لماذا خلق الله المعاناة

[وشم الجمال]

ذهب رجل الى الحلاق لكي يحلق له شعر رأسه ويهذب له لحيته . . . وما أن بدأ الحلاق عمله في حلق رأس هذا الرجل ، حتى بدأ بالحديث معه في أمور كثيرة . . .الى أن بدأ الحديث حول وجود الله . . .

قال الحلاق :-" أنا لاأؤمن بوجود الله "

قال الزبون :- " لماذا تقول ذلك ؟ "

قال الحلاق :- " حسنا ، مجرد أن تنزل الى الشارع لتدرك بأن الله غير موجود ، قل لي ، إذا كان الله موجودا هل ترى أناسا مرضى ؟ وإذا كان الله موجودا هل ترى هذه الاعداد الغفيرة من الاطفال المشردين ؟ طبعا إذا كان الله موجودا فلن ترى مثل هذه الالام والمعاناه . أنا لاأستطيع أن أتصور كيف يسمح ذلك الاله الرحيم مثل هذه الامور.

فكر الزبون للحظات لكنه لم يرد على كلام الحلاق حتى لايحتد النقاش . . .

وبعد أن إنتهى الحلاق من عمله مع الزبون . . خرج الزبون الى الشارع . . فشاهد رجل طويل شعر الرأس مثل الليف ، طويل اللحية ، قذر المنظر ، أشعث أغبر ، فرجع الزبون فورا الى صالون الحلاقة . . .

قال الزبون للحلاق :- " هل تعلم بأنه لايوجد حلاق أبدا "

قال الحلاق متعجبا " كيف تقول ذلك . . انا هنا وقد حلقت لك الان "

قال الزبون " لو كان هناك حلاقين لما وجدت مثل هذا الرجل "

قال الحلاق " بل الحلاقين موجودين . . وأنما حدث مثل هذا الذي تراه عندما لايأتي هؤلاء الناس لي لكي أحلق لهم "

قال الزبون " وهذا بالضبط بالنسبة الى الله . . . فالله موجود ولكن يحدث ذلك عندما لايذهب الناس اليه عند حاجتهم . . . ولذلك ترى الالام والمعاناه في العالم.

إذا كنت تعتقد بأن الله موجود

[Abu ToNi]

كقصة حلوة لكنها غير منطقية كون الحلاق بيعمل باجرة اكيد ما بده يوقف بالشارع وكل مين مارق بده يقص له شعره بالمجان

اما الله فهو محب غفور لا ينتظر المبادرة من الانسان حتى يرحم ويشفي

ليش ما حدا مقتنع ان الله مطنش البشرية من سابع " يوم " للخليقة ما بعرف

واضحة يا اخي واضحة

كابب البشرية وكابب المي وراها

[zerocold hacker]

كاتب النص الأصلي : gabriel

كقصة حلوة لكنها غير منطقية كون الحلاق بيعمل باجرة اكيد ما بده يوقف بالشارع وكل مين مارق بده يقص له شعره بالمجان

اما الله فهو محب غفور لا ينتظر المبادرة من الانسان حتى يرحم ويشفي

ليش ما حدا مقتنع ان الله مطنش البشرية من سابع " يوم " للخليقة ما بعرف

واضحة يا اخي واضحة

كابب البشرية وكابب المي وراها

ليش عم تقول هالحكي لو كان فعلا متل ما عم تقول كان الله ما خلقلك ام واب يهتمو فيك انت وصغير وما خلقلك عقل تفكر فيه وتهتم بحالك لما تصير كبير كان خلقك بهيمة من بين البهايم وتركك من دون حدا
بس حتى البهايم الله متكفل فيها
لا تحكي حكي طالع نازل
بيكفي عايش ع الأرض يللي هو خلقها
وإذا مو عاجبك لا تقعد بقرنة هو خلقها

[ماغنوم56]

شكرا يا وشم الجمال على القصة المعبرة
وهيهات من يعتبر

[وشم الجمال]

عزيزي غابريل لما الله يخلقنا ما في حدا ممكن يدير بالو علينا ويحس فينا غيرو ...

