مقلاية أخوية (6) بحلتها الجديدة

[THE_unforgiven]

قرصانو .. شو كيف الزيتات ...
انتا صحي شو بتستعمل فرزات .. ولا هنا ..
بنصحك تستعمل زيت عافية .. خفيف وظريف .. خالي الكوليسترول .. يقوي القلب .. وشغلات تانية مارح قولها


شو عمرك الحقيقي ...

شو بتدرس ..

وشو وضعك العاطفي ...

[Abu ToNi]

قرصان تعا لنشوف لهون وجيب معك شوية زيت باعتبار القلي على السمنة ببطالع ريحة ما طيبة كتير :

1- برايك الشخصي وبمقياس من الواحد للعشرة ... فين بتشوف الأخوية
2- اي قسم اكتر شي شدّك بالأخوية واي قسم تعتبر وجوده خاطئ بالأخوية
3- خلال فترة وجودك القصيرة بالأخوية ... اكلت شي اسمه " مخالفة "
4- الي بتابع القرصان بالأخوية بلاحظ معاملته الخاصة جدا مع " صديقه " اللامنتمي ... واكبر دليل موضوع الخربشات تبع اشتقت لك واشتقت لي .. السؤال :
هلق في اتصال خارج صفحات الأخوية مع شخصية اللامنتمي .. ام ان القصة محصورة بالأخوية فقط .

خلينا نطلع شوي من الأخوية ونجي للقرصان :
1- سؤالي المعتاد : شو هوي نوع اتصال الانترنت تبعك
2- شو هية نوع الشهادة اللي حاصل عليها
3- هل الأحاديث اللي بتداولها بمنامك " بأحلامك يعني وانت نايم " باللغة العربية الفصحى ام بالعامية
4- شو لونك المفضّل
5- برمضان الحالي ... بتعاني من تغير نمط الحياة " حتى لو ما كنت صايم " ولا بتحس انه شهر كتير طبيعي متله متل بقية السنة " غير فكرة المسلسلات يعني هل يطرق اي تغيير على حياة القرصان خلال الشهر الفضيل "

حاليا خلص الزيت اللي معي .. بعته لطوني يجيب لي الزيت ... حتى اكمّل قلي

[Reemi]

السؤال التقليدي ...رايك بالاعضاء التاليه اسمائهن :

Gazita
Reemi
marioma alghzayala
hanny dagher
layla
sezar
sweetbaby

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

butterfly
وشم الجمال
Hashtnasht
ٍٍٍSyrian Gay
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
Government
صياد الطيور

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

the morrning
COSTA
handsome
abosleman
LiOnHeArT
yamen_h
suryoyo:
بنفسجة :
M.E.e.R.O:
Sarita:
Fernanda:
sona78:
BL@CK
MadMax
وائل76
أمرأة من ورق
Roaa
مايا*
ليندا
fofo besset syria
Abu Guzef

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

,
ظل جيفارا
Nirvana
Raw
طفوله
يمان
matya
was616im
Sandra
cuty
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
مايسترو:
whiterose:
YaSer:
سوا ربينا :
القلب الدافيء:
شوط يا قمر :
achelious:
viva syria
*Marwa*
asakli
أممي
Abu William
Urhoy .
wild_angel
Selav1
THE PUNISHER
Abu ToNi

[قرصان الأدرياتيك]

انا بعد ما انقليت و بقوة ..............
رح زت اخ عزيز على كل الاخوية و على قلبي خاصة ....
شباب و بنات .... لا تقصروا النوب ... بحبيب الكل ... قرصان الادرياتيك

لا مرحبا ولا أهلين... ليش طيّرت الهمزة من اسمي؟! .
شوف أنا الهمزة عاملتلي عقدة نفسيّة وألي شهور بالأخويّة عم حارب كرمالا، تجي أنت بكل بساطة وتحذفا هيك بس كرمال هيك... اسمي قرصان الأدرياتيك... عمي في همزة مفتوحة على ألف أدرياتيك .

كنت عم أمزح... .

