مقلاية أخوية (6) بحلتها الجديدة

[قرصان الأدرياتيك]

كاتب النص الأصلي : VivaSyria

برأيك هل هالإجابة "اذا فرضنا انها اجابة.. صحيحة بهالطريقة؟

صحيحة ميّة بالميّة... برجع قلّك بحسب السؤال، الأمّور سأل عن نوع الشّهادة، يعني إجازة، ديبلوم، ليسانس، دكتوراه. وما سأل عن المضمون ولا عن الاختصاص، فتحلي مخّك شوي معي وركّز. يعني اشربلك كام فنجان قهوة قبل ما تحكي معي .

إجازة بأحد العلوم ودبلوم بعلم تاني... و وثيقة تدريس لغة شرقية... وين الجواب؟؟

الجواب بأوّل كلمة من كل جملة... ما بدي عيد كتير.

شو عم نتسلى معك نحنا؟؟؟ حسيتك ناطق اعلامي سوري... بيحكي كل شي بس ما بيحكي شي... ليش ماعم تذكر أسماء العلوم واللغات.. مع العلم انو الأسماء أسهل من الصفات...

ناطق إعلامي سوريّ!!! إي بسيطة يا ابن... الأوادم. أهلك ما بيستاهلو، بس أنت إي .

المطلوب: عدل الكلمات التي باللون الأحمر بحيث تصبح مفهومة للقارئ وتوصل المعلومة المطلوبة بدقة وبتمنى ماتجبرني ارجع كمان مرة اذا كررت هيك تصرف لا مسؤول

رح جاوبك بحكم أنّو سؤال بس دير بالك ترى عندي الحق أمنعك تسأل إذا تجاوزت الأسئلة الخمسة. وهاد حق أساسي هون. وبما أنّو تجاوزتن فزبّطلي أمورك أحسن ما حطّلك شي موزة على أوّل الدرج .
قبل ما جاوبك اسمحلي قلك وبدون زعل... مجرد ديباجة للجواب: تلحس أنفي!
أنا زلمة بهتمّ بالأديان المقارنة وبما أنّو الشباب الطيبة هدول محتاجين للغات تبعوتن فاضطريت أدرس لغاتن كمان.
الإجازة هي بالفلسفة واللاهوت، والديبلوم بالعلوم الإسلاميّة، وشقفة الورقة هي للغة السريانيّة.
ارتحت هيك؟! بدّك تعرف كل وحدة بأي جامعة وشو رقمي بالجامعة كمان؟! شو رأيك تجي تاخدلك شوط؟!
وبتمنّى حاجة نحكي عن دراسات وشهادات لأن كلّو حكي فاضي... وأنا شخصياً بكره أحكي عن هالأشيا لأن بتلعب دور بالعلاقة مع الآخرين، وبرفض أبني علاقتي على معطيات ثقافيّة أو دراسيّة بحت.

[MaTyA]

من وحي الجلي (وانا عم اجلي يعني).. خطرلي هالكم سؤال
خوووووووود بقا يعني رح تتعب اكيد .. بس معليه فدانا :

السؤال الاول:
قدامك صفات.. بدي كل صفة تلائمها لعضو او عضوة..يعني هالصفة مين بتناسب من الاعضاء (برايك):

العصبية:
العند ( تناحة ):
صفة الجاذبية ، يعني بيجذب ، بيلفت:
حباب او حبابة (بينحب يعني):
مميز او مميزة:
مثقف او مثقفة:
مهضوم او مهضومة..خفيف دم يعني:
محترم او محترمة:
( طبعًا عند ذكر اسم لا يعني انو غيرو مش محترمين..لكن لما بتسمع باحترام مين دغري بيخطرلك)
نقاق او نقاقة:
جدي او جدية:
هادئ او هادئة:
مشاغب او مشاغبة ، يعني اصحاب مشاكل بكل موضوع بيفوتوه:
مسيح جوخ او مسيحة جوخ:
منافق او منافقة (قوية هاي) :
صادق او صادقة:
.
.
.

للمعلومة ما حطيت صفات جارحة متل الغلاظة وتقل الدم.. حتى لو كانت فعلاً موجودة ببعض الاشخاص..
لكن معليه حفاظًا ع المشاعر يابا (ان وجدت) هوي يمكن في صفة النفاق قوية شوي..بس بالعموم خففنا عليكن وجود صفات جارحة

يتبع

[MaTyA]

السؤال التاني:

اسئلة عامة:

اسم عضو او عضوة بيعجبك (الاسم المستعار):
اسم عضو او عضوة بيعجبك(من الاسماء الحقيقة) من يللي بتعرف اسماءهن:

اسم عضو او عضوة بتكرهو(اسم مستعار):
اسم عضو او عضوة بتكرهو ( من الاسماء الحقيقية) من يللي بتعرف اسماءهن:

طبعًا بمعزل عن اذا بتحب اصحاب هالاسماء او بتكرههن.