الله صحيح بيحطنا بوضع صعب بس لانو احنا اسمنا انسان وبما انك انسان فانت لازم تنحط بتحديات بما انك انسان لازم تعرف شو معنى وجودك عالارض...بما انك موجود عالارض فالاصل تقدر ترسم على ترابا خطوات انت بتمشيها وبتعبر قديش انك مميز وقديش انك قادر تتحداها...مرة قريت لباولو كويلهو في الجبل الخامس عبارة مو متذكراها منيح بس خلاصتها انو نحنا بنحتاج ننحط بصراع مع الرب لنكون قد التحدي وانو نحنا بلا وجع ما بنقدر نتعلم وهالتحدي يللي بننحط فيه هو يللي بميزنا عن غيرنا...

حياة بلا معاناة ما بتسوى وحياتك ولو ربنا مطنشنا بس الاصل انو نحنا نقدر نعرف كيف نعيش مو انو نعيش بس لنتبرم ونحكي ونسب وبس ....الحياة اكبر من هيك كتييييييييييير

zerocold hacker وماغنوم مشكورين للمرور والكل بيعتبر بس المشكلة انو نحنا بنمر بمرحلة خدران بتخلينا نبعد كتييييييييير

[مالك الحلبي]

كاتب النص الأصلي : gabriel

ليش ما حدا مقتنع ان الله مطنش البشرية من سابع " يوم " للخليقة ما بعرف

[يمان Rooooonaldo]

ببساطة .. لانو لو كانت كل ايامك بدا تكون بدون معناة .. وبدونة وجع وزعل ..

ما لح تحسي .. بقيمة الوقت اللي حتكوني فيه فرحانة ... ومبسوطة

[وشم الجمال]

كاتب النص الأصلي : وشم الجمال

ولو ربنا مطنشنا

غلط مطبعي
ولو ربنا مو مطنشنا هيك المقصود

وصحيح يمان هاد احد اسرار المعاناة يللي بتعلمنا معنى الفرح لما ييجي

[Abu ToNi]

كاتب النص الأصلي : zerocold hacker

ليش عم تقول هالحكي لو كان فعلا متل ما عم تقول كان الله ما خلقلك ام واب يهتمو فيك انت وصغير وما خلقلك عقل تفكر فيه وتهتم بحالك لما تصير كبير كان خلقك بهيمة من بين البهايم وتركك من دون حدا
بس حتى البهايم الله متكفل فيها
لا تحكي حكي طالع نازل
بيكفي عايش ع الأرض يللي هو خلقها
وإذا مو عاجبك لا تقعد بقرنة هو خلقها

الله حيكيك بشجع واحد يرد عليه صراحة كتير انا هلق متشجع

المهم

انا كتير حكيت مع عالم وكتير طلعوا لي بنظريات مدري من فين بيحكشوها بس هي اول مرة واحد بقول لي :

لله ما خلقلك ام واب يهتمو فيك انت وصغير وما خلقلك عقل تفكر فيه وتهتم بحالك لما تصير كبير

بشرفي مع كل الحكي اللي بسم البدن اللي حضرتك كاتبه اتضحكت

انه اهلي خلقهم الله مشان يربوني
الله خلقهم مشاني وخلق لي عقلي مشان شو قلتلي؟ مشان بس اكبر افكر
اممممممم

معناها اليتيم بحق له يتلعن على الله من الصبح للمساء يوميا باعتبار ما خلق له اشخاص يربوه
والمختل العقلي بحق له شرعا يتلعن على الله من الصبح للمساء كونه الله ما خدمه واعطاه العقل .

غايتي الاولى حاليا بالحياة اعرف كيف قدر الله يتحكم بعقل البشر بالطريقة هي.
كيف قدر شيء وهمي ما حدا سمعان عنه شي يجي يحمّل البشر منيّات على انه خلقهم ويطالبهم انهم يعبدوه يوميا ويبذلوا كل شي بحياتهم مشان يرضوه نفسي بس اعرف كيف قدر يخرب عقل البشر ويزرع الفكرة هي براسهم ويخليهم يشعروا بالذنب اذا ما نفذوا له غايته وما حققوا له شهواته اللي بكتير من الاوقات بتضارب مع مبادئ الشخص ومع هاد الشي مستعد يتخلى عن مبادئه بهدف الشيء الوهمي المدعو " بلا ال التعريف كوننا كلنا منعرف على مين عمنحكي " لاه

[zerocold hacker]