بس اللي بعرفو فيك أنّك شخص مسالم وما بتحبّش الانتقام، فليش رميتني هالرمية ولسّاتني زلمة غير أهل لهالمكان لكتير أسباب... لكن وبما أنّو تبهدلت وانرميت فإلهي يبعتلك شي همر وأباتشي أميركيّة ، أو كتيبة مدرّعة، توقّف قدّام باب بيتك وتقلّك المكان محاصر سلّم حالك .

اسمحلي بتعليق صغير قبل ما نشعّل النّار... أنا واثق أنّي عزيز عليك بيكفّي الوردات والاهتمام الخاصّ وهالشي ألو معزّة بقلبي، بس عزيز على كل الأخويّة لا أظنُّ ولا أعتقدُ ولا أخالُ... إلخ.

سلام.

[قرصان الأدرياتيك]

ليش الهبطة؟! هيئتي ببزّع ما هيك...

هوي بس سؤال.. انتا ليه بتكتر من ذكر اسمي
إي نعم أنا بذكرك كتير لأن بحبّك بسبب أشيا جمعتني فيك، متل محبتك للغة العربيّة ولسانك الطويل!
ويمكن لأنّك شيعيّة قرّبك أكتر منّي! (عندي صديق شيعي قديس ورائع وبحبّو كتير وبشوف فيه كلّ الشيعة).

نورت وراجعين (يمكن ها)
أهلا وسهلا... منوّر بوجودك.

[قرصان الأدرياتيك]

أهلاً بالمقلي الجديد قرصان ابن عرسان تعا يا عين عمك تعا... شوية أسئلة خفيفة

أنا بعرف مين كان السّبب ومين رسم وخطّط... بس ادعي لربّك وربّو أنّو ما يقع تحت إيدي!

شو رأيك بتصرفات الولايات المتحده الأمريكية على الصعيد الخارجي...ومبدأ القوة تحكم؟

من الناحية العمليّة هيك عاش الإنسان على الأرض طول عمرو، القوي ياكل الضعيف وهو نفسو مبدأ الغاب!
بس برأيي (نظريّاً) هاد مبدأ فاشل وسافل لأن ما بيعبّر ولا عن أيّ قيمة من القيم الإنسانيّة... والولايات المتّحدة الأميركيّة خارجيّاً (بركّز على كلمة خارجياً) تفتقر إلى كلّ المعطيات اللي تخلّي منها دولة حضاريّة. وإذا استمرّ هالمبدأ بحياة البشريّة فلازم يتذكّر القوي اليوم مين كان القوي مبارح ويعرف تماماً أنّو قوتو ما رح تدوم... وما في أحلى من الدّول المسالمة على الصّعيد الخارجي ومنها سويسرا والدّول الإسكندنافيّة (وهي الأخيرة مو بشكل كامل)... إلخ.

شو رأيك بوضع الإعلام السوري اليوم.. وهل يتطور تدريجياً أم هو ثابت بمكانه؟

الإعلام السوريّ بحسب البيانات والإحصاءات الصّادرة عن الإعلام في العالم بيحتلّ دائماً بين المراتب الخمس الأخيرة، وبرأيي الخاصّ هو إعلام ليس فيه أي شيء يدلّ على نجاح! المقروء والمسموع على السّواء!!!
بالنسبة للتطوّر فهذا لم يتمّ منذ فترة بعيدة، وإذا استمرّ على هالنهج فما رح يحصل أبداً! يللي عم يتطوّر هو الكفاءات السوريّة الإعلاميّة، ومتل ما هوّ ملاحظ يلجأ غالبيّة الإعلاميين السوريين، صحفيّين وكتّاب... إلخ، إلى الخارج. والجرائد والقنوات الإعلاميّة العربيّة دليل واضح على تصاعد وجود السوريّ في الإعلام العربيّ وبسرعة معيّنة لا تتناسب طرداً مع نموّ الإعلام أو نموّ بلدنا بشكل عامّ.