+

عندك مشكلة بمساعدة زوجتك او امك او اختك بـ شغل البيت اذا كانوا محتاجين مساعدة؟
في حال بدك تساعد بشغل البيت..شو الشغلة يللي بتحب تشتغلها ؟
شو الشغلة يللي ما بتحب تشتغلها؟

شي مرة اشتغلت بالبيت؟ وشو اشتغلت؟ وكانت شغلة ممتعة ولا مزعجة وبتنكره؟

+

بشكل عام - العمل خارج المنزل:
شغلة بتتمنى تتولاها وتشتغل فيها(مو بشغل البيت هلق):
شغلة ما بطيق ولا بتتخيل نفسك عم تشتغلها بيوم من الايام الا اذا دعيتك الحاجة لهالشي:




يتبع

[هبه الاردن]

يا قرصان الأدرياتيك ( كتبنا الهمزه احسن ما تزعل منا )

بالاول بدي اسالك شو اكلتك المفضله ؟

لو كنت مكان الرئيس الحالي لسوريا شو اول قرار بتتخذه ؟

اذا كان بامكانك ترجع الماضي شو الشي الوحيد الذي بتبذل جهدك لتغيره ؟

شو بيعنيلك اسماء هالدول " فرنسا ؛ الاردن ؛ لبنان ؛ سوريا؛ اسرائيل ؛ فلسطين"

ما بدي غير هال 4 اسئله تجاوبني عليهن وكتر خيرك

[Reemi]

كاتب النص الأصلي : قرصان الأدرياتيك

العزيزة ريمي
سؤالك رح يتأجّل شوي بسبب عدم معرفتي بغالبيّة الأسماء...
بس بوعدك إني جاوب عليه بأقرب وقت ممكن!

الاسم الي ما بتعرفو فيك تحط ما بتعرفو او سمايلي ابو ورده جنبو ع راحتك يعني

كاتب النص الأصلي : قرصان الأدرياتيك

هلا أكيد أنا زلمة صادق وصريح (الإنسان بيعرف حالو) ،
بس بلا أكل هوا . يعني بلا نكوشة وخليك بأسئلتك أحسنلك!
رح جاوب عالسؤال بكل الأحوال:
الديبلوما يللي معي هي بالعلوم الإسلاميّة.

سؤال: شو خطرلك تدرس علوم اسلاميه ...؟ انو ليش هالتخصص بالذات ؟
انا بذكر وقت كنت بكالوريا كان لازم اختار بين التاريخ والعلوم الاسلاميه ...رحت اخترت تاريخ بس لتعاسة حظي انو ما كفينا بالشعبه فحطوني بالعلوم الاسلامية مجبر اخاك لا بطل ... بتذكر انها ماده حلوه يعني كنت حبها مدري ليش مع اني ابعد ما يكون عن هالقصص ..فانت شو موقفك منها؟

[MaTyA]

السؤال التالت:

ادا قالولك بدنا ياك تعطي لقب لكل اسم من هالاسماء..(لقب غير صفة)
لقب الو علاقة بالاخوية متل ما بيقولو لمخموخة كيوبيد الاخوية تفضل اليك القائمة:

Reemi
marioma alghzayala
hanny dagher
sezar
maged-syrian
butterfly
وشم الجمال
Hashtnasht
ٍٍٍSyrian Gay
yass
HUS
باشق مجروح
محمد ابراهيم
Government
صياد الطيور
phoenixbird
the morning
LiOnHeArT
yamen_h
suryoyo:
M.E.e.R.O:
BL@CK
MadMax
Roaa
طفوله
يمان
matya
*Marwa* جبت اسمها لبعد اسمي دغري ..حدي
Abu William
was616im
Sandra
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
whiterose:
سوا ربينا :
القلب الدافيء:
شوط يا قمر :
achelious:
viva syria
أممي
Urhoy
THE PUNISHER
Abu ToNi
Abu Guzef


للمعلومة.. القائمة مو هي ذاتها يللي موجودة بـ اعطاء الراي..محيت منها اسماء كتييييرة..حتى خفف عنك

[MaTyA]

كاتب النص الأصلي : Reemi

الاسم الي ما بتعرفو فيك تحط ما بتعرفو او سمايلي ابو ورده جنبو ع راحتك يعني

يعني باختصار.. ما في مفر

[MaTyA]

والسؤال الرابع ( السؤال حطيتو قبل مرة):

لمين بتهدي كل واحد من هالسمايلات:










مية بالمية موافقك

لمين بتهدي هاد لحدا غيري..باعتبار ما في شك انك بتعتبرني ملاك
تسء ما تحاول.. ما بوافقك الراي

يطلع بإيدي بقوصك
بئوسة




.
.

