مشطك.. ما بدك تنتخب حد لأنك ما مقتنع بحدا لكن انت زلمة ديمقراطي.. ساعتا الحل هو انو تنتخب بورقة بيضا.. أو صوت لاغي .. ترجمة هالتصرف انو انت كلفت نفسك و رحت عالمركز الانتخابي و شاركت بالعملية الديمقراطية.. لكن مانك مقتنع بحدا (صارت معي بانتخابات البرلمان الأوربي.. بالعادة بصوّت للاشتراكيين دايما لكن صدفت انو ترشح ع رأس القائمة جوزيف بورريل.. و ما كتير بقتنع فيه هاد.. فصوتت كرت فارغ)
آسف للاطالة

بالعكس..ردك اغنى الموضوع ....
منورر..

[saba n]

كاتب النص الأصلي : مالي خايف

هلأ موضوع التصويت بالإنتخابات موضوع جدا مهم لحتى يحس الواحد انو في حدا بيسمع صوتو بس طبعا حسب المكان الي عم يدلي فيه بصوتو متل ما قال ياس يعني إذا نتيجة الإنتخابات مفروغ منها ومعروف مين بدو ينجح من قبل ما نصوت فليش لعزب حالي وإنتخب وكلو رايح عالفاضي يعني محدا شايل صوتي من أرضو الأفضل ضل قاعد ببيتي بما انو عطلة بهداك اليوم وبلا وجعة هالراس كلها

واذا كانت النتيجة مو محسومة..ولا مفروغ منها...
بس التزوير متوقع بنسبة عالية...،شو بتروح او لا..؟

[saba n]

كاتب النص الأصلي : phoenixbird

[u][color=red]
ما بتشوفوا انها ديمقراطية كاذبة
انو مثلا والله يابا الناس عم تنتخب شوفوا كيف عنا ديمقراطية
بس ياترى بقديه انشرت الاصوات وكيف انفرض عالناس انو تروح تنتخب اجباري
او اللي مجبور ينتخب لانو ابن العم وابن العشيرة واحيانا ابن الطائفة

وبهيك حالة اذا مارحنا لننتخب...مو كأنو راح نفسح مجال اكبر لهيك ناس لحتى يحسموا النتائج لصالحهن..؟!

[phoenixbird]

مهوي تصويت بهالحالة مو منه فايدة لانو هيك هيك انطبخت النتيحة من قبل

[MadMax]

كاتب النص الأصلي : saba n

في حال انك تملك الحق في التصويت في انتخابات نيابية..ولديك شك ان نتائج هذه الانتخابات معرضة للتزوير..
فهل :_
1/تصر على ان تذهب للادلاء بصوتك على اعتبار انك لاتود التفريط في حقك الانتخابي..ولا تريد منح الاخرين الفرصة لاستغلال صوتك...
2/تمتنع عن التصويت على اعتبار ان مشاركتك في هذا الاستفتاء يعطي شرعية له..وللتزوير الذي سيحصل على الاغلب..

هلأ بغض النظر عن أي تصرف هو أصح
بس بالنسبة الي ...... إذا ما حكيت يللي براسي ..... بتعقد ...و بدي انتخب يللي بدي ياه بكافة الاحوال ..و شو ماكانت النتائج

هلأ في شغلة تانية عم تصير عنا هون بسوريا بالنسبة لانتخابات مجلس الشعب
أنو أكتر الناس بقولوا أنو النتائج محسومة سلف ... و أنو صوتي ما رح يقدم ولا يأخر
أو أنو قائمة الجبهة رح تفوز ... كيف ما كان التصويت
و هاد شي كتير غلط
المفروض كل انسان ينطلق من نفسو بغض النظر عن الآخرين ...



عالهامش .... عنا قائمة الجبهة بالانتخابات الأخيرة .كانت كتير قريبة من السقوط