شو رأيك بسياسة الحكومة السورية خارجياً؟

بصراحة هي أيضاً سياسة خارجيّة، يعني المصلحة الفرديّة فوق كلّ مصلحة. الفرديّة هون تعني مصلحة البلد حتّى لو اضطرّ الأمر لنخرّب بيوت بلدان كتيرة (العراق، لبنان).
بس برأيي سوريّة بالظّروف يللي عاشتها وتعيشها المنطقة ما بتقدر تكون إلا هيك... في عندها شويّة أعذار على عكس الدول الغربيّة القويّة الحاكمة!!! وأهمّ الأعذار هو مبدأ الدّفاع عن النفس، أو "إذا لم تكن ذئباً أكلتك الذّئاب". وما بظنّ شخصياً أنّو مبدأ الدفاع عن النفس مبدأ خاطئ!
بقدر أوصفها أنّو سياسة ضعيفة جداً في النصف الأوّل من القرن العشرين وقويّة باطّراد في النصف الثاني من القرن العشرين مع ضعف بسيط في مطلع القرن الحالي بسبب حكم الأسد الابن!
في شخصين هنّ اللي عزّزوا مكانة سوريّة على الصّعيد الخارجيّ وهنّ "العقيد أديب الشيشكلي" و"الفريق حافظ الأسد"... والملاحظ في الأمر (من تاريخ سوريّة الحديث والمعاصر) أنّو ضعف السّياسة الخارجيّة يكون خلال حكم البرلمان أو حكم سياسي حقيقي تخضع الدولة فيه لنظم وأحزاب ومجلس شعب، وقوّتا تكون خلال الحكم الديكتاتوريّ... حلّ البرلمان والحكم بالقوّة أو ما يُسمّى العسكريّ. وهالشي بسبب تنازع الدّول المجاورة على بلدنا الصّغير فبعد ما كان طابة بإيد العراق ومصر والسعوديّة صار لاعب شوّيط بامتياز ابتداءً بفترة الانقلابات يللي حكمها ما زال دائر!!!

من كاتبك المفضل؟

ما ألي كاتب مفضّل واحد... كل واحد والصّنف يللي عم يكتب فيه:
جبران بالأدب الرمزي، حنا مينا بفنّ الرواية (بيجوز لأني متلو بحب البحر وسوريّة كتير)، المتنبّي بالشّعر القديم، نزار والسياب بالحديث، بريمو ليفي بفنّ المذكّرات، شيشرون بالأدب الرسائليّ، الزمخشري بفنون اللغة العربيّة، أفرام بالمداريش السريانيّة، الكسندر ستيبتشفيتش بالأرشيف والمكتبات... إلخ.

هل ساهم التشدد الديني بالحد من مستوى الإبداع الأدبي على مستوى الدول العربية؟

طبعاً، وبالحدّ من كامل الإبداع كمان بدون تصنيف!

شو رأيك بمسلسلي نور وسنوات الضياع؟ ماذا قدمو للمشاهد العربي وماذا أخذو منه؟

غالبيّة المشاهدين قضّوه متلو متل غيرو... بوكرا بينسوه!
سنوات الضياع أفضل بكتير من التاني (نور)، بس وجود مهند بالتاني خلاه متابَع أكتر!
ما بعتقد أنّو قدّموا كتير للمشاهد... هالشي بيعود للمشاهد نفسو. أكتر شي قدّموه هوّ انتشار اللهجة الشاميّة في الأقطار العربيّة، وهالشي لاحظتو بمصر لأن ياما سمعت لمّا عم أحكي الناس بتقول: بتحكي متل فلان (أبطال هالمسلسلين).
أخذوا شهرة وفلوس ووقت وقلّة عقل (غالباً).
بس بظنّ أنّو أنا شخصيّاً استفدت كتير كتير (على المستوى الثّقافي) من متابعتي لسنوات الضياع!

أقرب 3 أعضاء لفكرك؟وأبعد 3 عن فكرك؟

ما في حدا بجتمع معه بشكل كامل بس انطلاقاً من وجودي الصغير معكن لأنّي ما بعرف الكل بقول:
الأقرب هن اللامنتمي غالباً، ياس غالباً، فيفا أحياناً. ويؤسفني أنّو ما في وجود أنثويّ حقيقيّ.
الأبعد ما فيني حدّد بس بختصر بصفة "المتشدّدين لأي إيديولوجيّة كانت" انطلاقاً من مبدئي الأساسيّ يللي هو أنّو ما في حقيقة مطلقة ولا ثبات مع الإنسان إلا الإنسانيّة!!!

