ابتعد عني وعد إلى ملكوتك

[التقرير الجوال]

فكرة غابي مطروقة و عمل عليها كتير من الباحثين و بيجوز كتير من رجال الدين يللي تعمقو بالكتب السماوية .
الفكره هون هي تحديداً " التسليم بالغيبيات و بعض المسلّمات التي نصّت عليها الكتب السماوية .
البعض رفضت التسليم بالمغيّبات, ما بعرف اذا هاد حق مشروع .. بس نعم واقعيّا صار حق مشروع .. خصوصاً لما صار في تغلّب أو بالأحرى قدرة طائفة من البشر باعلان العصيان و رفض الخضوع الأعمى لمقلّدات الكنيسة أو التشريع السماوي أيّاً كان .. خلينا نقول بعض التشريعات التي لا يقبلها العقل .. نزولاً عند رغبة فكرية جامحة تتوق لمعرفة حقيقة كل شيئ و خصوصاً الغيبيات منها ..
إذاً الفكرة بالتسليم و الخضوع عند بعض الغيبيات و اعتناقها كما هي .. أو التأمل فيها عملاً على معرفةمصدرها .. كينونتها .. من أين كانت نشأتها .
بظن غابي عامل عصيان و تمرّد على قدراته العقلية .. أو قدرة و محدودية العقل البشري .. و هاد الأمر متل ما ذكرت فكره مطروقه .. بس النتيجه شو .. شو رح تكون بعد مثلاً بحث و تعمّق و دراسة .
الغيبيات مسلّمات و ما بظن رح يكون فينا القدرة لمعرفة كنهها ..
اذا فكرّت بطريه خاطئة بالله .. فعاجلاً أم آجلا رح تكون النتيجه هي التمرد و العصيان
في فكرة باقي عقب عليها بأن الانسان وحده حياتية مستقلة بذاتها لا تخضع لأي أسطوره او رغبة إلهية .. فكما تعمل تحصد .. لا مانع لمشيئة الله و لكن العمل مقدّر و مكلل بالنجاح اذا كان بخطوات سليمة و صحيحة .. نابع عن عقيده أياً كانت .. حتى لو كانت فاسدة أو خارج نطاق الفطرة البشريه او المألوف .

[اللامنتمي]

كاتب النص الأصلي : قرصان الأدرياتيك

لا يُمكنها أن تستيقظ، فرقادها الآن أمسى أبدياً...

وأنا لا أعرفُ عن الحمام شيئاً!!!

والعشبُ تطأه الأقدام وإن نجا أكلته البهائمُ...
ولو ما كنتُ أعرفُ معنى العشب لصمتُّ.

وقلبي... آهٍ منه! حصنٌ مغلق دون مفتاح!



اقتربتُ لكنّي لم أرك... فأينَ أنتَ؟!

لا أعرفُ مَنْ أنا

وَ لا أينَ ولدت

أجهلُ أينَ أنا

أو إلى أيِّ جَحيم ٍ أتجه

أنا قطعة ٌ مِنْ شَـجرةٍ ساقِطة

أجهلُ أينَ سَقطتْ

أينَ جُذوري .؟

عَلى أيٍّ مِنَ الأشـجار ِ نموتْ .؟


.


.

[Abu ToNi]

آخرا واخيرا لأن هاد آخر رد الي بالموضوع وبعدها بدي اطلب من الادارة تسكره

الخاطرة هي كتبت على مرحلتين منفصلتين الجزء الأول منها كتب وقت كنت صف عاشر او حادي عشر ماني كتير متذكر ومن فترة شفتها بين اوراقي ودفاتري كانت الكتابة بتقول :

احببتك في جميع مراحل عمري
اقتنعت بأنك تبادلني الحب
فانت الذي خلقني
علمت انك رب الأرباب
إله الألهة
خالق السموات والأرض
بك كان كل شيء ومنك تصدر كل فضيلة
انت اعلم بانك آخر من افكر به قبل نومي
وأول من أستقبل معه نهاري
تعلمت في صغري ان ازورك في بيتك
حاملا قلبي الصغير الممتلىء بنعمتك
عهدتك أبا محبا في صغري
عهدتك روحا حيا في قريبي
عهدتك رقما لا يخضع للمعادلات
رقما واضعا للقوانين والاعتبارات
قافزا فوق المعايير والتناقضات
رقما لا يمتلك قيمة معينة

كنت حيا في قلبي ومحاربا لعقلي
التمست السلام عندما رسمت لك رسما لوجودك
دعي بقمة الايجابية
دعيتك باللانهاية الموجبة

أحببتك في صغري وكتبت اسمك على صدري
وامجدك في شبابي واخضع لقوانينك واحكامك
لكنك لا تستاهل كل هذا الولاء

عندما وقفت امام مفترق الطريق
التفت إليك كعادتي لاخاطبك
فرأيتك هاربا من جانبي تاركا قاربي وحيدا يتخبط في بحر الحياة

رايت الروح العظيمة تتداعى في خلودها
وقلبي يتمزق محاولا طرح فضلات حبك من احشائي
مصدر الحب ومولده بات رمزا للقتل والمصائب

تتوالى المصائب على قومي وعلى أرضي وعلى شعبي
ولا تحرك ساكنا وكأنك مستمتع بمنظر الدمار !!!

لذلك سارضى بحكمك ذليلا خانعا لسلطتك

وكنت فعلا تاركها ونسياتها بشكل كامل وقطعي وما عندي اي فكرة علة وجود شيء مماثل بين دفاتري
وقت سمعت خبر وفاة معلمي واللي كتبت عليه خاطرة كتير تأثرت ورجعت للدفتر اللي كان مخصص للمادة اللي هوي درسني ياها بصف العاشر فتحت الدفتر وكان على نهايته موجودة بخط ايدي الخاطرة اللي كتبتها فوق

فحذفت آخر جملة منها وعدلت ببعض تعابيرها واضفت عليها بعض التعابير واستكملتها بالشكل اللي انتوا هلق شفتوه
بالتالي القسم الأول هوي قسم طالب صف عاشر والقسم الثاني هو قسم طالب جامعي ومع هاد الشي ما في كتير اختلاق بالتعابير لأني بالتأكيد ما اشتغلت على حالي بالتعابير والسياق اللغوي كونه آخر ما بهمني بالحياة وانا شخصيا بصنف حالي كاتب نخب تامن .
لكن وقت بتتحول الكتابة لسرد حكاية ومشاعر ما بعتقد بحاجة لنبغاء للتعبير عنها وان كان كل مين حب يعبر عن مشاعره وجب عليه دراسة اللغة والتعمق فيها كان صار بالبشرية مصيبة كبيرة .

ونقطة على السطر وعلى الموضوع

.

[التقرير الجوال]

بكل الأحوال خاطرتك بتضل مصاغه بشكل جميل و فكرك مبدع

اي صح .. مسيو غابي أبدع بهالخاطرة كتير ونحن بانتظار ماعنده من جديد .. بعدين انت ملاحظ هالشقفتين هي يللي بيدلّو على نبوغ الملكة الكتابية و الوجدانية عندو .. يعني بصراحة نوادر يللو بيكتبو بأسلوب وجداني تتداعى فية لواعج الحزن و صراعات العقل عند الكاتب ..
شفلي هالشقفتين و الابداع يللي عم يصور حقبة كبيره من عمر الكاتب

عهدتك روحا حيا في قريبي
أحببتك في صغري وكتبت اسمك على صدري
وامجدك في شبابي واخضع لقوانينك واحكامك
لكنك لا تستاهل كل هذا الولاء

برافو غابي