[MaTyA]

ع فكرة .. انا قررت .. يكونو هالاربع اسئلة الخفاف النضاف اسئلة تقليدية

يعني كل حدا بينزت.. حطلو ياهن .. متل سؤال اعطاء الراي

عيشو بهالنعمة

هوي انا ما بعرف ليه اجى عبالي اقلي بدور مروى.. وهلأ بدور قرصان..والبقية مو لهالدرجة قليتهن

بس من هلأ وبالطالع انشالله بحط لكل حدا هالاربع اسئلة..مع زيادة او تغيير ادا اجى عبالي..

[Abu ToNi]

للمعلومة.. القائمة مو هي ذاتها يللي موجودة بـ اعطاء الراي..محيت منها اسماء كتييييرة..حتى خفف عنك

ابو طوني اسم داشر لأنه مشان ينحذف او يشتغل الاقتصاد والتقنين على حسابه
ما بكفي الكهربا عبقننوا بسما ربها هون كمان التقنين شغال بسما ربي

[وشم الجمال]

سؤال واحد صغير...


حابب أسألكـ؟؟؟

[suryoyo]

كاتب النص الأصلي : قرصان الأدرياتيك

لا مرحبا ولا أهلين... ليش طيّرت الهمزة من اسمي؟! .
شوف أنا الهمزة عاملتلي عقدة نفسيّة وألي شهور بالأخويّة عم حارب كرمالا، تجي أنت بكل بساطة وتحذفا هيك بس كرمال هيك... اسمي قرصان الأدرياتيك... عمي في همزة مفتوحة على ألف أدرياتيك .
كنت عم أمزح... .

عليك السلام يا سيّدَ القَراصِنة ...

ما دام بحر الادرياتيك ليس بحرا عربياً ... و بالطبع كلمة الأدرياتيك ليست عربية ... فلا عتب و لا هم يجزنون على همزة الالف في بداية الكلمة ... اي ان الهمزة واجبة جوازا ... و تقدر أن تقول سقطت سهوا !!

بس اللي بعرفو فيك أنّك شخص مسالم وما بتحبّش الانتقام، فليش رميتني هالرمية ولسّاتني زلمة غير أهل لهالمكان لكتير أسباب... لكن وبما أنّو تبهدلت وانرميت فإلهي يبعتلك شي همر وأباتشي أميركيّة ، أو كتيبة مدرّعة، توقّف قدّام باب بيتك وتقلّك المكان محاصر سلّم حالك .

اسمحلي بتعليق صغير قبل ما نشعّل النّار... أنا واثق أنّي عزيز عليك بيكفّي الوردات والاهتمام الخاصّ وهالشي ألو معزّة بقلبي، بس عزيز على كل الأخويّة لا أظنُّ ولا أعتقدُ ولا أخالُ... إلخ.

سلام.

انا شخص ما احب الانتقام بس قلت لازم ابن عمنا يفوت معنا ....


اما الهمر و الأپاتشي ... خليهم يطلعلوك بالاحلام


نرجع للجد ...
صدقني الكل يحبوك هوني و انت حبيبنا و حبيب الكل



هي كانت مقدمة بسيطة بس راجعلك للقلي ....

[قرصان الأدرياتيك]

من وحي الجلي (وانا عم اجلي يعني).. خطرلي هالكم سؤال
خوووووووود بقا يعني رح تتعب اكيد .. بس معليه فدانا :

لسّاتني هلا كنت عم أمدح فيك!!! خليك متل مو شايفك بعيوني .

العصبية: إذا القصد تعصّب فيكون صديقنا التقرير الجوال. وإذا الغضب فبكون أنا.
العند ( تناحة ): يعني خايف قول... ياس. وشوي أنا .
صفة الجاذبية ، يعني بيجذب ، بيلفت: محدا جذبني لهاللحظة غير اللامنتمي.
حباب او حبابة (بينحب يعني): كتيرين بيناتن ساندرا وأورهوي.
مميز او مميزة: اللامنتمي وأبو طوني.
مثقف او مثقفة: في كتار بيناتن ياس.
مهضوم او مهضومة..خفيف دم يعني: أبو ويليام.
محترم او محترمة: المشرفة ريمي.
نقاق او نقاقة: ما بعرف.
جدي او جدية: بترفلاي.
هادئ او هادئة: سوريويو.
مشاغب او مشاغبة ، يعني اصحاب مشاكل بكل موضوع بيفوتوه: أنتِ. يعني ماتيا.
مسيح جوخ او مسيحة جوخ: كتار.
منافق او منافقة (قوية هاي) : لسّا ما شفت.
صادق او صادقة: كمان كتار.