اذا طلعت عالقمر مين بتاخد معك؟ غير (سوا ربينا) طبعاً

إذا من الأخويّة فباخد ساندرا (ذكرين ما بينفعوا كرمال الإشاعات بس ).

اذا اتحاولت تمرقلك شي جواب برجعلك ها...

لأ ما رح مرّق شي لا ألك ولا لغيرك!

[قرصان الأدرياتيك]

قرصانو .. شو كيف الزيتات ... انتا صحي شو بتستعمل فرزات .. ولا هنا ..
بنصحك تستعمل زيت عافية .. خفيف وظريف .. خالي الكوليسترول .. يقوي القلب .. وشغلات تانية مارح قولها

رح آخد بنصيحتك بس معلي تقلّي ليش اسمك بنشر؟! يعني دواليبك مبنشرة ؟!
مو بس أنتو بتقلو... ... بس مع هيك أنا أحسن من غيري، لساتني خفيف ونظيف وإنشالله بتمرق على خير.

شو عمرك الحقيقي ...

ثلاثون وبضعة أشهر!

شو بتدرس ..

أكتر من تخصّص من بيناتن التاريخ وعلم المكتبات والأرشيف والعلوم الإسلاميّة واللغات الشرقيّة. بس ما بظن رح خلص كل شي .

وشو وضعك العاطفي ...

لحسن الحظ عازب. .

[yass]

سجلولي دور... بكرا جاي

[MadMax]

كاتب النص الأصلي : yass

سجلولي دور... بكرا جاي

تقلي .... ولا تنقلى ..؟؟

[قرصان الأدرياتيك]

قرصان تعا لنشوف لهون وجيب معك شوية زيت باعتبار القلي على السمنة ببطالع ريحة ما طيبة كتير :

أهلين بأبو طوني... هلا بالنشامة ومبروك الاسم الجديد .

1- برايك الشخصي وبمقياس من الواحد للعشرة ... فين بتشوف الأخوية

هالشي نسبي... يتعلق بالأعمار والمستوى الثقافي... إلخ. بس بكل ما هو موجود فيها أنا بعطيها حالياً 7 وبظن في نموّ ملاحَظ.

2- اي قسم اكتر شي شدّك بالأخوية واي قسم تعتبر وجوده خاطئ بالأخوية

البريد ... الأقسام كلا حلوة بس في كتير أقسام أنا ما بفهم فيا فما بقرب عليها... أفضل قسم هو المنبر الحرّ! في أقسام لازم تتعدّل لغير تسميات وتفتح بشكل محدود ومحظور، يعني القسم الرّوحي وأقسامو شوي خاطئة بنظري ويلزمها إعادة صياغة وخاصّة تحويل الأسماء الدينيّة لأسماء أخرى بحسب المفاهيم العلمانيّة (والعلميّة). مثال: من فترة طويلة واحد نكش قسم اسمو "اللاهوت المعاصر" وأنا شخصياً ماني مع هالتسمية بمنتدى متل الأخويّة وبفضّل أنّو يتعالج الموضوع حتّى لو أخد وقت.

3- خلال فترة وجودك القصيرة بالأخوية ... اكلت شي اسمه " مخالفة "

لا والله وأنا لما بسمع فيها بتساءل كيف بتكون وكيف بتجي... (بس ما بدّي ) هلأ وكرمال فضيلة العدل أنا زلمة شرير أحياناً بنقاشي، وبقدّر كتير موقف الإدارة منّي من هالناحية بس. بيجوز عطوني فرصة لأتعرف عالمنتدى بشكل أفضل.