أستاذ جابي أولا اليتيم اذا كان منيح بحياتو الله وعدو بالجنة
تانيا المختل عقليا نهاتو بالجنة يللي انت مارح تشم ريحتها اذا بضلك هيك

فياريت ما تشتغل محامي دفاع عنهن وفكر بحالك قبل غيرك

وبظن لما يجي عزرائيل لعندك رح تعرف شو قصدي

لأنك وانت على فراش الموت رح تقول انا تبت حيث لا ينفع الندم

والظاهر انك مارح تتعظ ورح تخلي الشيطان مسيطر على عقلك وهي هي قمة تخريب العقول

[وشم الجمال]

كاتب النص الأصلي : gabriel

معناها اليتيم بحق له يتلعن على الله من الصبح للمساء يوميا باعتبار ما خلق له اشخاص يربوه
والمختل العقلي بحق له شرعا يتلعن على الله من الصبح للمساء كونه الله ما خدمه واعطاه العقل .

غايتي الاولى حاليا بالحياة اعرف كيف قدر الله يتحكم بعقل البشر بالطريقة هي.
كيف قدر شيء وهمي ما حدا سمعان عنه شي يجي يحمّل البشر منيّات على انه خلقهم ويطالبهم انهم يعبدوه يوميا ويبذلوا كل شي بحياتهم مشان يرضوه نفسي بس اعرف كيف قدر يخرب عقل البشر ويزرع الفكرة هي براسهم ويخليهم يشعروا بالذنب اذا ما نفذوا له غايته وما حققوا له شهواته اللي بكتير من الاوقات بتضارب مع مبادئ الشخص ومع هاد الشي مستعد يتخلى عن مبادئه بهدف الشيء الوهمي المدعو " بلا ال التعريف كوننا كلنا منعرف على مين عمنحكي " لاه

على فرض انو ما في الله وهاد انا ضدو طبعا بس منشان اوصل معك لفكرة معينة....
هلق على فرض انو هالشي صحيح ليش تشغل حالك بانك تلعن وتكره الدنيا وتعيش بعبثية؟؟؟؟

يا اخي اصنع من حالك شي واثبتلنا انك قادر تكون شي ...

على فكرة الفلاسفة كلهم تخبطوا بهالموضوع بس في افكر كتيرة بهالموضوع رح اطرحها بعدين بس انا هون بدي قول انو فكرة القوة العظيمة يللي مسيطرة عالكون لازم تكون موجودة لانو الكون موشي عبثي ومجرد لعبة الكترونية ما فيك تمشيها بلا تحكم فكيف كون بحالو ماشي بعبثية؟؟؟؟مو انت بتحكي بالعقل يللا اثبتلي!!!

وكمان اليتم عبارة عن تحدي و في اشيا كتير ربنا خلقها لتساعدنا على انو نعيش مو شرط الاهل بس الاب والام احدها ...والعقل يللي ما انمنحو هاد يعتبر مرفوع عنو القلم بمعنى ما في حاجة انو يلعن....

[Abu ToNi]

عزيزي غابريل لما الله يخلقنا ما في حدا ممكن يدير بالو علينا ويحس فينا غيرو ...

وحدة من تنين يا الله مقصر يا اما ما خلقنا

اللي بينتج الشيء بدير باله عليه وبيهتم فيه وهاد الشي اللي ما عبشوفه هلق تجي تحكيلي على تجارب ومحن الله بحطها بطريق الانسان انا بستغرب كيف معناها العالم بتستنكر وقت بقول " الله عبيتسلى فينا "

ومرات بقولوا لي الله بيعلم بكل شي والله قادر على كل شي
ومرات بوقلوا لي مانها شغلة الله هوي عطاك عقل لحتى تتحكم شو هوي ولي مرك مثلا

فمن كثرة النظريات ومتعدد الآراء بتقدري تستنتجي شي واحد انه كل العالم عبتتفلسف من عندها وما في شي بين ايدينها في متل بقول لك الحب اعمى وقت بكون واحد اعمى ما بيقدر يشوف شي وانا هاد ممكن اتفهمه

لكن الذل اعمى ؟! هي ما زبطت وما بحياتها بدها تزبط
كيف مع كل الشروط المذلة اللي الانسان بنفسها لغرضاء سيادة الله الديكتاتورية ومع هاد الشي ما حدا بشوف اغلاطه وما حدا بيتجرا يوقف بوجه ويقول له " ليش هيك عبتعمل " ما بتلاقي غير عالم عبتلمس الاعذار والتفاسير الواهية لتبراة الىلهة بالوقت اللي فيه الآلهة عبتعفس على ابو جنب .