للمعلومة ما حطيت صفات جارحة متل الغلاظة وتقل الدم.. حتى لو كانت فعلاً موجودة ببعض الاشخاص..
لكن معليه حفاظًا ع المشاعر يابا (ان وجدت) هوي يمكن في صفة النفاق قوية شوي..بس بالعموم خففنا عليكن وجود صفات جارحة

إي شكراً... والصفة الوحيدة يللي كنتِ بتخافي منها ما طلعلا عندي جواب لأن لساتني عم شوف الكل صادق.

[sandra]

اقتباس:
اذا طلعت عالقمر مين بتاخد معك؟ غير (سوا ربينا) طبعاً
إذا من الأخويّة فباخد ساندرا (ذكرين ما بينفعوا كرمال الإشاعات بس ).

في حدا افتكرني وبدو ياخدني عالقمر !
بدنا نطلع عالقمر

[قرصان الأدرياتيك]

سؤال واحد صغير...
حابب أسألكـ؟؟؟

وين السؤال؟! ليش مستحيّة؟! والله أنا بحبّك... بتنحبّي!

[Abu Guzef]

كاتب النص الأصلي : Abu ToNi

ابو طوني اسم داشر لأنه مشان ينحذف او يشتغل الاقتصاد والتقنين على حسابه
ما بكفي الكهربا عبقننوا بسما ربها هون كمان التقنين شغال بسما ربي

وأنا شرحو

[سوا ربينا]

قرصان يا قرصان .... انا سؤالي واحد بس ...شو السبب انو اذا بدك تطلع عالقمر بدك تاخدني انا ... يعني اشمعنى انا .... بس هالسؤال البسيط ؟؟؟ طبعا هالسؤال بناءا على الاتي ::

كاتب النص الأصلي : VivaSyria

اذا طلعت عالقمر مين بتاخد معك؟ غير (سوا ربينا) طبعاً

[قرصان الأدرياتيك]

اسم عضو او عضوة بيعجبك (الاسم المستعار):
بترفلاي.

اسم عضو او عضوة بيعجبك (من الاسماء الحقيقة) من يللي بتعرف اسماءهن:
ساندرا.

اسم عضو او عضوة بتكرهو (اسم مستعار):
ما في بس بتضايق مالأسماء الطويلة.

اسم عضو او عضوة بتكرهو ( من الاسماء الحقيقية) من يللي بتعرف اسماءهن:
ما في.

طبعًا بمعزل عن اذا بتحب اصحاب هالاسماء او بتكرههن.
أكيد.

عندك مشكلة بمساعدة زوجتك او امك او اختك بـ شغل البيت اذا كانوا محتاجين مساعدة؟
بالعكس. أنا شخصياً عطول بتبرّع بدون طلب!

في حال بدك تساعد بشغل البيت..شو الشغلة يللي بتحب تشتغلها ؟
كل شي بس عالأخص الجلي.

شو الشغلة يللي ما بتحب تشتغلها؟
ما في. بس فاشل بمسح الغبرا. بمسح وبخلص وكأنّو ما عملت شي.

شي مرة اشتغلت بالبيت؟ وشو اشتغلت؟ وكانت شغلة ممتعة ولا مزعجة وبتنكره؟
أنا وصغير كنت الذراع الأيمن لأمي وأختي محشورة بلعبا. أكتر شي كنت أشتغل بتحضير المؤونة: المربيات على أنواعا. مي البندورة. محمّرة. السليقة... إلخ. كل أشغال البيت ممتعة لحد معيّن . هالحد هو أنّو أنا عم قدّم مساعدة ما بفضل تتحوّل لشغل رسمي .

بشكل عام - العمل خارج المنزل:
شغلة بتتمنى تتولاها وتشتغل فيها (مو بشغل البيت هلق) :
مدرّس جامعي.

شغلة ما بطيق ولا بتتخيل نفسك عم تشتغلها بيوم من الايام الا اذا دعيتك الحاجة لهالشي:
ما بطيق إني أشتغلها هي: قوّاد! وما بظن الحاجة رح تخليني أشتغلها لأن الشحادة أفضل منها.

يتبع
بالانتظار.