4- الي بتابع القرصان بالأخوية بلاحظ معاملته الخاصة جدا مع " صديقه " اللامنتمي ... واكبر دليل موضوع الخربشات تبع اشتقت لك واشتقت لي .. السؤال :
هلق في اتصال خارج صفحات الأخوية مع شخصية اللامنتمي .. ام ان القصة محصورة بالأخوية فقط .

الموضوع موضوع صداقة وبنعرف بعض متل ما نحن... بس ما التقينا، في اتّصال هاتفي ضعيف! وميسينجيري جيد نوعاً ما!

خلينا نطلع شوي من الأخوية ونجي للقرصان :
1- سؤالي المعتاد : شو هوي نوع اتصال الانترنت تبعك

أنا جاهل بهيك أمور... واتّصالي يكون بحسب المكان يللي بتواجد فيه. يعني لما بكون بإيطاليا بعرف أنّو كومبيوتري بياخد الشبكة عن طريق الوايرليس المركّب بالبناية. بسوريّة بفوت عالمقاهي لأسباب أمنيّة... ما بعرف التسميات الله يرضى عليك أنا زلمة تقليدي وما بفهم كتير بالحداثة تبعيتكون... مانك شايفني عم أدرس لغات قديمة .

2- شو هية نوع الشهادة اللي حاصل عليها

ما بعرف ليش هالسؤال فيه تكبير راس... بس رح قلك لأنّو وعدت أنو جاوب. يا سيدي أنا زلمة مبهدل بالشهادات بدرس بس ما بحضر وآخر شي فالصو، حظي معتر بالامتحانات! المهم وبلا طولة سيرة حالياً معي إجازة (تقابل الليسانس بلبنان، والبكالوريا بالمفهوم الأوروبي) بأحد العلوم. وعندي ديبلوما بعلم تاني. ووثيقة لتدريس لغة شرقيّة قديمة.

3- هل الأحاديث اللي بتداولها بمنامك " بأحلامك يعني وانت نايم " باللغة العربية الفصحى ام بالعامية

مرّة وحدة بحياتي حلمت بالفصحى واللي كان عم يحكي معي واحد من المقاتلين العرب ما تبينت شخصيتو منيح بالحلم. هالشي كان بسبب صداقة انبنت بيني وبين صديق عزيز على قلبي (تركي مسلم سنّي) وهو ما بيفهم اللهجات العربيّة فكنت أضطرّ حاكيه بالفصحى وهاي لهلا وسيلة التواصل بيناتنا.

4- شو لونك المفضّل

الأزرق.

5- برمضان الحالي ... بتعاني من تغير نمط الحياة " حتى لو ما كنت صايم " ولا بتحس انه شهر كتير طبيعي متله متل بقية السنة " غير فكرة المسلسلات يعني هل يطرق اي تغيير على حياة القرصان خلال الشهر الفضيل "

غالباً ما أكون خارج الأقطار العربيّة فما بحسّ بهالشي بس بظنّ هالسنة رح يكون مميّز بحياتي وخاصّة أنّو ألي أصدقاء كتير ما رح يقصروا بدعوات الإفطار الرمضانيّة... ويلي الله على هالشهر! يا سيدي رح أسمن سطاعش كيلو . بصراحة رح يذكرني بأيام عشتا ببلدي من أكتر من 11 سنة...ورح شوف شو في تغيير. طبعاً بالنسبة للمسلسلات فمحضر حالي لباب الحارة لأنّي زلمة يعشق التراث بكل أشكاله. وكتير بستفاد من متابعتي لهيك أشيا.

حاليا خلص الزيت اللي معي .. بعته لطوني يجيب لي الزيت ... حتى اكمّل قلي

إي بس قول لطوني يقعد عاقل مو ناقصنا وجع راس بيكفي الزيت والنار!

[VivaSyria]

وعدتك مارح مرق شي

وعندي ديبلوما بعلم تاني

شو هو العلم التاني؟؟ سر يعني؟ عم تدرس علم سري شي؟؟ ليش مابدك تحكي؟؟

[قرصان الأدرياتيك]

السؤال التقليدي ...رايك بالاعضاء التاليه اسمائهن :

العزيزة ريمي
سؤالك رح يتأجّل شوي بسبب عدم معرفتي بغالبيّة الأسماء...
بس بوعدك إني جاوب عليه بأقرب وقت ممكن!