الله صحيح بيحطنا بوضع صعب بس لانو احنا اسمنا انسان وبما انك انسان فانت لازم تنحط بتحديات بما انك انسان لازم تعرف شو معنى وجودك عالارض

ها قلتي لي معناها كان لازم نشوف تحديات مشتركة بين جميع البشر الكل بمر فيها بنفس المستوى ليش واحد بكون التحدي عنده " ما معي لقمة اكل " والتاني يكون التحدي عنده " مافي عند البياع لون البلوزة اللي بدي ياها "

ليش التفريق بالتعامل مع البشر وبرجع بقول لك ليش معناها ما بتتقبلوا فكرة ان الله عبيتسلى بالانسان وانه عبحطه بتجارب بهدف انه يتسلى فقط !؟

...بما انك موجود عالارض فالاصل تقدر ترسم على ترابا خطوات انت بتمشيها وبتعبر قديش انك مميز وقديش انك قادر تتحداها...

مميز نعم مميز طبعا مميز بس شو علاقة الله بتميزي انا واذا كنت مميز شو شغلته هوي بالشي اللي انا عملته

بعطيكي مثال
بالبكلوريا ما درست انا كتير " بحسب المقاييس السورية " ومع هاد الشي جمعت مجموع كتير عالي وضربت فيه الدنيا نط لي شي 500 واحد " الحمد لله منشكر الله " طلعت فيهم ليش حتى تشكر الله ؟! تعا شكرني الي انا اللي تعبت حضرته ما عمل شي انا اللي سهرت وانا عبدرس وانا اللي ركضت من دورة لدورة وانا اللي كسرت راسي بالكتب ما الله اللي اجا شال حمل عني !! شو منشكر الله ما منشكره ؟!

حياة بلا معاناة ما بتسوى وحياتك ولو ربنا مطنشنا بس الاصل انو نحنا نقدر نعرف كيف نعيش مو انو نعيش بس لنتبرم ونحكي ونسب وبس ....الحياة اكبر من هيك كتييييييييييير

لحظة بس
مين قال لك اللي بقول مافي الله بكون انسان سلبي ؟!
بالعكس

اللي بقول مافي الله بكون اقرب ما يمكن للايجابية وعبفكر صح وعبيحسب لقدام خدي مثال واحد عبصنع له سيارة واحد بيجي بحط كل شي كيف ما كان وعبخبص على الماشي على مبدا " في الله بيحمينا " وواحد تاني بقول شو بدي استنى الله يحميني لا انا بدي صنع السيارة بناء على حسابات منطقية اكيد ما بدي انتظر شخص وهمي يجي يحميني انا بدي جط بالسيارة حزام وبالون و..." بالنهاية اللي شال الجزء الوهمي بالأمور هوي الانسان العملي ما العكس فليش مصرين تاظهروا الملحدين على انهم سلبيين وفاشلين بالحياة ما بعرف .

على فكرة عبحكيكي شي انا لاحظته بمجتمعي البسيط

الانسان اللي بكون مؤمن اذا اجت على راسه مصيبه كبيرة اول شي بفكر بالانتحار كون الله تخلى عنه
بينما الانسان الملحد وقت بتجيه مصيبة بفكر عمليا كيف بده يتخلص مها كون المصيبة اجت بسببه واكيد ما بخاف من الله الله ما كان مقفه باللحظة هي .

[Abu ToNi]

أستاذ جابي أولا اليتيم اذا كان منيح بحياتو الله وعدو بالجنة
تانيا المختل عقليا نهاتو بالجنة يللي انت مارح تشم ريحتها اذا بضلك هيك

لا تقوليها هلق نص البشرية بتتمنى تكون مختلة عقلية على هال حالة كمان مافي عدل باتعبار المختل عقليا عبياخد غرين كارد للجنة بينما الانسان مضطر يتعذب بكل حياته .