[قرصان الأدرياتيك]

شو هو العلم التاني؟؟ سر يعني؟ عم تدرس علم سري شي؟؟ ليش مابدك تحكي؟؟

هلا أكيد أنا زلمة صادق وصريح (الإنسان بيعرف حالو) ،
بس بلا أكل هوا . يعني بلا نكوشة وخليك بأسئلتك أحسنلك!
رح جاوب عالسؤال بكل الأحوال:
الديبلوما يللي معي هي بالعلوم الإسلاميّة.

[VivaSyria]

كاتب النص الأصلي : قرصان الأدرياتيك

هلا أكيد أنا زلمة صادق وصريح (الإنسان بيعرف حالو) ،
بس بلا أكل هوا . يعني بلا نكوشة وخليك بأسئلتك أحسنلك!
رح جاوب عالسؤال بكل الأحوال:
الديبلوما يللي معي هي بالعلوم الإسلاميّة.

همممممم.. طيب اعتبرو سؤال جديد ليش ما ذكرت هالشي من أول؟ يعني شو الفكرة انك ما تقول انك بتدرس علوم اسلامية؟؟ فيها مسؤولية شي؟؟ بتستحي شي؟؟ زرار الكيبورد كانو عطلانين شي؟؟

[قرصان الأدرياتيك]

سجلولي دور... بكرا جاي

يا ميت أهلا وسهلا... بس ما تتخّن النار يرحم أهلك!

[قرصان الأدرياتيك]

كاتب النص الأصلي : MadMax

تقلي .... ولا تنقلى ..؟؟

الزّلمة قلّك بوكرا جاي وبما أنّو اليوم أنا نزلت فمعناتو أنّو رح يقلي بحكم الأيّام التلاتة!
وبلا سبامات رجاءً...

وحياة النبي عم أمزح معك فتحمّلنا .

[قرصان الأدرياتيك]

كاتب النص الأصلي : VivaSyria

همممممم.. طيب اعتبرو سؤال جديد ليش ما ذكرت هالشي من أول؟ يعني شو الفكرة انك ما تقول انك بتدرس علوم اسلامية؟؟ فيها مسؤولية شي؟؟ بتستحي شي؟؟ زرار الكيبورد كانو عطلانين شي؟؟

يا أخي الشب سأل عن الشّهادات مو عن الاختصاص وأنا زلمة دقيق بحب جاوب على قدر السؤال. وبعدين ارجاع شوي لورا واقرا منيح حتشوف إنّي كاتب شو عم أدرس بجواب على سؤال سابق!!!
وبعدين بالدرس والعلم ما في شي عيب ولا حرام.
أنت حاسّك ناوي تجيب شي مسبّة لأهلك .

[VivaSyria]

طيب سؤل جديد مرتبط بجوابك.. شفلي هالاقتباسين:

- شو هية نوع الشهادة اللي حاصل عليها

حالياً معي إجازة (تقابل الليسانس بلبنان، والبكالوريا بالمفهوم الأوروبي) بأحد العلوم. وعندي ديبلوما بعلم تاني. ووثيقة لتدريس لغة شرقيّة قديمة.

برأيك هل هالإجابة "اذا فرضنا انها اجابة.. صحيحة بهالطريقة؟ إجازة بأحد العلوم ودبلوم بعلم تاني... و وثيقة تدريس لغة شرقية... وين الجواب؟؟ شو عم نتسلى معك نحنا؟؟؟ حسيتك ناطق اعلامي سوري... بيحكي كل شي بس ما بيحكي شي... ليش ماعم تذكر أسماء العلوم واللغات.. مع العلم انو الأسماء أسهل من الصفات...

المطلوب:
عدل الكلمات التي باللون الأحمر بحيث تصبح مفهومة للقارئ وتوصل المعلومة المطلوبة بدقة

وبتمنى ماتجبرني ارجع كمان مرة اذا كررت هيك تصرف لا مسؤول