وشو اليتيم مابيطلع له كام تنازل او بعض الافضليات على بقية البشر خصوصا انه التعن سلافه وهوي عايش بلا معيل وعنده نقص كتير كبير بحياته ؟!

فياريت ما تشتغل محامي دفاع عنهن وفكر بحالك قبل غيرك

وبظن لما يجي عزرائيل لعندك رح تعرف شو قصدي

وبظن ما تشتغلي محامي دفاع عن عزرائيل لأني بعرف شو قصدك فلا تتفتئي على سماي كل الحكي هاد ماله طعمة ورجاء التزمي بالموضوع انا عبعرف نماذج ما عبدافع عن حدا .

والظاهر انك مارح تتعظ ورح تخلي الشيطان مسيطر على عقلك وهي هي قمة تخريب العقول

ما بعرف شو بدي اكتب لك
اذا واحد شغل عقله ورفض الاساطير والأوهام اللي بديت بشكل نار وحجرة وتحولت لشي يدعى الله بصير من اتباع الشيطان ؟! فعلا منطقك كتير جميل بالتعامل وتحكيم الامور وهي وردة لسعة الأفق

كاتب النص الأصلي : zerocold hacker

لأنك وانت على فراش الموت رح تقول انا تبت حيث لا ينفع الندم

وليش حتى ما ينفع الندم خيتو بعدين مين انت حتى تفلكي لي شو بده يصير معي على فراش الموت ومين انت حتى تقرري بدل الله اذا كان بده يقبل توبتي " او وجدت " بلحظتها

لا تكوني سعدو ومالي خبر

[zerocold hacker]

انا بس بدي قللك انو لو الله سحب منك نعمة هالعقل اللي عطاك ياها لتنجح بالبكالوريا بنص الفحص شو كنت عملت؟ولا شو كنت قلت؟
لك الله طامرك بنعمو وانت عم تتطاول عليه
الله يجيرك من آخرتك

[zerocold hacker]

والله انو انسان هيك كلامو ما حيكون رايح ع الجنة برأيي

إلا اذ تاب وما بظن انك انت هلق تايب صح

[Abu ToNi]

كاتب النص الأصلي : zerocold hacker

انا بس بدي قللك انو لو الله سحب منك نعمة هالعقل اللي عطاك ياها لتنجح بالبكالوريا بنص الفحص شو كنت عملت؟ولا شو كنت قلت؟
لك الله طامرك بنعمو وانت عم تتطاول عليه
الله يجيرك من آخرتك

انا كتير قريان كتب ، وكتير قريان روايات اكيد بعدد يفوق شعر راسي " كووني عبصلّع حاليا "
ما بحياتي مرت علي او اني قرات بما معناه جملة ان الله سحب نعمة العقل من انسان بشكل مؤقت ؟! وحتى ان صار معي ونسيت شي سؤال اكيد ما الله سحب مني نعمة العقل وخلاني انساه اكيد في شي علمي بقول لك انه العقل اذا كان تحت ضغوطات نفسية بيفقد جزئيا جزء من الذاكرة وبيفقد القدرة على الوصول السهل للمعلومات المخزنة في الدماغ .

ما بعرف اذا بدك تستوعبي الشي اللي هلق بدي اقوله
بس الله حقير لهي الدرجة انه يخليني ارسب بلا سبب

[Abu ToNi]

كاتب النص الأصلي : zerocold hacker

والله انو انسان هيك كلامو ما حيكون رايح ع الجنة برأيي

إلا اذ تاب وما بظن انك انت هلق تايب صح

يا ستي اذا كنت بدي اكون فار ابيض بايدين شخص عبيتحكم فيني ويتسلى فيني وبالمقابل بده يعطيني بالأخير شيء يدعى " جنة " فانا مستغني عنها ومبروكة عليكي اهم شي انك تخربي عقلك وتهدمي احلام حياتك وتعيدي بنائها بما يتوافق مع متطلبات الدكتاتور الأعلى

[Damask Rose]

انا مو حابة اتدخل بس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وجابي بظن انو النقاش بيناتكم جدا سقيم
وانا معك بكل كلمة قلتيها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بس هو شكلو مابدو يقتنع........................................
وبصراحة رايي انو حاجة.وقفو حكي احسن بلاش مايصير في حكي بزعل ربنا
واسفة كتير انو تدخلت..بتمنى ماتعتبروني حشرية............ز